Morgunblaðið - 06.10.1992, Blaðsíða 35
MORGUNBLAÐIÐ ÞRIÐJUDAGUR 6. OKTÓBER 1992
35
IMorðurlönd
Starfsfólki IBM fækkar enn
STÆRSTA tölvufyrirtæki heimsins, IBM, var á sínum tíma stofnað
af Thomas Watson með þá óvenjulegu grundvallarhugsjón að aldr-
ei þyrfti að reka starfsmenn.
Þessi hugsjón átti sinn þátt í að
byggja upp veldi IBM á millistríðs-
árunum þegar efnahagskreppunni
fylgdi gífurlegt atvinnuleysi. IBM
bygði upp sinn mikilvægasta fram-
leiðsluþátt; traust starfsfólk með
einkunnarorðin: „Hugsið“.
Þegar IBM þurfti hinsvegar að
horfast í augu við gífurlega rekstr-
arerfiðleika á níunda áratugnum
varð þessi grundvallarhugsjón að
víkja. Það hófst í Bandaríkjunum
þar sem starfsfólki var fækkað í
tugþúsundatali. Lengi vel þurfti
EES
þó ekki að grípa til slíkra aðgerða
á Norðurlöndunum. Svo fór þó að
lokum.
Það sem af er þessu ári hefur
starfsmönnum IBM í Danmörku,
Noregi, Svíþjóð og Finnlandi fækk-
að um 1.000. Eins og annars stað-
ar hefur þó verið lögð áhersla á
að gera aðgerðina eins sársauka-
litla og hægt er, einkum með því
að gera starfsmönnum kleift að
fara fyrr á eftirlaun.
Þann 1. ágúst 1991 var IBM
Nordic stofnað sem hluti af skipu-
lagsbreytingum IBM um heim all-
an. IBM Nordic tók við yfirumsjón
IBM í Danmörku, Noregi, Svíþjóð
og Finnlandi. Fækkun starfsfólks
er bein afleiðing þeirrar skipulags-
breytingar. Að sögn Frank Peters-
en forstjóra er nú lokið um 75%
áætlaðra sparnaðaraðgerða. Hann
vonar að ekki verði nauðsynlegt
að fækka starfmönnum frekar, en
segir það ráðast af markaðsþróun.
Petersen segir sameininguna og
sparnaðaraðgerðirnar á Norður-
löndunum hafa gengið vonum
framar. Nú þegar megi sjá góðan
árangur í Svíþjóð og Finnlandi.
Hann er því bjartsýnn á framtíð
IBM Nordic.
Umskráning flutningaskipa
verður einfaldari vegna EES
UMSKRÁNING flutningaskipa verður auðveldari og einfaldari
eftir gildistöku hins Evrópska efnahagssvæðis, EES. Samkvæmt
reglugerð 613/91 (EBE) sem tekur væntanlega gildi hér á landi
mun: „Stofnun og starfsemi innri markaðarins fela í sér að tækni-
legar hömlur á tilfærslu skipa milli skipaskráa í aðildarríkjum
verða afnumdar.“
Halldór Blöndal samgönguráð-
herra mælti 16. þ.m. fyrir frum-
varpi um lagabreytingar á sviði
samgöngumála vegna EES. Frum-
varpið gerir ráð fyrir að sam-
gönguráðherra birti sem íslenskr-
ar reglugerðir ýmsar svonefndar
gerðir Evrópubandalagsins; reglu-
gerðir, tilskipanir og ákvæði.
Samgönguráðherra dró enga
dul á það í sinni framsöguræðu
að sumar af reglum EB/ESS gætu
haft verulega þýðingu hér á landi,
t.d. reglugerð um tilfærslu skipa
frá einni skipaskrá til annarrar.
Þessi reglugerð gerir ráð fyrir að
tæknilegar hömlur á tilfærslu
skipa milli skipaskráa í aðildarríkj-
unum verði afnumdar. Tæknilegar
hömlur mættu ekki hindra það að
skip sem sigldu undir þjóðfána
aðildarríkis yrðu færð milli skipa-
skráa aðildarríkja að því tilskyldu
að þau hlytu ákvæðum alþjóða-
samninga um öryggi og umhverf-
isvernd. Samgönguráðherra benti
á að þar með væri numin á brott
heimild einstakra aðildarríkja til
að setja sérreglur um tækni og
öryggisútbúnað.
