Fréttablaðið - 03.08.2006, Blaðsíða 54
3. ágúst 2006 FIMMTUDAGUR34
timamot@frettabladid.is
Tilkynningar um merkis-
atburði, stórafmæli og
útfarir í smáletursdálkinn
hér til hliðar má
senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma
550 5000.
MERKISATBURÐIR
1914 Þýskaland lýsir yfir stríði
á hendur Frökkum í fyrri
heimsstyrjöldinni.
1940 Litháen verður aðili að Sovét-
ríkjunum eftir að þau taka
völdin í Eystrasaltsríkjunum.
1960 Níger fær sjálfstæði frá
Frakklandi.
1969 Um tuttugu þúsund manns
mæta á Sumarhátíðina í
Húsafellsskógi um verslunar-
mannahelgina og er þetta
talin fjölmennasta útihátíð
sem haldin hefur verið um
þessa helgi.
1975 Karl Bretaprins kemur til
Íslands til þess að veiða lax
í Vopnafirði. Hann veiddi 28
laxa.
1984 Ringo Starr, fyrrverandi
trommuleikari Bítlanna,
kemur hingað til lands og
er heiðursgestur á útihátíð í
Atlavík.
MARTHA STEWART FÆDDIST ÞENNAN DAG
ÁRIÐ 1941.
„Ef maður á áhugavert og spennandi líf
tel ég að svefn sé ekki aðalatriðið.“
Martha Stewart er bandarískur þáttastjórnandi
og athafnakona.
Kólumbus hélt af stað frá Palos á
Suður-Spáni á þessum degi með
það að markmiði að finna vestur-
leiðina til Indlands en í för með
honum voru þrjú lítil skip, Niña,
Pinta og Santa María.
Kólumbus fæddist árið 1451 í
Genúa á Ítalíu og árið 1479 giftist
hann Felipa Perestrello á Spáni og
eignaðist með henni einn son. Árið
1484 fór Kólumbus á stúfana til þess
að finna fjármagn fyrir Atlantshafs-
siglingar sínar en varð lítið ágengt.
Konungshjónin á Spáni, Isabella og Ferdinand,
fjármögnuðu fyrstu Atlantshafssiglingu Kólumbusar
eftir að hafa neitað honum tvisvar. Kólumbus var
fullur sjálfstrausts enda hafði hann nýlega verið
skipaður aðmíráll.
Skipin þrjú héldu af stað frá Spáni
og í stað þess að sigla vestur fyrir Azor-
eyjar var siglt suður fyrir Kanaríeyjar
þar sem flotinn dvaldi í mánuð. Eftir
að hafa siglt um höfin í rúman mánuð
kom hann loks að landi, að talið er í
San Salvador. Þaðan var siglt til Kúbu
og síðan til Haíti þar sem dvalist var
fram í janúar og eftir erfiða heimferð
kom flotinn til Spánar um miðjan mars.
Kólumbus fór fjórum sinnum yfir
Atlantshafið á árunum 1492 til 1504
og opnaði leið Evrópumanna að landafundum,
nýlendustofnun og arðráni Ameríku. Hann hefur
lengi verið talinn sá sem uppgötvaði Ameríku en
margir halda því þó fram að Leifur heppni hafi orðið
fyrri til þegar að hann fór til Vínlands fimm öldum
áður.
ÞETTA GERÐIST 3. ÁGÚST 1492
Kólumbus leggur af stað frá Spáni
ÚTFARIR
11.00 Eyrún Steindórsdóttir,
Víðihlíð, Grindavík, verður
jarðsungin frá Grindavíkur-
kirkju.
13.00 Benedikt B. Björnsson,
frá Þorbergsstöðum, Öldu-
granda 3, verður jarðsung-
inn frá Grafarvogskirkju.
13.00 Valgerður Sigurtryggva-
dóttir, Bólstaðarhlíð 33,
Reykjavík, verður jarðsungin
frá Fossvogskirkju.
13.30 Lilja Árnadóttir, Smáratúni
19, Selfossi, verður jarð-
sungin frá Selfosskirkju.
15.00 Björk Sigrún Timmermann,
Ljárskógum 2, Reykjavík,
verður jarðsungin frá Foss-
vogskirkju.
15.00 Eyjólfur Guðni Sigurðsson,
Austurbergi 8, Reykjavík,
verður jarðsunginn frá
Fella- og Hólakirkju.
AFMÆLI
Ólafur F.
Magnússon
borgarfulltrúi er
54 ára.
Eyjólfur Sverris-
son er 38 ára.
Tómas Lem-
arquis leikari er
29 ára.
„Þetta leggst bara vel í mig, mjög vel,“
segir Örn Grétarsson prentari, sem
nýlega seldi hlut sinn í Prentsmiðju
Suðurlands en nýir eigendur tóku við á
þriðjudag.
