Morgunblaðið - 20.10.1987, Blaðsíða 17
MORGUNBLAÐIÐ, ÞRIÐJUDAGUR 20. OKTÓBER 1987 17
um við henni og hún var ákaflega
þakklát. Að sjálfsögðu var lánið
greitt skömmu síðar."
„Sestu í aftursætið“
Þeir félagar sögðu að þó lög-
gæslustörfín væru að sjálfsögðu
mikið alvörumál þá kæmu oft ýmis
skemmtileg atvik fyrir á ferðum
þeirra um landið. Eiður nefndi sem
dæmi, að eitt sinn stöðvuðu vega-
lögreglumenn bifreið, sem var ekið
á of miklum hraða. Annar lögreglu-
þjónanna vatt sér út úr lögreglubif-
reiðinni, gekk að hinni og ræddi
stuttlega við manninn sem sat und-
ir stýri. Vegna brots mannsins
þurfti að taka af honum skýrslu og
sagði lögregluþjónninn við hann:
„Komdu út úr bflnum og sestu í
aftursætið." Síðan gekk hann aftur
að sinni bifreið og bjó sig undir að
skrifa skýrsluna.
Eftir nokkra stund fór þá vega-
lögreglumenn að undra hvers vegna
ökumaðurinn væri svo lengi að
koma sér undan stýri. Þegar að var
gáð reyndist sá ágæti maður hafa
misskilið lögregluna og fært sig í
aftursæti eigin bifreiðar, þar sem
hann sat þolinmóður og beið þess
sem verða vildi.
Eiður sagði að oft væri hægt að
brosa að alvarlegum atvikum eftir
á. „Þannig var það til dæmis með
manninn, sem var stöðvaður á tæp-
lega 180 kflómetra hraða á Reykja-
nesbraut, sem að sjálfsögðu er alls
ekki broslegt. Hann gaf hins vegar
þá skýringu á hraðanum að hann
væri svo slæmur í baki, að hann
yrði að flýta sér heim. Hann gæti
bara ekki setið lengi í bfl! Sem bet-
ur fer hafa ekki allir bílstjórar þetta
viðhorf, því hætt er við að slysin
yrðu enn fleiri og alvarlegri ef svo
væri.“
Texti: Ragnhildur Sverrisdóttir.
Anægður með störf vega-
lögreglu og vil efla hana
- segir Böðvar Bragason, lögreglustjóri
„ÉG er mjög ánægður með
störf vegalögreglunnar og mun
vinna að því að efla hana frek-
ar en hitt,“ sagði Böðvar
Bragason, lögreglustjóri i
Reykjavík, en vegalögreglan er
undir hans stjórn.
Böðvar sagði, að hann teldi
nauðsynlegt að halda uppi þessari
löggæslu á vegunum og auka hana
að því er varðaði hálendið, enda
hefði sú nýbreytni, að hafa bifreið
á hálendinu, gefíst mjög vel. „Það
má auðvitað deila um það hvort
nóg sé að vegalögreglan hafí fjór-
ar bifreiðar til umráða," sagði
Böðvar. „Sjálfur hef ég óskað eft-
ir að þær verði fleiri, en þetta er
okkur skammtað. Það eru vissu-
lega næg verkefni fyrir vegalög-
regluna og hún sinnir ýmsum
verkefnum, sem ágætt er að viss
stýring sé á fyrir landið í heild.
Þá er lögreglan oft fáliðuð úti á
landi og mikilvægt fyrir hana að
fá aðstoð, enda hefur samvinna
vegalögreglu við lögreglu á hveij-
um stað verið með ágætum," sagði
Böðvar Bragason, lögreglustjóri í
Reykjavík.
Böðvar Bragason
Vegalögreglan er nauðsyn-
legur hlekkur í löggæslu
— segir Óli H. Þórðarson, framkvæmdastj óri Umferðarráðs
„Vegalögreglan er mjög
nauðsynlegur hlekkur í lög-
gæslu landsins,“ sagði Óli H.
Þórðarson, framkvæmdastjóri
Umferðarráðs, þegar hann var
inntur álits á störfum vegalög-
reglunnar.
ÓIi sagði, að þrátt fyrir að lög-
reglan um land allt ynni mjög
vel, þá væri hún oftar en ekki
fáliðuð og kæmist ekki yfír að
sinna allri umferð á þjóðvegunum.
„A nokkrum svæðum er vegalög-
reglan jafnvel eina lögreglan á
ferð, því aðrir lögreglumenn hafa
ekki aðstöðu til að fara um landið
á sama hátt,“ sagði Óli. „Þá er
mér einnig kunnugt um að vega-
lögreglan hefur oft aðstoðað
lögreglu á hveijum stað við úr-
lausn viðkvæmra mála. Því tel ég
að frekar eigi að efla þessa lög-
gæslu en draga úr henni. Þá er
einnig vert að benda á, að með
síaukinni umferð hefur slysum
fjölgað. Þessa fjölgun má meðal
annars rekja til aukins umferðar-
hraða og ég tel að ekki sé hægt
að líta framhjá hlutverki vegalög-
reglunnar við að halda hraðanum
niðri.“
Óli H. Þórðarson