Morgunblaðið - 09.08.1995, Blaðsíða 59
MORGUNBLAÐIÐ
MIÐVIKUDAGUR 9. ÁGÚST 1995 59
BRÉF TIL BLAÐSINS
WlVestfrost
SIGURÐUR og Walter Jónsson Ferrua í Kerlingarfjöllum.
Ævintýraleg
afmælisferð
í Kerlingarfjöll
Frá Sigurði V. Dementz:
SKAMMT er síðan ég skrifaði til
að láta í ljós hrifningu mína er ég
varð vitni að því mikia ævintýri sem
Kvennakór íslands er.
Nú verð ég aftur að láta i Ijós
hrifningu mína, en að þessu sinni
yfir náttúrundrum þessa lands og
hinni stórfenglegu paradís í Kerling-
arfjöllum.
Það var fyrir orð vinar míns,
Walters Jónssonar Ferrua, sem ég
lagði í ferð upp á hálendið á dögun-
um. Við gistum tvær nætur í Ás-
garði þar sem við fengum hlýlegar
móttökur hjá Valdimar Örnóifssyni.
Valdimar fór með okkur upp á Keis,
í Kastala og síðan með snjótroðara
alla leið upp á Vesturgnípu sem er
í 1450 metra hæð. Þar er ótrúlegt
víðsýni og Valdimar útskýrði fyrir
okkur það sem fyrir augu bar. I
suðurátt sér til Vestmannaeyja í
góðu skyggni, Ingólfsfjall sést vel
og í suðvestri Hlöðufell og Skjald-
breiður og síðan Jarlhettur, Þóris-
jökull, Gautlandsjökull og Langjök-
ull. Þegar norðar dregur sjást
Strandafjöll og Glámujökull og enn-
þá norðar sjást Víðidals- og Vatns-
dalsfjöll og alla Ieið í Skagafjörð
þar sem Mælifellshnjúkur gnæfir
yfir.
í austri byrgir Hofsjökull útsýnið
en sjá má Dyngjufjöll og alla leið í
Herðubreið. Þá tekur Vatnajökull
við en suðvestan við hann ber mest
á Tindafjöllum, Heklu og Búrfelli.
Við snerumst og skimuðum í allar
áttir undir dásamlegri lýsingu Valdi-
mars, heillaðir af fegurð landsins.
Óvíða í heiminum er að finna annað
eins útsýni þar sem svo víðsýnt er.
Ég var innilega þakklátur að fá að
upplifa þetta ævintýri en sem fjalla-
búi frá Dolomítafjöllum í Ölpunum
hafði mér aldrei dottið í hug að ég
ætti eftir að komast upp á svo háan
tind á íslandi.
Veðrið var dásamlegt og niðri í
hlíðunum sást til fólks að leik í
brekkunum í þessari sumarparadís
skíðamanna. Vinur minn Walter,
sem fæddur er við rætur Mont
Blanc, er göngumaður og mikil
ijallageit og áræddi hann að ganga
upp á hæsta tindinn, Snækoll, en
þaðan sést jafnvel enn lengra og
útsýnið enn stórkostlegra.
Á leiðinni til baka skoðuðum við
Hveradali þar sem gufurnar stíga
upp frá jörðu úr hrikalegum gljúfr-
um í stórfenglegri litadýrð jarðar-
innar. Einnig gafst ungum dóttur-
syni Walters tækifæri til að sjá
Guilfoss í fyrsta skipti við ógleym-
anlega hrifningu.
Svo skemmtilega vill til að um
þetta leyti eru liðin 40 ár frá því
að ég kom til landsins, eða þann
26. júlí 1945, nánar tiltekið kl.
112.45, og kaus ég að líta á þessa
upplifun sem afmælisgjöf í tilefni
komu minnar hingað til undralands-
ins, íslands.
SIGURÐUR V. DEMENTZ
Mynda og muna leitað
vegna útgáfu á sögu Búða
Frá Victori Sveinssyni:
í TILEFNI af væntanlegri útgáfu á
sögu Búða á Snæfellsnesi leitar útgef-
andi eftir myndum og munum sem
tengjast Búðum, Hraunhöfn, Fram-
búðum eða einhveijum þeim þurra-
búðum eða grasbýlum sem voru á
Búðum. Einnig eru allar upplýsingar,
sögur eða örnefni, sem tengjast staðn-
um vel þegnar.
Saga Búða er skrifuð af Guðlaugi
Jónssyni og verður bókin gefin út í
haust á vegum Hótels Búða.
Þeir sem mögulegá geta orðið út-
gefanda að liði með framangreind
atriði eru beðnir um að hafa samband
við Victor Sveinsson í síma 435-6700.
Kærar þakkir, í von um birtingu
eða flutning.
VICTOR SVEINSSON
Iþrótt eða ekki íþrótt?
