Morgunblaðið - 11.09.1992, Blaðsíða 26

26
MORGUNBLAÐIÐ FÖSTUDAGUR 11. SEPTEMBER 1992
Morgunblaðið/Rúnar Þór
Fyrsti skóladagurinn
Fyrsti skóladagurinn er í hugnm flestra afar spennandi, en nemendur í fyrsta bekk barnaskólanna á
Akureyri sátu sinn fyrsta skóladag í gær. Á myndinni eru þær fremstar Ama Gerður og Katrín sem eru
í Barnaskóla Akureyrar.
Sléttuúlf-
arnir spila
í Sjallanum
Lokadansleikir Sléttuúlfanna
verða í Sjallanum á Akureyri um
helgina, en hljómsveitin hefur ver-
ið á ferð um landið frá því um
verslunarmannahelgi undir slag-
orðinu „Líf og fjör um landið."
Sléttuúlfamir leika í Sjallanum í
kvöld, föstudagskvöld og einnig ann-
að kvöld, laugardagskvöld, 11. og
12._ september.
í hijómsveitinni em þeir Björgvin
Halldórsson, gítar og söngur, Gunnar
Þórðarson, gítar og söngur, Magnús
Kjartansson, hljómborð og söngur,
Tómas Tómasson, bassi og trommu-
leikarinn Einar V. Scheving. Leikin
verða lög sem hljómsveitin hefur
gefið út á hljómplötum og eins eru
á dagskránni fy'öldi laga sem meðlim-
ir hljómsveitarinnar hafa gert vinsæl
í gegnum tíðina.
(Úr fréttatilkynningu)
Átak í atvinnumálum
Tæplega 60 manns hafa
nú þegar fengið atvinnu
„ÁTAKIÐ fer vel af stað, fyrsti hópurinn byijaði að vinna nú i vikunni
og fólk er að skrá sig til vinnu af miklu kappi,“ sagði Armann Gylfa-
son sem umsjón hefur með svokölluðu átaki i atvinnumálum sem hrint
var af stað á Akureyri eftir að jákvætt svar barst frá Atvinnuleysis-
tryggingasjóði um framlag til verkefnisins í stað þess að greiða atvinnu-
leysisbætur.
Ármann sagði að rætt væri um
að ráða um 80 manns í vinnu í tvo
mánuði til að byija með og væri
gert ráð fyrir að leggja um 15 miilj-
ónir króna fram vegna ýmissa verk-
efna sem unnin verða á þessu tíma-
bili, en bæjarstjóm Akureyrar sam-
þykkti á fundi í fyrri viku að veita
allt að 8 milljónum króna á móti
framlagi Atvinnuleysistryggingar-
sjóðs til að spoma gegn atvinnuleysi
í bænum.
Ármann sagði að unnið yrði að
ýmsum verkefnum, m.a. við gróður-
setningu í Kjamaskógi og ýmis verk-
efni á vegum Umhverfísdeildar bæj-
arins, þá væri fólk við störf hjá Nátt-
úrufræðistofnun, Minjasafni og eins
hefði verið ráðið fólk til að sinna
gangbrautarvörslu í upphafi skóla-
árs. Þá væri einnig fyrirhugað að
einhver hópur yrði við störf vegna
framkvæmda við væntanlega menn-
ingarmiðstöð í Grófargili. „Það vom
ekki vandræði að finna verkefni, þau
er næg,“ sagði Ármann.
íþróttakennarar á Norðurlandi eystra
Hættuleg þróun í þjálfun
„VIÐ íþróttakennarar á Norðurlandi eystra viljum beina því til sljóm-
ar íþróttakennarafélags íslands að hún standi vörð um starfsheiti og
fagmenntun okkar og um leið koma í veg fyrir þá hættulegu þróun sem
á sér stað í þjálfun leiðbeinenda í líkamsræktarstöðvunum," segir I
ályktun sem iþróttakennarar á Haustþingi Bandalags kennara á Norð-
urlandi eystra hafa samþykkt.
„Við teljum að líkamsræktarstöðv-
ar hafi ekki heimild til að útskrifa
leiðbeinendur í líkamsrækt og gefa
þeim heimild til að taka að sér þjálf-
un sem fullgildir leiðbeinendur," seg-
ir einnig í ályktuninni.
