Morgunblaðið - 04.01.1997, Qupperneq 18
18 LAUGARDAGUR 4. JANÚAR 1997
MORGUNBLAÐIÐ
ERLEIMT
Stjórn ísraels klofin í deilunni um Hebron
Ovíst að þingið sam-
þykki samninginn
ÓVÍST er að Benjamin Netanyahu, forsætis-
ráðherra ísraels, geti tryggt stuðning meiri-
hluta þingmanna við hugsanlegan samning
um brottflutning ísraelskra hermanna frá
borginni Hebron á Vesturbakkanum. Nú er
svo komið að alls tíu ráðherrar af 18 í stjórn
hans segjast ætla að greiða atkvæði gegn
samningnum eða sitja hjá. Að sögn norska
dagblaðsins Aftenposten gæti Netanyahu
þurft að mynda nýja samsteypustjórn með
Verkamannaflokknum vilji hann knýja samn-
inginn í gegn og halda áfram friðarviðræðum
við araba.
Lengi hefur verið vitað að sjö ráðherranna
myndu annaðhvort sitja hjá eða hafna hugs-
anlegum samningi um Hebron. Þrír ráðherrar
bættust við í þennan hóp á fimmtudag, þeirra
á meðal einn af dyggustu stuðningsmönnum
Netanyahus, Tzahi Hanegbi dómsmálaráð-
herra. Hann lýsti yfir því að hann myndi greiða
atkvæði gegn samningnum ef hann fæli í sér
að ísraeiskir hermenn yrðu fluttir frá sveitum
á Vesturbakkanum eins og kveðið var á um
í Óslóarsamkomulaginu.
ísraelskir fjölmiðlar skýrðu ennfremur frá
því að tveir ráðherrar úr flokki heittrúaðra
gyðinga, Shas, sem studdi samninginn í fyrstu,
hefðu ákveðið að sitja hjá eða greiða atkvæði
gegn samningnum. Þeir skiptu um skoðun eft-
ir að trúarlegur leiðtogi þeirra, Ovadia Yosef
rabbíni, lét svo um mælt að þingið ætti að
tryggja öryggi gyðinga á Vesturbakkanum.
Aftenposten segir að geti Netanyahu ekki
lengur reitt sig á stuðning meirihlutans á þingi
kunni hann að íhuga möguleikann á myndun
nýrrar stjórnar með Verkamannaflokknum.
Shimon Peres, leiðtogi Verkamannaflokksins,
hefur sagt að hann sé hlynntur þeirri hug-
mynd ef forsætisráðherrann slaki á harðri
afstöðu sinni tii viðræðna við araba.
Fregnir herma að samningamenn ísraeia
og Palestínumanna hafi þegar náð samkomu-
lagi um að mestur hluti Hebron verði færður
undir stjórn Palestínumanna en styrinn standi
nú um þá kröfu Palestínumanna að ísraelar
framfylgi næsta áfanga Óslóar-samkomulags-
ins og flytji hermenn sína frá sveitum á Vest-
urbakkanum ekki síðar en í september. Því
hefur stjórn ísraels hafnað.
Gyðingar mótmæla
Samningurinn um Hebron hefur einnig
mætt harðri andstöðu gyðinga á Vesturbakk-
anum. Hópur gyðinga flutti sjö færanleg hús
á hæð nálægt borginni Ramallah í fyrradag
til að krefjast þess að stjórnin stæði við loforð
um að stækka byggðir gyðinga á Vesturbakk-
anum. Gyðingarnir urðu síðan í gær við beiðni
ísraelsku stjórnarinnar um að þeir flyttu hús-
in af hæðinni þegar í stað.
Palestínskir bændur segjast eiga umrædda
hæð og palestínskir embættismenn urðu
ókvæða við aðgerð gyðinganna. Yasser Araf-
at, leiðtogi palestínsku sjálfstjórnarsvæðanna,
sagði hana „alvarlega ógnun við friðarferlið".
Reuter
HEITTRÚAÐIR gyðingar biðja við hús sem þeir fluttu á hæð nálægt Ramallah á Vesturbakkanum sem palestínskir bændur
gera tilkall til. Gyðingarnir urðu við tilmælum ísraelsstjórnar um að færa húsin af hæðinni vegna mótmæla Palestínumanna.
Reuter
Tilræðið í
Damaskus
fordæmt
STJÓRN ísraels fordæmdi í gær
sprengjutilræðið í Damaskus á þriðjudag
og sagði ekkert hæft í ásökunum sýr-
lensku stjórnarinnar um að ísraelskir
útsendarar hefðu verið að verki. „Ásak-
anirnar ... eru algjör lygi. Við tengj-
umst á engan hátt hermdarverkum á
Sýrlandi og sýrlenska stjórnin veit það,“
sagði í yfirlýsingu frá ísraelsku stjórn-
inni.
