Morgunblaðið - 04.01.1997, Blaðsíða 39
MORGUNBLAÐIÐ
MINNINGAR
LAUGARDAGUR 4. JANÚAR 1997 39
ELÍSABET MARÍA
JÓHANNSDÓTTIR
+ Elísabet María
Jóhannsdóttir
fæddist á Akureyri
10. janúar 1941.
Hún lést á heimili
sínu 29. desember
síðastliðinn. For-
eldrar hennar voru
Sveinbjörg Sigurð-
ardóttir, f. 16. nóv-
ember 1905, d. 3.
október 1981, og
Jóhann Jóhannsson,
f. 28. ágúst 1909,
d. 20. desember
1943. Bróðir Elísa-
betar sammæðra er
Friðbjörn Gunnlaugsson, f. 15.
janúar 1933, sérkennari I
Reykjavík. Hann var kvæntur
Sigríði Sigurðardóttur, f. 17.
júlí 1932, d. 5. maí 1990. Saman
áttu þau fjögur börn. Núver-
andi sambýliskona hans er
Hjördís Hjörleifsdóttir, f. 7.
apríl 1932.
Hinn 30. desember 1960 gift-
ist Elísabet eftirlifandi eigin-
manni sínum, Oskari Karli Þór-
hallssyni skipstjóra á Arney KE
50, f. 4. ágúst 1940. Foreldrar
hans voru Þórhallur Karlsson
skipstjóri á Húsavík, f. 5. sept-
ember 1908, d. 13. maí 1979,
og kona hans Hrefna Bjarna-
dóttir, f. 12. september 1905,
d. 9. mars 1989.
Börn Elísabetar
og Óskars eru: 1)
Hrefna Björg,
vigtarmaður í
Sandgerði, f. 16.
júlí 1959, hennar
börn eru: Elías Mar
og Iðunn Una. 2)
Þórhallur, nemi í
Keflavík, f. 30. júlí
1961, ^hans börn
eru: Óskar Örn,
Júlíana Kristbjörg
og Rebekka Lísa.
3) Karl Einar, stýri-
maður í Sandgerði,
f. 2. ágúst 1963,
kona hans er Anna Pálína
Árnadóttir sjúkraliði, f. 13. jan-
úar 1964, þeirra börn eru:
Sveinbjörg Anna og Þórhallur.
4) Kristinn, nemi í Keflavík, f.
10. maí 1969, kona hans er
Steinþóra Eir Hjaltadóttir
grunnskólakennari, f. 3. janúar
1972, þeirra sonur er ísak Ernir.
Árið 1973 stofnuðu Elísabet
og Óskar ásamt Degi Ingi-
mundarsyni fyrirtæki um
rekstur vélbátsins Arneyjar KE
50 og útgerð honum tengda.
Hafði Elísabet helgað starf sitt
fyrirtækinu og í seinni tíð starf-
að sem aðalbókari þess.
Útför Elísabetar Maríu fer
fram frá Keflavíkurkirkju í dag
og hefst athöfnin klukkan 14.
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðsta blund.
(V. Briem.)
í dag er til moldar borin mín
ástkæra tengdamóðir Elísabet
María eða amma Elsa eins og hún
var kölluð af okkur í fjölskyldunni.
Eg kynntist henni fyrir rúmum 11
árum er ég hitti son hennar.
Elsa amma var mikii atorkukona
og hafði hún alltaf í nógu að snú-
ast, þar sem hún sá um allt bók-
hald og marga snúninga fyrir út-
gerðina er þau hjón ráku saman
ásamt Degi Ingimundarsyni og
Eddu Jóhannsdóttur.
Ef ég þurfti að fá hjálp frá henni
við saumaskap tók hún verkefnið
alltaf að sér og gerði það sjálf.
Alltaf var Elsa amma til staðar ef
á þurfti að halda, ef hún var ekki
heima hjá sér eða úti í fískverkun
var farið að leita að henni þar sem
okkur fannst það sjálfsagður hlutur
að ganga að henni vísri. Ef við fór-
um eitthvað í burtu, t.d. í ferðalag
innanlands eða utan vildi hún alltaf
að hringt væri í sig og hún látin
vita að allt væri í lagi með okkur.
