Morgunblaðið - 01.07.1997, Blaðsíða 16

16 ÞRIÐJUDAGUR 1. JÚLÍ 1997
MORGUNBLAÐIÐ
LANDIÐ
Morgunblaðið/jt
BÆJARBÚAR, brottfluttir Hólmarar og gestir fjölmenntu á afmælishátíðina sem hófst við Norska húsið.
Nýr heiðursborgari kjörinn á
afmælishátíð í Stykkishólmi
MEÐAL skemmtiatriða var heimsókn Möguleikhússins.
Margs konar tímamót
eru í Stykkishóimi á
árinu og var hápunktur
hátíðahalda um síðustu
helgi. Fagnað er versl-
unarafmæli, afmælum
ýmissa félaga og stofn-
ana í bænum. Jóhannes
Tómasson leit í heim-
sókn á sunnudaginn og
fylgdist með afmælis-
haldi bæjarbúa og
gesta.
ÍBÚAR Stykkishólms, sem sagðir
voru tala dönsku á sunnudögum hér
áður fyrr, héldu afmælishátíð sl.
sunnudag og fögnuðu þá ýmsum
áföngum í sögu bæjarins með fjöl-
breyttri dagskrá í ágætu veðri. Þá
var tilkynnt um kjör nýs heiðurs-
borgara Stykkishólms sem er Árni
Helgason íyrrum símstöðvarstjóri
með meiru og kunnugur er langt
út fyrir Hólminn fyrir margvísleg
félagsmálastörf sín.
Þegar hefur verið haidið uppá
suma afmælisáfangana en í ár er
minnst 400 ára verslunarafmælis
Stykkishólms og 10 ára afmælis
bæjarréttinda, 100 ára samfellds
skólastarfs, Kvenfélagið Hringurinn
fagnaði fyrr á árinu 90 ára afmæli
sínu, 150 ár eru liðin frá því Bóka-
safn Vesturamtsins var sett á stofn
og ýmis félög og stofnanir í bænum
eiga einnig merkisafmæli í ár.
Sýningar í Norska húsinu
Afmælishaldið á sunnudag hófst
með leik Lúðrasveitar Stykkis-
hólms, söng Kirkjukórs Stykkis-
hólmskirkju og ávarpi Guðrúnar
Gunnarsdóttur formanns afmælis-
nefndar við Norska húsið. Þar innan
dyra var síðan opnuð sýning á graf-
ík- og vatnslitamyndum eftir þýska
listamanninn Rudolf Weissauer sem
hér dvaldi löngum á sjöunda og
áttunda áratugnum. Ketill Jónsson
verkamaður, sem ættaður var frá
Hausthúsum í Hnappadalssýslu,
safnaði myndum Weissauers og gaf
Amtsbókasafninu yfir 200 myndir
hans ásamt bókum og öðrum lista-
verkum. Bragi Ásgeirsson listmál-
ari var til aðstoðar við val á mynd-
unum og ritar um listamanninn í
sýningarskrá þar sem hann segir
meðal annars.
„Alls mun þessi menningarþyrsti
verkamaður hafa keypt yfir 200
grafísk blöð, vatnslita- og krítar-
myndir eftir listamanninn, auk þess
að Weissauer gaf honum myndir
við ýmis tækifæri og áritaði þær
þá gjarnan sérstaklega til hans.“
Einnig hefur verið sett upp í
Norska húsinu krambúð, sýning er
þar uppi á bókum, skjölum og mun-
um á vegum Amtsbókasafnsins, svo
og vegna 70 ára afmælis barnastú-
kunnar Bjargar og 75 ára afmælis
Héraðssambands Snæfellsnes- og
Hnappadalssýslu sem er sá aðili
sem tók Norska húsið uppá sína
arma til varðveislu. Er þar nú til
húsa byggðasafn og ýmiss konar
sýningahald.
Norska húsið byggðu Anna
Magðalena og Árni Thorlacius og
kom það tilhöggvið frá Noregi árið
1828. Árið 1970 keypti héraðsnefnd
Snæfellsnes- og Hnappadalssýslu
húsið, lét gera það upp og er sú
vinna nú á lokastigi.
Um 1.300 íbúar
Ibúar Stykkishólms eru kringum
1.300 og segir Ólafur Hilmar Sverr-
isson bæjarstjóri að sami vandi sé
uppi og hjá mörgum minni þéttbýl-
isstöðunum að erfitt sé að skapa
nógu mörg atvinnutækifæri fyrir
unga fólkið. Þeir sem fara í fram-
haldsskóla geta hafið námið heima
en verða að ljúka því á Akranesi
og halda síðan enn lengra standi
hugur þeirra til frekara náms. Olaf-
ur segir annars næga atvinnu í
bænum og íbúatöluna nokkuð stöð-
uga þessi árin.
