Morgunblaðið - 01.07.1997, Síða 27
MORGUNBLAÐIÐ
LISTIR
ÞRIÐJUDAGUR 1. JÚLÍ 1997 27
Morgunblaðið/Jón Svavarson
í heildina áhugaverð sýning, en undarlega ójöfn segir m.a. í umsögninni.
Ahugavert ójafnvægi
LEIKLIST
Lcikhópurinn Augna-
b I i k á s 16 r a s v i ð i
Borgarlcikhússins
TRISTAN OG ÍSÓL
Höfundar verks: Leikhópurinn sem
styðst einnig við texta eftir Femando
Arrabal og ljóó eftir Heimi Pálsson.
Höfundur handrits og leikstjón:
Harpa Amardóttir. Leikmynd: Ósk
Vilhjálmsdóttir. Búningar: Sonný
Þorbjömsdóttir. Hárgreiðsla og
förðun: Sigríður Rósa Bjaraadóttir.
Ljós: Jóhann Pálmason. Tónlist:
Einar Kristján Einarsson, Daníel
Þorsteinsson og Kjartan Guðnason.
Hljóð: Jakob Tryggvason og Ólafur
Jónsson. Leikarar: Anna Elísabet
Borg, Bjöm Ingi Hilmarsson, Erling
Jóhannesson, Olafur Guðmundsson,
Ólöf Ingólfsdóttir, Sigrún Gylfa-
dóttir og Steinunn Ólafsdóttir.
Sunnudagur 29. júni.
LEIKHÓPURINN Augnablik hef-
ur spunnið verk um hinn eilífa
ástarþríhyrning, Ísól hina björtu
og vinina Mark og Tristan. Margir
hafa lagt hönd á plóginn til að
skapa nýstárlegt verk þar sem
kennir ýmissa grasa. Þarna má
annars vegar finna hugmynda-
auðgi í uppsetningu og útliti sýn-
ingarinnar og leikgleði í fyrirrúmi
enda helsti kostur verksins hve
allur sá þáttur er áhugaverður.
Hins vegar vantar auðsjáanlega
sterkari leik- og ritstjórn til að
verkið verði að samhæfðu lista-
verki.
Eftir að áhorfendur eru látnir
bíða í hliðarrými er efnt tii kapp-
hlaups um sæti á stóra sviðinu.
Var skemmtilegt að sjá hve marg-
ir í menningargeiranum eru fráir
á fæti. í sviðsrýminu standa per-
sónurnar Mark og Isól mjallhönd,
hinir kokkáluðu makar Tristans
og ísólar hinnar björtu. Kynning
verksins er ísmeygilega vel útfærð
og þessi nálgun goðsagnarinnar
færir persónurnar nær áhorfand-
anum í tíma og rúmi. Ókosturinn
er hins vegar sá að kersknismál
þessi og meðfylgjandi nútímaleg
orðnotkun dregur úr áhrifamætti
verksins og er dragbítur á allri
sýningunni. Orðfærið í hátíðlegu
köflunum sem eru megininntakið
er upphafið og ljóðrænt, en nær
ekki að vera nógu skáldlegt og
áhrifamikið. Textinn hefur þannig
ekki sannfærandi heildarstíl.
Besti kafli verksins eru þættirn-
ir um löngunina og ástina. Þar eru
leiktjöldin og lýsingin notuð af
hugkvæmni og dirfsku auk þess
sem hreyfingar leikaranna eru
þaulunnar. Eftir því sem líður á
verkið verður vægi hins sjónræna
sífellt minna uns endað er á vand-
ræðalegum lokaþætti um dauðann
þar sem leikurinn, textinn og leik-
munir minna á vandræðalega
skólasýningu. Þetta er nokkuð sem
einkennir sýninguna alla; það
skiptast á vel útfærðar hugmyndir
og klénar klisjur.
Þetta ójafnvægi er nokkuð sem
er einnig ríkjandi í leiknum. Stein-
unn Ólafsdóttir er aðsópsmikil sem
ísól mjallhönd og Birni Inga Hilm-
arssyni tekst að skapa sannfær-
andi nútímaútgáfu af Mark kon-
ungi. Erling Jóhannesson sýnir
áberandi sterkari takta í kórník en
dramatík sem Tristan og Ásta
Arnardóttir, sem annars gerir
marga góða hluti sem ísól, tekur
í heildina of djúpt í árinni. Anna
Elísabet Borg sýnir vandaðan og
hófstiíltan leik en aðrir leikarar
ná ekki að leika af sannfæringar-
krafti. Mörg góð tilsvör eru and-
vana fædd þar sem tóninum, fram-
burðinum eða látbragði er áfátt.
Allur umbúnaður sýningarinnar
er hins vegar einstaklega vel
heppnaður, jafnt tónlist, hljóð, ljós,
sviðsmynd, búningar sem förðun.
Þessi atriði ásamt góðri grunnhug-
mynd sköpuðu í heildina áhuga-
verða en undarlega ójafna sýningu.
Sveinn Haraldsson.
Wé
í l ■ $ j 4 m - fPP-m
MMmÉá ?A' '4; ? fc : __ h .
SKÓLAHLJÓMSVEIT Óðinsvéa.