Þá segir að íþróttakennarar, sem
fagfólk á sviðinu geti ekki látið það
afskiptalaust að fólk með enga und-
irstöðu né nægilega fagþekkingu
skuli geta tekið að sér það ábyrgð-
arfulla starf að þjálfa og kenna fólki
eftir einungis nokkurra tíma nám-
skeið.
„Þess vegna krefjumst við þess
að stjórn Iþróttakennarafélags ís-
lands gripi þegar í taumana og stöðvi
þessa varasömu þróun, í samstarfi
við annað fagmenntað fólk í heilsu-
rækt,“ segir að lokum í ályktun íþrót-
takennaranna.
Auglýsing um útboð
Félagsstofnun stúdenta á Akureyri
óskar eftir tilboðum í byggingu stúd-
entagarða við Klettastíg 6 (hús C).
Húsið er samtals um 450 m2, hluti á 1 hæð og
hluti á 2 hæðum, auk frístandandi hjóla- og sorp-
geymslu. Húsið er einangrað að utan. Þak er pappa-
lagt. Húsinu skal skila fullgerðu 10. ágúst 1993.
Útboðsgögn fást á Verkfræðistofu Norðurlands hf.,
Hofsbót 4, Akureyri.
Verð kr. 7.000,-.
Tilboð verða opnuð á Verkfræðistofu Norðurlands
hf. kl. 12.00 föstudaginn 18. september nk.
Þegar hafa á bilinu 50 til 60
manns, sem áður voru á atvinnuleys-
isskrá fengið vinnu vegna þessa
átaks í atvinnumálum og sagði Ár-
mann að verkefnið hefði farið vel af
stað og mikið um að fólk væri að
skrá sig þessa dagana. Til að byija
með verður fólki boðið upp á atvinnu
í 6 vikur, í einn og hálfan mánuð,
að sögn Ármanns, en síðar verður
athugað með framhaldið.
Ekki er enn ljóst hvort greiða þarf
virðisaukaskatt vegna þessarar vinnu,
en Sigurður J. Sigurðsson formaður
bæjarráðs sagði að fjármálaráðherra
hefði verið gerð grein fyrir málinu
sem og því viðhorfí sveitarstjómar-
manna að eðlilegt væri að skatturinn
verði felldur niður eins og þegar um
vinnu skólafólks væri að ræða. Sig-
urður sagði að þetta mál væri til at-
hugunar hjá fjármálaráðuneytinu.
Morgunblaðið/Rúnar Þór
Ferðaskrifstofan Urval-Utsýn opnaði söluskrifstofu á Akureyri í
gær, en frá vinstri á myndinni eru Anna Guðmundsdóttir afgreiðslu-
stjóri, Ingibjörg Tryggvadóttir og Björk Viðarsdóttir sem hlutu ferð
til Edinborgar, Sigríður Sigtryggsdóttir, Guðlaug Ringsted og Sigríð-
ur Ujartardóttir.
Urval-Utsýn opn-
ar söluskrifstofu
FERÐASKRIFSTOFAN Úrval-Útsýn opnaði formlega í gær söluskrifstofu
á Akureyri, en fram til þessa hefur Ferðaskrifstofa Akureyrar verið
umboðsaðili Úrvals-Útsýnar I bænum. Ferðaskrifstofa Akureyrar hefur
verið lögð niður og Úrval-Útsýn hafið sjálfstæða starfsemi í húsnæði því
sem Ferðaskrifstofa Akureyrar hafði til ráðstöfunar við Ráðhústorg 3.
Með opnun sjálfstæðrar söluskrif-
stofu á Akureyri er ætlunin að ná
fram meira hagræði með stærri og
öflugri einingum og um leið að bæta
þjónustu við viðskiptavini, en sölu-
skrifstofa Úrvals-Útsýnar á Akureyri
hefur verið tengd móðurtölvu ferða-
skrifstofunnar þannig að starfsfólk
getur gefið nákvæmar upplýsingar
um ferðamöguleika á meðan við-
skiptavinurinn staldrar við, að sögn
forráðamanna fyrirtækisins.
