Morgunblaðið - 09.09.1984, Síða 17

MORGUNBLAÐIÐ, SUNNUDAGUR 9. SEPTEMBER 1984
97
runnflötur
byggingarinnar
er um 14 þús-
und fermetrar
og er húsið á
þremur hæðum, samtals 33.700 fer-
metrar," sagði Ragnar Atli er hann
var spurður nánar um umfang þess-
ara framkvæmda.
„í öðrum helmingi hússins verður
Hagkaup með starfsemi sfna, en f
hinum verða hinar ýmsu verslanir
og þjónustufyrirtæki. Á fyrstu
hæðinni verður Hagkaup með stór-
markað með matvörur og á sömu
hæð verða nokkrar aðrar stórar
verslanir sem munu versla með
húsgögn, heimilistæki og fleira. Á
annarri hæð verður Hagkaup með
deildarverslun fyrir annað en mat-
vörur. Samtengd deildarverslun
Hagkaups, verður göngugata, um 12
metrar á breidd og 120 metrar að
lengd, eða alls 2000 fermetrar. Þar
verða yfir 40 verslanir og þjónustu-
fyrirtæki. Torg verða til beggja
enda og verða bæði torgin og
göngugatan með gróðri og bjartri
lýsingu, enda er lögð á það mikli
áhersla til mótvægis við grámygl-
una og hráslagalegt veðurfar hér.
Vestan við bygginguna er gríðar-
stórt bilaplan á tveimur hæðum og
verða þar samtals stæði fyrir 1000
bíla, og verða hitalagnir á bílastæð-
unum. Aðalinngangur frá neðra
bílastæðinu liggur inn á torg á
fyrstu hæð, og er opið upp undir
glerhvolf, sem gefur náttúrulega
lýsingu yfir torgið. Annar inngang-
ur er svo frá efra bílastæðinu inn á
aðra hæð hússins. Á þriðju hæð
verða svo skrifstofur í norðurhluta
byggingarinnar, en göngugatan
sker aðra og þriðju hæð og verður
þar opið upp undir þak, en lýsing og
umhverfi er allt miðað við að menn
hafi það á tilfinningunni að þeir séu
úti, þótt allt sé undir þaki.“
Ragnar Atli sagði ennfremur að
hönnun á verslunarmiðstöðinni
miðaðist við svipaða samsetningu
og gamli miðbærinn f Reykjavfk,
þ.e. sömu tegundir verslana, en auk
þess hefði verið gerð úttekt á stór-
um verslunarmiðstöðvum erlendis,
bæði í Bandarikjunum og Evrópu,
og þeir þættir valdir úr sem henta
þóttu við íslenskar aðstæður.
Notagildi og
skemmtun
Breska arkitektafirmað „Bernard
Engle Partnership", Teiknistofan
Laugavegi 96 og Verkfræðistofa
Sigurðar Thoroddsen hafa unnið
við hönnun byggingarinnar. Lög-
fræðilega aðstoð er á vegum Helga
V. Jónssonar. Blm. Mbl. hitti að
máli Nicholas Brill, arkitekt hjá
breska fyrirtækinu, er hann var
Göngugatan á annarri hæð.
Uppgangur i torgið i annarri hæð.
staddur hér á Iandi fyrir skömmu
og gerði hann f stuttu máli grein
fyrir þróun verslunarmiðstöðva er-
lendis og þeim sjónarmiðum, sem
gilda við hönnun slikra miðstöðva:
„Verslunarmiðstöðvar komu
fyrst fram á sjónarsviðið í Banda-
ríkjunum eftir seinni heimsstyrj-
öldina. Þar hafa slíkar verslunar-
miðstöðvar aðallega risið fyrir utan
borgirnar, en í Evrópu hafa þær
verið byggðar inni í borgunum,
enda var ekki óalgengt að endur-
byggja þyrfti stóran hluta borg-
anna eftir stríðið. Staðarvalið hér í
Reykjavík er einstaklega hentugt
að því leyti, að hér er um að ræða
óbyggt svæði, sem þó er miðsvæðis í
borginni. Þessar stóru verslunar-
miðstöðvar hafa einkum náð fót-
festu þar sem loftslag er annað-
hvort mjög heitt eða svalt og vot-
viðrasamt eins og hér.
