Íslenzk tunga - 01.01.1963, Side 147

DOKTORSVORN
143
Aðils og Hrólfs. Um það má síðan deila hvort kalla beri þessa stytt-
ingu óverulega, eins og höf. skáletrar á bls. 28, þar sem hún nemur
þó heilum kapítula hjá Snorra; mér þætti liggja nær að kalla hana
töluverða.
A bls. 34 telur höf. upp fjögur atriði sem Snorra Edda hefur um-
fram Arngrím í frásögninni af orustunni á Vænis ísi. Við þessa upp-
taln'ngu hefði mátt bæta einu atriði, sem sé því að Arngrímur segir
hvergi að Áli hinn upplenzki hafi fallið í orustunni.8 Það er því ekki
rétt hjá höf. að Arngrímur segi að Aðils hafi tekið gripina af Ála
dauðum (bls. 34) og enn síður að Arngrímur og Snorra Edda séu
„að öllu leyti samsaga um sjálfa orustuna“ (bls. 36), því að setning-
arnar sem höf. tilfærir þar úr Snorra Eddu og Bjarkarímum standa
einmitt ekki hjá Arngrími. Allar líkur benda því til þess að frá falli
Ála hafi verið sagt í Skjöldunga sögu, svo og að kjörgripirnir sem
Hrólfur skyldi hafa fyrir liðveizluna hafi verið nefndir þegar í upp-
hafi í Skjöldunga sögu; bæði þessi atriði eru lilfærð í Snorra Eddu
og Bjarkarímum, en það er sönnun þess að þau hljóta að vera úr
Skjöldunga sögu. Því verður ekki séð hvernig orð höf. á bls. 35 fái
staðizt: „öruggt er, að liður III og IV hér að framan er engin sönn-
un fyrir því, að Arngrímur felli niður úr fruinriti sínu.“ Hér ber allt
að sama brunni. Arngrímur hefur fellt niður viss atriði um orustuna
á Vænis ísi, einmitt vegna þess að þau snertu Hrólf sjálfan ekki bein-
línis og vörðuðu herferð utan Danaveldis, alveg eins og hann sleppir
að geta um herferð Hrólfs til Saxlands, sem kom í veg fyrir að hann
færi sjálfur til liðs við Aðils. Það má rétt vera hjá höf. að Skjöldunga
saga þurfi ekki að hafa sagt ýtarlega frá orustunni sjálfri, en hitt þyk-
ir mér sennilegt að frá aðdraganda hennar hafi verið sagt talsvert
rækilegar en hjá Arngrími; orð Snorra, að langt sé sagt frá orust-
unni í Skjöldunga sögu, þurfa ekki að tákna orustulýsingu í eigin-
legum skilningi, heldur aðrar frásagnir í kringum orustuna, útskýr-
ingu á því hví Hrólfur kom ekki sjálfur, upptalningu á köppum hans,
8 Ura sjálfa orustuna segir Arngríraur aðeins að Aðils „victoriam obtinuit“;
þar sem segir frá kjörgripunum stendur aðeins: „qvæ omnia Alonis ... ab Adillo
... devicti fuerant" (fíibl. Arnam. IX 34ö, 347).