Fréttablaðið - 03.08.2006, Page 68

3. ágúst 2006 FIMMTUDAGUR48
- USA:
Merki háskólans
í Texas
- Suður-Ameríka:
Vörn gegn óláni,
þegar hendi er snúið
- Malta og Ítalía:
Þegar beint er, vörn
gegn „Hinu illa auga“
- Miðjarðarhafslönd:
Konan þín er þér ótrú
Stórleikarinn Mel Gibson hefur
verið mikið í fréttum að undan-
förnu eftir að hann var handtek-
inn, ölvaður undir stýri. Gibson
hefur lengi háð baráttu við bakk-
us og því er þetta nokkuð áfall
fyrir bæði Gibson og fjölskyldu
hans. Þá hafa niðrandi ummæli
hans um gyðinga einnig valdið þó
nokkrum titringi innan kvik-
myndaheimsins enda hafa gyð-
ingar lengi verið áhrifamikill
hópur innan Hollywood.
Gibson hefur verið á fullu við
að klára stórmynd sína Apocalypto
sem er leikin á hinu forna máli
Maya-indjánanna. Leikstjórinn
hefur ekkert viljað gefa upp um
söguþráð myndarinnar ef undan-
skilið er að hún inniheldur mann-
rán á ungum manni, flóttatilraun
hans og að það verði mjög pólitísk-
ur undirtónn í henni.
Gibson var í viðtali við kvik-
myndatímaritið Empire þar sem
hann tjáði sig í fyrsti skipti um
gerð þessarar myndar. „Ég held að
það sé ákveðin þrá eftir einhverju
sem ekki er fyrirfram gefið,“
segir Gibson en upphaflega var
gert ráð fyrir að myndin yrði
frumsýnd nú í sumar. Henni hefur
verið frestað til að geta átt betri
möguleika þegar tilnefningar til
Óskarsverðlaunanna verða kunn-
gjörðar. „Sumarið hefur verið
stútfullt af framhaldsmyndum og
fyrirsjáanlegum hlutum en ég vil
sýna kvikmyndahúsagestum eitt-
hvað algjörlega öðruvísi, eitthvað
sem kveikir í mér,“ segir Mel og
bætir því við að þótt allar persón-
ur tali maya-tungumálið sé lítið
um talað mál í myndinni. „Frá-
sögnin byggist á myndmálinu og
frábærri kvikmyndatónlist,“ segir
Gibson sem virðist vera ákaflega
sáttur við það sem hann hefur í
höndunum. „Ég hef aldrei séð neitt
þessu líkt.“
Hvað er Gibson að gera með Apocalypto?
MEL GIBSON Lögreglan í Malibu gaf út
þessa mynd af Gibson skömmu eftir
handtökuna. Leikstjórinn er nú í óða önn
að klára stórmynd sína, Apocalypto.
FRÉTTABLAÐIÐ/GETTY IMAGES
Á dögunum var Kate Moss kosinn
best klædda kona heims af lesend-
um tímaritsins Vanity Fair og
þykir það undirstrika að ofurfyr-
irsætan sé komin aftur eftir lægð-
ina og mun láta að sér kveða í
framtíðinni.
Moss er mikil fyrirmynd í tísku-
heiminum og þrátt fyrir að hafa
gengið í gegnum mikla erfiðleika í
kjölfarið á eiturlyfjahneyksli í
fyrra þá hefur hún að náð sér vel á
strik. Hún hefur loksins náð að losa
sig við Pete Doherty sem reyndist
henni alls ekki vel og reyndu bresk-
ir fjölmiðlar allt hvað þeir gátu til
að stía þeim í sundur enda Moss
hálfgert óskabarn þjóðarinnar.
Velgengni Moss um þessar
mundir er þveröfugt við flestar
spár spekinga sem héldu því
fram að ofurfyrirsætan væri
útbrunnin eftir myndbirtingar
flestra dagblaða heims af henni
að sniffa kókaín. Strax eftir að
Moss kom úr meðferð varð hún
eftirsótt af stærstu tískuhúsun-
um og segja menn að hún hafi
aldrei litið betur út.
Kate hefur náð að verða eins
konar tískutákn fyrir konur. Allt
fer henni einstaklega vel og virðist
hún ávallt vera með samsetningar
og nýjustu tískubólur á hreinu.
Hönnuðir hrósa happi ef hún er
ljósmynduð í þeirra flíkum því þá
selst flíkin vanalega mjög vel. Hún
er því vel að titlinum komin sem
best klædda kona heims.
Moss best klædda konan
TÖFFARI Stuttbuxur komust ærlega í tísku
eftir að þessi mynd komst í blöðin. Flottar
ljósbláar buxur við hvítan bol og svart vesti.
KVENLEG Á rauða dreglinum í fallegum
hlýralausum blúndukjól og sætum skóm við.
SEIÐANDI Kate er hér flott í svörtum leður-
buxum og smókingjakka við. Pönkað og
glæsilegt á sama tíma.
Leikarinn Leonardo
DiCaprio og brasil-
íska ofurfyrirsætan
Gisele Bundchen hafa
gefið sögusögnum um
að þau séu að taka
saman aftur byr undir
báða vængi. Parið var
saman í 3 ár en þau
slitu samvistum á síð-
asta ári. Gisele hefur átt í sam-
bandi við Kelly
Slater og Leonardo
hefur verið að hitta
fyrirsætuna Bar
Rafael. Hins vegar
sást til Gisele í
göngutúr með
móður Leonardo og
stjúpbróður hans og
því gætu sáttavið-
ræður verið í bígerð.
Gisele á báðum áttum
Plötubúð Smekkleysu er flutt úr
Kjörgarði á Laugavegi og niður á
Klapparstíg þar sem verslun
Spúútnik var áður til húsa. Flutn-
ingunum verður fagnað með frá-
bærum tónleikum Bogomil Font
og Flís í dag klukkan 17. Sem fyrr
er ókeypis inn á tónleika í verslun
Smekkleysu.
„Við erum bara að henda upp
búðinni. Hún ætti að vera orðin
fokheld á tónleikunum í dag,“
segir Elís Pétursson hjá Smekk-
leysu. Plötubúðin deilir fyrst um
sinn húsnæðinu með fatamarkaði
Spúútnik en innan tíðar flytur
fataverslunin Elvis í húsnæðið.
„Þetta leggst gífurlega vel í okkur,
þetta er dúndurstaðsetning. Það
var svolítið erfitt að vera í kjallar-
anum og það hefur verið hálfgert
vinnustaðagrín hjá okkur að nú sé
Smekkleysa komin upp á yfirborð-
ið,“ segir Elís. Skrifstofur Smekk-
leysu og lager verða áfram uppi á
Laugavegi en verslunin á nýja
staðnum. Þegar Elvis er flutt á
Klapparstíginn býst Elís við því að
opnuninni verði fagnað með góðu
opnunarpartíi. - hdm
Smekkleysa
upp á yfirborðið
SMEKKLEYSA Á NÝJUM STAÐ Þeir Elli og Benni hjá Smekkleysu voru flottir í undirbúningi
opnunarinnar í gær, ásamt Krumma sem mætir með Elvis-búðina innan tíðar.