Morgunblaðið - 14.06.1998, Blaðsíða 23
MORGUNBLAÐIÐ
SUNNUDAGUR 14. JÚNÍ 1998 23
GUÐFINNA með bankafólki One Valley Bank of Clarksburg í Banda-
ríkjunum - og nokkrir verðlaunagripir sem fengust í kjölfar gæða-
stjórnunar. Myndin birtist í blaðinu Bank Management sept./okt. 1994.
Hagnýtt nám í
Viðskiptaháskólanum
VIÐSKIPTAHÁSKÓLINN í
Reykjavík mun annars vegar
brautskrá nemendur með BS-
gráðu í viðskiptafræði og hins veg-
ar í tölvufræði. Hann verður í 5
hæða byggingu í Ofanleiti 2 og get-
ur rúmað fimm hundruð nemend-
ur. Skólinn er sjálfseignarstofnun
og skipar Verzlunarráð Islands
stjórn skólans. Hann verður aðskil-
inn Verzlunarskóla Islands og hef-
ur eigið háskólaráð.
Tíu ára gamall Tölvuháskóli
Verzlunarskóla Islands verður að
Tölvufræðideildinni en að auki
verður þriðja árinu bætt við námið.
Áherslan verður á verklega þjálfun
nemenda og hagnýtt nám sem nýt-
ist strax að því loknu. Tveggja ára
hagnýtt nám í kerfisfræði verður
þungamiðja Tölvufræðideildarinn-
ar. Sérstaða skólans verður að
fengist er við raunhæf verkefni.
Þriðja árið verður svo fræðilegra
og felur m.a. í sér tvö stærðfræði-
námskeið og opnar nemendum
möguleika á framhaldsnámi.
Viðskiptadeildin er nýmæli en
eftir tveggja ára nám í henni fá
nemendur diploma, en þriðja árið
gefur BS-gráðu og er lögð megin-
áhersla á það nám í deildinni. Á
öðru og þriðja ári fá nemendur að
sérhæfa sig á einu eftirtalinna
sviða: 1) Markaðsfræði og alþjóða-
viðskipti, 2) Rekstur og reiknings-
hald, 3) Stjórnun og starfsmanna-
hald. Aðall Viðskiptadeildarinnar
verður, eins og í Tölvufræðideild-
inni, hagnýtt nám og verklegt.
Fastráðinn verður kjarni kenn-
ara við skólann til að sjá um
kennslu og stjórnun, en einnig
verður leitað til fólks sem hefur
önnur aðalstörf og það beðið um að
halda námskeið. Það er gert til að
miðla reynslu af viðskiptalífinu og
fagþekkingu til nemenda. Einnig
verður leitast við að hafa erlenda
kennara sem geta miðlað af
reynslu í atvinnu- og skólalífi.
Viðskiptaháskólinn verður rann-
sóknarháskóli og munu kennarar
að jafnaði vera með rannsóknar-
skyldu. Á næsta skólaári mun önn-
in kosta 49 þúsund krónur fyrir
nemendur, en ríkið borgar að mati
menntamálaráðuneytis u.þ.b. 300
þúsund krónur með hverjum ein-
staklingi og leigir einnig húsnæðið.
Það greiðir 500 krónur á hvern
fermetra á mánuði.
Hús Viðskiptaháskólans er um
4.000 fermetrar á fimm hæðum.
Það er fyrsti áfangi af þremur á
þessari lóð. Aðbúnaður nemenda
og kennara verður eins og hann
gerist bestur og er alls staðar gert
ráð fyrir tölvutengingum. Þrjár
stofur verða með 25 tölvum hver
og svo verða nokkrar minni stofur.
Á fyrstu hæð verður mötuneyti og
fyrirlestrasalur fyrir hundrað
manns. Á annarri hæð verður
bókasafn, upplýsingamiðstöð með
gagnabönkum og 60 manna fyrir-
lestrasalur. Á hinum eru kennslu-
stofur, vinnuaðstaða, herbergi fyr-
ir verkefnavinnu nemendahópa,
skrifstofa rektors o.fl.
