Morgunblaðið - 23.12.1984, Blaðsíða 9

MORGUNBLAÐIÐ, SUNNUDAGUR 23. DESEMBER 1984
9
HUGVEKJA
eftir séra
Guðmund Óskar ólafsson
Gegnum
anda þíns augu

u
„Ydur er í dag frelsari fæddur.“
Lk. 2:11.
í vesturbænum í Reykjavík býr sá sem lét
eftirfarandi orð skráð í eitt ljóða sinna. Ég
vitna í það samkvæmt minni:
Spurðum við ekki tíðum sem bðrn:
Hvar er sólin á nóttunni?
og höfundurinn bætir við:
Þannig höfum við einnig oft spurt,
hvar þú sért, þegar angistin
fyllir sál vora dökkva"
(M. Jóh.)
Einhver mun inna eftir birtunni á líkan veg,
jafnvel á þessari hátið, bæði úti í heiminum
stóra, þar sem vansældin víða ríkir, sem og
einnig í okkar landi þó að bjargræðið sé flestum
innan handar. Þau kynnu einnig að hafa átt
sína sáru spurn mannanna börnin tvö, sem jóla-
guðspjallið segir frá og voru á ferð sem lítil-
magnar samkvæmt boði keisarans. Og langlúin
af strangri för áttu þau sér fátt um skjól í
manrtmergðinni og blindur er sá, sem ekki
greinir að dapurleikans skuggi hefur hvílt yfir,
þegar einasta hælið til barnsburðar reyndist
vera í gripahúsunum. Hvar var sólin í nóttinni
þeirra? Hún braust fram. Já, það gerðist þá,
sem aldaskiptum olli og hefur valdið því æ síð-
an að jól eru haldin, sólin fór að skína, spurning
barnanna fékk svar, svo aldrei hafði kalli
mannanna um að Guð gæfi upp verustað sinn
verið ansað á líkan veg áður: „Yður er í dag
frelsari fæddur, sem er Kristur Drottinn."
í góðri bók íslensks höfundar segir svo: „Það
var einn morgun snemma vors fyrir nokkrum
áratugum að ég drakk nýmjólk úr rósóttri
krukku, sem fóstra mín hafði gefið mér á jólun-
um, en hljóp síðan snöggklæddur út á hlað og
gleymdi að þurrka mér um munninn. Ég ætla
ekki að reyna að lýsa því hvernig jökullinn kom
mér fyrir sjónir þennan morgun, þar sem hann
bar við himin fjarst í austri, né skýin yfjr jökl-
inum, hvít og gljúp, né marrautt fjallið okkar
með grænum mosageirum og dimmbláum klett-
um. Jafnvel sinugrátt engið, lyngholtið og fljót-
ið urðu mér slík vitrun, að ég stóð á öndinni
nokkra stund, gagntekinn af nýstárleika himins
og jarðar. Guð hafði farið höndum um heiminn í
nótt og breytt honum öllum, nema hvað gljúfrið
í vesturhlíð fjallsins var jafn myrkt og geig-
vænlegt og endranær. Það var dálítið undarlegt
að Guð skyldi ekki hafa breytt því líka á meðan
aðrir sváfu." (Ól. Jóh. Sig.)
Þetta er elskulegur texti. Hann getur um und-
ursamleika sköpunarinnar, að vísu ekki að vetri
til, en engu að síður vitnar hann um hvernig
hjartað getur glaðst yfir máttarverkum Drott-
ins eða eins og segir í þessu stefi: „Og er ég þar
sá allt — í ímynd þinni — ég elskaði jörðina
fyrsta sinni — því gegnum anda þíns augu má
þar ótrúlegustu fegurð sjá (G. Dal).
