Fréttablaðið - 03.08.2006, Blaðsíða 53
FIMMTUDAGUR 3. ágúst 2006 33
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er
tekið á móti efni sem sent er frá Skoð-
anasíðunni á visir.is. Þar eru nánari
leiðbeiningar. Ritstjórn ákveður hvort
efni birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
Fáeinum klukkustundum eftir að
fréttir bárust af fjöldamorðunum
í Qana í Suður-Líbanon á sunnu-
dag var efnt til mótmæla í Ísrael.
Talað var um fjölmenn mótmæli,
tvö hundruð manns höfðu komið
til fundarins! Við erfiðar aðstæð-
ur, í landi þar sem stríðsástand
ríkir, getur verið erfitt að halda
uppi málstað friðar. Við hljótum
að taka ofan fyrir því hugrakka
og staðfasta fólki í Ísrael sem
mótmælir ofbeldisverkum eigin
herja. Þetta fólk mótmælir við
óeðlilegar aðstæður.
Hið eðlilega er – þegar fréttir
berast af fjöldamorðum á börn-
um, þau myrt á miskunnarlausan
hátt – að fólk mótmæli hástöfum.
Slíkt er í samræmi við réttlætis-
kennd okkar flestra. Aðstæður í
samtímanum geta hins vegar
slegið okkur blindu eða í ein-
hverjum tilvikum hrætt fólk frá
því að láta til sín taka.
Í okkar samtíð spyrja margir í
forundran hvernig á því standi
að eins lítið hafi orðið um mót-
mæli gegn fjöldamorðum og
ofsóknum nasista á hendur gyð-
ingum og kommúnistum í Evr-
ópu á fjórða og fimmta áratug
síðustu aldar. Sama má segja um
nauðungarflutninga, aftökur og
fangelsanir í Sovétríkjunum
forðum daga. Eflaust hafa menn
ekki alltaf vitað gerla hvað í raun
var að gerast, voru sinnulausir
um það eða slegnir pólitískri
blindu. Það var ekki fyrr en síðar
að réttlætiskenndin vaknaði til
lífs. Þá gerðust menn grjótharðir
mannréttindasinnar. Verst að það
var fimmtíu árum of seint.
Það er áhyggjuefni að menn
skuli þá fyrst verða glöggskyggn-
ir á ranglætið þegar það er nógu
fjarlægt, ekki síst í tíma.
Nú vitum við að það er verið
að myrða saklaust fólk unnvörp-
um með beinum og óbeinum
stuðningi Bandaríkjanna, mesta
herveldis heimsins. Við fáum
myndir af sundurtættum líkum
barna, íbúðarhúsum, sjúkrahús-
um og skólum sem jafnaðir hafa
verið við jörðu. Fram kom í frétt
New York Times nýlega, að
Bandaríkjamenn hefðu látið flýta
vopnasendingum til Ísraels
vegna árásanna. Vegna þessara
tengsla var efnt til fundar fyrir
framan sendiráð Bandaríkjanna
í Reykjavík. Í fjölmiðlum –
sumum – kom réttilega fram að
fundinn sóttu nokkur hundruð
manns. Í pistlinum Frá degi til
dags á leiðarasíðu Fréttablaðs-
ins, sunnudaginn 30. júlí, er reynt
að gera lítið úr mætingu á fund-
inn og spurt hvort „Laddi hafi
séð um mannfjöldatalningu lög-
reglunnar líkt og hann gerði í
áramótaskaupinu?“
Það getur vel verið að á Frétta-
blaðinu þyki þetta fyndið. Okkur
sem sóttum fundinn þótti hann
hins vegar vel mannaður, þótt
það veki óneitanlega áhyggjur
hvílíkt sinnuleysi margir sýna
þeim stríðsglæpum sem heimur-
inn verður nú vitni að í Líbanon
og Palestínu og læt ég þá liggja á
milli hluta afstöðu hinna sem
telja ástæðu til að hafa þessi mál
í flimtingum. Með því að gera
lítið úr mótmælum sem þessum,
er Fréttablaðið að taka afstöðu.
Að vísu með hinum lítilmannlegu
vopnum, hroka og kaldhæðni, en
afstöðu samt.
