Fréttablaðið - 03.08.2006, Blaðsíða 72

52 3. ágúst 2006 FIMMTUDAGUR
sport@frettabladid.is
Sverre Jakobsson gekk í raðir Gummers-
bach í sumar frá Fram. Á Íslandi var hann
reyndar þekktur undir nafninu Sverrir
Björnsson en hann hefur nú ákveðið að
leggja það nafn á hilluna.
„Ég er fæddur í Noregi þar sem hefðin
er að taka upp eftirnafn föður síns. Ég er
skírður Sverre Andreas Björnsson en faðir
minn heitir Jakob Björnsson. Alltaf þegar
ég hef reynt að segjast heita Sverre segja
allir bara „Já blessaður Sverrir,“ það er svo
leiðinlegt að leiðrétta þetta alltaf en ég
hef dregið þetta of lengi,“ sagði Sverre.
„Það verður bara Sverre Jakobsson
hérna í Þýskalandi og það verður þannig
á Íslandi líka, ekki Sverrir Björnsson
lengur. Þetta er ágætis tímapunktur til
að breyta þessu nú þegar ég er kominn
til Þýskalands,“ sagði landsliðsmaðurinn
sem bar nafnið Jakobsson aftan á treyju
sinni í landsleikjunum gegn Svíum
en hann mun að sjálfsögðu hafa
það nafn aftan á búningi sínum hjá
Gummersbach.
„Það var mikið í umræðunni hér
í Þýskalandi að það væri leik-
maður frá Íslandi að
koma sem heitir
Sverrir Björns-
son, það olli nokkru
fjaðrafoki þegar ég var
kynntur með allt öðru
nafni, það vissi enginn hvað var í
gangi. Það er ágætt að vera bara
einn persónuleiki, ég er sami
leikmaðurinn, það er tveir fyrir
einn tilboð á mér.“
Sverre mun bera númerið 14
á bakinu hjá Gummersbach sem er
hans gamla númer frá dögum hans
með KA. „Ég tók við númerinu 14
hjá KA eftir að minn núverandi
þjálfari, Alfreð Gíslason, hætti að
spila. Ég var númer 14
hjá yngri flokkunum
líka en þegar ég
kom í Fram var
Jón Björgvin með
númerið. Það skipti
mig ekki höfuðmáli
og ég tók því tvistinn
en það er óneitanlega
gaman að vera kominn
aftur með 14 á bakið,“
sagði Sverre Jakobsson,
ekki Sverrir Björnsson, að
lokum.
SVERRIR BJÖRNSSON VERÐUR SVERRE JAKOBSSON: HANDBOLTAKAPPINN ÚTSKÝRIR NAFNARUGLIÐ
Það er tveir fyrir einn tilboð á mér
FÓTBOLTI Leikmenn sem verða upp-
vísir að kynþáttahatri í leikjum á
Íslandi gætu átt yfir höfði sér allt
að fimm leikja bann fyrir athæfið
sem og háa fjársekt. FIFA hefur
ákveðið að herða reglur gegn kyn-
þáttafordómum sem virðast vera
að gera vart við sig í auknum mæli,
hvort sem er á Íslandi eða í öðrum
leikjum í deildum Evrópu.
FIFA hefur varað knattspyrnu-
sambönd við því að þau fái bönn ef
þau endurskoði ekki reglur sínar
hvað varðar kynþáttafordóma.
Sepp Blatter, forseti FIFA, greindi
frá því á meðan á HM stóð að regl-
ur, sem kveða meðal annars á um
að félög missi stig ef stuðnings-
menn liðsins sýna kynþáttafor-
dóma, væri skyldugt að innleiða en
knattspyrnusamband KSÍ mun
fylgja þeim reglum.
„Það er alveg ljóst að við
munum herða reglurnar, FIFA gaf
KSÍ ströng fyrirmæli eins og
öðrum. Þetta átti að taka gildi á
heimsvísu þann 1. júlí en því var
síðan breytt og KSÍ hefur verið
gefinn frestur til að taka upp nýjar
reglur þar sem tímabilið okkar er
enn í gangi. Það er skylda að koma
þessu á og því munum við leiða
þetta inn í okkar reglur,“ sagði
Geir Þorsteinsson, framkvæmda-
stjóri KSÍ, við Fréttablaðið í gær.
