Morgunblaðið - 31.08.1997, Síða 42
42 SUNNUDAGUR 31. ÁGÚST 1997
MORGUNBLAÐIÐ
HUGVEKJA
ÍDAG
Réttlættir
fyrirtrú
Fullvissan um væntanlegan
loka sigur Krists í mér og þér,
segir sr. Heimir Steinsson, veitir
öryggi og varanlega hvfld.
„RÉTTLÆTTIR af trú höfum
vér því frið við Guð fyrir Drottin
vom Jesúm Krist“. Þannig
hljóða orð Páls postula í fimmta
kapítula Rómverjabréfsins,
fyrsta versi.
I bijósti mannsins bærist
hvarvetna á öllum öldum þrá
eftir fullkomnun og þar með
löngun eftir algjörum friði við
sjálfan sig og sáttargjörð við
Guð og menn. Trúarbrögð, sið-
fræðilögmál og heimspekikerfi
sérhverrar siðmenntaðrar þjóðar
um víða veröld vitna um þessa
þrá. Kristinn dómur er í þessu
efni áþekku marki brenndur og
annar átrúnaður. Þó er jafn-
framt í sömu grein einn róttæk-
ur grundvallarmunur á kristni
og öðrum heimstrúarbrögðum.
Kristnir menn vita, að vér af
sjálfs dáðum og eigin rammleik
aldrei náum því marki að verða
fullkomin, réttlát, hrein eða al-
gjör. Enginn maður hefur
nokkru sinni náð því takmarki
nema Jesús Kristur. Enginn
maður mun nokkru sinni ná því
annar en hann. Sumir guðfræð-
ingar segja, að sú staðreynd
gjöri það að verkum, að kristinn
dómur sé í rauninni ekki „trúar-
brögð“ á sama hátt og t.d.
Búddadómur og Islam, heldur
eitthvað allt annað.
Öll verðum vér að beygja oss
fyrir þessari ófrávíkjanlegu
staðreynd. Vér erum ekki aðeins
ófullkomin. Vér erum syndug.
Einasta von vor er sú, að mis-
kunnasamur Guð réttlæti oss
fyrir blóð og benjar sonar síns
Jesú Krists. í þeirri von höfum
vér frið við sjálf oss og sáttar-
gjörð við Guð og menn, - rétt-
lætt af trú.
Heiftarorð
og girndarauga
Hvergi er í Guðs orði svo fast
kveðið að fullkomnunartak-
marki mannsins sem í hvatningu
Jesú í Fjallræðunni: Verið þér
því fullkomnir, eins og faðir yðar
himneskur er fullkominn
(Matt.5:48). Ef nánar er hugað
að orðum Jesú í Fjallræðunni,
kemur í ljós, að sum þeirra
a.m.k. virðast sögð í ögrunar
skyni og að því er ætla verður
til þess eins og að hrekja mann-
inn og fullkomnunarviðleitni
hans út í horn. Hér skulu tvö
dæmi nefnd:
Hið fyrra er að finna í fimmta
kapítula Matteusar guðspjalls,
versunum 21 til 22 og hljóðar
svo: „Þér hafið heyrt, að sagt
var við forfeðurna: „Þú skalt
ekki morð fremja. Sá sem morð
fremur, skal svara til saka fyrir
dómi“. En ég segi yður: Hver
sem reiðist bróður sínum, skal
svara til saka fyrir dómi. Sá sem
hrakyrðir bróður sinn skal svara
til saka fyrir ráðinu og hver sem
svívirðir hann hefur unnið til
eldsvítis".
Síðara dæmið er úr sama kap-
ítula, versunum 27 til 29: „Þér
hafið heyrt, að sagt var: „Þú
skalt ekki drýgja hór“. „En ég
segi yður: Hver sem horfir á
konu í girndarhug, hefur þegar
drýgt hór með henni í hjarta
sínu. Ef hægra auga þitt tælir
þig til falls, þá ríf það úr og
kasta frá þér. Betra er þér, að
einn lima þinna glatist, en öllum
líkama þínum verði kastað í hel-
víti “.
