Morgunblaðið - 09.08.1995, Qupperneq 68

o8 MIÐVIKUDAGUR 9. ÁGÚST 1995
MORGUNBLAÐIÐ
ÍÞRÓTTIR UIMGLIIMGA
Finnst betra að vera
svolítið stressaður
„Eg verð að vera svolítið
stressaður þegar ég er að spila
golf, annars á ég það til að
verða full kærulaus," sagði
Guðmundur J. Óskarsson úr
Golfklúbbi Reykjavíkur sem
sigraði í 1. flokki íLandsmótinu
í golfi sem lauk á föstudag.
Kylfingar í 1. flokki voru mjög
óheppnir með veður og til að
mynda áttu þeir frí á miðvikudegin-
um, eina keppnisdeginum þar sem
ekki var annað hvort rok eða rign-
ing. En var ekki erfitt að spila alltaf
við þessar aðstæður og þurfa að
beijast við rok og rigningu.
„Það er ekki erfitt að spila ef
maður er með góðan „kaddí“ eins
og ég, hann sá um að hjálpa manni
við að halda kylfunum þurrum,"
sagði Guðmundur sem átti þrjá góða
hringi, 77, 79 og 75 högg en iék á
84 höggum annan daginn þegar hann
sagði að það hefði verið nær óspil-
hæft. Guðmundur var í þriðja sætinu
fyrir lokahringinn sem hann lék á
75 höggum eða fimm höggum yfír
pari vallarins þrátt fyrir að hafa leik-
ið þá síðustu á tveimur höggum yfir
pari. Hann endaði því á 315 höggum,
tveimur höggum færra en samhetji
hans hjá GR Sveinn Ögmundsson.
GUÐMUIMDUR I. Óskarsson
úr Golfklúbbi Reykjavíkur.
„Ég var ánægður með síðasta
hringinn því þá paraði ég fjórtán
holur og sló vel. Ég er búinn að vera
í lægð í sumar, á tímabili í fyrra
komst ég upp í meistaraflokk þó ég
hafi aldrei náð því á landsmóti.
Margir töldu að Guðmundur hefði
skipað sér í hóp bestu púttara lands-
ins í fyrra þegar hann sýndi hvað
eftir annað snilli sína með gömlum
pútter með tréskafti, sá pútter gaf
sig hins vegar í einu ferðalaginu og
hann þurfti því að skipta um pútter
og fá sér nýjan. „Það er alltaf erfitt
að’ venja sig á nýjan pútter en mér
gekk þá vel að venja mig við þann
nýja.“
Góður árangur hjá Birgi
á IMorðuriandamótinu
VIIMIRIMIR Róbert og Ari unnu fyrir sér á Landsmótinu með því að draga kerrur fyrir keppendur.
Unnu sér inn aukapening
með því að draga goKkerrur
Róbert Guðmundsson ellefu ára
frá Hvolsvelli og Ari Arnars-
son þrettán frá Hellu höfðu nóg að
gera landsmótsdagana við að draga
kerrur hjá keppendum. Róbert og
Ari byijuðu báðir að stunda golf
fyrir tæpum þremur árum en á
■•Landsmótinu var það í þeirra verka-
hring að draga kerrur fyrir þá kylf-
inga sem reiðubúnir voru að greiða
uppsett laun.
Hlutverk kylfusveina er meira
heldur en að draga kerrur fyrir
kylfinga því þeir eiga einnig að sjá
um að þurrka af kylfunum eftir að
högg hefur verið slegið. Þegar mik-
rið rignir þurfa þeir einnig að að-
gæta þess að halda útbúnaðinum
þurrum og aðstæðurnar ráða því
miklu um það í hveiju starfíð felst
hveiju sinni. „Það var svo vont veð-
ur í fyrradag að maðurinn sem ég
var að draga fyrir var alltaf að reka
mig heim en ég vildi ekki hætta,“
sagði Róbert sem dró kerruna fyrir
1. flokks kylfing úr Golfklúbbi Hellu
alla fjóra keppnisdagana. „Ég fæ
þúsund krónur fyrir hringinn. Hann
bauð mér samt meira en mér finnst
þetta alveg nóg. Sumir borga jafn-
vel tvö þúsund krónur en maður
vill nú ekki gera þá gjaldþrota sem
maður er að draga fyrir," sagði
Róbert sem segir að hann geti al-
veg eins hugsað sér að leggja þetta
starf fyrir sig. Róbert hefur enga
aðra vinnu en vinur hans Ari fær
að vinna þijá tíma daglega í ungl-
ingavinnunni. Hann segist fá 165
krónur á tímann svo það sé mun
betra starf að vera kylfusveinn ekki
síst þar sem þeim sé oftast boðið
að borða eftir hringinn."
Ari og Róbert höfðu nóg fyrir
stafni landsmótsdagana en hætt er
við því að það hafi dregið úr eftir-
spurn eftir að mótinu lauk. Þá geta
þeir farið að spila sjálfir af fullum
krafti en Ari sagði að stundum léku
þeir 36 holur á dag eða tvo heila
hringi á vellinum.