Við fyrstu umræðu um frum-
varpið komu fram áhyggjur um
að aðstæður á hafinu við ísland
væru um margt erfiðari en annars
staðar og því yrðu okkar reglur
að vera strangari. í samtali við
Morgunblaðið benti Ragnhildur
Hjaltadóttir skrifstofustjóri í sam-
gönguráðuneytinu hins vegar á að
reglugerð 613/91 (EBE) gilti um
flutningaskip sem væru minnst
500 brúttólestir og hefðu verið
fullgerð fyrir 25. maí 1980, og auk
annars uppfylltu reglur um ný
skip sem markaðar voru í Solas-
samningnum 1974. Páll Hjartar-
son starfandi siglingamálastjóri
sagðist fljótt á litið ekki heldur
koma auga á þessi reglugerð
myndi valda erfiðleikum og vísaði
til þess að Danir hefðu ekki orðið
fyrir umtalsverðum erfiðleikum
fram til þessa. Einar Hermannss-
son framkvæmdastjóri Sambands
íslenskra kaupskipaútgerða sagð-
ist telja að þessi reglugerð í sjálfu
sér skipti ekki sköpum, því að 98%
af þeim búnaði og kröfum sem
gerðar væru til kaupskipa væru
þegar alþjóðlegar. En þessi reglu-
gerð áréttaði og staðfesti að við
værum að færast nær alþjóðlegum
rekstrarskilyrðum.
Bílar
Opel opnar verksmiðju
fram tíðarinnar í
Austur-Þýskalandi
í SÍÐASTA mánuði opnaði General Motors nýja Opel verksmiðju
í Eisenach í Austur-Þýskalandi. Verksmiðjan nýtir allt það besta
sem þekkist úr bílaframleiðslu um allan heim og hefur verið köll-
uð verksmiðja framtíðarinnar.
Margt fyrirmanna var viðstatt
opnun verksmiðjunnar, enda var
ákvörðunin um byggingu hennar
ein sú fyrsta, og um leið stærsta,
sem tekin var um fjárfestingu í
Austur-Þýskalandi. Helmut Kohl
kanslari hélt ræðu við opnunina
þar sem hann lofaði GM í hástert
og hvatti aðra bílaframleiðendur
til að fylgja í fótspor þeirra.
Verksmiðjan er svar GM við
mikilli ásókn japanskra bílafram-
leiðenda inn á Evrópumarkað á
síðustu árum. Hún var hönnuð og
Fjarskipti
Erlendir aðilar bjóða
símaþjónustu íBretlandi
YFIRVÖLD í Bretlandi hafa ákveðið að leyfa bandaríska fyrirtæk-
inu ACC Long Distance Ltd. að bjóða alþjóðlega símaþjónustu í
Bretlandi. Bandaríska fyrirtækið verður hið fyrsta til þess að fá
aðgang að breska símamarkaðnum.
ACC fær leyfi til þess að leigja
símalínur frá Bretlandi til Ástralíu,
Kanada og Svíþjóðar af British
Telecommunications og Mercury
Communications. Að sögn ACC
er þetta fyrsta alþjóðlega leyfið
sem veitt er til endursölu síma-
þjónustu.
Leyfisveitingin kemur í beinu
framhaldi af aðgerðum breskra
stjórnvalda sem miðað hafa að því
að auka frelsi og samkeppni á
markaðnum innanlands. Hún er
aðeins fyrsta skrefíð í að opna
alþjólega markaði á sama hátt.
ACC mun í fyrstu selja þjónustu
sína einkum til breskra deilda
kanadískra viðskiptavina sinna,
svo sem The Royal Bank of
Canada. Síðan er ætlunin að færa
út kvíarnar og bjóða stórum inn-
lendum aðilum, þar á meðal há-
skólum, sömu þjónustu. Forsvars-
menn ACC telja sig geta boðið
góða þjónustu á samkeppnishæfu
verði.