Áætlað er að 75 nemendur hefji
nám á 1. ári í Viðskiptadeild í
haust og um 120 á 1. ári í Tölvu-
fræðideildinni. Nemendur í Við-
skiptaháskólanum sem byrja að
hausti þurfa ekki að ákveða fyrst í
stað hvort þeir hyggist vera tvö
eða þrjú ár.
Meginmunurinn á Tölvufræði-
deild Viðskiptaháskólans og tölv-
unarfræði við Háskóla íslands ligg-
ur í tveggja ára námi f kerfisfræði,
sem jafnvel má kalla starfsnám, en
námið í HÍ er á hinn bóginn
akademískt með áherslu á undir-
stöðugreinar eins og stærðfræði.
Nemar í tölvunarfræði við HÍ taka
á fyrstu önn þijú námskeið í stærð-
fræði og eitt í tölvufræði. Aðal-
markmið tveggja ára náms í kerfis-
fræði er hins vegar að búa nem-
endur undir að ganga í störf hjá
hugbúnaðarfyrirtækjum og í tölvu-
deildum fyrirtækja.
Stefnt er að því að nemendur fái
atvinnu á sviðum sfnum strax að
lokinni skólagöngu og að þeir verði
eftirsóttir starfskraftar í fslensku
atvinnulífi. Guðfinna Bjarnadóttir
rektor segir að mælikvarðinn á
gæði skólans verði víðtækt gengi
nemenda að loknu námi.
víkurborgar um að gera vinnuferla
nútímalegri. Hún hefur einnig unnið
með Hagkaup. „Óskar Magnússon
er sterkur stjórnandi og þama ríkir
„kýlum á það“-kúltúr.“
Þekkingarhagkerfi og gæði
kennslustunda
Hún segist stundum hafa óskað
sér að vera menntamálaráðherra
Bandaríkjanna vegna þess að þar
liggur margt fyrir. „í nokkrum
fylkjum geta 20% fullorðinna ekki
unnið störf sem krefjast lestrar. Eg
myndi setja árangursmælikvarða í
skólana og ef öll börn væru ekki
orðin læs níu ára gömul færu þau
eingöngu í lestrarkennslu sem ekki
myndi linna fyrr en þau yrðu læs.
Lestur er nefnilega forsenda þess
að geta verið með í samfélaginu.
Þetta er mesta skömm Bandaríkj-
anna. Lestur er hins vegar styrkur
okkar.“
Guðfinna segist aldrei hafa litið á
sig sem ráðgjafa, heldur sem
mentor eða kennara, og þess vegna
eigi það vel við hana að vera rektor
Viðskiptaháskólans. „Ég held að
hagkerfi næstu aldar verði þekking-
arhagkerfi og arðbærasta fjárfest-
ing einstaklings verði í menntun
sinni og þekkingu. Það verður það
dýrmætasta sem hann getur veitt
sér og hann mun þurfa að endur-
nýja sig lífið á enda.“
Hún telur því brýnt að tíminn
sem í skólagönguna fer sé vel nýtt-
ur. Það er synd að vera tvístígandi í
skóla og eyða jafnvel árum í ómark-
visst nám. „Námið þarf að vera út-
hugsað. Ég mun leggja metnað
minn í að nemendur geti hámarkað
gæði tímans sem þeir nota hér,“
segir hún.
Hvaða mælikvarða ber að
leggja á háskólann?
Guðfinna segist hafa kynnt sér
Tölvuháskóla Verzlunarskólans áð-
ur en hún tók nýja hlutverkið að
sér. „Mér til ánægju byggir hann á
hagnýtingu náms og viðtökumar í
atvinnulífinu eru góðar og viðkvæð-
ið að nemendur hans gætu sest
strax við tölvurnar og byrjað að
vinna.“ í september gengur hann
inn í Viðskiptaháskólann og skilur
alveg við Verzlunarskólann með
nýrri skólanefnd.
