Morgunblaðið - 16.03.1984, Blaðsíða 40
TIL DAGLEGRA NOTA
FÖSTUDAGIJR 16. MARZ 1984 VERÐ í LAUSASÖLU 20 KR.
Qtrúleg frásögn Guðlaugs Friðþórssonar af einstæðu afreki við Eyjar:
„VIÐ töluðum mikiö saman a kili og eg sagði si svona:
„Jæja, þetta þurfti þá að enda svona.“ Maður heldur alltaf
aö einhver annar lendi í því; einhver annar maður, einhver
annar bátur. En svo allt í einu er stundin runnin upp ... Við
sátum frammi á kilinum og var skipið þá mikiö til komið í
kaf að aftan. Mér varð þá að orði: „Ef Guð er til ætti hann
að hjálpa manni núna, nú þarf maður á því að halda.“
Undarlegt er þetta, því oft hefur maður efast um að Guð
væri til.., “ sagði Guðlaugur Friðþórsson, stýrimaður á
Hellisey VE, sem fórst við Eyjar sl. sunnudagskvöld, í viðtali
við Morgunblaðið á sjúkrahúsinu í Vestmannaeyjum í gær.
I sjóprófunum í gær og í við-
talinu sagði Guðlaugur ítarlega
frá afreki sínu, hvernig honum
tókst að komast til lands á sundi
og til bæja eftir mikla erfiðleika
í úfnu hrauninu. „Það undarlega
var,“ sagði hann m.a., „að ég var
aldrei hræddur þessa nótt. Ég
hafði á tilfinningunni, að ég
myndi deyja. Ég fór tvisvar með
Faðirvorið á leiðinni í land en
satt að segja var það æði fjöl-
breytt, sem ég reyndi að gera til
að halda hugsuninni gangandi.
Ég talaði við múkkann og bað
hann fyrir skilaboð til lands, bað
hann að láta vita af mér. „Þú ert
ekki mikið að hjálpa mér,“ kall-
aði ég til eins múkkans, en þeir
fylgdu mér eftir langleiðina ...
Ég velti því einnig fyrir mér
hvort það myndi ef til vill vilja
til að höfrungur kæmi mér til
hjálpar, eins og ég hafði lesið um
frá útlöndum.
Ég held að það hafi hjálpað
mér mjög að ég var rólegur allan
tímann, var ekki hræddur við að
deyja. Hins vegar kveið ég því að
drukkna. Ég hafði sopið sjó og
fannst það óþægilegt... Svo
reyndi ég að blístra lög á bak-
sundinu — en það hefði ugglaust
verið erfitt að dansa eftir þeim
takti."
Þegar Guðlaugur hafði komist
í gegnum brimgarðinn sneri
hann til baka til að reyna að sjá
hvort hann kæmist ekki að landi
á heppilegri stað. Eftir nokkrar
vangaveltur ákvað hann „að láta
kylfu ráða kasti úr því sem kom-
ið var og forlögin höfðu verið
mér svona hliðholl. Ég fór því á
baksund og synti aftur inn í
brimgarðinn á fullri ferð, án
þess að vita hvort framundan
væri sandfjara, grýtt urð eða
hamraveggur..."
Sjá einnig frásögn af sjóprófun-
um og einkaviðtal Morgunblaðsins
við Guðlaug Friðþórsson á mið-
opnu blaðsins í dag.
Guðlaugur Friðþórsson ásamt foreldrum sínum og yngri systur í sjúkrahúsinu í Vestmannaeyjum að loknum
sjóprófum í gær. Frá vinstri: Margrét Karlsdóttir, Friðþór Guðlaugsson, Guðlaugur og litla systir hans,
Sigurhanna. I.jósmynd Mbl. Sigurgeir.
„Svo synti ég aftur inn í
brimgarðinn á fullri ferð“
tjósm. Mbl. RAX.
Björgunarmenn á Vatnadrekanum huga að flaki Sandeyjar eftir að henni var
snúið við í gær.
Sandey er kom-
in á réttan kjöl
„STÓRT skref var stigið í björgunar-
aðgerðum á sanddæluskipinu Sandey
þegar skipinu var snúið á réttan
kjöl,“ sagði Kristinn Guðbrandsson,
forstjóri Björgunar hf., í samtali við
blm. Mbl.