Fréttin um leyfisveitinguna kom
engum á óvart. Engu að síður féll
verð hlutabréfa í BT og Mercury
lítillega þegar tíðindin voru birt.
byggð með það í huga að nýta
allt það besta sem komið hefur
fram í bflaframleiðslu hvar sem er
í heiminum. Ef vel gengur mun
það færa nýtt líf í aðrar fram-
kvæmdir GM í Evrópu, og kveða
niður þær raddir sem halda fram
að japönskum aðferðum sé ekki
unnt að beita í Evrópu.
Þegar ákvörðunin um byggingu
verksmiðjunnar var tekin var mik-
il uppsveifla í bílasölu í Evrópu. í
dag blasir hins vegar mikil lægð
við. Engu að síður fullyrða for-
svarmenn GM að þörf sé fyrir
framleiðslugetu verksmiðjunnar.
Verksmiðjan verður þó ekki full-
nýtt fyrr en eftir eitt til tvö ár en
þá verða starfmenn 2.000 talsins
og 150.000 bílar verða framleiddir
árlega. í dag starfa þó aðeins 650
manns við verksmiðjuna.
Meðal nýjunga sem beitt ec við
framleiðsluna er að mjög er dregið
úr birgðahaldi með því að ýmsir
hlutar bifreiðanna eru smíðaðir
samhliða bifreiðunum á sérstökum
færiböndum. Þannig verða til
dæmis bensíntankar smíðaðir á
sérstöku færibandi og koma full-
búnir af því einmitt þegar setja á
þá í bifreiðina.
Einnig verður lögð ofuráhersla
á að skapa góðan samstarfs- og
vinnuanda. Allir starfsmenn verða
í nákvæmlega eins vinnubúning-
um, allt frá verkamönnum upp í
forstjóra. Bindi eru stranglega
bönnuð. Þannig verður lögð
áhersla á að allir sitji í sama báti,
vinni að sama verkefninu og geti
talað opinskátt hver við annan.
Við höfum flutt
starfsemi okkar að
ÁRMÚLA15
0PNUNARTILB0Ð
Á ÚTILJÓSUM
Noral býður uppá 40 óllkar tegundir útiljósa. Þau gefa húslnu nýtt svipmót.
Noral útiljósin eru úr áli, þau fá sérstaka yflrborðsmeðferð sem kemur
(veg fyrlr tœringu oo liturinn helst óbreyttur árum saman. (stað
glers notar Noral óbrjótandi polycarbonate.
...LÝSIR ÞÉR LEIÐ
ÁRMÚLA 15-SÍMI 812660
\_____________________________J
4
Morgunverðarfundur
miðvikudaginn 7.10.1992
kl. 08.00 - 09.30, i Átthagasal Hðtel Sögu
ISLENSKT ATVINNULIIF
ÁSTAND OG ÚRRÆÐI
Islenskur atvinnurekstur er í bóndabeygju og virðist ekki
burðugur eða búinn undir stórátök í nýjum athafna- og
viðskiptaheimi, heimi nýrra tækifæra. Hvað er að, erum við
að kafna í úreltu "kerfi" eða eru íslenskir athafnamenn
einangraðir og ónýtir á heimsmælikvarða?
Meðal jp ess sem Verslunarráð telur skipta meginmáli í
núverandi stöðu er að fyrirtækin fái alvöru tækifæri til jbess
að standa á eigin fótum og sambærilegan starfs- og sóknar-
grundvöll við öfíug fyrírtæki í öðrum löndum.
Hver eru viðbrögð þeirra sem eldurinn brennur á,
í atvinnulífinu og á vinnumarkaðnum?
Framsögumenn á fundinum verða Páll Kr. Pálsson,
framkvæmdastjóri Vífilfells hf. og Einar Oddur Kristjánsson,
framkvæmdastjóri Hjálms hf. Ásamt þeim verða við pall-
borð Lára V. Júlíusdóttir framkvæmdastjóri ASI og
Sigurður B. Stefánsson framkvæmdastjóri VIB hf.
Fundar- og umræðustjóri verður
Vilhjálmur Egilsson framkvæmdastjóri VÍ.
Fundarmönnum gefst tækifæri á að leggja orð í belg og
varpa fram spumingum.
Fundargjald kr. 1.000 (morgunverður innifalinn).
Fundurinn er opinn, en þátttöku skal tilkynna fyrir-
fram til Verslunarráðsins í síma 676666 (svarað kl.
08.00 - 16.00 virka daga).
VERSLUNARRAÐ ISLANDS
<T