Morgunblaðið - 12.11.2000, Blaðsíða 31

MOFíGUNBLAÐIÐ
SUNNUDAGUR 12. NÓVEMBER 2000 31
Loftmyndir hafa látið taka myndir af megninu af landinu, eins og sést á
þessari teikningu. Dreifðu punktarnir á hálendinu og víðar sýna hvað
liefur verið myndað í háflugi.
Tvær flugvélar voru notaðar til að taka myndir fyrir Loftmyndir ehf. í
sumar. Hér eru þær á Egilsstaðaflugvelli. Sú sem er nær á myndinni er
dönsk og var notuð til að taka myndir í lágflugi. Hin er norsk og er not-
uð til að taka myndir af hálendinu úr 8.500 metra hæð.
„Við teljum að fyrir nákvæmnis-
vinnu, eins og til dæmis í þéttbýli, sé
ekki þörf á hefðbundnu landakorti,
heldur dugi myndkort. I gangi eru
stór verkefni, meðal annars við að út-
búa landupplýsingagögn, þai’ sem
aldrei hafa verið notuð venjuleg
landakort. Þessi tækni er mun ódýr-
ari en hin hefðbundna og getur mun-
að allt að 75%,“ segir Örn.
Skynsamlegra að
nota myndkort
Allan þann tíma sem Loftmyndir
hafa starfað hefur fyrirtækið verið í
ákveðinni samkeppni við ríkið, eins
og þeir félagar orða það, eða nánar
tiltekið við ríkisstofnunina Landmæl-
ingar Islands. Ríkisstofnunin hélt úti
loftmyndaflugi fyrstu tvö starfsár
Loftmynda ehf. en hætti síðan að
fljúga á eigin vegum. Landmælingai'
hafa verið undirverktakar í útboðum
sem fram hafa farið á þessum tíma og
þannig keppt við einkafyrírtækið. I
vor buðu Landmælingar síðan út loft-
myndaflug fyrir eigin þaitir vegna
kortagerðar. Loftmyndir buðu í verk-
ið, þó ekki á þeim forsendum sem
lagðar voru upp, og fengu því ekki
verkið. Varð það til þess að þrjár flug-
vélar voru við loftmyndatökur yfir
Islandi í sumar, tvær á vegum Loft-
mynd ehf. og ein á vegum ríkisstofn-
unarinnar.
„Við teljum skynsamlegi-a að vinna
myndkort sem grunn við kortaútgáfu
og höfum boðið Landmælingum að
kaupa afnotarétt af okkar myndkort-
um. Eftir þeim gætu þeir unnið hefð-
bundin landakort, til dæmis í mæli-
kvarðanum einn á móti fimmtíu
þúsund,“ segir Jóhannes. „í tilboði
okkar frá því í vor fólst frávik frá því
sem þeir voru að bjóða út, við buðum
þeim að nýta okkar kort í stað þess að
taka aftur myndir af þeim svæðum
sem við áttum til. Það hefur greini-
lega ekki þótt hagstætt boð því Land-
mælingar ákváðu að halda sinni línu,
láta taka svart-hvítar loftmyndir af
svæðum sem við áttum í lit, en svart-
hvítar myndir þjóna kröfum þess lik-
lega betur. Ríkið ætlar að eyða 400-
500 milljónum á næstu árum í það að
gera landakort af öllu landinu í mæl-
ikvarðanum einn á móti fimmtíu þús-
und. Það á að gera með því að hressa
upp á gömul kort frá Bandaríkja-
mönnum. Við teljum okkur aftur á
móti geta látið í té nýjar upplýsing-
ar,“ segir Jóhannes.
Örn bætir því við að grunnurinn
sem Landmælingar íslands nota sé
unninn af Bandaríkjamönnum á síð-
ustu áratugum og þar áður af Dönun.
„Það er einkennilegt að ekki skuli
vera hægt að samnýta þessa vinnu en
það er eins og enginn hafi trúað því
að einkafyrirtæki tækist að gera
fyrsta íslenska kortagrunninn,“ segir
Óm.
Verslun og stækkun mynda
I janúar opnuðu Loftmyndir ehf.
verslun við Skólavörðustíg. „Við vild-
um gera þetta myndasafn okkar að-
gengilegt fyrir almenning en það var
áðui' lokað inni í skápum,“ segir Jó-
hannes. Þar geta viðskiptavinir fyrir-
tækisins, einstaklingar, fyrirtæki og
opinberar stofnanir, pantað og keypt
þær loftmyndir og myndkort sem
þeir þurfa.
Til þess að getað þjónað viðskipta-
vinum sínum vel þurftu þeh að kaupa
dýran búnað, meðal annars
myndprentvél. Hún býr til stækkanir á
pappír eða filmu. „Til þess að réttlæta
þessa fjárfestingu urðum við að fara út
í frekari myndvinnslu. Fagmenn í jjós-
myndun komust strax á bragðið enda
sjá þeir að hér er hægt að fá stækkað-
ar myndir með jafn miklum gæðum og
fæst með hefðbundinni stækkun í
höndunum," segir Öm um þennan
nýja þátt í starfseminni.