Já, drengurinn var gagntekinn af nýstárleika
himins og jarðar: Guð hafði farið höndum um
heiminn í nótt. Þetta er stef jólanna frá upphafi
og forsenda þess að mannsbarn geti haldið sönn
jól: Guð hefur farið höndum um heiminn í nótt:
„Yður er í dag frelsari fæddur.“ Þegar best læt-
ur, þegar hjarta fær til þess frið, þá fáum við að
sjá í „gegnum augu anda Guðs“ og verðum
gagntekin af því ótrúlega og óskiljanlega að
Drottinn hefur farið höndum um veröldina
okkar, svo ekkert er sem áður var af því að „Guð
er sjálfur gestur hér“. Og fjallið og skýið og
jökullinn, já hvaðeina sem við höfum fyrir aug-
um í mannheimi hefur skipt um svip og sýn,
lífsgildi og horfur með nýjum hætti. Víst veit að
stemmningin dvín, klukkur jólanna þagna og þá
er skammt að bíða að við höfum áhyggjur af
dökku gljúfrunum að nýju og hugsum viðlíka og
drengurinn: Undarlegt að Guð skyldi ekki hafa
breytt líka hvunndeginum og gert hann bjart-
ari. Svona hefur þetta vísast verið einnig með
fjárhirðina, þeir snéru aftur til verka sinna á
völlunum og hafa þá trúlega greint að himin-
ljómi dýrðarinnar hafi ekki svipt á brottu fyrir
fullt og fast skuggum gæslustarfanna. Fagnað-
arboðin voru nefnilega aldrei, né verða, að ver-
öldin hafi búist nýjum og blíðari stakki, því
barnið frá Betlehem hitti fyrir á hastarlegan
máta þann heim, sem þrengdi að honum á allan
hátt þar til yfir lauk. Nei gleðitíðindin eru að
Guð getur svo farið höndum um mannshjarta,
sem meðtekur frelsarann, að unnt er að líta
veröldina á nýjan hátt í gagntekningu yfir ný-
stárleika himins og jarðar, þrátt fyrir öll myrku
gljúfrin. Hvað gerði drengurinn í sögunni, þeg-
ar hann hafði lifað sína stóru stund, svo að söng
og kliðaði í honum öllum? Hann fór upp á bæj-
arkampinn og baðaði út öllum öngum og reyndi
að fljúga, en féll til jarðar hvað eftir annað.
Honum fannst að hann yrði að drýgja dáðir af
því að ósýnilegir fingur höfðu snert hann þessa
nótt. Að liðnum dögum tókst honum þó að
leggja nokkuð af mörkum. Hann kleif fja.ll og
hlóð þar vörðu. Svo segir hann: „Enn er mér
hulin ráðgáta hvernig mér tókst að hlaða þessa
vörðu, hálfhræddur, kraftlítill og fákunnandi
... öngvu og síður reis hún, miklu minni að vísu
en ég hefði kosið og vandræðalegri á allan hátt,
en varða varð það samt og ívið hærri en ég, ef ég
man rétt.“ Mikið afskaplega finnst mér þetta
merkileg frásögn. Ég hef séð ýmsa, sem eins og
reyndu að fljúga hvað eftir annað, af því að Guð
hafði gefið þeim heilög boð í barm um himininn
á jörðu, en jarðneskur veruleikinn, oft á tíðum
kaldur og dýrðarsmár olli því að áhuginn kuln-
aði, þeim fannst að Guð hefði átt að breyta öllu,
að hann hefði átt að taka heiminn harðari tök-
um. Og svo visnaði trúin upp, af misgá, vangá
eða ræktarleysi. En ég hef líka séð fólk, sem
hefur verið í því alla tíð að hlaða vörðuna sína,
kannski hrætt og kraftsmátt, en alltaf haldið
áfram, komist yfir klungur og raunir og mis-
gengi daganna, af því að í hjartanu bjó hún og
var sífellt nærð sú vissa að Jesús Kristur væri
svar Guðs til tímanlegrar og eilífrar blessunar
og ævarandi birtu, þó svo að skuggarnir ættu
sér áfram stað á jörðu, já að sólin hefði farið að
skína í nóttinni til þess að fyrirkoma angistinni
og dökkvanum í sálinni.
Þeir ósýnilegu fingur, sem að ég hygg að
snerti okkur öll, þegar jólahátíð gengur í garð,
þeim er vissulega á auðveldan hátt skákað tií
hliðar þegar myndin dvín, tónarnir enda og
grenið fellur, því þeir fingur eru með hljóð tök í
samanburði við þau nornagrip, sem iðukast
virku dagana hefur á okkur, þegar við fjarlægj-
umst og förum að nýju út á kalda vellina eins og
hirðarnir. En er það ekki samt eini steinninn,
sem er ósvikinn til að bera með sér í lífinu frá
nægtum jólanna, þessi boð: „Verið óhræddir,
því sjá ég boða yður mikinn fögnuð, því að yður-
er í dag frelsari fæddur, sem er Kristur Drott-
inn.“ Og svo ntegum við leggja upp frá bæjar-
kampinum okkar hvers og eins og halda á fjallið
til að hlaða vörðuna. Við fleiðrumst og þreyt-
umst, erfiðum, söknum, syrgjum og gleðjumst
og auðvitað miðar okkur tíðum langtum minna
en við ætluðum og vildum, en séu boðin föst í
hjartanu að Guð hafi farið höndum um heiminn
og um leið okkur sjálf eins og við erum og að
hann sé ævinlega við hlið okkar, sá sem tekur
undir hornin á steinunum, sem við þurfum að
lyfta, hvort sem þeir heita sorg, sjúkleiki, kvíði
eða annað sem erfitt er að axla, þá verður varð-
an okkar jafnvel ívið meiri en við hefðum átt
von á, já langtum stærri en við sjálf, því að
Hann sem er himnanna Drottinn hefur lagt
grundvöllinn, svo traustlega að hann haggast
ekki að eilífu. Guð gefi okkur að þiggja þá hjálp,
það hjálpræði, fyrir Jesúm Krist.
