Morgunblaðið - 27.08.1991, Blaðsíða 21

MORGUNBLAÐIÐ ÞRIÐJUDAGUR 27. ÁGÚST 1991
21
Reuter
Gæsagangur fyrir utan grafhýsi Leníns
Verðir ganga gæsagang fyrir utan grafhýsi Leníns á Rauða torginu. Nú virðast öll vígi kommúnismans
vera að falla í Sovétríkjunum og nýir tímar að taka við í kjölfar valdaránstilraunar harðlínukommúnista
í síðustu viku.
Akromejev styttir sér aldur
Sovétríkin:
tekið þátt í valdaráninu. Hann var
einn af aðalsamningamönnum Sov-
étríkjanna í afvopnunarviðræðum
stórveldanna á níunda áratugnum.
I gær tilkynnti hin opinbera frétt-
astofa TASSað Níkolaj Krútsjina,
skrifstofustjóri miðstjórnar komm-
únistaflokksins, hefði framið sjálfs-
morð.
Moskvu. Reuter.
ANATOLIJ Lúkjanov, forseti Æðsta ráðsins, hefur sagt af sér vegna
ásakana um að hann hafi verið heilinn á bak við valdaránið í síð-
ustu viku. „Víst hefði ég getað gert meira, brugðist ákveðnar við,“
sagði Lúkjanov en neitaði staðfastlega ásökunum um þáttöku í valda-
ráninu. Um helgina styttu tveir sovéskir ráðamenn sér aldur; Sergej
Akromejev, fyrrum forseti herráðsins og sérlegur hernaðarráðgjafi
Míkhaíls Gorbatsjovs, og Níkolaj Krútsjina, skrifstofustjóri miðstjórn-
ar kommúnistaflokksins. Áður hafði Borís Púgó innanríkisráðherra
svipt sig lífi
Lúkjanov gaf frá sér yfirlýsingu
á fyrsta degi valdaránsins þar sem
hann gagnrýndi sambandssáttmál-
ann sem undirrita átti daginn eftir.
Hann sagðist í gær hafa ritað yfir-
lýsinguna á föstudegi fyrir valda-
ránið og hún hefði verið ætluð þing-
mönnum. Hann hefði ekki frétt af
því fyrr en á sunnudagskvöldi.
Lúkjanov var ekki einn áttmenn-
inganna sem rændu völdum og seg-
ist þegar í upphafi valdaránsins
hafa gert þeim Ijóst að hann gengi
ekki í lið með þeim og myndi ekki
undirrita nein skjöl frá þeim.
Á sunnudag
ásakaði Gorbatsj-
ov Lúkjanov fyrir
að taka ekki ein-
arða afstöðu gegn
.valdaráninu og
sagðist ekki trúa
orðum hans um að
hann hefði ekki átt
þátt í því. Lúkj-
anov sagðist ekki
getað legið undir
svo þungum ásök-
unum og kvaðst hafa sagt af sér
þegar á miðvikudag. Hann tilkynnti
um afsögnina í gær.
Sergej Akromejev, hernaðarráð-
gjafi Gorbatsjovs, fannst látinn í
íbúð sinn i á laugardag. Hafði hann
skilið efir skilaboð þess efnis að það
uppbyggingarstarf sem hann hefði
helgað líf sitt, væri nú-hrunið. Ekki
er vitað til þess áð Akromejev hafi
Sergej
Akromejev
Gorbatsjov lætur af stöðu aðal-
ritara kommúnistaflokksins
Leggur til að miðstjórn flokksins verði leyst upp
Moskvu. Reuter.
MIKHAIL Gorbatsjov, forseti Sovétríkjanna, lét á laugardagskvöld
af stöðu aðalritari kommúnistaflokks Sovétríkjanna. Þá fyrirskip-
aði hann að eignir flokksins yrðu gerðar upptækar. Sama dag tók
Borís Jeltsin, forseti Rússlands, í sinar hendur stjórn flestra fjölm-
iðla ríkisins í Rússlandi og gerði upptæk skjalasöfn öryggislögregl-
unnar KGB og kommúnistaflokksins til að koma í veg fyrir að þau
yrðu eyðilögð.
Gorbatsjov sagði kommúnista-
flokkinn ekki hafa fordæmt þau
stjórnarskrárbrot, sem neyðar-
nefndarinnar hefði framið í valda-
ráninu, og bætti við að svik ýmissa
valdamanna innan flokksins hefðu
komið milljónum flokksfélaga í
vanda. „Enginn hefur siðferðisleg-
an rétt til að ásaka alla kommún-
ista gagnrýnislaust og mér, sem
forseta, er skylt að veija þá sem
borgara gegn órökstuddum full-
yrðingum," sagði Gorbatsjov í
sjónvarpsræðu á laugardagskvöld.
Jafnhliða afsögn sinni lagði Gor-
batsjov til að miðstjórn kommúni-
staflokksins yrði leyst upp. Félagar
í miðstjórn flokksins lýstu því yfir
að þeir myndu framfylgja þeirri
ósk forsetans en óskuðu þess að
fá að halda lokafund miðstjóm-
arinnar þar sem þeir gætu kvaðst.
Gorbatsjov situr áfram í emb-
ætti forseta en Viktoría Mítína,
náinn samstarfsmaður Borísar
Jeltsín, sagði Gorbatsjov valda-
mann eingöngu að nafninu til og
líkti völdum hans við völd bresku
konungsfjölskyldunnar.
Frá því að valdaráninu var
hrundið á miðvikudag hefur ríkt
mikil reiði meðal almennings í garð
kommúnistaflokksins og hafa
styttur af stofnendum og valda-
mönnum flokksins verið felldar af
stalli. í nokkrum sambandslýðveld-
um hefur starfsemi flokksins verið
bönnuð, t.d. í Rússlandi þar sem
aðalstöðvum miðstjórnar flokksins
hefur verið lokað.
Lúkjanov segir af
sér en kveðst sak-
laus af valdaráni
J ÞAÐ ER
BARA BÆJARLEIÐ í BORGARNES
Komið við í einni glæsilegustu
þjónustumiðstöð landsins.
Opið frá kl. 8-23.30 alla daga.
Kjörbúð með miklu matvöruúrvali - Veitingasalur -
Greiðasala - Olíu- og bensínsala - Útibú Sparisjóðs
Mýrasýslu - Upplýsingamiðstöð ferðamanna - Úrvals
snyrtiaðstaða með skiptiborði fyrir kornabörn.
KAUPFÉLAG BORGFIRÐINGA - OLÍUFÉLAGIÐ HF.