Morgunblaðið - 04.01.1997, Blaðsíða 13
MORGUNBLAÐIÐ
LANDIÐ
LAUGARDAGUR 4. JANÚAR 1997 13
Framhaldsskólinn í Vestmannaeyjum
300. stúdentinn
brautskráður
Vestmannaeyjum - Haustönn
Framhaldsskólans í Vestmanna-
eyjum var slitið skömmu fyrir jól
og nemendur brautskráðir. Ellefu
nemendur voru brautskráðir sem
stúdentar, einn af sjúkraliðabraut,
þrír af 2. stigi vélstjórnarbrautar
og níu vélaverðir.
Ólafur H. Siguijónsson skóla-
meistari bauð gesti velkomna til
útskriftarinnar og sagði að 10 ár
væru frá því fyrst voru braut-
skráðir stúdentar frá Framhalds-
skólanum á þessum árstíma. Hann
sagði að á haustönn hefði verið
271 nemandi við skólana, 65 á
náttúrufræðibraut, 61 á félags-
fræðibraut, 42 á viðskipta- og
hagfræðibrautum, 36 í iðnnámi,
23 á sjúkraliðabraut, 18 á vél-
stjórnarbraut og 26 í almennu
námi. Ólafur gat þess í ræðu sinni
að meðal breytinga sem framund-
an væru í starfi skólans væri að
Stýrimannaskólinn myndi samein-
ast Framhaldsskólanum að aflok-
inni vorönn og eftir það yrði allt
nám á framhaldsskólastigi undir
merkjum Framhaldsskólans. Hann
fjallaði um ný lög um framhalds-
skóla og þær breytingar sem þau
hefðu í för með sér.
Ólafur sagði að skólastarfið á
önninni hefði gengið vel, mætingar
nemenda hefðu batnað frá því á
síðustu vorönn og bættur árangur
fylgt í kjölfarið. Hann sagðist hafa
getið þess í skólaslitaræðu sinni
síðastliðið vor að tæp 40% nem-
enda hefðu þá fallið á einhverju
prófi en nú væri þetta hlutfall 30%
og þó það væri breyting til hins
betra yrði enn að herða róðurinn
í þessum efnum.
Ólafur sagði að fátt hefði verið
meira rætt í íslensku þjóðfélagi
síðustu vikur en útkoma íslenskra
ungmenna í alþjóðlegri könnun á
kunnáttu í raungreinum og stærð-
fræði þar sem niðurstöðurnar hafi
verið dapurlegar. Hann varaði við
því að hlaupið væri upp til handa
og fóta vegna þessa og reynt að
finna sökudólg. Ástæðurnar fyrir
þessum slaka árangri væru trú-
lega margar og þungt vægi að
ísland væri láglaunaland. „Stöð-
ugt er talað um að besta fjárfest-
ing okkar sé menntun barnanna.
En það er í orði en ekki á borði
sem sú stefna kemur fram. Stöð-
ugur niðurskurður fjármagns og
tíma til menntamála, myndi ekki
verða notað sem rétt svar við
spurningunni um vænlega fjár-
festingu á hagfræðiprófi," sagði
Ólafur.
Margar viðurkenningar
veittar
Að loknu ávarpi Ólafs Hreins
fór fram brautskráning nemenda.
Síðan voru veittar viðurkenningar
fyrir góðan námsárangur. Freyr
Átlason hlaut úr frá Vélstjórafé-
lagi Vestmannaeyja fyrir bestan
árangur í vélfræðigreinum á 2.
stigi. Aðalbjörg Skarphéðinsdóttir,
Dagbjört Stefánsdóttir og Krist-
jana Margrét Harðardóttir fengu
viðurkenningu fyrir góðan árang-
ur í þýsku. Reynir Hjálmarsson
fékk viðurkenningar fyrir góðan
árangur í íslensku og mjög góðan
Morgunblaðið/Sigurgeir Jónasson
STANDANDI frá vinstrí: Ólafur Hreinn Sigurjónsson skólameistari, Reynir Hjálmarsson, Guðrún
Erlingsdóttir, Anna Hulda Ingadóttir, Aðalbjörg Skarphéðinsdóttir, Guðfinna Ágústsdóttir, Björn
Friðriksson og María Höbbý Sæmundsdóttir. Sitjandi frá vinstri: Sædís Sigurbjörnsdóttir, Heiðrún
Björk Sigmarsdóttir, Dagbjört Stefánsdóttir og Kristjana Margrét Harðardóttir.
námsárangur á stúdentsprófi,
Guðrún Erlingsdóttir fékk viður-
kenningu fyrir góðan árangur í
verslunargreinum og Dagbjört
Stefánsdóttir og Kristjana Mar-
grét Harðardóttir fengu viður-
kenningu fyrir góða ástundun og
námsárangur.