Dönsk skólahljómsveit með tónleika
SKÓLAHLJÓMSVEIT Óðinsvéa
heldur í kvöld, þriðjudagskvöld,
tónleika í Ráðhúsi Reykjavíkur og
hefjast þeir kl. 20. Aðgangur er
ókeypis.
Hljómsveitin er hér á landi í
boði Skólahljómsveitar Kópavogs
og er þetta í fyrsta sinn sem hún
kemur hingað en áður hefur Skóla-
hljómsveit Kópavogs heimsótt Óð-
insvé í þrígang. í hljómsveitinni,
sem var stofnuð árið 1950, eru 55
hljóðfæraleikarar á aldrinum
10—23 ára auk þess sem 10 ungir
drengir mynda sérstaka trommu-
sveit sem leikur stórt hlutverk í
skrúðgöngum. Stjórnandi hljóm-
sveitarinnar er Carsten Rungs-
trom.
Heimsóknin hófst sl. föstudag
og stendur í eina viku og á þeim
tíma verða haldnir 7 tónleikar og
heimsækir hljómsveitin helstu
staði í grennd við höfuðborgar-
svæðið.
Tónleikarnir í kvöld eru sam-
vinnuverkefni þriggja hljómsveita
því auk dönsku sveitarinnar koma
fram Skólahljómsveit Grafan'ogs
og Skólahljómsveit Kópavogs.
Listasafn Signijóns Olafssonar
Elísabet Waage og
Wout Oosterkamp
ELÍSABET Waage hörpuleikari og
Wout Oosterkamp bassa-baritón
söngvari halda tónleika í kvöld,
þriðjudagskvöld, tónleikaröð sumars-
ins í Listasafni Sigutjóns Ólafssonar.
Tónleikarnir hefjast kl. 20.30.
Á efnisskrá eru verk eftir C. Huyg-
ens, F. Schubert, M. Flothuis, R.
Schumann, G. Fauré, Jón Þórarins-
son og M. Ravel.
Elísabet Waage hefur starfað á
íslandi og í Hollandi auk margra
annarra Evrópulanda og leikið einleik
með Kammersveit Reykjavíkur, Is-
lensku hljómsveitinni, Autunno En-
semble í Hollandi, Avanti í Finnlandi
og Árhus Sinfonietta í Danmörku.
Hollenski bassa-baritóp söngv-
arinn Wout Oosterkamþ hefur
haldið tónleika í nær öllum löndum
Evrópu og í Ameríku. Nútímatón-
skáld hafa skrifað mörg óperuhlut-
verk fyrir hann, segir í kynningu.
Frá 1986 hefur Wout Oosterkamp
verið söngkennari við Konunglega
Elísabet
Waage
hörpuleikari
Wout
Oosterkamp
bassa-
baritón
tónlistarháskólann í Haag.
Tónleikarnir standa í um það bil
eina klukkustund. Kaffistofa safnsins
verður opin að tónleikum loknum.
Tónleikar í Skálholti og Vík
Elísabet Waage og Wout Ooster-
kamp halda tónleika í Skálholti mið-
vikudaginn 2. júlí og í Vík í Mýrdal
fimmtudaginn 3. júlí.
Morgunblaðið/Ragnheiður Kristjánsdóttir
Svend Asmussen og hljómsveit hans leika fyrir troðfullu húsi.
Djasshátíð Egilsstaða
- lOáraafmæli
Egilsstaðir. Morgunblaðið
Djasshátíð Egilsstaða hefur sl. 10 ár
verið árlegur viðburður og ætíð til-
hlökkunarefni djassunnendum á
Austurlandi og víðan
Djasshátíðin hans Árna ísleifs eins
og hún er gjarnan kölluð hér fyrir
austan hófst í Valaskjálf miðvikudag-
inn 25. júní. Það var hinn 81 árs
unglingur og fíðlusnillingur Svend
Asmussen ásamt þeim Jacob Fisher
á gítar, Jesper Lundgaard á bassa
og Aage Tanggard á trommum sem
riðu á vaðið fyrir troðfullu húsi. Heið-
ursgestir hátíðarinnar voru þeir
Vernharður Linnet og Friðrik Theod-
órsson sem jafnframt var kynnir. Á
fimmtudagskvöld lék Tríó Sunnu
Gunnlaugsdóttur og einnig sýndu
dansarar úr Djassballettskóla Báru
listir sínar. Á föstudag var svo Slag-
bít með trommurunum Guðmundi
Steingrímssyni, Þorsteini Eiríkssyni
og Skapta Ólafssyni. Einnig kom
fram Stórsveit Austurlands undir
stjórn Einars Braga Bragasonar. Á
laugardaginn spilaði Léttsveit Ólafs
Gauks með söngkonunni Kristjönu
Stefánsdóttur og frumfluttu þau
djassverk Ólafs Gauks Ormur í lygn-
um Legi. Lauk þar með þessari tí-
undu djasshátíð Egilsstaða. Um lýs-
ingu og hljóð sá Guðmundur Stein-
grímsson og sviðsmynd á Sigurgeir
Baldursson
Ólafur Gaukur; djassverk
hans Ormur í lygnum Legi
var frumflutt á hátíðinni.
Árni ísleifsson og Svend Asmussen.