Þau sjónarmið sem gilda við
hönnun þessara verslunarmið-
stöðva eru einkum þau, að sam-
tengja notagildi og það, að fólk hafi
ánægju af að koma á þessa staði.
Hvað notagildi snertir er þetta
oftast byggt upp á stórmörkuðum
og stórum deildaverslunum, með
smærri verslunum á milli. Lögð er
áhersla á að hafa eitthvað fyrir alla
og flestar tegundir af verslunum.
Þá má nefna atriði eins og að allt er
undir einu þaki, umhverfið er
verndað, bæði fyrir veðri og vindum
auk þess sem menn þurfa ekki að
hafa áhyggjur af bilaumferð. Þá er
einnig mikið atriði að hafa sam-
tengd og rúmgóð bílastæði.
Það er mjög þýðingarmikið að
gera innkaupaferðir i slíkar versl-
unarmiðstöðvar að einhverju sem
er eftirsóknarvert fyrir alla fjöl-
skylduna, ekki eitthvert leiðinlegt
skylduverk sem verður að inna af
hendi. Því verður að bjóða upp á
áhugaverðar uppákomur, • veit-
ingastaði og kaffihús og ekki síst
þægilegt og skemmtilegt umhverfi.
Þarna verða að vera tré og gróður,
gosbrunnar og styttur. Þá verður
einnig að vera leiksvæði fyrir bðrn,
og i þessari verslunarmiðstöð er
gert ráð fyrir skipi á öðru endatorg-
inu, þar sem börnin geta unað sér á
meðan foreldrarnir versla. Allir
veggir og gólf eru gerðir úr efnum,
sem auðvelt er að þrífa þannig að
ekki sé hætta á að umhverfið verði
strax sjúskað og óaðlaðandi vegna
óhreininda. Þetta eru þau helstu
sjónarmið sem gilda við hönnun
svona verslunarmiðstöðva, og eftir
þessum sjónarmiðum hefur verið
unnið við hönnun þeirrar miðstöðv-
ar sem nú er verið að hefja fram-
kvæmdir við hér í Reykjavík," sagði
Nicholus Brill, arkitekt.
JH Ji' ■Art
1 L fjf- m'* yð| i Mm 'Í'
Kaflaskipti í íslenskri
verslunarsögu
„Að okkar dómi er hér um að
ræða kaflaskipti í íslenskri verslun-
arsögu,” sagði Sigurður Pálmason,
forstjóri Hagkaups. „Við höfum
fylgst með þróun þessara mála er-
lendis í mörg ár. Fyrir nokkrum ár-
um fórum við að kanna möguleika á
lóð undir verslunarmiðstöð á höfuð-
borgarsvæðinu. Niðurstaðan varð
sú, að Kringlumýrin væri tvímæla-
laust besti kosturinn. Ég vil leggja
á það áherslu, að þarna verða fjöl-
margir aðilar aðrir en Hagkaup, og
eftir að endanlega hefur verið geng-
ið frá hverjir þarna verða með að-
stöðu verður stofnað eigendafélag
verslunarmiðstöðvarinnar, sem
mun annast rekstur hennar í fram-
tíðinni. Hins vegar sáum við fram á
að þessu yrði aldrei hrint í fram-
kvæmd nema einn aðili hefði þar
forgöngu um og því höfum við ráð-
ist í þetta verkefni," sagði Sigurður.
Ekki hefur enn verið ákveðið
nafn á verslunarmiðstöðina og
sagði Sigurður að líklega yrði efnt
til samkeppni þar um. Opnunardag-
ur miðstöðvarinnar hefur verið
áætlaður um mitt ár 1987, og opna
þá allir í einu. Nú þegar er búið að
leggja drög að samsetningu versl-
ana, sem verða með aðsetur í þess-
ari miklu verslunarmiðstöð, en ekki
hefur verið gengið frá samningum
við einstök fyrirtæki um aðstöðu í
byggingunni. Verður það gert nú á
næstu vikum.
Torgið við innganginn á fyrstu hæð.
Sv.G.