í þessum dæmum tveimur
leggur Jesús í rauninni að jöfnu
hugarástand og verknað. Reiðin
er ígildi morðs, girndarhugur
samjafn hórdómi. Skapbrigði og
kynhvöt eru öllum mönnum
ásköpuð, körlum og konum.
Samkvæmt þessum orðum Jesú
er allt mannkynið óhjákvæmi-
lega glatað, - og verður glatað
um aldurdaga. Enginn getur
svarið af sér reiðina. Hún vitjar
allra manna. Þaðan af síður fær
nokkur venjulegur maður - karl
eða kona - neitað sér um að
veita athygli einstaklingum af
gagnstæðu kyni.
Þetta vissi Jesús enn betur
en vér. Af sjálfu leiðir, að með
orðum þessum virðist hann öðru
fremur vera að benda oss á, hve
gjörsamlega ófær vér erum um
að hlýða boðum hans og þar
með hve fullkomlega vér erum
upp á náðina eina komin.
Miskunna þú mér
syndugum
Sagt hefur verið, að líf krist-
ins manns sé eins konar hring-
ferð: Við krossinn þiggur hann
fyrirgefningu. Þaðan leggur
hann út í lífsins ólgusjó til að
lifa þar í samræmi við vilja frels-
arans. Hann uppgötvar jafn-
harðan, að til þess lífs er hann
ófær. Snýr hann sérþar af leið-
andi aftur að krossinum, þiggur
fyrirgefningu á ný og leggur út
í lífið um hæl. Þannig koll af
kolli. Samkvæmt þessu er líf
kristins manns barátta, sem
aldrei lýkur fyrr en við endi
ævidaganna, þegar Drottinn
tekur hinn „réttlætta syndara"
í miskunnararma sína fyrir frið-
þægingarfórn Jesú Krists á
krossinum.
Á kristinn maður þá engrar
hvíldar að vænta í þessum heimi?
Jú vissulega. í þeirri sannfær-
ingu, að hann sé „réttlættur af
trú“ fær hann hvílzt, - þrátt
fyrir allan ófullkomleika sinn,
alla synd sína.
Baráttan, sem ég að staðaldri
á í, er í raun og veru ekki bar-
átta mín, heldur barátta Krists
í mér. Það er hann, sem að stað-
aldri leiðir mig til sín, hveiju
sinni sem ég hrasa. Það er og
hann semjafnan sendir migút
í lífið að nýju í því skyni, að ég
beijist hinni góðu baráttu. Með
upprisu sinni hefur Kristur stað-
fest, að hans er hinn endanlegi
sigur um síðir. Þessi huggun er
oss kristnum mönnum öllum
boðin: Fullvissan um væntanleg-
an lokasigur Krists í mér og þér
veitir öryggi og varanlega hvíld.
Þeim sigri mun fylgja sá algjöri
friður við sjálfa(n) þig og sáttar-
gjörð við Guð og menn, sem þú
þráir.
Meðan þess sigurdags er beð-
ið hæfir að fara seint og snemma
með „Jesúbænina“ svonefndu,
sem þekkt er í Austurkirkjunni:
„Drottinn Jesús Kristur sonur
Guðs, miskunna þú mér syndug-
um“. Sú bæn gæti talizt viðlag
fullvissunnar og grunntónn
hvíldarinnar. -
VELVAKANDI
Svarað í síma 569 1100 frá 10-12 og 13-13 frá mánudegi til föstudags
Klassík FM
VIÐ viljum þakka Halldóri
Haukssyni fýrir frábæran
útvarpsþátt og um leið
vekja athygli á því að það
eru einnig böm og ungl-
ingar sem hlusta á út-
varpsstöðina Klassík FM
af fuilum áhuga.
Ungir tónlistarunnedur.
