Morgunblaðið - 30.12.1998, Qupperneq 14

14 MIÐVIKUDAGUR 30. DESEMBER 1998
AKUREYRI
MORGUNBLAÐIÐ
Heilbrigðisráðuneytið og Akureyrarbær
Samningur um uppbyggingu
heilsugæslustöðvarinnar
Morgunblaðið/Björn Gíslason
KRISTJAN Þór Júlíusson, bæjarstjóri á Akureyri, og Ingibjörg Pálma-
dóttir heilbrigðisráðherra undirrituðu þrjá samninga í gær milli bæj-
arins og ráðuneytisins.
Norðurlandsdeild Blaðamannafélags íslands
Háskólinn á Akureyri
hlaut Fjölmiðlabikarinn
Morgunblaðið/Björn Gíslason
ARNAR Páll Hauksson, formaður Norðurlandsdeildar Blaða-
mannafélags íslands, afhendir Þorsteini Gunnarssyni rektor HA
Fjölmiðlabikarinn.
INGIBJÖRG Pálmadóttir heil-
brigðisráðherra og Kristján Þór
Júlíusson, bæjarstjóri á Akureyri,
undinituðu í gær þrjá samninga
milli heilbrigðisráðuneytisins og
Akureyrarbæjar. Samningarnir
era um framkvæmdir við
Heilsugæslustöðina á Akureyri,
sjúkraflutninga og heilbrigðisþjón-
ustu við fanga.
Samningurinn um uppbyggingu
heilsugæslustöðvarinnar lýtur að
endurbótum á húsnæði og búnaði
stofnunarinnar fyrir um 80 milljón-
ir króna á næstu þremur áram.
Ríkið greiðir 85% af kostnaðinum
og Akureyi-arbær 15%, eða um 12
milljónir króna. Kristján Þór Júlí-
usson bæjarstjóri sagði að bærinn
myndi leggja fram 14,5 milljónir til
verksins á næsta ári og 9,3 milljón-
ir króna árið 2000 en fengi um 12
milljónir króna endurgreiddar frá
ríkinu árið 2002.
Starfsmönnum Ijölgað
á slökkvistöðinni
Guðmundur Sigvaldason, fram-
kvæmdastjóri heilsugæslu-
stöðvarinnar, sagði mjög mikil-
vægt að koma húsnæði stofnunar-
innar í það form að hún þjóni sem
heilsugæslustöð. Jafnframt að
það skipti miklu máli fyrir rekst-
urinn að umgjörðin sé góð. Heil-
brigðisráðherra sagði að
heilsugæslustöðin hafí verið vel
rekin og að innan stofnunarinnar
ríkti góður andi. Auk þess hafi
Morgunblaðið/Björn Gíslason
Vernharð
íþróttamaður
Akureyrar
VERNHARÐ Þorleifsson,
júdómaður úr KA, var í gær út-
nefndur íþróttamaður Akureyr-
ar 1998. Þetta er í fimmta skipti
sem Vernharði hlotnast þessi
nafnbót, hann var kjörin fjögur
ár í röð, 1993-1996 en í fyrra
varð Ómar Halldórsson, kylfing-
ur, fyrir valinu.
Vernharð varð m.a. Island-
meistari í sínum þyngdarflokki á
árinu og sigraði á opna skandin-
avíska meistaramótinu. í öðru
sæti í kjörinu varð Sigurpáll Geir
Sveinsson, GA, Islandsmeistari í
golfi, í þriðja sæti Baldur Ingv-
arsson, skíðagöngumaður úr
SRA, Halldór Sigfússon, hand-
knattleiksmaður úr KA varð
Ijórði og Orri F. Hjaltalín,
körfuknattleiksmaður úr Þór
varð í fimmta sæti.
stofnunin verið í fararbroddi á
ýmsum sviðum.
Með samningi ráðuneytisins og
bæjarins um sjúkraflutninga mun
starfsmönnum á slökkvistöðinni
fjölga um fjóra, eða um einn á
hverri vakt. Jafnframt munu
sjúkraflutningamenn eiga kost á
neyðarflutningsmenntun. Tómas
Búi Böðvarsson slökkviliðsstjóri
sagði að með fjölgun starfsmanna
og aukinni menntun þeirra væra
menn betur í stakk búnir að leysa
þau verkefni sem þeirra bíða. Birg-
ir Finnsson varaslökkviliðsstjóri
sagði stefnt að því að auglýsa nýju
stöðurnar fljótlega og ráða í þær
sem fyrst á nýju ári.