í hópi stúdentanna sem útskrif-
aðir voru nú var 300. stúdentinn
sem brautskráður er frá skólanum.
Brautskráð er eftir stafrófsröð og
var Kristjana Margrét Harðardótt-
ir 300. stúdentinn sem brautskrá-
ist frá skólanum og afhenti skóla-
meistari henni smágjöf frá skólan-
um til minningar um það.
Morgunblaðið/Eyjólfur
LEIKUR að ljósi gladdi marga í veðurblíðunni um áramótin.
Fjölmenni
við áramóta-
brennu
ÚTSALAN ER HAFIN
30-70% ofslóttur
É
P .
I .
igi
Opið a laugardögum fra 10-16
Reykjavíkurvegi 64 ■ Hafnarfirði • Sími 565 1147
Vogum - Vogamenn fögnuðu
nýju ári og kvöddu það gamla
með hefðbundnum hætti.
Samkvæmt áratuga venju var
kveikt í stórri áramótabrennu
fyrir norðan íþróttavöllinn
klukkan 20 á gamlárskvöld. Fjór-
ir menn gengu með rauð blys og
hentu í bálköstinn og þar með
var brennan hafin. Að margra
áliti hefur bálkösturinn aldrei
verið stærri. Fjöldi fólks var við-
staddur brennuna enda var veður
kjörið til útivistar, hægur vindur
og hiti yfir frostmarki.
Miklum fjölda flugelda var
skotið á loft, sem fylltu himininn
tilkomumikilli ljósadýrð með til-
heyrandi hávaða. Að sögn björg-
unarsveitarmanna, sem einir
hafa leyfi til að selja flugelda á
staðnum og eru háðir ströngu
eftirliti, urðu þeir varír við tölu-
verða samkeppni úr heimahús-
um.
FJÖLDI fólks kom að brennunni út á Breið.
Veðursæld á áramótabrennu Snæfellsbæjar
Ólafsvík - í Snæfellsbæ voru góð
áramót, hiti, gott veður en örlitil
rigning. Áramótabrennan var að
þessu sinni á milli Hellissands og
Ólafsvíkur, á svonefndri Breið, í
landi Sveinsstaða. Stóðu starfs-
menn bæjarins að brennunni.
Mikið fjölmenni var bæði frá
Hellissandi og Ólafsvík við þessa
sameiginlegu brennu og stóðu
björgunarsveitimar að skraut-
legri flugeldasýningu.
9
BOKHALDSHUGBUNAÐUR
tyrlr WIND0WS
Einföld lausn á
flóknum málum
gl KERFISÞRÓUN HF.
Fákafeni 11 - Sími 568 8055
OTraarion
Fólk
Framkvæmda-
stjóri Hús-
vískrar fjöl-
miðlunar hf.
•KRISTÍN Erna Arnardóttir
hefur verið ráðin framkvæmda-
stjóri Húsvískrar fjölmiðlunar hf.,
sem hóf sjón-
varpsútsending-
ar á síðasta ári
undir nafninu
Norðurljós.
Jafnframt gefur
fyrirtækið út
Víkurblaðið.
Kristín Erna
hefur fjölþætta
reynslu af dag-
skrárgerð fyrir
sjónvarp, sem
upptökustjóri hjá Sjónvarpinu og
hefur hún verið framkvæmda-
stjóri fyrir kvikmyndagerð og má
í því sambandi nefna myndirnar
Sódóma Reykjavík og Benjamín
dúfa.
Kristín Erna kom til starfa
skömmu fyrir áramót og var það
hennar fyrsta verkefni að und-
irbúa dagskrárgerð undir yfir-
skriftinni „Jól og áramót á Húsa-
vík“ og verður það efni sent út nú
í ársbyrjun. Dreifing efnis fer
fram í gegnum örbylgjusendi og
er verið að vinna að uppsetningu
sérstaks móttökuloftnets í því
sambandi. Þess vegna eru afnot
af Norðurljósum ekki enn orðin
almenn.
Kristín Erna er 36 ára gömul,
hefur verið búsett í Reykjavík
undanfarin ár, en fiyst nú til
Húsavíkur ásamt 15 ára dóttur
sinni.
Kristín Erna
Arnardóttir
-■ ■ ■■■■• ■ •