Lesbók Morgunblaðsins - 04.09.1960, Blaðsíða 7

LESBÓK MORGUNBLAÐSINS
419
Þessi einkennilegi klettur, sem er eins og útþaninn vængur, er innan túngirð-
ingar, T. h. var gamall fjárhúskofi hlaðinn upp að honum.
nýtur einkis styrks af almannafé
og verður því að bera sig.
—En hvað er um búreksturinn
hér?
— Það má segja að hann sé hluti
af skólanum, því að þar læra nem-
endur að vinna. Og búið er skól-
anum líka nauðsynlegt vegna fram-
leiðslu mjólkur og sauðfjárafurða.
Þegar við keyptum jarðirnar feng-
um við nokkrar kýr með þeim og
höfum nú fjölgað þeim svo, að 20
eru gripir 1 fjósi, þar af 14 mjólk-
andi kýr. Eftir niðurskurðinn
fengum við 20—30 lömb við fjár-
skiptin ,en út af þeim er nú komið
svo margt að við eigum um 300
fjár fullorðið og getum fjölgað því
enn.
— En hvernig er um heyskap hér
og nýræktina?
— Þegar við tókum við jörðun-
um var talið að túnin gæfi af sér
um 600 hesta af töðu í meðalári.
Nú fáum við um 1500 hesta af þeim,
og sláum þó aldrei há, því að við
verðum að beita kúnum á túnin,
þar sem hér er enginn bithagi fyr-
ir þær. Þess vegna höfum við hólf-
að allt túnið sundur í skákir, eins
og þér sjáið. Sauðfé er ekki þungt
á fóðrunum, er ekki á gjöf nema
svo sem 3 mánuði ársins, svo að
heyfengurinn framfleytir núver-
andi áhöfn. En vegna þess að við
verðum að fjölga bæði kúm og fé,
verðum við að færa túnið út. Það
eru að vísu takmörk fyrir því
vegna þess að hér er alls staðar
hraun. En allstóra skák brutum við
í vor og hérna fyrir vestan eru
5—6 hektarar, sem teknir verða
næst.
— Hvað er svo fleira fram und-
an?
— Að auka byggingar. Við höf-
um þegar látið gera teikningu af
íþróttahúsi og samkomusal. Og í
sambandi við það verða skóla-
stofur — þó alveg sérstakar — fyr-
ir börn heimamanna. Nú verðum
við að senda börnin héðan í skóla
til Hveragerðis. Og úr því ég minn-
ist á barnaskóla skal ég geta þess,
að reynsla okkar er sú, að það sé
varhugavert atriði í fræðslulögun-
um að taka megi 12 ára börn úr
barnaskóla og senda í aðra skóla.
Við tökum ekki við yngri nem-
endum hér en 14 ára, teljum það
betra fyrir börnin að þau sé á
heimilum sínum fram til þess
aldurs.
— Hvernig gengur gistihúss-
reksturinn?
— Við tókum fyrst á móti dval-
argestum 1951 og þá í smáum stíl.
Síðan hefir þeim fjölgað smám
saman, einkum eftir að byrjað var
á ljósböðum og nuddlækningum og
eins eftir að heimavistin var tek-
in til gistingar. í fyrra komu hing-
að 320 dvalargestir og þeir verða
mun fleiri í sumar. Auk þess höf-
um við stundum tekið á móti hóp-
um frá Ferðaskrifstofunni og hefir
hver hópur dvalizt hér eina nótt.
— Hvað getið þér svo að lokum
sagt mér um hátíðahöldin í tilefni
af 10 ára afmælinu?
— Aðventistar á íslandi halda þing
annað hvort ár til þess að kjósa
sér yfirstjórn. Þetta þing hefst nú
í Reykjavík hinn 1. sept. og lýkur
um hádegi 4. sept. Þá verður öll-
um fulltrúum boðið hingað austur
og verður mannfagnaður hér um
kvöldið. Daginn eftir, sem er mánu-
dagur, verður svo aðalhátíðin og
er hún aðeins fyrir boðsgesti. Er
gert ráð fyrir að bjóða þangað öll-
um, sem hafa útskrifast úr skólan-
um. Á þessari hátíð verður ýmis-
legt til skemmtunar. Þar syngur
blandaður kór skólanemenda, þar
verður einsöngur og leikið á strok-
hljóðfæri. Síðan verður öllum boð-
ið til miðdegisverðar. Þar á eftir
verða svo sýndar kvikmyndir, önn-
ur sem sýnir starfsemi skólans
hérna úti og inni, en hin sýnir
starfsemi Aðventista úti um heim,
skóla þeirra og lækningastörf.-
—O—
Aðventista- hafa leyst af hönd-
um mikið og merkilegt starf þarna
í ölfusinu seinasta áratuginn. Og
þeir eiga áreiðanlega eftir að gera