Morgunblaðið - 09.08.1995, Qupperneq 11

VERSLUNARMANNAHELGIN
MORGUNBLAÐIÐ
Morgunblaðið/Sigurgeir
BRENNAN á Fjósakletti var tilkomumikil að vanda. Hér sjást nokkrirþjóðhátíðargestir dást að
dýrð loganna. Nýr brennukóngur var krýndur á Þjóðhátíð í ár, þegar Finnbogi Gunnarsson tók
við þessu virðingarembætti af Sigurði Reimarssyni, sem hafði gegnt þvi í 51 ár.
Fjölmenni á vel
heppnaðri Þjóðhátíð
Vestmannaejjar. Morgunblaðið.
GLATT var á hjalla hjá þessum þjóðhátíðargestum, en þeir
voru á bilinu sjö til átta þúsund i ár.
ÞJOÐHATIÐ í Eyjum, sem að þessu
sinni var í umsjá Knattspyrnufélags-
ins Týs, tókst vel og þrátt fyrir vætu
og þoku fyrripart föstudags fjöl-
menntu Þjóðhátíðargestir til Eyja.
Talið er að um 7.000 til 8.000 manns
hafi verið á hátíðinni. Að sögn lög-
reglunnar var hátíðin frekar friðsöm
þó svo að nokkur mál hafi komið til
kasta lögreglunnar, en mjög góð
gæzla var á hátíðarsvæðinu í Heij-
ólfsdal.
I fyrstu gekk fremur illa að koma
þjóðhátíðargestum á hátíðarsvæðið
þar sem ekkert var flogið til Eyja
vegna veðurs á fimmtudag og fram-
eftir föstudegi en Heijólfur sigldi
milli Þorlákshafnar og Eyja með um
500 farþega í hverri ferð þessa daga.
Um miðjan föstudag létti þokunni
og rigningarúðinn sem verið hafði
hvarf að mestu og var þá mynduð
loftbrú milli lands og Eyja.
Nýr brennukóngur krýndur
Dagskrá Þjóðhátíðar er ávallt með
nokkuð hefðbundnu sniði; nokkrir
fastir liðir hafa haldizt í áratugi. Á
föstudagskvöldinu var kvöldvaka á
Brekkusviðinu með fjölda skemmti-
krafta. Á miðnætti var tendraður
bálköstur á Fjósakletti. Áður en
kveikt var í brennunni var nýr
brennukóngur krýndur, Finnbogi
Gunnarsson, en hann tók við emb-
ættinu af Sigurði Reimarssyni sem
verið hefur brennukóngur Þjóðhátíð-
ar í 51 ár. Afhenti Sigurður Finn-
boga brennukóngskórónuna á form-
legan hátt við Brekkusviðið. Dansað
var síðan á tveimur danspöllum fram
undir morgun.
Á laugardag var ágætis veður í
Eyjum og var skemmtidagskrá frá
miðjum degi nánast óslitið til mið-
nættis. Á miðnætti var flugeldasýn-
ing og er mál manna í Eyjum að
aldrei hafi flugeldasýning á tjóðhá-
tíð verið glæsilegri en nú.
Á sunnudagskvöld undu gestir í
Heijólfsdal sér vel í sól og blíðu við
dagskrá frá miðjum degi til kvölds.
Varðeldur og brekkusöngur undir
stjórn Árna Johnsen var um kvöldið
og var Brekkan þétt setin, enda fjölg-
aði Þjóðhátíðargestum töluvert á
sunnudag og er ekki ólíklegt að á
níunda þúsund manns hafi þá verið
í Brekkukórnum. Dansleikir voru síð-
an fram á mánudagsmorgun og mik-
ið stuð í Dalnum.
Nauðgunar- og fíkniefnamál
Að sögn lögreglunnar í Vest-
mannaeyjum fór hátíðin vel fram og
fjöldi mála sem til kasta hennar kom
í meðallagi miðað við aðrar Þjóðhá-
tíðir þó svo að tvær meintar nauðg-
anir hafi átt sér stað og fimm fíkni-
efnamál hafi komið upp sem óneitan-
lega 'setji blett á svona hátíð. Einn
var tekinn fyrir ölvunarakstur og í
sama tilfelli var um að ræða stuld á
bifreið. 17 mannsgistu fangageymsl-
ur og 10 minniháttar líkamsárásir
komu til kasta lögreglu. Sex þjófnað-
ir voru kærðir og þijú skemmdarverk
auk þess sem fjögur mál komu upp
um brot á áfengislöggjöf veitinga-
húsa. „Þrátt fyrir þessi mál þá var
í heild nokkuð gott yfirbragð á þess-
ari Þjóðhátíð, miðað við aðrar hátíð-
ir, ef tekið er tillit til þess mikla fjölda
fólks sem var á hátíðinni og þá áfeng-
isdrykkju sem var á svæðinu," sagði
lögreglan í Eyjum.
Á mánudag hélt stærsti hluti að-
komufólks á Þjóðhátíð til síns heima
enda var flogið stanslaust frá því
árla morguns og Heijólfur fór tvær
ferðir til Þorlákshafnar.
Morgunblaðið/Ágúst Blöndal
AUGU gesta á bryggjunni í Neskaupstad beindust sérstaklega
að listflugsýningu, sem boðið var upp á í blíðskaparveðri. Um
kvöldið beindust augu fólks aftur til himins þar sem þá gaf að
líta „Neistaflug“ mikið frá flugeldum.
„Neistaflug“
í Neskaupstað
GESTIR á útihátíðinni „Neista-
flugi“, sem haldin var í Neskaup-
stað uin helgina, voru um 4.000
auk heimamanna, og voru því um
5.500 manns þar samankomnir við
hátíðahöld í blíðskaparveðri. Ölv-
un var veruleg en litlar annir voru
þó hjá lögreglu.
Tjaldstæði voru yfirfull en um-
gengni þótti samt prýðileg. Fyrst
og fremst góða veðrinu er þakkað
fyrir það, sem hjálpaði til við að
skapa nyög jákvæða stemmningu.
Að sögn lögreglu urðu engin slys
á fólki sem orð þætti á gerandi.
Framkvæmd hátíðarinnar þótti öll
takast með miklum ágætum.
MIÐVIKUDAGUR 9. AGUST 1995
250
sæti til
London
á kr.
19.900
Flug og hótel
kr. 24.900.
Heimsferðir kynna nú í vetur glæsilega helgarrispu til
London, mestu heimsborgar Evrópu, á ótrúlega hagstæðu
verði. Glæsileg hótel, spennandi kynnisferðir, besta
verslunarborg Evrópu og íslenskir fararstjórar Heimsferða
tryggja þér ánægjulega dvöl í heimsborginni.
Bókaðu strax og tryggðu þér fyrstu sætin
á sérstöku kynningarverði.
19.900
Verð kr.
Verð með flugvallarsköttum kr. 22.530.
Verð kr.
24.900
M.v. 2 í herbergi, Ambassador Hotel, 3 nætur.
Verð með flugvallarsköttum
kr. 27.530.