Leikmaður, sem móðgar and-
stæðing sinn þannig að það varði lit-
arhátt hans, kynþátt eða trú, á von á
löngu keppnisbanni í leikjum á
vegum UEFA en hvaða reglur KSÍ
setur á eftir að koma í ljós. UEFA
hefur þegar hert reglurnar en ef
stuðningsmenn liða heyrast vera
með kynþáttafordóma fá þeir sekt,
þá minnstu 13.000 pund, um 1,8
milljón króna, en til viðmiðunar er
hámarkssekt KSÍ 30.000 krónur.
Hana fengu Íslandsmeistarar FH á
dögunum þegar stuðningsmenn
þeirra urðu uppvísir að kynþátta-
fordómum. Auk þess sem UEFA
getur lokað leikvangnum, tekið stig
af liðinu og í ítrekuðum tilfellum og
þeim verstu, dæmt félag úr keppni.
„Við munum líta til kollega
okkar á Norðurlöndunum og ræða
við þá um það hvernig þeir muni
koma þessu að í sínum reglum.
Refsingar FIFA, sektarlega séð,
eru ekki í samræmi við íslenska
boltann. Ég veit ekki hvernig þetta
verður að lokum hjá okkur en það
er ljóst að við þurfum að fylgja
nýjum reglum FIFA og aðlaga
okkur að þeim eftir bestu getu.
Það eru fundir framundan á Norð-
urlöndunum þar sem þessi mál
verða rædd en við þurfum að finna
okkar flöt á sektarfjárhæðunum,“
sagði framkvæmdastjórinn.
Í sumar hafa komið upp tvö mál
tengd kynþáttafordómum sem virð-
ast vera að aukast í íþróttum á
Íslandi. „Hvort auknar refsingar
leiði til betra umhverfis eða réttlát-
ari heims í þessu er ég ekki viss
um,“ bætti Geir við en ljóst er að
margir eru ósáttir við hversu vægar
refsingar KSÍ eru hvað kynþátta-
fordóma varðar. hjalti@frettabladid.is
KSÍ herðir refsingar fyrir fordóma
Knattspyrnusamband Íslands mun herða refsingar fyrir kynþáttafordóma í íslenska boltanum fyrir næsta
sumar. Vegna nýrra reglna FIFA verður KSÍ að bregðast við og Geir Þorsteinsson segir það þegar í skoðun.
SAMEINAST GEGN FORDÓMUM Eldheitir stuðningsmenn Keflavíkur, Pumasveitin, bjuggu
til þennan borða til að ítreka andúð sína á kynþáttahatri og flagga þeir borðanum á öllum
leikjum sem þeir mæta á í sumar. FRÉTTABLAÐIÐ/JÓN ÖRVAR
FÓTBOLTI Samkvæmt frétt sem
birtist á heimasíðu norska
úrvalsdeildarfélagsins Stabæek
í gær hefur Eyjólfur Sverrisson,
landsliðsþjálfari karla í knatt-
spyrnu, valið Veigar Pál Gunn-
arsson í íslenska landsliðið sem
mætir Spánverjum í vináttu-
landsleik á Laugardalsvelli þann
15. ágúst.
Veigar Páll hefur slegið í gegn
í norsku úrvalsdeildinni með
Stabæk og er markahæsti maður
deildarinnar með tíu mörk ásamt
félaga sínum í Stabæk, Daniel
Nannskog. Þetta hafa þeir afrek-
að í fimmtán leikjum en samtals
hefur liðið allt skorað 26 mörk í
þessum leikjum í sumar.