í tilefni af opnun söluskrifstofunn-
ar voru dregin út nöfn tveggja far-
þega, sem bókað höfðu ferð til Edin-
borgar beint frá Akureyri. Þær Björk
Viðarsdóttir og Ingibjörg Tryggva-
dóttir, báðar á Akureyri, voru þær
heppnu og fengu þær andviðri Edin-
borgarférðarinnar endurgreitt að
fullu. Við opnunina í gær afhenti
Anna Guðmundsdóttir formanni Fé-
lags eldri borgara á Akureyri, Aðal-
steini Óskarssyni, ferðavinning fyrir
tvo til Kanaríeyja og hefur félagið
vinninginn til fijálsrar ráðstöfunar.
Starfsfólk Ferðaskrifstofu Akur-
eyrar mun áfram starfa hjá Úrval-
Utsýn og er Anna Guðmundsdóttir
afgreiðslustjóri söluskrifstofunnar.
Úrval-Útsýn mun greiða Akur-
eyrarbæ aðstöðugjald af þeirri starf-
semi ferðaskrifstofunnar sem fram
fer í bænum.
Dr. Jón Magnús Einarsson.
Doktor í
líffræði
JÓN MAGNÚS Einarsson lauk
nýlega doktorsprófi (Ph.D.) í líf-
fræði við University College í
Dublin á írlandi. Ritgerðin ber
heitið „Cyclical changes, kinetic
behaviour and localization of C4
lactate dehydrogenase in the ret-
ina of the cichlid fish Oreoc-
hromis mossambicus“ og fjallaði
um hlutverk lífhvatans C4-LDH
í sjónu fiska.
Rannsóknirnar sýndu að lífhvati
þessi var tjáður í sjónfrumum (stöf-
um og keilum) og stoðfrumum (glia)
sjónunnar. Styrkur lífhvatans var
mismikill í ljósi og myrkri. Styrkur-
inn breyttist eingöngu í stoðfrum-
um en ekki í stöfum og keilum.
Einnig fannst lífhvatinn C.-LDH
óvirkur í kjörnum þeirra frumu-
gerða sem tjáðu hann. Þessar niður-
stöður benda til áður óþekktra
tengsla milli taugafruma og stoð-
fruma í sjónu og styðja nýjar niður-
stöður sem benda til þess að LDH-
lífhvatinn taki beinan þátt í stjórn
á tjáningu á sínu eigin geni.
Höfundur hlaut þriggja ára styrk
til verksins frá „The Irish Medical
Research Council“ og lán frá Lána-
sjóði íslenskra námsmanna.
Jón Magnús Einarsson lauk stúd-
entsprófí við Menntaskólann í
Kópavogi 1977, BS-prófi í líffræði
við Háskóla íslands 1982 og viðbót-
arverkefni við líffræðiskor HÍ 1985.
Árið 1985-1990 stundaði hann
doktorsnám við dýrafræðideild Uni-
versity College undir handleiðslu
dr. Yvette Kunz-Ramsay. Jón vinn-
ur nú við rannsóknir á lifefnafræði-
stofu læknadeildar HÍ.
Foreldrar Jóns eru þau Einar
Júlíusson, fyrrverandi byggingar-
fulltrúi, og Olafía G. Jóhannesdótt-
ir, fyrrverandi skrifstofumaður.
Eiginkona Jóns er Anna Kristín
Daníelsdóttir líffræðingur og mun
hún bráðlega ljúka doktorsprófi í
líffræði við sama háskóla. Þau eiga
tvö börn.
Þórdís við eitt verka sinna.
■ SÝNING á málverkum eftir
Þórdísi Árnadóttur verður opnuð
í verslunni Borði fyrir tvo í
Borgarkringlunni á morgun, laug-
ardag, kl. 13. Þórdís er af yngri
kynslóðinni, nýlega komin heim frá
Danmörku en þar stundaði hún nám
við „Det Fynske Kunstakademi".
Myndirnar eru málaðar með akrýl,
flestar á þessu ári. Þetta er önnur
sýning Þórdísar Árnadóttur á ís-
landi en áður sýndi hún vorið 1991
í Gunnarssal, Þernunesi 4.
.