Morgunblaðið - 20.10.1987, Side 31

MORGUNBLAÐIÐ, ÞRIÐJUDAGUR 20. OKTÓBER 1987
31
Bretland:
Bretar hefja út-
gáfu gullmyntar
í SÍÐUSTU viku hófst sala á
nýrri gullmynt, Britanníu. Það
er konunglega myntsláttan á
Bretlandi sem slær myntina og
vonast menn þar til þess að ná
undir sig um 5% gullmarkaðar-
ins að minnsta kosti, áður en
yfir lýkur. Fram að þessu hefur
Krugerrandinn suður-afríski
verið ein helsta gullmynt verald-
ar, en að undanförnu hefur
dregið mjög úr sölu hans. Veld-
ur þar mestu sölubann, sem
fjölmargar ríkisstjórnir hafa
sett á hann.
Þær myntir sem nú eru vinsæl-
astar eru bandaríski Orninn (45%
markaðshlutdeild) og kanadíski
Hlynurinn (40%). Bretar telja sig
eiga góða möguleika ekki síst
vegna fegurðar myntarinnar, sem
þeir segja óvefengjanlega.
FVam að útgáfu myntarinnar
var útlit hennar á huldu. Að vísu
vissu menn að Elísabet II. Eng-
landsdrottning yrði á annarri
hliðinni, en hvað vera skyldi á hinni
var haldið leyndu. Það komst þó
upp þegar gengið var með frum-
myndina milli húsa í Westminster
og var þar Britannía sjálf komin,
landvættur Bretlands.
Myntin er í fjórum stærðum,
únsu, hálfúnsu, kvartúnsu og
tíundarúnsu. Myntirnar er gjald-
gengar og er únsupeningurinn 100
sterlingspunda virði. Gullverð únsu
er þó mun hærra en það og því
litlar líkur á almennri notkun.
Talið er að mest verði keypt af
gulli til ijárfestingar og ráðleggja
íj árfestingarráðgj afar viðskipta-
vinum sínum að festa milli 5 og
Hér má sjá þegar frummyndin
var borin milli húsa í Westm-
inster og fer ekki ofsögum af
fegurð hennar. Þinghústurninn
foldgnár í fjarska.
10% fjár síns í gulli. Að vísu haml-
ar það Britanníunni að á Bretlandi
leggst 15% virðisaukskattur ofan
á kaupverðið, en myntsláttan von-
ar að fegurðarskyn og ættjarðar-
ást vegi upp á móti því.
Barnið í brunninum:
Lundarfarið bjarg-
aði lífi Jessicu litlu
- segir móðir hennar
Midland, Texas, Reuter.
FORELDRAR Jessicu McClure,
sem bjargað var upp úr brunni
i Midland í Texas eftir 58 klukku-
stunda vist, sögðu að lundárfar
dóttur þeirra hefði hjálpað henni
að þrauka. Jessica grét, söng
barnagælur og kallaði á móður
sína þann tíma sem hún var föst
ofan í brunninum og vakti það
mikla undrun björgunarmanna
og aðdáun bandarísku þjóðarinn-
ar.
„Þannig er hún dóttir okkar,“
sagði Reba McClure, móðir Jessicu.
„Hún er alltaf jafn hamingjusöm,
sama hvað gengur á. Jessica er
aðeins átján mánaða gömul og for-
eldrar hennar eru átján ára. Reba
og Chipper maður hennar kváðust
bjartsýn um að læknum í Midland
tækist að bjarga hægra fæti
Jessicu, sem sat föst á þrjátíu centi-
metra breiðri syllu í brunninum og
gat sig hvergi hrært. Öll blóðrás í
fætinum stöðvaðist og reyna lækn-
ar nú allt hvað þeir geta til þess
að koma í veg fyri að skera þurfi
fótinn af.
Jessica hlaut einnig sár á höfði
og ætla lýtalæknar að græða skinn
á höfuð hennar í þessari viku. Einn
læknir sagði að höfuð hennar hefði
verið rækilega skorðað af: „Það er
eins og höfuðið hafi verið fest með
þvingu," sagði hann.
Chipper McClure sagði að fjöl-
skyldan fengi aldrei nógsamlega
þakkað björgunarmönnunum. Hann
þakkaði einnig þann stuðning, sem
þeim hjónum hefði verið veittur
meðan Jessica var föst í brunninum.
„Við ákváðum að gera lista yfír þá
sem við þyrftum ekki að senda
þakkir vegna þess að hann yrði
styttri," sagði Chipper.
Rust laus á
byltingar-
afmælinu?
Brussel, Reuter.
Háttsettur, sovéskur embættis-
maður hefur gefið í skyn, að
Mathias Rust, Vestur-Þjóðverjinn,
sem lenti litilli flugvél á Rauða
torginu í Moskvu, verði látinn laus
i næsta mánuði. Er það haft eftir
fulltrúa á Evrópuþinginu.
David Martin, talsmaður breskra
Verkamannaflokksþingmanna á
Evrópuþinginu, sagði, að sovéski
embættismaðurinn, Oleg Bykov að
nafni, hefði sagt, að Rust yrði hugs-
anlega látinn laus á byltingaraf-
mælinu 7. nóvember nk. ásamt
ýmsum andófsmönnum. Bykov, sem
á sæti í æðstaráðinu og er frammá-
maður í sovésku vísindaakade-
míunni, var gestur Evrópuþingsins
í Brussel og Strasbourg fyrr í þess-
um mánuði.
Mathias Rust, sem er aðeins 19
ára gamall, var dæmdur í fjögurra
ára fangelsi fyrir að hafa komið til
Sovétríkjanna með ólögmætum
hætti og lent Cessna-vél sinni á
Rauða torginu.
Mcguog
þægilegii
Dallas áklæða settin eru komin aftur
í mörgum litum og öllum stærðum.
3+2+1 kr. 79.590,-
3+1+1 kr. 72.960,-
Hornsófar, 5 sætakr. 72.960,-
Hornsófar, 6 sæta kr. 76.280,-
5.000,- á mánuði,
19.000,- útborgun með
Visa og Euro
2ja ára ábyrgð.
húsgagn&höllin
REYKJAVÍK