Morgunblaðið - 09.08.1995, Blaðsíða 57
MORGUNBLAÐIÐ
MIÐVIKUDAGUR 9. ÁGÚST 1995 57
Biblíunámskeið
á Eyjólfsstöðum
BIBLÍU- og boðunarnámskeið
verður haldið á Eyjólfsstöðum frá
16. september 1995 til 29. febrúar
1996. Námskeiðið hefur verið
haldið í fjögur skipti. Biblíu- og
boðunarnámskeiðið (BOB) stendur
í 20 vikur og er bókleg kennsla
12 vikur>en verkleg þjálfun fer
fram í 8 vikur.
Námskeiðið veitir þekkingu á
grundvallaratriðum kristinnar trú-
ar. Námskeiðið er eftir alþjóðlegri
fyrirmynd systursamtaka UFMH
(Youth with a mission) og er und-
anfari ýmissa annarra námskeiða
í skólum hjá YWAM um allan
heim.
Á námskeiðinu munu kenna
innlendir og erlendir kennarar,
sem hafa víðtæka þekkingu og
reynslu í kristilegu starfi. Nám-
skeiðið tekur mið af íslenskum
aðstæðum svo að námskeiðið komi
nemendum að sem mestum notum
á heimaslóðum.
Nemendur munu vinna saman
í litlum samfélagshópum og bæna-
hópum. Hveijum nemanda gefst
kostur á að fá ráðgjöf, sálgæslu
og fyrirbænir meðan á námskeiðinu
stendur. Aldurstakmark er 18 ár.
Skólinn er að Eyjólfsstöðum í
Vallahreppi á Héraði, við hring-
veginn; 10 km sunnan við Egils-
staði. I landi Eyjólfsstaða er víða
að finna fagra náttúru, hentuga
staði til útiveru og góðar göngu-
leiðir.
Reynifellsætt
hittist að Laugalandi
ANNAÐ ársmót Reynifellsættar
verður haldið að Laugalandi í
Holtum, Rangárþingi, nk. laugar-
dag, þann 12. ágúst 1995 og
stendur frá kl. 14 til 18. Kaffiveit-
ingar verða gegn vægu gjaldi.
Sundlaug og leikvöllur eru á
Laugalandi.
Reynifellsætt er rakin til hjón-
anna Guðrúnar Erlendsdóttur og
Þorgils Þorgilssonar sem bjuggu á
Reynifelli á Rangárvöllum á tíma-
bilinu 1760-1790. Margt manna
er komið frá fjórum sonum þeirra,
Magnúsi í Tungu (d. 1814), Sig-
urði í Bolholti og víðar (d. 1813),
Jóni á Rauðnefsstöðum (d. 1824)
og Finnboga á Reynifelli (d. 1833).
Á niðjámótinu verður greint frá
gagnasafni Reynifellsættar og fyr-
irætlunum um útgáfu. Ættfræð-
ingar verða á staðnum með tölvur
sínar og munu þeir greiða úr ætt-
fræðiflækjum fyrir mótsgesti.
Æskilegt er að þátttaka sé til-
kynnt Þór Jakobssyni eða Kristínu
Kristjánsdóttur. Gistingu er hægt
að panta á sumarhótelinu á Lauga-
landi um helgina.
FRÉTTIR
Alheimsmót skáta í Hollandi
Drekka mikið af vökva
SKÁTAR á 18. alheimsmóti skáta
í Dronten í Hollandi hafa fengið
ströng fyrirmæli um að drekka
mikið af vökva en hitinn þar ytra
hefur farið yfir 30°C. Dagskrá
mótsins fer að mestu fram undir
berum himni þannig að þeir hafa
ekki mikla möguleika á að veijast
hitanum.
Sex hundruð vatnssalerni, jafn-
margar sturtur og meira en 1.000
vatnskranar eru á mótssvæðinu. Á
alheimsskátamótinu sem síðast var
haldið í Hollandi, árið 1937, voru
salernin einungis sextiu,-
Vatnið í hreinlætistækin rennur
frá vatnsveitu í nágrenni svæðisins,
eftir 3.300 metra langri leiðslu og
er rennslið um 350.000 lítrar á
klukkustund. Um svæðið hafa verið
lagðir 18 kílómetrar af vatnsrörum.
Merkjaskipti
Einkennismerki mótsins sem ís-
lensku skátarnir létu útbúa, bæði
úr taui og málmi, eru eftirsótt á
skiptimarkaði skátamerkja þar sem
þau þykja falleg og eru þar á ofan
af skornum skammti.
Auk sérstakra merkja sem hönn-
uð eru vegna mótsins bera margir
skátarnir fjöldan allan af merkjum
á búningum sínum og gefa þau
m.a. til kynna hvaðan viðkomandi *-
skáti er, hvar hann starfar, í hvaða
skátafélagi hann er og hvaða verk-
efnum hann hefur lokið.