Frá Hjálmtý R. Baldurssyni:
ÞAÐ ER stundum sagt að alkóhól-
istar hafi komið óorði á brennivín-
ið. Ekki er frá því að sannleiks-
korn leynist í þeirri staðhæfingu.
En hvað skal þá með íþróttamenn
segja, sem með leikrænum tilburð-
um reyna að fá dómara til að
dæma sér í hag? Þeir sem fylgd-
ust með umfjöllun sjónvarps um
undanúrslitin í bikarkeppni KSÍ á
dögunum, urðu vitni að því þegar
sýnt var hægt frá- tilviki í leik
Keflavíkur og KR, að leikmaður
KR-liðsins, Isúdín Daði Dervic, sló
með hendi sinni á viðkvæman stað
á markverði Keflavíkur-liðsins,
Ólafí Gottskálkssyni, þegar Ólafur
hugðist handsama knöttinn í loft-
inu. Viðbrögð Ólafs við þessu
fólskubroti Ísúdíns Daða voru full-
komlega eðlileg, sérstaklega þegar
haft er í huga að Ísúdín Daði hafði
enga möguleika á því að ná knett-
inum. Brotið var því vísvitandi og
gert í þeim tilgangi að ögra Ólafi
og jafnframt að hafa áhrif á dóm-
ara leiksins. En Ólafur danglaði í
Ísúdín Daða í bijóstið ofanvert,
og sá lét sig með „ítölskum hætti“
falla til jarðar. Það sem gerðist í
framhaldinu þarf vart að rekja
nema það að Ólafi var vísað af
leikvelli, KR-ingar fengu víta-
spyrnu, sem fleytti þeim í úrslit
bikarkeppninnar.
Ég held að allir geti verið sam-
mála um, að atburðarásin hafi
verið með ofangreindum hætti.
En þá kemur að þætti dómarans;
þegar dómari stendur frammi fyr-
ir því að dæma „brot“ á hann um
tvo kosti að ræða; dæma brot eða
láta leikinn halda áfram. Dæmi
hann brot verður hann að vera í
góðri aðstöðu til að dæma og/eða
ráðfæra sig við línuvörð. Hvorugt
var um að ræða hjá dómaranum.
Þegar þetta mál er skoðað í
kjölinn kemur í ljós að dómari
leiksins lét draga sig á asnaeyrun-
um, Ísúdín Daði Dervic, landsliðs-
maður í knattspyrnu, sleppur refs-
ingarlaust með fólskubrot og leik-
araskap, en íslensk knattspyrna,
sem hefur átt undir högg að sækja
undanfarin ár, vegna minnkandi
aðsóknar að leikjum, verður fyrir
gífurlegum álitshnekki.
Það hlýtur því að vera verulegt
áhyggjuefni hjá knattspyrnu-
hreyfingunni, að ekki sé hægt að
stilla upp dómara sem er starfi
sínu vaxinn, þegar svo mikilvægir
leikir eiga sér stað.
Þá skal þess getið að lokum,
að stjórn knattspyrnudeildar
Keflavíkur-liðsins setti einn leik-
mann sinn í 5 leika keppnisbann
vegna agabrots utan leikvallar.
Hvað gera KR-ingar við þessu
agabroti leikmannsins inni á leik-
vellinum?
HJÁLMTÝR R. BALDURSSON,
áhugamaður um háttvísa knattspyrnu,
Skipholti 48, Reykjavík.
Frystikistur Staðgr.verð
HF 201 72 x 65 x 85 41.610,-
HF 271 92 x 65 x 85 46.360,-
HF396 126 x 65 x 85 53.770,-
HF 506 156x65 x85 62.795,-
SB 300 126x65 x85 58.710,-
Frystiskápar
FS205 ■ 125 cm 56.430,-
FS 275 155 cm 67.545,-
FS345 185 cm 80.180,-
Kæliskápar
KS 250 125 cm 53.390,-
KS315 155 cm 57.190,-
KS 385 185 cm 64.695,-
Kæli- og frystiskápar
KF285 155 cm 80.465,-
kælir 199 ltr frystir 80 ltr 2 pressur
KF350 185 cm 93.670,-
kælir 200 ltr frystir 156 ltr 2 pressur
KF 355 185 cm 88.540,-
kælir 271 Itr frystir 100 Itr 2 pressur
(•1 • M
Faxafeni 12. Sími 553 8000 <
- kjarni málsins!
Enn meiri afsláttur af útsöluvörum.
HANZ
hófst í moröun
Verðhrunið
Flísar, parkett, þiljur, eldhúsinnréttingar, Ijós, hurðir, haðvörur, baðinnréttingar, hlöndunartœki, salerni,
baðkör, sturtuklefar, fataskápar, Ariston heimilistœki, dúkar og margt, margt fleira.