Morgunblaðið - 23.12.1984, Blaðsíða 7
MORGUNBLAÐIÐ, SUNNUDAGUR 23. DESEMBER 1984
7
Mikill fjöldi ólöglegra
lampa á markaðnum
Við sendum viðskiptavinum okkar, samstarfsfólki og
landsmönnum öllum bestu óskir um
GLEÐILEG JÓL
Starfsfólk
Samvinnuferda -Landsýnar
Sá
( ljós hefur komið, í kjölfar könn-
unar Rafmagnseftirlits ríkisins á
ýmsum tegundum loft- og vegglampa
sem hér eru seldir, að þeirra á meðal
eru lampar sem jafnvel við eðlilega
notkun geta reynst stórhættulegir.
Er hér um að raeða 12 tegundir af
lokuðum, vatnsvörðum, glóperu-
lömpum með hlífðargrind sem festir
eru beint á vegg eða loft. Reyndust
lamparnir allir vera framleiddir á ít-
alíu.
Frá þessu var skýrt á fundi sem
RER hélt með blaðamönnum í vik-
unni. Bergur Jónsson rafmagns-
eftirlitsstjóri sagði á fundinum að
úrvalið hér af lömpum hefði aldrei
verið eins mikið og nú. Væri það
lagaleg skylda allra innflytjenda
og seljenda lampa hér á landi að
láta þá í skoðun til RER sem sker
úr um hvort þeir eru löglegir eða
ekki. Hins vegar virtust margir
innflytjendur virða þessi lög að
vettugi.
Við prófun á lömpunum kom í
ljós að margir þeirra hitna of mik-
ið við notkun, þó að ekki séu not-
aðar stærri perur en til er ætlast
og merking á lampa sýnir. Mest er
hættan af ofhituninni ef lampinn
hefur lítð rúmtak, umgerð er úr
plasti og fellur þétt að undirlag-
inu. Getur lampinn þá hæglega
eyðilagst og íkveikjuhætta skap-
ast. Sumir lampar leyna þó meira
á sér og skemmast ekki sjálfir en
hins vegar verður hitinn svo mik-
ill á aðtaugum sem liggja að þeim
að af geta hlotist skemmdir í raf-
lögnum.
Bergur sagði að fjöldi ólöglegra
lampa í verslunum væri ótrúlegur
og brýnt væri að fólk hefði augun
opin við lampakaup. Sagði hann
að lampi væri ólöglegur ef ekki
væri tilgreind á honum leyfileg
stærð peru í wöttum enda hættu-
legt að nota stærri peru en lamp-
inn þyldi. Fólk ætti að varast að
kaupa lampa sem ekki eru merktir
með perustærð, nafni framleið-
anda o.fl. Sýni lampi merki um
ofhitun s.s. litarbreytingu, sviðn-
un eða aflögun þó að perustærð
hafi ekki verið meiri en leyfilegt
er, má gera ráð fyrir að lampinn
sé ósamþykktur og ólöglegur.
Sagði Bergur að það væri góð
regla að nota minni peru en af
leyfðri hámarksstærð auk þess
sem það yki líkur á iangri endingu
peru og lampa.
Mun Rafmagnseftirlitið beita
sér fyrir því að allir ólöglegir
lampar sem hér eru á markaði
verði teknir úr umferð og innflytj-
endum þeirra verður gert skylt að
kalla inn selda lampa af þessu
tagi.
MorKunblaðið/Bjarni
F.v. Bergur Jónsson, rafmagnseftirlitsstjóri ríkisins, Hreinn Jóhannsson,
deildarstjóri reglugerðardeildar RER, og Jón D. Þorsteinsson, verkfræðing-
ur, með hluta af ólöglegu lömpunum.
Gáfu 200
þúsund til
Eþíópíu
FYRIRTÆKIN Sól hf. og Smjörlíki
hf. hafa afhent Rauða krossi íslands
200 þúsund krónur til hjálparstarfs-
ins í Eþíópíu.
„Davíð Scheving Thorsteinsson
hringdi í mig og spurði hve mikið
ríkisstjórnin hefði gefið til söfn-
unarinnar.
Ég sagði honum upphæðina og
kvaðst hann þá ætla að senda mér
peninga í söfnunina og hann
myndi ekki verða eftirbátur
stjórnarinnar. Stuttu síðar bárust
200 þúsund krónur frá fyrirtækj-
um Davíðs," sagði Jón Ásgeirsson
framkvæmdastjóri Rauða kross-
ins í samtali við Mbl. í gær.
MÓTMÆLASTAÐA
viö sovéska sendiráöiö á Túngötu
fimmtudaginn 27. des. kl. 17.30
vegna 5 ára hernáms Sovétríkjanna í Afganistan.
SÝNUM AFGÖNSKU ÞJÓÐINNI STUÐNING
HEIMDALLUR, VARBERG, TÝR, STEFNIR, FRIÐARHREYFING FRAMHALDSSKOLANNA, AFGANISTANEFNDIN.