Skipinu var snúið síðdegis í gær
og tók aðgerðin um þrjár klukku-
stundir. Sandey marar nú í hálfu
kafi og er skipið mjög laskað að sjá.
„Næsta skref er að dæla úr skip-
inu og verður það gert á morgun,
föstudag," sagði Kristinn, „og
gangi allt að óskum verður skipið
dregið burtu og á athafnasvæði
Björgunar hf. um helgina."
Yfirtekur Landsvirkjun Kröflu?:
Gæti leitt til verulegr-
ar orkuverðshækkunar
„ÚTTEKT á stöðu veigamikilla
orkuþátta, eins og Kröflu, fer nú
fram, og væntanleg yfirtaka Lands-
virkjunar á því fyrirtæki." Þannig
komst Sverrir Hermannsson, orku-
ráðherra, að orði í Sameinuðu þingi í
gær. í sl. mánuði gerði ráðherra grein
fyrir áhrifum slíkrar yfirtöku til
hækkunar á gjaldskrá Landsvirkjun-
ar.
Ummæli ráðherra í gær féllu í
umræðu um tillögu til þingsálykt-
unar um könnun á orsökum hins
háa raforkuverðs hér á landi. Upp-
lýsti ráðherra að þegar væri unnið
að könnun allra þátta orkuverðs-
þróunar hjá nefndum á vegum iðn-
aðarráðuneytis. Tillagan væri því
óþörf. Lagði hann til að henni væri
vísað frá með rökstuddri dagskrá.
Ráðherra greindi frá því í skrif-
legu svari 9. febrúar sl., að upplýs-
inga um skuldir og rekstrarkostnað
Kröfluvirkjunar hefði verið aflað
og gerðar áætlanir fram í tímann
um rekstrar- og viðhaldskostnað,
miðað við núverandi orkuvinnslu-
getu. „Eru niðurstöður þessara
áætlana þær, að til þess að Lands-
virkjun geti staðið undir aukinni
greiðslubyrði vegna yfirtöku
Kröfluvirkjunar, þyrfti samansöfn-
uð hækkun gjaldskrár Landsvirkj-
unar til og með 1. janúar 1986 að
nema 27% og þá miðað við yfirtöku
1. janúar 1984 og fast verðlag á
grundvelli byggingarvísitölu 159 og
USD 1 = kr. 30.00. Jafnframt er þá
ekki gert ráð fyrir að til breytinga
komi á skilmálum núverandi lána
vegna Kröflu." Ráðherra tók fram,
9. febrúar, að „engin ákvörðun hafi
verið tekin um yfirtöku Kröflu og ef
til slíks kæmi væri óraunhæft að
gera ráð fyrir að sú yfirtaka yrði
með þeim fjármagnskostnaði sem á
henni hvílir".
Sjá nánar um orkuverðskönnun og
frávísunartillögu ráðherra á þingsíðu
„Sjálfvirkur búnaður
heföi bjargað þremur“
VIÐ sjóprófin vegna Helliseyjarslyss-
ins í Eyjum í gær óskaði dómurinn
eftir því við fulltrúa Siglingamálastofn-
unar, að hann upplýsti hvernig sé hátt-
að framkvæmd reglna um staðsetningu
losunar- og sjósetningarbúnaðs
gúmmíbjörgunarbáta fyrir þilfarsskip
og búnað til að komast í gúmmíbjörg-
unarbáta sbr. reglugerð þar um frá
1982.
1 sjóprófunum kom fram í máli
Guðlaugs Friðþórssonar, að skip-
verjarnir þrír, sem komust á kjöl,
hefðu verið sammála um að sjálf-
virkur sleppibúnaður um borð hefði
getað bjargað þeim. Fulltrúi Sigl-
ingamálastofnunar í sjóprófunum
kvaðst mundu svara spurningu
dómsins skriflega síðar.
Eins og fram hefur komið í Mbl.
átti að setja sjálfvirkan losunarbún-
að fyrir björgunarbáta um borð í
Hellisey um páskana. Búnaðurinn
var tilbúinn í smiðju í Eyjum en ým-
issa hluta vegna hafði ekki gefist
tækifæri til að koma honum fyrir í
bátnum. Hellisey fékk undanþágu
frá Siglingamálastofnun til að hefja
róðra 15. febrúar sl. Báturinn var
keyptur til Eyja á síðasta ári, eftir
að búið var að búa flesta aðra báta
þar sjálfvirkum búnaði.