Þar sem minn maður er sjómaður
hef ég alloft þurft á henni að halda
til að gæta barna minna hvort sem
það var stund úr degi eða um nótt
og aldrei var það neitt mál. Ég tel
að það sé ekki of mælt að Elsa
hélt vel utan um fjölskyldu sína og
hélt henni þétt saman.
Eftir að amma Elsa veiktist kom
Óskar afi í land og var hjá henni
og var það mér mjög kært að sjá
hvað þau stóðu vel saman. Óskar
afí þurfti nú yfirleitt ekki að gera
neitt á heimilinu þar sem hann var
alltaf úti á sjó eða eitthvað að snú-
ast í kringum bátinn, en eftir að
hann kom heim í októberbyijun og
var að brasa við að elda mat ásamt
Þórhalli syni sínum skildi hann ekk-
ert í því hvað eldhúsverkin tóku
langan tíma.
Eg vil þakka þér, Elsa mín, fyrir
allt sem þú gerðir fyrir mig og fjöl-
skyldu mína. Megi guð geyma þig.
Þín tengdadóttir, __
Anna Pálína Árnadóttir.
Burt frá böli hörðu,
burt frá tára jörðu
lít þú upp, mín önd.
Trúan ástvin áttu
einn, sem treysta máttu,
Guðs við hægri hönd.
Jesú hjá er hjálp að fá,
hann þér blíður huggun bíður,
hvíld og lækning meina.
(H. Hálfd.)
Sunnudaginn 29. desember, á
hátíð ljóss og friðar, fengum við
þær fregnir að Elsa hafði látist um
morguninn.
Elsa var okkur hjónunum mjög
kær og á hún sérstakan sess í hjarta
okkar. Við eigum henni og Óskari
manni hennar svo margt að þakka
að of langt væri upp að telja.
Elsa var mjög góð kona og stóð
heimili þeirra hjóna ávallt öllum
opið. Það voru ófáir kaffíbollarnir
sem við hjónin drukkum þar í eld-
húsinu og það var eins og hægt
væri að leysa öll heimsins mál þar
við eldhúsborðið.
Elsa var einstaklega barngóð og
þegar hún kom í kaffi til okkar,
gaf hún sér ávallt tíma til þess að
spjalla við dætur okkar um það sem
þeim lá á hjarta, enda kalla þau
hana Elsu ömmu.
Með Elsu er gengin ein sú hjart-
besta kona og besti vinur sem unnt
er að eignast.
Ókvíðinn er ég nú,
af því ég hef þá trú,
miskunn Guðs sálu mína
mun taka’ í vöktun sína.
(Hallgr. Péturss.)
Að lokum viljum við votta Ósk-
ari, Ebbu, Þórhalli, Kalla, Kristni,
tengdadætrum og barnabörnum
okkar dýpstu samúð.
Bjarki og Kolbrún.
Elsku mamma mín, mikið sakna
ég þín. Ég á svo erfitt með að trúa
því að þú sért farin frá okkur. Þú
sem hefur alltaf verið til staðar
fyrir mig^ alltaf haft lausn á öllum
málum. Eg hef alltaf leitað til þín
með alla hluti og aldrei brástu
mér. Ég sagði svo oft við þig áður
en ég eignaðist mín börn: „Eg get
aldrei orðið mamma því ég veit
ekki allt, get ekki allt og kann ekki
allt eins og þú.“ En þú sagðir bara:
„Það lærist þegar þú þarft að gera
hlutina." En ég lærði það aldrei,
því að þú hélst alltaf áfram að gera
allt fyrir mig.
Elsku mamma mín, þú varst bara
nokkrum árum eldri en ég, þú varst
ekki bara mamma mín, heldur besta
vinkona mín líka. Þér gat ég sagt
allt og treyst fyrir öllu. Þú varst
svo góð manneskja, svo réttsýn og
heiðarleg. Þú máttir ekkert aumt
sjá og hvar sem þú gast réttir þú
hjálparhönd. Þú barst svo mikla
umhyggju fyrir börnunum þínum
og barnabörnunum og vildir allt
fyrir okkur gera, ég vona bara að
þú vitir hvað við elskUm þig óendan-
lega mikið. Einhvern veginn bjóst
ég aldrei við að ég þyrfti að kveðja
þig, ég hélt að þú yrðir alltaf hjá
mér, en nú ertu farin og ég bið
góðan Guð að geyma þig þar til við
hittumst á ný.
Þín
Ebba.
