Morgunblaðið - 27.08.1991, Blaðsíða 43
MORGUNBLAÐIÐ ÞRIÐJUDAGllR 27. ÁGÚST Í991
43
Ragnar Agústs
son - Minning
Fæddur 23. desember 1907
Dáinn 9. júlí 1991
Hinn 9. júlí sl. lést í Fjórðungs-
sjúkrahúsinu í Neskaupstað Ragnar
Agústsson, en hann hafði átt við
vanheilsu að stríða í nokkur ár.
Ragnar var fæddur á Gnýstöðum í
Vopnafirði 23. desember 1907 og
var yngstur sex barna þeirra hjóna
Salínu Ingibjargar Árnadóttur og
Ágústs Jónssonar er þar bjuggu.
Þau systkinin eru nú öll látin nema
Ingunn Vilhelmína sem dvelur í
Sundabúð, sem eru íbúðir aldraðra
á Vopnafirði. Hún er nú á nítug-
asta og þriðja aldursári. Gnýstaðir
eru innsti bærinn í Hraunfellsdal
sem svo er nefndur í daglegu tali,
en hét áður eða heitir Sunnudalur
en svo segir í Vopnfirðingasögu.
Og mun sú nafngift þannig til orð-
in að þar er oft sólríkt mjög um
sumarlanga daga á meðan Aust-
íjarðaþokan stendur vörð úti fyrir,
fyllir flóa og firði og læðist inn um
lágsveitina. Ragnar ólst upp hjá
foreldrum sínum en um tvítugsaldur
fór hann í vinnumennsku, því um
mörg störf var ekki að velja í þá
daga. Foreldrar mínir hófu búskap
í Haga vorið 1927 og var hann hjá
þeim fyrstu þijú árin sem þau
bjuggu þar. Og mér fínnst ég geta
sagt: „Hann leiddi mig fyrstu spor-
in mín,“ og ég man þegar hann
setti mig á hestbak og ég varð
hrædd, þá sagði hann: „0, haltu
bara í faxið,“ og öll mín hræðsla
var rokin út í veður og vind. Eftir
að Ragnar fór frá foreldrum mínum
lá leið hans upp á Jökuldal, þar
kynntist hann eftirlifandi konu
sinni, Guðrúnu Elíasdóttur frá
Norðfirði, og hófu þau búskap í
Hnefilsdal árið 1945 en þar hafði
Ragnar búið nokkur ár með bróður
sínum, Valdemar. Fljótlega flytja
þau til Norðfjarðar en dvöldu þar
stuttan tíma, því Ragnar var sveit-
anna sonur og þau flytja upp á
Hérað í búskapinn og eru þar í
nokkur ár, en flytja aftur í Nes-
kaupstað þar sem hann starfaði hjá
Fiskvinnslunni. Þá gerist hann
starfsmaður hjá kaupfélaginu og
vann þar ýmis störf meðan heilsan
entist. Ragnar gat aldrei skilið við
bóndann, og eftir að hann flutti úr
sveitinni átti hann lengst af nokkr-
ar skepnur, kú, kindur og hesta sem
hann annaðist með vinnunni. Börn
þeirra hjóna eru fimm: Elías Þór,
Oddný Sigríður, Ragna Lína, Reyn-
ir Ágúst og Ása Dóra. Auk þeirra
dvöldu oft um lengri eða skemmri
tíma börn ýmissa ættingja þeirra
því þó húsakynnin væru ekki stór
þá virtist alltaf vera eitthvert skot
hjá Ragnari og Gunnu.
Ragnar var haldinn mikilli átt-
hagatryggð. Einu sinni sagði hann
við mig: „Mér finnst ég aldrei búinn
að finna sumarið fyrr en ég er bú-
inn að koma í Vopnafjörðinn." En
þau hjónin komu oftast á hverju
sumri að heimsækja vini og ætt-
ingja og dveljameðal þeirra nokkra
daga og samgöngurnar um Aust-
firðina voru ekki þá eins og þær
eru í dag. En þá var komið og far-
ið með strandferðaskipi ef um ann-
að var ekki að ræða. Síðastliðið'
sumar komu þau hjónin og dvöldust
nokkra daga hjá dóttur sinni og
Birting afmælis-
og minningargreina
Morgunblaðið tekur afmæl-
is- og minningargreinar til
birtingar endurgjaldslaust.
