Morgunblaðið - 18.11.1980, Síða 10
MORGUNBLAÐIÐ, ÞRIÐJUDAGUR 18. NÓVEMBER 1980
Árið 1975 var gerð könnun á
vegum Rádet for Trafiksikker-
hedsforskning til að reyna að
meta hve margir notuðu reiðhjól
sem samgöngutæki. Skv. niður-
stöðum þessarar könnunar
reyndust 47% fullorðinna nota
reiðhjól daglega og aðeins 18%
fullorðinna hjóluðu sjaldnar en
einu sinni í mánuði. Um 90%
barna hjóluðu daglega skv.
könnun þessari. Á þeim 5 árum
sem liðin eru frá því að könnun
þessi var gerð hefur hjólum
fjölgað um 20—30% þannig að
líklegt má telja að notkun reið-
hjóla hafi aukist að sama skapi.
Um hjólreiðar gildir að nær
allt heilbrigt fólk getur stundað
þær. Á tímum aukinnar kyrrsetu
og of mikils matar er það
Vesturlandabúum nauðsynlegt
að þjálfa líkama sinn. Sú hreyf-
ing sem fæst af hjólreiðum er
því mjög æskileg og laus við þá
spennu sem í sumum tilvikum
fylgir skipulögðum íþrótta-
æfingum.
I Danmörku eru starfandi
hagsmunasamtök hjóireiða-
manna, Dansk Cyklist Forbund.
í samtökunum eru um 25.000
félagar, þar af starfa um 600
manns í hinum ýmsu nefndum
og ráðum á vegum samtakanna.
Til að fræðast nánar um samtök-
in fór undirritaður um daginn á
skrifstofu Dansk Cyklist For-
bund og hitti þar að máli einn
stjórnarmanna, Peter Gordon að
nafni. Aðspurður kvaðst Peter
vera þokkalega ánægður með
starfið innan samtakanna, en
ekki væri því að neita að erfitt
væri að sjá beinan árangur. Aðal
baráttumál samtakanna er að fá
hjólreiðabrautir meðfram öllum
helstu umferðargötum í þéttbýli.
í Kaupmannahöfn eru hjólreiða-
brautir meðfram nálægt helm-
ingi allra gatna, en það segir
ekki alla söguna, því meðfram
öllum fjölförnustu götunum í
miðbænum vantar hjólreiða-
brautir. Þetta orsakast vitanlega
af þrengslum við þessar götur,
því þegar þær voru lagðar óraði
engan fyrir þeirri fjölgun bif-
reiða sem orðið hefur.
Peter Gordon kvaðst bjart-
sýnn á að sá aukni áhugi fólks á
hjólreiðum sem komið hefur
fram hjaðni ekki strax. Það
gerist æ algengara að ungt fólk
noti vart önnur samgöngutæki
en reiðhjól. Með barnastóla á
hjólunum eða kerru í togi getur
öll fjölskyldan ferðast saman.
Hjólakörfur, regnslár og hlífð-
arföt eru síðan nauðsynlegir
hlutir fyrir hjólandi vegfarend-
ur. Að endingu bað Peter Gordon
fyrir kveðjur til hjólreiðamanna
á Islandi og kvaðst hann feginn
að heyra um aukinn hjólreiða-
áhuga Íslendinga.
Kaupmannahöfn í október
1980,
Þóróllur Árnason
Á leið á harnaheimilið á hjóli.
Hjólreiðar í
Danmörku
Á leið í skólann á hjóli.
Þórólfur Árnason skrifar:
Á leið í vinnu á hjóli.
Iljólhestastæði.
Danir hafa ekki, frekar en aðrar iðnvæddar þjóðir, farið varhluta af hækkandi olíuverði
undanfarin ár. Af þessum sökum hafa stjórnvöld hvatt til orkusparnaðar á sem flestum
sviðum. Sá þáttur orkueyðslunnar sem hinn almenni borgari jfetur hvað best stýrt eru
samgöngur. Hér í Danmörku hefur því verið rekinn allnokkur áróður fyrir að minnka
notkun einkahifreiða og nota þess í stað almenningsfarartæki og reiðhjól.
Sagt er að það sem íslend-
ingar furði sig mest á þegar þeir
koma í fyrsta sinn til Kaup-
mannahafnar sé að sjá allt þetta
fólk komast leiðar sinnar á
hjólum. Hvort sem þetta er rétt
eða ekki er víst að á íslandi hafa
reiðhjól fram til þessa verið
talin barnagiingur en ekki sam-
göngutæki. Eitthvað virðist álit
fólks á hjólreiðum þó vera að
breytast, ef marka má aukna
sölu á reiðhjólum í Reykjavík.
Á árunum eftir seinna stríð og
fram undir lok sjöunda áratugs-
ins fækkaði stöðugt þeim Dönum
sem notuðu reiðhjól sín daglega
til að komast úr og í vinnu.
Einkabílisminn blómstraði. Nú
hin síðari ár hafa hjólreiðar
hinsvegar aukist mjög hér í
Danmörku og má þar hiklaust
sjá áhrif vaxandi umræðu um
orkusparnað, almenningsíþróttir
og umhverfismál.
Danmörk er af náttúrunnar
hendi mjög vel fallin til hjól-
reiða. Fjöll eru engin og brekkur
fáar. Veðurfar verður einnig að
teljast frekar milt og sú lárétta
rigning sem Frónbúar þekkja
svo vel er sjaldséður gestur.
Þegar síðan við bætist að landið
er mjög þéttbýlt er auðskilið hve
mikilla vinsælda hjólhesturinn
nýtur. Talið er að í Danmörku
séu um þrjár og hálf milljón
reiðhjóla. Ibúar Danmerkur eru
nálægt fimm milljónum.
Peter Gordon hjá hagsmuna-
samtökum hjólreiðamanna i
Danmörku.