Fangar fái
sömu þjónustu
Ingibjörg Pálmadóttir sagði að
með samningi um heilbrigðisþjón-
ustu við fanga væri verið að festa í
sessi þá þjónustu sem fyrir er og
um leið að styrkja hana. Ólafur H.
Oddsson, héraðslæknir á Norður-
landi eystra, sagði að kjarni samn-
ingins sneri að því að refsifangar
fengju sömu læknisþjónustu og
aðrir landsmenn. Samkvæmt
samningi við heilsugæslustöðina
mun læknir koma í heimsókn í
fangelsið aðra hverja viku, auk
þess sem fangar munu koma í
skoðun á stofnunina eftir því sem
þörf er á hverju sinni. Þá verður
leitað til FSA vegna sérhæfðrar
þjónustu.
FJÖLMIÐLABIKARINN var af-
hentur í fyrsta sinn í gær, en það
var Háskólinn á Akureyri sem grip-
inn hlaut fyi'ir framlag til
byggðaáætlunar og fjarkennslu.
Það er Norðurlandsdeild Blaða-
mannafélags íslands sem stendur
að því að afhenda bikarinn og var
starfsfólki fjölmiðla á Akureyri gef-
inn kostur á að kjósa eitt af átta fyr-
irtækjum og stofnunum á Norður-
landi sem tilnefnd vora.
Araar Páll Hauksson, for-
stöðumaður Ríkisútvarpsins á Ak-
ureyri og formaður Norðurlands-
deildar BÍ, sagði að Háskólinn á
Akureyri hefði unnið mikið og stórt
verk varðandi byggðastefnu og það
verk sem Rannsóknarstofnun HA
vann fyrir Byggðastofnun er megin
uppistaðan í þingsályktunartillögu
forsætisráðherra um byggðastefnu
næstu árin.
„Hvað snertir fjarkennslu er það
ótvírætt að Háskólinn, með Þor-
stein Gunnarsson rektor í farar-
broddi, hefur komið því rækilega til
skila að ýmsar leiðir era færar í
háskólanámi, sérstaklega hvað
varðar stöðu nemenda í strjálbýl-
inu. Það er hins vegar mitt mat að
með þessari viðurkenningu sé verið
að staðfesta að Háskólinn er orðinn
fullorðinn. Hann er reyndar aðeins
10 ára, sem er ekki mikill aldur.
Byrjendaárin eru að baki og alvar-
an tekin við,“ sagði Arnar Páll.
Viðurkenningin mikils virði
Þorsteinn Gunnarsson rektor tók
við Fjölmiðlabikarnum fyrir hönd
skólans og hann sagði þessa viður-
kenningu vera mikils virði fyrir hið
unga háskólasamfélag. Þorsteinn
sagði þetta viðurkenningu til allra
þeirra sem starfa og hafa lært í
háskólanum og eru að byggja upp
atvinnulíf á landsbyggðinni. Hann
sagði mikið verk hafa verið unnið
fyrir Byggðastofnun og um leið hafi
verið lögð vinna í að lyfta umræðu
um byggðamál upp á vitrænt plan.
Varðandi fjarkennsluna sagði Þor-
steinn að þar hafi með stuttum fyr-
irvara tekist að koma upp fyrstu
kennslunni á háskólastigi, þar sem
kennt er með fjarbúnaði til Isafjarð-
ar.
Þau fyrirtæki og stofnanii' sem
tilnefnd voru í kjörinu auk háskól-
ans eru; Aldin, Húsavík, vegna nýj-
unga í atvinnustarfsemi. Hesta-
mannafélögin í Eyjafirði, vegna
skipulags Landsmóts hestamanna,
Hvalasafnið á Húsavík, vegna upp-
byggingar ferðaþjónustu og hvala-
safnsins, Kaupfélag Eyfii'ðinga,
vegna skipulagsbreytinga og
útþenslustefnu, Landsbjörg, vegna
björgunarstarfa og þá sérstaklega
þegar sleðamenn á Dalvík týndust.
Verkmenntaskólinn á Akureyri,
vegna frumherjastarfs í fjarkennslu
og Vesturfarasafnið á Hofsósi,
vegna framlags til varðveiðslu á
sögu landsins.
