Morgunblaðið - 16.05.2000, Blaðsíða 74
74 ÞRIÐJUDAGUR 16. MAÍ 2000
MORGUNBLAÐIÐ
Dýraglens
Grettir
Búinn ! Og ég dró ekki
einu sinni andann!
flubbiA
Ljóska
Ferdinand
Smáfólk
Kennarinn okkar vill að við
skrifum ritgerð um bænagjörð.
PRAVIN6 ISIMPORTANT UJMEN
YOU UJAKE UPATTUJO O'CLOCK
INTHEM0RNIN6FEELIN6 5ICK
FROM EATIN6 50METMIN6
PUMBTME PAY BEFORE..
Bænir eru mikilvægar þegar þú
vaknar upp kl. tvö að nöttu, með
magaverk vegna einhvers sem
þú lést ofan í þig deginum áður.
I LL JUST SAV UJE WERE
OUTOFTOWNANPI PIPN'T
MAVE TIME T0 UJRITE ANVTUIN6..
Ég segi bara að við höfum farið
út f sveit og ég hafi ekki haft
tíma til að skrifa neitt.
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Aldraðir -
hin breiðu bök
Frá Karli Gústafi Ásgrímssyni:
NÚ ER er okkar gamlingjanna lið-
ið, ár aldraðra, en á því ári voru
forystu- og ráðmenn þjóðarinnar
uppfullir af hug-
sjóninni um að
nú þyrfti að gera
eitthvað til að
bæta hag ellilíf-
eyrisþega og
annarra lág-
launamanna.
Margar ræður
voru fluttar
mörg fögur fyr-
heit gefin en
árangur höfum við ekki séð, nema
að gefin voru út ný lög með fögr-
um fyrirheitum og ákvörðunum
um að skipa ýmsar nefndir og ráð
til að vinna að málum okkar. Lítið
eða ekkert hefur verið gert. Nú
þurfum við ekki að hlusta á lof-
ræður um fögur fyrirheit en fáum
að finna hinn raunverulega vilja og
hug stjórnvalda til okkar.
Nýlega er búið að samþykkja
kjarasamninga Flóabandalagsins
en þar var samið um að lægstu
hóparnir, sem eru með um sjötíu
þúsund krónur hækkuðu um allt
að 30% á næstu árum, en þeir
hæstu um nálægt 12%. Forsætis-
ráðherra boðaði að greiðslur al-
mannatrygginga hækkuðu í takt
við laun eins og það var orðað í 3.
grein yfirlýsingar ríkisstjórnarinn-
ar í tengslum við kjarasamninga á
árinu 2000. Orðrétt segir: Ríkis-
stjórnin mun tryggja að greiðslur
almannatrygginga hækki í takt við
umsamdar almennar launahækk-
anir á samningstímabilinu. Hækk-
unin á árinu 2000 verður þó
nokkru meiri. Hvernig ætlar svo
ríkisstjórnin að standa við þetta?
Jú, hún segir að hækkun sem við
vorum búin að fá fyrir samnings-
tímbilið skuli teljast til samings-
tímabilsins, þ.e. hækkun sem við
fengum 1. jan. sl. skuli teljast
hækkun á samningstímbilinu þó
svo að samningar hafi ekki verið
gerðir fyrr en í mars.
Þannig fengum við 0,9% hækkun
1. apríl þegar hinir lægstu á vinnu-
markaðinum hækka um 5 til 7% og
hinir hærri um 3,9%. Þannig leika
sjórnarherrarnir sér með tölur og
segja að við fáum jafnmiklar
hækkanir og aðrir á samningstím-
anum en hækkun sem við fengum
1. jan. var og er ekki á samnings-
tímabilinu.
Ég var svo einfaldur að halda að
hækkunin um áramótin hefði verið
til að leiðrétta hluta af því sem við
höfum dregist aftur úr almennri
launaþróun undanfarinna ára því
skv. skýrslu Þjóðhagsstofunnar
dags. 1. des. 1977 og viðbótar-
upplýsingum Þjóðhagsstofunnar
og Tryggingastofnunar 1. okt.
1999 var grunnlífeyrir og tekju-
trygging sem hlutfall af dagvinnu-
launum verkamanna á höfuðborg-
arsvæðinu árið 1976, 44,9%, en var
árið 1991, 51,7% og árið 1999 var
þetta hlutfall 43,9% . Þetta hlutfall
hafði farið hækkandi frá 1976 til
1991 en síðan hefur það lækkað og
er núna lægra en nokkru sinni áð-
ur og er greinilegt að ef fer fram
sem horfir heldur það áfram að
lækka.
Við eigum að vera sæl og ánægð
núna þegar ellilífeyrir okkar
hækkar úr 17.436 kr. á mánuði í
17.592 kr. eða um 156 krónur, er
þetta ekki ofrausn? A sama tíma
er verið að lækka tolla á lúxusbifr-
eiðum og nemur sú lækkun allt að
hálfri milljón króna á bíl. Ekki er
þessi tollalækkun til hagsbóta fyr-
ir hinn almenna eldri borgara.
Nýlega héldu þrír ráðherrar
blaðamannafund þar sem þeir boð-
uðu nýtt fjölskylduvænt frumvarp
til laga um fæðingarorlof, en það
snertir okkur eldri borgar ekkert,
en þó var athyglivert í því að eng-
in skerðingarákvæði voru í því á
bætur til foreldra. Foreldri fær
alltaf 80% af launum í orlofinu
hversu háar sem tekjur eru og var
þetta talið einn aðlkosturinn við
frumvarpið.
Við þessa frétt vaknar hjá
manni sú von að þessir háttvirtu
ráðherrar sjái fljótlega ástæðu til
að hætta tekjutengingu á greiðslur
til ellilífeyrisþega og öryrkja, eins
og nú er gert.
Þessi tekjutenging var sett á
þegar samdráttartímar voru í
þjóðfélaginuog mikil lægð var í
efnahagslífinu og launþegar sömdu
nánast um lækkun launa eða eins
og þá var sagt, til að reyna að við-
halda kaupmættinum, og eiga þeir
sem að þessari tekjutengingu
stóðu að skammast sín um aldur
og ævi, en þó er skömm þeirra
ennþá meiri, sem hafa stjórnað að
undanförnu í góðæri og á upp-
gangstímum og ekki gert neitt til
að leiðrétta þetta heldur haldið
áfram að skerða kjör okkar sam-
anber síðustu aðgerð þeirra.
Er eitthvert réttlæti í því að
skerða bætur til ellilífeyrisþega,
sem hann er búinn að ávinna sér,
þótt hann eða maki hans vinni sér
inn nokkrar krónur ef heilsan er
góð?
Við skulum vona að ráðherrar
okkar taki sér Bandaríkjamenn
sér til fyrirmyndar, en þeir voru
að afnema skerðingar á bótum til
þeirra sem eru sextíu og fimm ára
eða eldri, þótt þeir hafi aðrar
tekjur.
Þessi atriði sem hér hafa verið
nefnd eru aðeins brot af því órétt-
læti sem ellilífeyrisþegar og aðrir
bótaþegar verða að búa við í dag.
KARL GÚSTAF ÁSGRÍMSSON,
formaður Félags eldri borgara,
Kópavogsbraut 97,
Kópavogi.
Karl Gústaf
Ásgrfmsson
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.