Fyrir nokkru var gerð könnun
meðal stúdenta í Háskóla Islands
og í ljós kom að þeir reiknuðu allt
eins með að þurfa að starfa í útlönd-
um m.a. vegna lágra launa hér.
Guðfinnu fmnst þetta vond tilhugs-
un. „Hvaða vinnumöguleika eigum
við að bjóða unga fólkinu? Ég vil
búa nemendur undir störf í hærri
launakantinum. Mér er nefnilega
minnisstæð könnun í Iowa-fylki sem
sýndi að unga fólkið þar kom ekki
aftur heim eftir nám. Það má ekki
henda okkur - og þess vegna vil ég
mæla árangur námsins og spyrja
eins og ég gerði á útskriftinni hvort
þau hafi nú þegar fengið vinnu og
hver launin verði. Og það er góður
mælikvarði á gæði skólans."
Guðfinna segir að skólinn verði
sífellt að kanna hvort hann sé sam-
keppnishæfur og að hann verði að
vera í sífelldri þróun. „Við þurfum
sífellt að vera að breyta og þróa,“
segir hún, og muna að skólinn er
fyrir nemendur sína.“ Hún segir
sérstöðu skólans felast m.a. í hag-
nýtum verkefnum en nemendur fá
alvöruverkefni sem þeir vinna fyrir
fyrirtæki í landinu og glíma því við
raunveruleg vandamál í náminu.
Það þarf að vinna fyrir virðing-
unni með ástundun
Hún segist ætla að vera í góðu
sambandi við nemendur og muni
hin glæsilega bygging Ormars Þórs
Guðmundssonar arkiteks vera um-
gjörð fyrir manneskjulegt um-
hverfi. „Það verður einnig hlustað á
nemendur og fundað reglulega með
þeim. En ögun og harka verður í
náminu og þeim hjálpað að verða að
hæfari einstaklingum - því virðing-
unni þarf að vinna fyrir.“
Iðnaðarmenn keppast við að
ljúka við byggingu Viðskiptaháskól-
ans og umsóknarfresturinn í hann
rennur út á morgun. „Besta leiðin
til að spá í framtíðina er að skapa
hana og skipuleggja," segir Guð-
finna Bjarnadóttir rektor, „það er
lífsspekin mín.“
SUMARHUS A HJOLUM
Til sölu Sunline Camper 26 feta vel búið hljóhýsi á tveimur hásing-
um. í því er glæsileg svefnaðstaða með tvíbreiðu hjónarúmi, sal-
emisaðstaða með sturtu og ríkulega útbúin setustofa/eldhús.
Sem búnað þar má nefnd örbylgjuofn, ísskápur, hljómflutnings-
tæki o.fl.
UPPLÝSINGAR í SÍMA 575 1230/ 575 1200
Glæsilegt úrval
sígildraborðstofuhúsgagna
Margir litir. Mismunandi
skápar og stólar.
Raðgreiðslur [|
Stökktu til
Costa del Sol
1. jÚIÍ
trá kr. 39.932
Nú seljum við síðustu sætin þann 1. júlí til Costa del
Sol og þú getur nú nýtt þér einstakt tilboð okkar til að
komast í sólina á þennan einstaka áfangastað. Þú
bókar núna og staðfestir ferðina, og 4 dögum fyrir
brottför hringjum við í þig og látum þig vita hvar þú
gistir.
Verð kr.
39.932
M.v. hjón með 2 börn, 2-11 ára,
2 vikur, 1. júlí
Verð kr.
49.960
M.v. 2 í studio/íbúð, í 2 vikur 1. júlí.
HEIMSFERÐIR
5k 1
Austurstræfi 17, 2. hæð ♦ sími 562 4600