Gleðileg jól.
y^lÐSTÖÐ
VERÐBREFA-
VIÐSKIPTANNA
SÖLIIGENGI VERÐBRÉFA
24. desember 1984
Spariskírteini og happdrættislán ríkissjóða
Ar-flokkur
1971- 1
1972- 1
1972- 2
1973- 1
1973- 2
1974- 1
1975- 1
1975- 2
1976- 1
1976- 2
1977- 1
1977- 2
1978- 1
1978- 2
1979- 1
1979- 2
1980- 1
1980- 2
1981- 1
1981- 2
1982- 1
1982- 2
1983- 1
1983- 2
1984- 1
1984-2
1974-E
1974- F
1975- G
1976- H
1976- 1
1977- J
1981-1.
Sölugengi
pr. kr 100
17.545,10
15.474,37
12 678,13
9.232,57
8.519.61
5.595,59
4.734,88
3.491,34
3.103,79
2.613.56
2.224,73
1.903.77
1.508,37
1.216,22
1.044.38
792,90
709.84
543,67
458,44
331,96
330,61
240,59
182,71
115,16
111,37
104.84
4.208,00
4.208,00
2.754.57
2.515.78
1.897.61
1.678,44
359,46
Avöxtun-1 Dagafjöldi
arkrafa I til innl.d.
8,60%
8,60%
8,60%
8.60%
8.60%
8,60%
8,60%
8,60%
8,60%
8,60%
8,60%
Innl.v. i Seðlab 10
8,60%
Innl.v. í Seðlab
8,60%
Innl.v. i Seðlab 15
8,60%
8,60%
8.80%
8,80%
8,60%
8,60%
8,80%
8,80%
9,00%
9,00%
10
1 ár
1 ár
1 ár
1 ár
2 ar
2 ár
Innlv. i Seölab. 01.
Innlv. i Seðlab 01.
10.00%
10,00%
10,00%
10,00%
10,00%
10,00%
1 ár
1 ár
2 ár
1 ár
261 d
31 d.
261 d.
261 d.
31 d.
261 d.
16 d.
31 d.
76 d.
31 d.
91 d
.09.84
91 d.
.09.84
61 d.
.09.84
111 d.
301 d.
31 d.
291 d.
67 d.
277 d.
67 d.
307 d.
37 d
256 d
12.84
12.84
345 d.
337 d.
96 d.
336 d.
97 d.
127 d.
Veðskuldabrót — verðtrvooð
Lánst. Nafn Sölugengi m.v.
2 afb. vextir mism ávöxtunar -
aari HLV kröfu
14% 16% 18%
90 d 7% 98,47 98,04 97,63
180 d 7% 96,94 96.10 95.28
270 d 7% 95,40 94.16 92,96
1 ár 7% 96 94 93
2 ár 7% 93 91 89
3 ár 8% 92 89 87
4 ár 8% 90 87 84
5 ár 8% 88 85 81
6 ár 8% 86 83 79
7 ár 8% 85 81 77
8 ár 8% 84 79 75
9 ár 8% 82 77 73
10 ár 8% 81 76 72
Veðskuldabréf — óverðtryggð
Sölugengi m.v.
Lánst. 1 afb. á ári 2 afb. á ári
20% 28% 20% 28%
90d 89,77 91,48
180 d 84,44 87,51
270 d 81,76 86,02
1 ár 79 84 85 89
2 ár 66 73 73 79
3 ár 56 63 63 70
4 ár 49 57 55 64
5 ár 44 52 50 59
Spariskírteini ríkissjóðs,
verðtryggö veðskuldabréf,
óverötryggö veðskuldabréf
óskast á söluskrá.
Daglegur gengisútreikningur
Veröbréfamarkaður
Fjárfestingarfélagsins
Lækjargötu12 101 Reykjavik
lönaóarbankahúsinu Sími 28566