Af öðrum atriðum í afmælishald-
inu má nefna að íulltrúar Möguleik-
hússins heimsóttu bæinn og
skemmtu við Norska húsið. Leiddu
þeir síðan afmælisgesti að Félags-
heimilinu þar sem sest var að veit-
ingum, tertu mikilli og súkkulaði.
Þar söng einnig kirkjukórinn og
bæjarstjóri afhenti heiðursborgar-
anum nýja skjal til staðfestu kjöri
hans. „Með þessari ákvörðun er
bæjarstjórn að sýna virðingu sína
og þakklæti fyrir vel unnin störf í
þágu samfélagsins en þetta er í
fimmta sinn sem bæjarfélagið veitir
þessa viðurkenningu. Hún var síð-
ast veitt Jóhanni Rafnssyni fyrir
17 árum en áður höfðu hlotið hana
Sigurður Magnússon,_ Kristján
Bjarmars og Sigurður Ágústsson,"
sagði bæjarstjóri jn.a. í ræðu sinni.
Gunnlaugur Árnason þakkaði
fyrir hönd föður síns og flutti stutt
ávarp. Gerði hann meðal annars að
umtalsefni mikinn gestagang á
heimilinu og hvernig faðir hans
hefði komið víða við í félagsmálum
og alltaf verið tilbúinn að leggja lið
þar sem hann telur jákvætt og til
framfara. „Hér hefur honum liðið
vel og hér á hann heima.“
Um kvöldið voru rokktónleikar í
íþróttahúsinu þar sem komu fram
hljómsveitirnar Súrefni, Subterran-
ian, Vatn, Botnleðja og fleiri.
NÝR heiðursborgari Stykkis-
hólms er Árni Helgason.
í göngutúr á
hveijum degi
og heimsækir
kunningjana
NÝR heiðursborgari Stykkis-
hólms er Árni Helgason en Ólaf-
ur Hilmar Sverrisson bæjar-
stjóri greindi á afmælishátíðinni
frá þeirri ákvörðun bæjarsljórn-
ar frá 26. júní að gera Árna að
heiðursborgara. Slík viðurkenn-
ing var síðast veitt fyrir 17
árum, þá Jóhanni Rafnssyni.
„Ég veit ekki hvort ég á þetta
skilið,“ hafði Árni á orði við
blaðamann þegar reynt var að
ná spjalli af honum milli þess
sem bæjarbúar óskuðu honum
til hamingju með viðurkenning-
una. Hafði hann þetta reyndar
á orði þegar hann tók við ham-
ingjuóskunum en menn voru á
einu máli um að hann væri vel
að þessu kominn og sumir
nefndu að það væri löngu tíma-
bært. „Þetta kom mér n\jög á
óvart og ég hef ekki áttað mig
almennilega á þessu ennþá“.
Árni býr nú á dvalarheimilinu
og er mikið á ferli. „Ég borða
þar og sef en er mikið heiman
frá mér á daginn, fer í göngutúr
á hveijum degi, heimsæki kunn-
ingjana og skrepp öðru hverju
til Reykjavíkur og heimsæki þá
gjarnan ritstjórn Morgunblaðs-
ins,“ segir Árni en hann hefur
í meira en hálfa öld sent blaðinu
fréttir og myndir frá Stykkis-
hólmi. Hann leggur í dag upp í
sex daga ferð til Hornafjarðar
með gömlum samstarfsmönnum
frá Pósti og síma.
Bindindismál og margháttuð
félagsmál önnur voru dagleg
viðfangsefni Árna með anna-
sömu starfi fyrir Póst og síma
en hann er annar núlifandi
stofnenda Lionsklúbbsins í bæn-
um og einn stofnenda lúðra-
sveitarinnar á lýðveldisárinu.
„Ég lék á althorn en hætti því
eftir nokkur ár þar sem ég átti
erfitt með að mæta á æfingar,“
segir Árni sem gerði líka mikið
af því að yrkja gamanvísur og
syngja á mannamótum við góð-
an orðstír.
Kona Árna var Ingibjörg
Gunnlaugsdóttir sem lést fyrir
nokkrum árum. „Það breyttist
mikið hjá mér við fráfall hennar
en ég les og fylgist með fréttum
og tel mig þokkalega hressan
þótt ég sé orðin hægari en var,“
segir Arni sem enn heldur sér
við efnið með því að senda öðru
hveiju frá sér áminningar um
bindindismálin. „Ég skil ekki
hvernig menn tíma að eyða tíma
og peningum í það að eyðileggja
sig á áfengi," sagði Árni í Hólm-
inum að lokum og bað fyrir
þakklæti til bæjarsljórnar fyrir
þann heiður sem sér liefði verið
sýndur.