Samkvæmt norska vefmiðlin-
um Budstikka er þetta besta
framherjateymi Stabæk frá upp-
hafi og besta erlenda framherja-
teymi norsku úrvalsdeildarinnar
síðan 1995 en Nannskog er
sænskur. Þeir eru sagðir gefa
einhverjum frægustu sóknar-
pörum norskrar knattspyrnu
ekkert eftir, svo sem þeim Ole
Gunnar Solskjær og Arild
Stavrum hjá Molde árið 1995
annars vegar og Sigurd Rush-
feldt og Harald Brattbakk hjá
Rosenborg árið 1997 hins vegar.
Allir skoruðu þeir mikinn fjölda
marka fyrir sín félög þessi ár.
Veigar Páll hefur undanfarið
verið orðaður við fjöldamörg
félög í Englandi sem og víðar í
Evrópu. Auk þess að vera marka-
hæstur er hann mjög ofarlega í
einkunnargjöfum norsku dag-
blaðanna. Hjá Dagbladet er hann
í 1. sæti með meðaleinkunn 5,93.
Hjá Verdens Gang í 5. sæti (5,6),
7. sæti í Nettavisen (5,87) og 2.
sæti hjá Aftenposten (6,00).
Veigar Páll er þar að auki lang-
efstur á lista þeirra sem hafa átt
þátt í flestum mörkum en auk
þess að skora tíu hefur hann lagt
upp fjögur til viðbótar. - esá
VEIGAR PÁLL GUNNARSSON Hefur átt sann-
kallað draumatímabil í norsku úrvalsdeild-
inni í ár. FRÉTTABLAÐIÐ/HILMAR ÞÓR
Veigar Páll Gunnarsson í hópnum gegn Spáni:
Veigar Páll valinn í
landsliðið á nýjan leik
> Jakob í 14. sæti í Búdapest
Jakob Jóhann Sveinsson, sundkappi
úr Ægi, setti nýtt og glæsilegt Íslands-
met í gær í 200 metra bringusundi á
Evrópumeistaramótinu sem nú fer fram
í Búdapest. Jóhann synti á 2 mín. 14.70
sek. og bætti þriggja ára gamalt Íslands-
met sitt um hálfa sekúndu. Hann varð
fimmtándi í undanrásunum og komst í
úrslitasundið sem
synt var í gær. Þar
synti hann á 2 mín.
15.11 sek. og var
41/100 úr sek. frá
Íslandsmetinu
en hann var
1.39 sek. frá
því að komast
í úrslit. Árni
Már Árnason
úr Ægi varð
38. af 41 kepp-
enda á 2 mín.
20.72 sek.
Alexander tognaður
Handboltakappinn Alexander Petersson
verður frá keppni í þrjár til fimm vikur
vegna tognunar. Landsliðsmaðurinn
missir því líklega af byrjun tímabilsins
með Grosswaldstadt í Þýskalandi en
fyrsti leikurinn verður háður eftir þrjár
vikur.
Útsölulok
70-90% afsláttur
af allri útsöluvöru
KRINGLUNNI
FÓTBOLTI Guðlaugur Baldursson
sagði starfi sínu lausu hjá ÍBV í
gærkvöldi en Heimir Hallgríms-
son, sem var Guðlaugi innan hand-
ar við þjálfun liðsins, er nú tekinn
við Eyjaskútunni.
Í yfirlýsingu sem knattspyrnu-
deild ÍBV sendi frá sér í gær kom
fram að deildin virti ákvörðun
Guðlaugs og þakkar honum fyrir
starf sitt í þágu félagsins en hann
tók við liðinu árið 2004. Þar kom
einnig fram að Guðlaugur teldi
sig vera kominn að ákveðnum
lokapunkti með liðið sem situr í
neðsta sæti Landsbankadeildar
karla og hefur aðeins hlotið ellefu
stig í tólf leikjum. ÍBV tapaði 5-0
fyrir Val í síðustu umferð Lands-
bankadeildarinnar.
Hvorki náðist í Guðlaug né
Heimi í gærkvöldi en næsti leikur
ÍBV er gegn Víkingum þann 10.
ágúst. - hþh
Guðlaugur Baldursson:
Hættur með
botnlið ÍBV