ÍSLENSKA drengjalandsliðinu
gekk ekki sem skyldi á Norður-
landamótinu í Danmörku sem
haldið var f Nyborg f Danmörku
og liðið mátti sætta sig við
neðsta sætið. Birgir Haralds-
son, úr Golfklúbbi Akureyrar
náði hins vegar að sýna sitt
besta en hann hafnaði í fjórða
sæti íeinstaklingskeppninni,
lék hringina þrjá á 73,73 og
76 höggum eða samtals 222
höggum.
Birgir sem er sautján ára gamall
hefur verið á ferð á flugi ásamt
öðrum liðsmönnum drengjalandsliðs-
ins í ár. Liðið fór í æfingaferð til
Bretlandseyja, keppti síðan á Evr-
ópumótinu á Englandi og síðan tók
Norðurlandamótið við í Danmörku.
„Völlurinn sem við spiluðum á var
skógarvöllur sem mér leist vel á og
ég hafði strax góða tilfinningu fyrir
honum. Brautimar voru frekar
þröngar en þó var oftast hægt að
bjarga sér ef menn misstu boltann
út í trén. Þá spillti ekki fyrir að völl-
urinn var frekar stuttur og það hent-
aði mér vel. Ég er frekar stuttur í
teighöggunum og það er mín veik-
asta hlið í golfinu," sagði Birgir.
Árangur Birgis á mótinu í Dan-
mörku gerði það að verkum að hann
komst niður í fjóra í forgjöf og þar
með í meistaraflokk. Birgir spilaði
því með meistaraflokknum af öftustu
teigum á Landsmótinu sem fram fór
á Strandarvelli á Rangárvöllum og
lauk fyrir helgi. Aðstæður voru óneit-
anlega með nokkrum öðrum hætti á
því móti en kylfingar voru óheppnir
með veður og fengii hvassviðri og
rigningu en leikið hafði verið í tæp-
lega þrjátíu stiga hita í Danmörku.
„Þetta var mjög ólíkt og hitamun-
urinn eitthvað nálægt tuttugu gráð-
um. Á Norðurlandamótinu lék ég
léttklæddur og þurfti ekki að hugsa
um að halda búnaðinum þurrum eða
að slá lágt undir vind. Ég get því
ekki neitað því að aðstæðumar voru
ólíkt betri. Mér gekk mjög illa fyrstu
Morgunblaðið/Frosti
BIRGIR Haraldsson úr Golfklúbbi Akureyrar var á meðal
keppenda á Landsmótlnu í golfi.
tvo dagana. Ég sló frekar illa og átti
í erfiðleikum með að koma boltanum
ofan í holuna. Síðustu tveir hringirn-
ir voru betri, ég lék síðasta hringinn
á 77 höggum en það var ekki vegna
þess að ég væri að slá neitt betur
heldur gekk mér betur með púttin á
flötunum. Yfírleitt eru höggin í
kringum flatimar mín sterkasta hlið
en þau gengu ekki sem skyldi fyrstu
tvö dagana. Ég er nokkuð viss um
að ég er kominn uppúr meistara-
flokknum og í 1. flokk aftur en ef
það kemur gott veður á einhveiju
móti á næstunni þá er ég viss um
að mér mun ganga vel og vonandi
komast aftur niður í meistaraflokk-
inn.“
íX %

...
Morgunblaðið/Frosti
HELGA Rut Svanbergsdóttir úr Golfklúbbnum Kili var yngsti
keppandinn á Landsmótinu í golfi á Strandarvelli.
Yngsti keppandi Landsmótsins í golfi
Mætir á fimm æfingar á
viku og spilar um helgar
HELGA Rut Svanbergsdóttir úr
Golfklúbbnum Kili íMos-
fellsbæ var yngsti keppandinn
á Landsmótinu ígolfi sem nú
er nýlokið. Heiga sem er á
þrettánda aldursári, gat vei
unað við árangur sinn en hún
hafnaði í þriðja sætinu í keppni
2. flokks á mótinu.
ÆT
Eg hef lækkað mig úr 29 í for-
gjöf niður í 21 frá því í vor
enda hef ég æft mjög vel. Ég
mætti á æfíngar fjórum sinnum í
viku í vetur og í sumar erum við
með æfingar fimm daga vikunnar
og spilum svo um helgar,“ sagði
Helga sem lék á 291 höggi keppnis-
dagana þijá í þessum flokki.
„Það eru þijú ár síðan ég byijaði
í golfi og mér finnst áhuginn alltaf
vera að aukast hjá kvenfólki þó
karlarnir séu miklu fleiri. Ég er
ánægð með að lenda í þriðja sætinu
en keppnin var mjög spennandi um
annað og þriðja sætið. Það var erf-
itt að ganga í rigningunni en ég
ætla samt að fara og fylgjast með
síðasta hringnum í meistaraflokki
karla,“ sagði Helga Rut.
Landsmót unglinga í Leiru
Landsmót unglinga fer fram að Hólsvelli í Leiru og hefst keppni
á föstudag. Leiknar verða átján holur á föstudag og laugardag
og keppendum þá fækkað eftir árangri. Keppni líkur síðan á sunnu-
dag þegar leiknar verða 36 holur. 160 keppendur tóku þátt í mótinu
í fyrra og búast má við svipuðum fjölda í ár. í dag hefst fer fram
skólamót GSÍ á sama velli þar sem framhaldsskólar munu etja kappi
saman.