Tekið er við greinuni á rit-
stjórn biaðsins á 2. hæð í Aðal-
stræti 6, Reykjavík og á skrif-
stofu blaðsins í Hafnarstræti
85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
tengdasyni sem hér eru búsett, ég
fór með þau inn í Haga að heim-
sækja bróður minn og mágkonu í
sumarbústað sem þau eiga þar.
Þegar við komum á melana fyrir
ofan Haga, bað hann mig að stansa.
Svo horfði hann yfir sveitina og
sagði: „Það er sólskin í dalnum
núna, þetta'er líka sunnudalur, þeir
ættu bara að leggja veg yfir Smjör-
vatnsheiðina, þá væri nú ekki orðið
langt að skreppa austur.“ Ég held
hann hafi fundið að hann átti ekki
eftir að koma aftur.
Þegar við komum til baka þakk-
aði hann mér fyrir. Og ég spurði
hvort honum hefði ekki fundist
gaman að fara þetta. „Jú, þetta var
góð ferð. Mér fannst ég vera kom-
inn heim.“ Og nú er Ragnar kominn
heim.
Ég geymi minninguna um kæran
frænda í þakklátum huga og hvað
gott var að koma á heimili þeirra
hjóna mun geymast en aldrei
gleymast þeim er þess nutu. Eftirlif-
andi eiginkonu og afkomendum
votta ég samúð.
Blessuð sé minning hans.
Þorgerður Karlsdóttir
t
Ástkær sonur minn, stjúpsonur og bróðir,
TIMOTHY DEAN MOSER,
lést af slysförum í Bandaríkjunum laugardaginn 25. ágúst.
Auður Óskarsdóttir,
Þórður Þórarinsson,
Deanna G. Soell,
Aaron Pierce
og aðstandendur.
t
Innilegar þakkir sendum við öllum þeim, er sýndu okkur samúð
og hlýhug við andlát og útför eiginmanns míns, föður, tengdaföð-
ur og afa,
KRISTJÁNS STEINDÓRSSONAR
forstjóra,
Fornuströnd 18,
Seltjarnarnesi.
Fyrir hönd aðstandenda,
Margrét I. Egilsdóttir.
t
Útför hjartkærs föður, bróður og afa,
HALLDÓRS SIGFÚSSONAR
fyrrverandi skattstjóra
í Reykjavík,
ferframfrá Dómkirkjunni ídag, þriðjudaginn 27. ágúst, kl. 15.00.
Fyrir hönd aðstandenda,
Sigrún Halldórsdóttir,
Arnþóra og Hólmfríður Sigfúsdætur,
Dóra, Bára, Sigrún og Steinar Halldór
Sigurjónsbörn,
Sæmundur Árnason,
María Guðmundsdóttir.
t
Ástkær eiginmaður minn, faðir, tengdafaðir og afi,
SVERRIR ELENTINUSSON,
Baugholti 15,
Keflavík,
lést í Landsspítalanum 23. ágúst.
Ingveldur Eyjólfsdóttir,
Eyjólfur Sverrisson, Helga Kristín Guðmundsdóttir,
Sverrir Sverrisson, Auður Svanborg Óskarsdóttir,
Elentínus Sverrisson, Helga Sigrún Harðardóttir,
Sævar Sverrisson, Gréta Grétarsdóttir,
og barnabörn.
t
Ástkær faðir okkar og tengdafaðir,
ÓLAFUR MAGNÚSSON
bóndi,
Sveinsstöðum,
Austur-Húnavatnssýslu,
lést á Héraðssjúkrahúsinu, Blönduósi, föstudaginn 23. ágúst.
Jarðarförin fer fram frá Þingeyrakirkju föstudaginn 30. ágúst
kl. 14.00.
Blóm vinsamlega afþökkuð, en þeim, sem vilja minnast hans,
er bent á Þingeyrakirkju.