Elsku amma mín, ég sakna þín,
þú varst svo skemmtileg, þú varst
skemmtilegasta amma í öllum
heiminum. Ég elska þig, amma mín.
Þinn nafni,
Elías Mar.
t
Hjartans þakkir fyrir auðsýnda samúð og hlýju við fráfall og útför
ástkærs eiginmanns, föður okkar, tengdaföður og afa,
ÁSBJÖRIMS VIGIMIS HJALTASONAR.
Hulda Gunnþórsdóttir,
Jónína Ásbjörnsdóttir, Lára Dögg Ásbjörnsdóttir,
Hilmir Þór Ásbjörnsson, Svava Hlín Hákonardóttir,
Ásbjörn Huldar Hilmisson.
t
Útför móður okkar,
MARGRÉTAR JÓHANNESDÓTTUR
frá Varmalandi
við Reykholt,
Borgarfirði,
er andaðist á Sjúkrahúsi Akraness 28. desember sl., verður gerð
frá Reykholtskirkju í dag, laugardaginn 4. janúar, kl. 14.00.
Elín, Sveinn, Ólöf og Jóhanna.
t
Innilegar þakkir flytjum við öllum þeim,
sem sýndu okkur samúð og hlýhug við
andlát og útför föður okkar,
ÍSLEIFS A. PÁLSSONAR.
Sér í lagi þökkum við skólasystkinum
úr Verzlunarskóla íslands 1942.
Ennfremur þökkum við starfsfólki gjör-
gæsludeildar Landspítalans fyrir frá-
bæra hjúkrun og umönnun.
Fyrir hönd vandamanna,
Jóhann ísleifsson,
Ólafur ísleifsson,
Örn ísleifsson.
+
Innilegar þakkir til allra, er sýnt hafa
samúð og vinarhug við andlát og útför
föður okkar, fósturföður, tengdaföður,
afa og langafa,
KRISTBERGS JÓNSSONAR
frá Kjólsvík,
Skeljagranda 3,
Reykjavík.
Börn, fósturbörn, tengdabörn,
barnabörn og barnabarnabörn.
+
Hjartans þakkir til allra, sem sýndu okkur
hlýhug og samúð við andlát og útför
ÖNNU MARÍU GEORGSDÓTTUR,
Álftalandi 11,
Reykjavik.
Sérstakar þakkir til hjúkrunarfólks
Sjúkrahúss Reykjavíkur, Grensásdeild
og Fossvogi.
Óli Pétur Olsen,
Jenný Björk Olsen, Reynir Jóhannesson,
Gísli Ottó Olsen, Fanney Karlsdóttir,
Georg Kristjánsson, Dórothea Gunnarsdóttir,
Ingibjörg Eiriksdóttir,
Vaka Ingibjörg Georgsdóttir.
ATVINNUAUGIYS/NGAR
Atvinna
Bifreiðasmiður eða maður vanur réttingum
óskast til starfa sem fyrst.
Bílasprautun Suðurnesja,
sími421 3500.
„Au pair“ - Spáni
„Au pair“ vantar til Barcelona til að gæta
stúlku sem er 10 mánaða og aðstoða við
heimilisstörf í 6 mánuði frá miðjum janúar.
Má ekki reykja.
Upplýsingar í síma 561 1541.
Mótasmiðir óskast
2 til 3 smiðir óskast í mótasmíði
á Reykjavíkursvæðinu.
Svör sendist til afgreiðslu Mbl., merkt:
„Vandvirkir - 223.“
Barnapössun
Óskum eftirtveimur barngóðum konum (ekki
yngri en 20 ára) á líkamsræktarstöðina
Þokkabót í vesturbænum.
Vinnutími mán., mið., fös. frá kl. 9-15.30 og
þri. og fim. frá kl. 9-14.30.
Upplýsingar í síma 561 3535 frá kl. 10-14
alla virka daga.
Heilsugæslustöð
Fáskrúðsfjarðar
Staða læknis við Heilsugæslustöð Fáskrúðs-
fjarðar er laus til umsóknar. Helst er óskað
eftir sérfræðingi í heimilislækningum.
Umsóknarfrestur er til 15. jánúar 1997.
Upplýsingar í síma 475 1225.
Einnig er laus til umsóknar staða hjúkrunar-
forstjóra á sama stað.
Sú staða er laus frá 9. mars 1997.
Upplýsingar í síma 475 1225.
- kjarni málsins!