„Það var svolítið sérstakur hlut-
hafahópur sem var í prentsmiðjunni,
ég reyndar átti þetta ekki einn en átti
meirihluta, og það voru orðin þrjú dán-
arbú af fimm hluthöfum þannig að
maður hafði svo sem ekkert sérstakt
bakland. Svo eru nú aðstæður þannig í
dag að eftir því sem einingin er stærri
þeim mun betri þjónustu getur maður
veitt,“ segir Örn en það er Prentmet
sem keypti reksturinn.
„Ég byrjaði þarna fyrir þrjátíu og
fimm árum, ég lærði þarna prent og
fór síðan að læra trésmíði en réði mig
aftur árið áttatíu og fimm og í byrjun
árs áttatíu og sjö tek ég við þannig að
þetta eru tuttugu ár sem ég er búinn að
reka þetta. Það hefur breyst alveg
gífurlega mikið, miklar framfarir og
tölvuvæðing,“ segir Örn.
„Það er allt mögulegt, allt frá litlum
nótublöðum upp í bækur,“ segir Örn
þegar hann er spurður um hvað sé
helst prentað á Suðurlandi. „Við gefum
út Dagskrána sem hefur verið gefin út
frá 1969,“ segir Örn, en tímaritinu er
dreift í Árnessýslu, Rangárvallasýslu
og Vestur-Skaftafellssýslu og sent vítt
og breitt um landið. Hann segir verk-
efnin hafa verið svipuð um árin en
tæknin leyfi þó miklu fjölbreyttari
vinnu en áður. Með aukinni tækni hafa
afköstin einnig aukist mikið en átta
manns starfa nú í verksmiðjunni.
Prentsmiðjan hefði orðið fimmtíu
ára á næsta ári þannig að þetta er með
elstu þjónustu- og iðnaðarfyrirtækjum
á Suðurlandi,“ segir Örn og bætir við
að markaðssvæðið sé fyrst og fremst
á Suðurlandi þó það teygi anga sína
víða.
„Það eru yfir þrjú hundruð ár síðan
prentun hófst á Suðurlandi en það hafa
þó dottið upp fyrir nokkur ár inn á
milli,“ segir Örn en fyrsta prentsmiðj-
an á svæðinu var sett upp í Skálholti.
Örn segist hafa lært prentunina upp
á gamla móðinn og fyrst lært hæðar-
prentun en síðar offsetprentun þegar
hún tók við. Þegar hann byrjaði voru
setjarar starfandi innan prentsmiðj-
anna til þess að raða textanum upp og
segir Örn að gríðarleg vinna hafi legið
í því. „Í dag ertu með síðuna á litlum
kubbi en áður var þetta stór rammi og
það var heilmikið að bera eina svona
síðu í vélina og ekkert grín ef menn
misstu síðuna því þá þurfti að byrja
upp á nýtt að raða stöfunum,“ segir
Örn og hlær, en ljóst er að mikil breyt-
ing hefur orðið á þeim þrjátíu og fimm
árum sem Örn hefur starfað við prent-
listina.
gudrun@frettabladid.is
ÖRN GRÉTARSSON: SELUR PRENTSMIÐJUNA
Tæknin hefur breytt miklu
ÖRN GRÉTARSSON Hóf störf í prentsmiðjunni fyrir þrjátíu og fimm árum og mun starfa þar áfram eftir að nýir eigendur taka við. FRÉTTABLAÐIÐ/HARI.
Ástkær eiginmaður minn, faðir,
tengdafaðir og afi,
Njörður Svansson
Fellsmúla 15, Reykjavík,
lést á líknardeild Landspítalans í Kópavogi mánudaginn
31. júlí. Útförin fer fram frá Langholtskirkju
miðvikudaginn 9. ágúst kl. 13.00. Þeim sem vilja min-
nast hans er bent á líknardeild Landspítalans í Kópavogi
eða heimahjúkrun Karítas.
Helga Magnúsdóttir
Elín Margrét Anil Thapa
Andri Snær
Elías Orri
Helgi Alex Thapa
Ástkær systir okkar
Sigfríð Sigfinnsdóttir
frá Grænanesi, Norðfirði,
lést á Fjórðungssjúkrahúsinu í Neskaupstað
sunnudaginn 30. júlí. Jarðarförin fer fram frá
Norðfjarðarkirkju föstudaginn 4. ágúst kl. 11.00.
Systkinin frá Grænanesi og fjölskyldur.
Innilegar þakkir fyrir auðsýnda samúð og
hlýhug við andlát og útför eiginmanns
míns, föður okkar, tengdaföður og afa,
Valgarðs Stefánssonar.
Ingibjörg R. Guðlaugsdóttir
Ásdís Ingibjargardóttir
Guðlaugur Valgarðsson Guðrún Helga Stefánsdóttir
Lárus Valgarðsson
Valgerður R. Valgarðsdóttir
og afabörn.
LEGSTEINAR
OG FYLGIHLUTIR
Í MIKLU ÚRVALI
HITABYLGJA Þau Lachay Rose-
borough og Ricky Boyd hlaupa í
gegnum gosbrunn til þess að kæla
sig í hitabylgjunni sem geisað hefur
í Bandaríkjunum. FRÉTTABLAÐIÐ/AP.