Fjölmiðlar á skátamóti
Mikill fjöldi fréttamanna er
staddur á mótinu, m.a. fólk frá
BBC, CNN, Channel Six frá Dan-
mörku og þýsku sjónvarpsstöðinni
RTL. Einnig er starfrækt sérstök
hljóðvarpsstöð og frá henni er við-
tölum og tónlist frá öllum heims-
hornum útvarpað allan sólarhring-
inn.
Morgunblaðið/Ingibjörg og Ragnar
ÞJÓÐHÁTÍÐARREGNHLÍFARNAR er líka hægt að nota í sólskini og það gera íslensku skátarnir
á alheimsmótinu í Hollandi.
Deilt um öl- og vínstofu í fjölbýlishúsi við Efstaleiti
Ráðuneytið fellir leyfi
byggingarnefndar úr gildi
UMHVERFISRÁÐUNEYTIÐ fellur
ekki frá fyrri úrskurði sínum um að
fella úr gildi þá ákvörðun byggingar-
nefndar Reykjavíkur frá 10. nóvem-
ber 1994 að heimila uppsetningu
veggja. og hurða við setustofu í hús-
inu að Efstaleiti 12 í Reykjavík.
Stjórn húsfélagsins í Efstaleiti 10,
12 og 14 fór þess á leit að ráðuneyt-
ið endurskoðaði úrskurðinn, en íbúi
í Efstaleiti 12 var ósáttur við fram-
kvæmdirnar og kvaðst verða fyrir
óásættanlegu ónæði vegna öl- og
vínstofu, sem m.a. var stúkuð af
með fyrrgreindum skilrúmum.
Byggingarnefnd Reykjavíkur
heimilaði breytinguna á sameigninni
á jarðhæð hússins, en íbúinn, sem á
íbúð á jarðhæðinni, kærði leyfisveit-
inguna til umhverfisráðuneytisins.
Ráðuneytið felldi ákvörðun bygging-
arnefndar úr gildi 1. mars sl. og 23.
sama mánaðar fór stjórn húsfélags-
ins fram á að ráðuneytið endurskoð-
aði þá ákvörðun sína, enda hefði
stjórnin ekki fengið eðlilega aðstöðu
til að skýra sjónarmið sín áður en
ráðuneytið kvað upp úrskurð. í lok
mars samþykkti ráðuneytið að taka
málið að nýju til meðferðar.
í úrskurði ráðuneytisins kemur
fram, að tilgangur stjórnar húsfé-
lagsins með uppsetningu skilrúm-
anna hafi annars vegar verið sá að
loka á milli rýmis þar sem er setu-
stofa, bar, eldhús og borðstofa og
hins vegar íbúðargangs vestan meg-
in og anddyris austan megin stof-
unnar. Stjórnin teldi augljóst hag-
ræði fyrir alla íbúa hússins af þessu
fyrirkomulagi, því með því gætu
gestir verið út af fyrir sig, íbúar
hússins gengið um án samneytis við
þá og þeir sem næstir búa yrðu fyr-
ir sem minnstri truflun.
íbúinn taldi framkvæmdirnar hins
vegar bijóta í bága við eignarrétt
hans sem sameiganda í óskiptri sam-
eign. Það að meirihluti gæti ákveðið
þá breytingu að staðsetja öl- og vín-
stofu í sameign fyrir framan íbúð
hans, en uppsetning skilrúmanna
væri liður í þeirri framkvæmd, væri
óásættanleg vegna ónæðis sem hann
yrði fyrir. Þá væri óviðunandi að
geta ekki farið inn og út úr íbúðinni
nema um gangveg öl- og vínstofu.
Óvenjuleg nýting
sameignar
■ Ráðuneytið ítrekaði þá skoðun
sína, að uppsetning skilrúmanna
fæli í sér svo miklar breytingar frá
samþykktum teikningum á sameign
í næsta nágrenni við íbúð kærandans
að hann hafi mátt gera ráð fyrir að
slíkar breytingar yrðu ekki fram-
kvæmdar án hans samþykkis. Telja
yrði uppsetningu vín- og ölstofu
óvenjulega nýtingu sameignar og
gera yrði þá kröfu að í slíka fram-
kvæmd yrði ekki ráðist nema sam-
þykki allra sameigenda lægi fyrir.
Þá væri ekki hægt að fallast á þá
röksemdafærslu hússtjórnarinnar,
að það væri almenn regla að mann-
virki sem hefðu verið reist, án tilskil-
inna leyfa, fengju að standa á grund-
velli hagsmunamats. „Það getur
ekki verið almenn réttarregla að ein-
staklingar eða félög geti þannig
áunnið sér réttindi með ólögmætum
aðgerðum," segir í úrskurði um-
hverfisráðuneytisins.