Gyða Ólafsdóttir,
Magnús Ólafsson,
Ásrún G. Ólafsdóttir,
Þórdís Ójafsdóttir,
Jónsfna Ólafsdóttir,
Eiríkur Ólafsson,
Grétar Vésteinsson,
Björg Þorgilsdóttir,
Gunnar Richardsson,
Oddur R. Vilhjálmsson,
Elís Þór Sigurðsson,
Júlíana Jónsdóttir.
Öllum þeim, sem heiðruðu minningu
ÞORSTEINS JÓNSSONAR
á Úifsstöðum,
er lést 18. júní sl., færi ég kærar þakkir.
Aslaug Steinsdóttir.
t
Þökkum vináttu og samúð við andlát og útför
BERGSTEINS THEODÓRS ÞÓRARINSSONAR,
Vestmannaeyjum.
Anna Halldórsdóttir,
Ásta Þórarinsdóttir.
t
Þökkum innilega öllum þeim, sem sýndu okkur hlýhug og vináttu
við andlát og útför eiginmanns míns, fósturföður, tengdaföður
og afa,
JÓNS TÍMÓTHEUSSONAR,
Þórufelli 14,
Reykjavík.
Sérstakar þakkir færum við starfsfólki sjúkradeildar á 3. hæð
Hrafnistu, Reykjavík, fyrir frábæra umönnun.
Fyrir hönd aðstandenda,
Aðalheiður Sigurðardóttir.
t
Hjartans þakkir sendum við öllum þeim, er sýndu okkur samúð
og vináttu við andlát og útför ástvinar okkar,
ÓSKARS JÓNSSONAR
kennara,
Holtsgötu 32,
Ytri-Njarðvík.
Guð blessi ykkur oll.
Helga Oskarsdóttir,
Friðþjófur V. Óskarsson,
Stella Óskarsdóttir,
Sigþór Óskarsson,
Rósa Bjarnadóttir
og barnabörn.
Ásgeir Ólafsson,
Guðmundur Sigurjónsson,
Hjördfs Lúðvíksdóttir,
t
Innilegar þakkir til allra, sem sýndu okkur samúð og hlýhug við
andlát og útför eiginmanns míns, föður okkar, tengdaföður, afa
og langafa,
HJARTAR J. BERGSTAÐ,
Skipasundi 12,
Reykjavík,
Sólveig V. Bergstað,
Valdimar Bergstað, Halldóra Baldvinsdóttir,
Hjördís Bergstað, Kristinn Eggertsson,
Guðný Bergstað, Þorleifur Þorkelsson,
Elísabet Bergstað, Benóný Ásgrímsson
og barnabörn.
t
Innilegar þakkir til allra þeirra, sem sýndu okkur samúð og vin-
áttu við andlát og útför eiginkonu minnar, móður okkar, tengda-
móður, ömmu og langömmu,
ÁSDÍSAR KRISTINSDÓTTUR,
Hamraborg 26,
Kópavogi.
Árni Jóhannesson,
María H. Guðmundsdóttir,
Karl Árnason, Ólöf P. Hraunfjörð,
Kristfn E. Árnadóttir, Sigurður Benediktsson,
Birna Árnadóttir, Steingrímur H. Steingrímsson,
Soffía J. Árnadóttir, Sigurður Sigurbergsson,
Anna Árnadóttir, Torfi Sigurðsson,
barnabörn og barnabarnabörn.
Lokað
Skattstofan í Reykjavík verður lokuð eftir hádegi
í dag, þriðjudaginn 27. ágúst, vegna jarðarfarar
HALLDÓRS SIGFÚSSONAR, fyrrverandi skatt-
stjóra.
Skattstjórinn í Reykjavík.
Gestur Steinþórsson.
Lokað
Aðalskrifstofa og skólaskrifstofa Hafnarfjarðarbæj-
ar verða lokaðar frá kl. 13.00 í dag, þriðjudag,
vegna útfarar FRIÐÞJÓFS KRISTJÁNSSONAR.
Hafnarfjarðarbær.