Mikil fjárfesting
Eins og fram hefur komið eru Loft-
myndir ehf. búnar að taka ljósmyndir
af 85% landsins og þegar er búið að
vinna myndkort úr 20% þess. Nú era
stjórnendur fyrirtækisins að endur-
skoða framtíðarsýn. Jóhannes segir
að á næstu tveimur til þremur árum
verði lokið loftmyndatökum af öllu
landinu. Þá sé stefnt að því að Ijúka
gerð myndkorta af öllu landinu á
fimm árum.
Eftir því sem vinnunni miðar verð-
ur smám saman til grunnui' að nýju
íslandskorti. Ekki eru Öm og Jó-
hannes búnir að gera það upp við sig
hvort þeir fara út í samkeppni við rík-
ið um útgáfu hefðbundinna korta,
segjast ekki vera búnir að gefa upp
alla von um að leiða mönnum það fyr-
ir sjónir að betra sé og hagkvæmara
fyrir ríkið að taka upp samstarf um
notkun þeirra gagna sem Loftmyndir
hafa aflað. Segjast þeir raunar vera
reiðubúnir að gera tÚboð í allan pakk-
ann fyrir Landmælingar Islands
enda séu það úrelt vinnubrögð að
vera með fjölda ríkisstarfsmanna í
handverki þegar almenna stefnan hjá
ríkinu sé að bjóða út sem flest verk.
Loftmyndh- hafa lagt mikla fjár-
muni í uppbyggingu loftmyndasafns
síns og myndkortagrunn. Þeir félagar
segja að allir peningar fyrirtækisins
til þessa hafi farið í þetta verkefni.
„En við höfum líka verið heppnir, á
þessum tíma hafa verið miklar fram-
kvæmdir í landinu. Við höfum eignast
marga fasta viðskiptavini, svo sem
RARIK, Landssímann, Hitaveitu
Suðurnesja og tugi sveitarfélaga og
lánastofnana," segir Öm Ingólfsson.
RPFRPEN SKRÁNING
HLLITPBRÉFP
Þann 11. desember 2000 verða hlutabréf
Tryggingamiðstöðvarinnar hf. tekin til rafrænnar
skráningar hjá Verðbréfaskráningu íslands hf.
Þar af leiðandi verða engin viðskipti með
hlutabréf félagsins þann dag. Frá þeim tíma
ógildast hlutabréf félagsins sem eru útgefin á
pappírsformi í samræmi við heimild í ákvæði
til bráðabirgðarlaga nr. II í lögum nr. 131/1997,
um rafræna eignarskráningu verðbréfa,
sbr. 6. gr. laga nr. 32/2000, um breytingar á
ýmsum lögum vegna tilkomu rafrænnar eignar-
skráningar á verðbréfum, og reglugerð
nr. 397/ 2000, um rafræna eignarskráningu
verðbréfa í verðbréfamiðstöð.
Skorað er á eigendur ofangreindra hlutabréfa,
sem telja nokkurn vafa leika á því að eignarhald
þeirra sé réttilega fært í hlutaskrá
Tryggingamiðstöðvarinnar hf., að staðreyna
skráninguna með fyrirspurn til skrifstofu
Tryggingamiðstöðvarinnar hf. í Aðalstræti 6-8,
101 Reykjavík fyrir nefndan dag.
Ennfremur er skorað á þá sem eiga takmörkuð
réttindi til ofangreindra hlutabréfa, s.s.
veðréttindi, að koma þeim á framfæri við
fullgilda reikningsstofnun (viðskiptabanka,
sparisjóð eða verðbréfafyrirtæki).
Að lokinni rafrænni skráningu geta hluthafar
falið reikningsstofnun, sem hefur gert aðildar-
samning við Verðbréfaskráningu íslands hf., að
hafa umsjón með eignarhlut sínum í félaginu.
Hluthöfum félagsins verður nánar kynnt þetta
bréfleiðis.
Stjóm Tryggingamiðstöðvarinnar hf.
TRYGGINGAMIÐSTOÐIN HF
- þegar mest á reynir!
Aðalstræti 6-8 • 101 Reykjavík • Sími 515 2000 • www.tmhf.is
0
m
Microsoft
Office 2001
Stafabrengl heyrir fortíðinni til
þegar tveir heimar mætast
Nú er hann kominn Office 2001 pakkinn frá Microsoft.
Eitthvað sem allir Macintosh notendur verða að eignast.
Verðlaunaður pakki með nýju notandaviðmóti
f sönnum Apple stfl. Inniheldun Excel, Word, Power Point
og nýtt tölvupóst- og skipulagsforrit, Microsoft Entourage.
aco
hugsaðu I skapaðu I upplrfðu
Skaftahlíð 24 • Sfml 530 1800 • Fax 530 1801 • www.apple.is/offica