Deilt um sölu á sameign
Uppsetning skilrúma hefur ekki
verið eina deilumálið í Efstaleiti, því
Hæstiréttur kvað í júní upp dóm í
máli, þar sem tekist var á um hvort
húsfélaginu hefði verið heimilt að
selja íbúð í Efstaleiti 14, sem var í
óskiptri sameign allra íbúðareig-
enda. 34 jafnstórar séreignaríbúðir
voru í húsinu og var íbúðin í sam-
eigninni jafnstór þeim, eða 127 fer-
metrar. Átti hún að vera húsvarðar-
íbúð, en síðar var gerð húsvarðar-
íbúð í kjallara og íbúðin á jarðhæð-
inni seld. íbúar, sem voru ósáttir við
söluna, sögðust hafa keypt íbúðir
sínar m.a. á þeirri forsendu að hjúkr-
unarfræðingur fengi afnot af hluta
þessa íbúðarrýmis, sem nú hefði
verið selt.
Hæstiréttur taldi
söluna heimila
Meirihluti Hæstaréttar hnekkti
niðurstöðu héraðsdóms og taldi að
29 af 34 íbúðareigendum hafi eftir
almennum reglum verið heimilt að
standa að ákvörðun um sölu íbúðar-
innar, sem tekin var á lögmætum
fundi í húsfélaginu. Sú niðurstaða
fái einnig stoð í 19. grein laga um
fjöleignarhús, sem mæli fyrir um
sölu á hluta sameignar, sem ekki
teljist verulegur.
Einn dómara skilaði séráliti og
sagði ráðstöfun íbúðarinnar fela í
sér breytingu á skiptalýsingu hús-
eignarinnar og hafa í för með sér,
að hver sameign myndi vega ‘As
hlut í sameigninni í stað ‘/st. Verði
að telja um svo verulega ráðstöfun
sameignar að ræða að krefjast verði
samþykkis allra íbúðareigenda. Sú
niðurstaða styðjist við 18. grein laga
um fjöleignarhús, sem kveði á um
að allar breytingar á þinglýstri
eignaskiptayfirlýsingu og hlutfalls-
tölum séu háðar samþykki allra eig-
enda íjöleignarhússins, sem hags-
muna eigi að gæta.
Foreldraþing á Eiðum
LANDSSAMTÖKIN Heimili og
skóli standa fyrir foreldraþingi á
Eiðum síðustu helgina í ágúst. Þar
munu foreldrar nemenda í grunn-
skólum bera saman bækur sínar í
skóla- og uppeldismálum. Einkum
er vænst þátttöku foreldra á Aust-
ur- og Norðurlandi sem ekki áttu
þess kost að sækja landsfund for-
eldra í Reykholti sl. liaust. Dagskrá
þingsins sem stendur frá hádegi á
laugardegi fram á miðjan sunnudag
er fjölbreytt. M.a. verður rætt um
flutning grunnskólans til sveitarfé-
laga, uppeldi, líðan barna í skólum,
sérstöðu sveitaskólanna og starf-
semi foreldrafélaga.
Þetta þinghald er frábrugðið öðr-
um þingum því beinlínis er gert ráð
fyrir að börnin fái að vera með og
verður skipulögð dagskrá fyrir þau.
Á laugardagskvöld er kvöldvaka
með heimatilbúnum skemmtiatrið-
um. Þingið er opið öllum foreldrum
sem áhuga hafa á skóla- og uppeld-
ismálum.
Þátttakendur geta gist á Hótel
Eddu, sem býður hagstætt verð á
mat og gistingu í tengslum við þing-
ið, en einnig er hægt að sækja fyrir-
lestra án þess.
Skráningu lýkur 20. ágúst. Nán-
ari upplýsingar eru veittar á skrif-
stofu Heimilis og skóla í Reykjavík.
VINNIN LAUGA (h (* GSTÖLUR RDAGINN 05.08.1995 |
2)(35) (U)
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1.5 af 5 0 2.017.272
2.piús5I SL 2 149.320
3. 4al5 76 6.770
4. 3af 5 2.388 500
Heildarvlnnlngsupphæö: 4.024.432
M i loíinoi BIRT MEÐ FYRIRVARAUM PRENTVILLUR
Blab allra landsmanna!
DkptbM
-kjarni máhins!
31. leikvika, 5.-6. ágúst 1995 □
Nr. Leikur: ROdin:
1. Degcrfors - Götcborg - - 2
2. Fröiunda - IVIalmö FF - X -
3. Östcr - Norrköping - - 2
4. Assyriska - Forward - X -
5. Luleá - Sirius - X -
6. Vasalund - Geflc - X -
7. VSsby - Bronimapoj. - X -
8. Vösterás - Visby - - 2
9. Elfsborg - Kalmar FF 1 - -
10. Hássleholm - Stenungsui 1 - -
11. Landskrona - lláekcn - - 2
12. Myresjö - Falkcnberg - - 2
13. Skövde - Norrby - X -
Heildarvinningsupphæöin:
61 milljón krónur
13 réttir: 1 Tvöraidur nmt | kr.
12 réttir: 1 224.110 kr.
11 réttir: 15.090 1 kr.
10 réttir: 3.450 I kr.