Níu manns biðu bana og 44 særðust
í sprengjutilræðinu. Á myndinni er einn
þeirra sem særðust með hjúkrunarkonu
á sjúkrahúsi í Damaskus.
I
I
Frakkar
styðja EMU
París. Reuter.
FRANSKUR almenningur styð-
ur áformin um Efnahags- og
myntbandalag Evrópu (EMU),
að því er niðurstöður skoðana-
könnunar Ifop sýna.
Vikublaðið L’Express birti
niðurstöður könnunarinnar. Af
803 svarendum sögðust 62%
vona að undirbúningi fyrir
gildistöku EMU eftir rétt tvö
ár yrði haldið áfram, en 35%
vildu láta hætta slíkum undir-
búningi.
Juppé óvinsæll
Alain Juppé forsætisráðherra
hefur aflað sér óvinsælda meðal
almennings, meðal annars
vegna aðhalds í ríkisrekstri sem
er nauðsynlegt eigi Frakkar að
uppfylla skilyrði fyrir aðild að
EMU. í könnuninni segjast 66%
vilja að Juppé segi af sér emb-
ætti á árinu, þótt kosningar séu
ekki fyrr en á næsta ári. Rétt
30% sögðust vilja að Juppé sæti
áfram.
Ahtisaari í áramótaávarpi
Hæstu laun-
Þarf að skoða áhrif
af að vera utan EMU
MARTTI Ahtisaari, forseti Finnlands, sagði í áramóta-
ávarpi sínu á nýársdag að Finnar yrðu að skoða áhrif
þess að vera utan Efnahags- og myntbandalags Evrópu
(EMU), ekki síður
en afleiðingar að-
ildar að mynt-
bandalaginu.
Forsetinn sagði
í ræðunni að EMU
myndi snerta hag
allra Finna og
markmiðið með
myntbandalaginu
væri að skapa stöðugan efnahagsleg-
an grundvöll fyrir heilan heimshluta.
Ef Finnar ákvæðu að ganga í EMU,
væri mikilvægt að þeir væru vel undirbúnir.
„Þingið mun þegar þar að kemur ákveða hvort Finn-
land verður eitt af fyrstu aðildarríkjum EMU. Ákvörðun-
in verður mikilvæg, og þingmennirnir munu í þessu
sambandi þurfa að taka tillit til mjög margslunginna
þátta,“ sagði Ahtisaari. „Þetta er ekki bara spuming
um afleiðingar aðildar, heldur þarf í sama mæli að skoða
hvað ákvörðun um að taka ekki þátt í EMU að lokum
myndi hafa í för með sér fyrir okkur. Við vitum nú
þegar að ekki verður aftur snúið til
nákvæmlega sama efnahagsumhverf-
is og áður eftir að EMU verður kom-
ið á fót. Breytingar eru óhjákvæmi-
legar, og á því verðum við að átta
okkur í tíma.“
Stærra og sterkara ESB bezti
bandamaður Rússlands
Forsetinn sagði að forsenda stækk-
unar Evrópusambandsins til austurs væri að framkvæm-
dageta sambandsins yrði aukin á ríkjaráðstefnunni, sem
nú stendur yfír. „Þá getum við líka tekið á skilvirkan
hátt þátt í baráttunni gegn nýjum ógnunum við öryggi
[Evrópu], nánar tiltekið hættum sem tengjast úreltum
kjarnorkuverum, glæpastarfsemi, verzlun með fólk og
fíkniefnum," sagði Ahtisaari. „Stærra og sterkara Evr-
ópusamband er einnig bezti bandamaður Rússlands og
annarra stórra aðila í samfélagi þjóðanna.“
Martti
Ahtisaari
in hjá ESB
1,1 milljón |
Brussel. Reuter. )
HÆSTU grunnlaun, sem greidd
eru embættismönnum Evrópu-
sambandsins, hækkuðu um ára-
mótin og eru nú 537.296 belgísk-
ir frankar á mánuði, eða sem
samsvarar rúmlega 1,1 milljón
íslenzkra króna.
Þetta eru grunnlaun æðstu .
embættismanna ESB, til dæmis j
fastráðinna yfirmanna stjórnar-
deilda framkvæmdastjórnarinn- *
ar. I
Byrjunarlaun embættismanns
í „A-stöðu“, þ.e. stöðu sem krefst
háskólamenntunar, eru 142.178
frankar eða rúmlega 297.000
krónur.
Lægst launuðu starfsmenn
framkvæmdastjórnarinnar fá um
153.000 krónur í mánaðarlaun.
Ritarar hafa á bilinu 170.000 til |
320.000 krónur í laun á mánuði. i
Embættismenn ESB fá auka-
greiðslur ofan á grunnlaun sín, I
til dæmis staðaruppbót.