Um mætingu á mótmælafundi gegn stríðsglæpum
UMRÆÐAN
STRÍÐSGLÆPIR
ÖGMUNDUR JÓNASSON
ALÞINGISMAÐUR
Hryðjuverk virka
Atburðir síðustu viku eru því ein stór sigur-
ganga fyrir Hizbollah. Þeir hafa ítrekað fram-
ið hryðjuverk gagnvart Ísrael, dregið landið
inn í stríð þar sem ljóst var að hræðilegar
gagnaðgerðir Ísraels myndu kostað hundr-
uð saklausra borgara lífið og náð þannig að
vekja mikla athygli á ástandinu fyrir botni
Miðjarðarhafs. Öll neikvæð athygli og gagn-
rýni beinist að grimmdarverkum Ísraels burt
séð frá öllum hryðjuverkaárásunum og þeirri
staðreynd að Hizbollah heldur vísvitandi til
meðal saklausra borgara. Það er ekki von
nema að þeir vilji ekkert frekar en vopnahlé
núna eins og alþjóðasamfélagið hefur lagt til
þar sem stríðið er unnið í þeirra augum.
Andri Óttarsson á deiglan.com
Minni afskipti Castro
Flestir stjórnmálaskýrendur eru sammála því
að Fidel Castro hafi haft mun minni afskipti
af stjórnun landsins undanfarin 15 ár en
áður. Hann hefur hins vegar notið þess í ell-
inni að sjá vinveittar ríkisstjórnir komast til
valda í sífellt fleiri löndum Rómönsku Amer-
íku. Heimsókn Jóhannesar Páls páfa til Kúbu
árið 1996 varð til þess að styrkja ríkisstjórn-
ina í sessi, en á hinn bóginn var hún einnig
vatn á myllu kaþólskra andófsmanna. Þeir
eru öflugasta andófshreyfingin sem starfar á
Kúbu og virðast tiltölulega óháðir útlögun-
um á Florida.
Sverrir Jakobsson á murinn.is
Forkastanleg vinnubrögð
Vinnubrögð ríkisstjórnarinnar eru mjög
upplýsandi um þankagang ríkisstjórnarinn-
ar. Þarna sýnir ríkisstjórnin sitt rétta andlit
gagnvart eldri borgurum og um leið er hags-
munasamtökum eldri borgara sýnd alveg
ótrúleg vanvirðing.
Með slíkum hótunum er ríkisstjórnin að
neyða eldri borgara til undirskriftar að viljayf-
irlýsingu sem ríkisstjórnin mun síðan flagga
í aðdraganda kosninga. Að neyða Landsam-
bandið til undirskriftar að yfirlýsingu sem
það er ekki fyllilega ánægt með.
Útspil ríkisstjórnarinnar í málefnum eldri
borgara hefur ekkert með skilning ríkis-
stjórnarinnar á högum eldri borgara að gera
en hins vegar allt með kosningaáróður að
gera. Svo hart ganga menn fram til þess að
tryggja heppilegan áróður að Landsamband-
inu var hótað að tækju þeir ekki þátt myndu
það finna fyrir því.
Ágúst Ólafur Ágústsson á agustolafur.is
Engin fíflalæti
Í gær var fysti dagurinn sem ég hef
fengið að koma mínum sjónarmiðum á
framfæri við þjóðina. Ég hef fengið alveg
frábærar viðtökur
Einhverjum kynni hins vegar að finnast
þetta framboð mitt líta út eins og einhver
fíflalæti í fjölmiðlum, en svo er ekki.
Það þarf að gera fólki ljóst að það
verða ekki neinar breytingar nema fólk
fái að nota til fulls atkvæðisrétt sinn.
Sameiginlega munum við bera sigur
úr býtum. Ég vil skora á þig að skoða
stefnuskrá Framsóknarflokksins. Hún er
hreint frábær. En hverju sætir að þing-
menn flokksins hafi farið svo hrapalega á
skjön við hana?
Haukur Haraldsson á fff.is
AF NETINU
Samstarfshópur um forvarnir
BARNAVERNDARSTOFA
RÍKISLÖGREGLUSTJÓRINN ����������������������������������������������������������������������
�������������������������������������������������������������������������
���������������������
��������������������������������������������������������������
������������������������ ��������������������������������������������������
����������������������������������������������������������������������
��������������
����������������������������������
��������������������
AR
G
U
S
/ 0
6-
04
01