Sjómannafélag
Eyjafjarðar
Alþingi breyti
lögum um
stjórn veiða
AÐALFUNDUR Sjómannafélags
Eyjafjarðar, sem haldinn var þriðju-
daginn 29. desember sl., telur að í
nýgengnum dómi Hæstaréttar í
málinu nr. 145/1998 sé augljóst að
Hæstiréttur sé að benda á að það sé
brot á jafnræðisreglu stjórnarskrár-
innar að aðrir aðilar en þeir sem
áttu skip við upphaf kvótakei'fisins
skuli ekki eiga þess kost að fá út-
hlutað veiðiheimildum, þ.e. afla-
marki og aflahlutdeild.
Hvergi verði lesið úr dómnum að
nægilegt sé að úthluta nýjum skip-
um veiðileyfi til að uppfylla jafn-
ræðisreglu stjórnarskrárinnar. Því
síður verður það lesið út úr dómnum
að þeir sem fá veiðileyfi en ekki
veiðiheimildir eigi að vera háðir því,
að þeir sem fengu úthlutað veiði-
heimildum í öndverðu, séu tilbúnir
að selja þeim aflamark eða aflahlut-
deild úr sameign þjóðarinnar.
Aðalfundurinn bendir á að Alþingi
geti ekki horft aðgerðarlaust á það
lengur að útvalinn hópur útgerðar-
manna efnist á braski með sameign
þjóðarinnar. Framlagt framvarp
ríkisstjórnarinnar hafi ekkert með
dóm Hæstaréttar að gera og skorar
fundurinn á Alþingi að gera þær
breytingar á lögunum um stjórn
fiskveiða sem duga til að fullnægja
dómi Hæstaréttar.
Þá telur fundurinn það mikinn
misskilning að sjálft stjómkerfi
veiðanna sé í uppnámi þó farið sé að
dómi Hæstaréttar og allar slíkar
vangaveltur séu áróður og ekkert
annað.
------♦-*-*.---
Iþróttamaður
Dalvfkurbyggð-
ar útnefndur
ÚRSLIT í kjöri íþróttamanns Dalvík-
urbyggðar verða kunngjörð í hófi í
Safnaðarheimili Dalvíkurkirkju í dag,
miðvikudaginn 30. desember kl. 17.
Alls eru 6 íþróttamenn tilnefndh'
að þessu sinni en þeir eru; Björgvin
Björgvinsson skíðamaður, Jóhannes
Bjarni Skarphéðinsson körfuknatt-
leiksmaður, Ómar Freyr Sævarsson
frjálsíþróttamaður, Stefán Frið-
geirsson hestaíþróttamaður, Steinn
Símonarson knattspyi'numaður og
Þorgerður J. Sveinbjörnsdóttir
sundkona.
---------------
Kirkjustarf
um áramot
AKUREYRARKIRKJA: Guðs-
þjónusta á Hlíð á gamlársdag kl.
16.00. Kór aldraðra syngur undir
stjórn Birgis Helgasonar. Aft-
ansöngur í Akureyrarkirkju kl.
18.00 á gamlársdag, útvarpsmessa.
Óskar Pétursson syngur einsöng.
Hátíðarmessa í kirkjunni á nýjárs-
dag kl. 14.00. Ekki verður messað í
kirkjunni sunnudaginn 3. janúar.
GLERÁRKIRKJA: Aftansöngur
á gamlársdag kl. 18.00. Erlingur
Sigurðarson forstöðumaður Sigui'-
hæða - Húss skáldsins - flytur hug-
leiðingu. Hátíðarmessa á nýjársdag
kl. 16.00.
LAUGALANDSPRESTAKALL:
Síðasta messa ársins verður sungin í
Kaupangskirkju á gamlársdag kl.
13.30. Ræðumaður verður Tómas
Ingi Olrich alþingismaður.
HVÍTASUNNUKIRJAN: Hátíð-
arsamkoma á nýjársdag kl. 14.00. G.
Theodór Birgisson predikar.
HRÍSEYJARPRESTAKALL:
Aftansöngur kl. 16.00 á gamlársdag
í Stærri-Arskógskirkju.
LAUFÁSPRESTAKALL: Aft-
ansöngur í Grenivíkurkirkju kl.
18.00 á gamlársdag.
KFUM og K: Hátíðarsamkoma á
kl. 20.30 á nýjársdag. Ræðumaður
verður Víðir Benediktsson.