Sky-stöðin
GUÐRÚN hafði samband
við Velvakanda og vildi
hún ná sambandi við ein-
hvem sem er áskrifandi
eða getur gefið henni upp-
lýsingar um hvemig hægt
sé að verða áskrifandi að
Sky gervihnattastöðinni.
Guðrún er í síma
552-1818.
Um söfnun
skordýra
ÞAÐ var grein í Morgun-
blaðinu laugardaginn 23.
ágúst um ungan dreng,
Guðmund Magnússon, sem
safnar skordýrum og hefur
komið með nokkur af þeim
frá öðmm löndum og er
með þetta inni á Boljagötu
hér í Reykjavík. Ég vil
biðja þennan unga mann
að finna sér eitthvað annað
til að safna en skorkvik-
indi. Það er ógeðslegt til
þess að hugsa að hann
flytji skaðsöm skorkvikindi
inn í landið. Þó hann telji
sig geta passað þessi kvik-
indi og haldið þeim inni í
búmm, þá er það fullvíst
að þau eiga eftir að sleppa
út og fjölga sér. Það þarf
ekki annað en forvitna vini
eða ættingja til að þessi
kvikindi sleppi út. Það er
svo mörgu hægt að safna
t.d. frímerkjum, límmið-
um, nælum, merkjum,
myndum af íþróttaköppum
og margt fleira. En ef hann
ekki getur hugsað sér að
safna einhveiju öðm, ráð-
legg ég honum að safna
bara fiðrildum sem geta
verið mjög skrautleg og
em meinlaus.
Kristín Halldórsdóttir.
Sammála
Færeyjaferð
KONA hafði samband við
Velvakanda og vildi hún
taka undir það sem Gunn-
ar Halldórsson sagði um
að forseti íslands ætti að
heimsækja Færeyjar.
Hann mundi fá góðar mót-
tökur þar því Færeyingar
em góðir heim að sækja.
Tapað/fundið
Týnd myndavél
ÞANN 10. júní sl. var ég
að koma frá Palma með
Atlanta-flugvél og gleymdi
myndavél í hólfí fýrir
framan sætið mitt. Mynda-
vélin er af gerðinni Cannon
Prima, hún var f bláu og
svörtu hulstri og neðan á
vélinni var brúnn hefti-
plástur sem á stóð SGB. í
vélinni var filma sem búið
var að taka á 2-4 myndir.
Ég er þrisvar búin að at-
huga hjá tapað-fundið á
Keflavíkurflugvelli hvort
henni hafi verið komið til
skila þangað en svo er
ekki. Ef einhver hefur tek-
ið vélina til handargagns
bið ég hann eða hana að
hafa samband við Gerði í
síma 482-1635.
Hjólabretti
HJÓLABRETTI með gul-
um öxlum hvarf frá Safa-
mýri 17 fimmtudaginn 28.
ágúst. Brettisins er mjög
sárt saknað. Þeir sem geta
gefíð upplýsingar hringi í
síma 568-5186.
Peningaveski
týndist
BLATT peningaveski
týndist á Kringlukránni
aðfaranótt laugardags 23.
ágúst. Veskið er með mik-
ilvægum skilríkjum. Þeir
sem hafa orðið varir við
veskið hringi í síma
554-1487.
Kisa er týnd
ÞESSI kisa týndist frá
Skipasundi miðvikudaginn
20. ágúst. Hún er steingrá
með hvíta bringu, hvítan
blett í andliti og hvítar
loppur. Hún var með bleika
ól merkt: „Tómasína".
Hennar er sárt saknað og
þess vegna bið ég alla um
að kíkja í allar geymslur,
þvottahús og bílskúra hjá
sér og gá hvort hún sé
nokkuð lokuð þar inni.
Finnandi er vinsamlegast
beðinn um að hringja í
síma 557-6367.
Páfagaukur
í óskilum
GRÆNN páfagaukur með
gulan haus fannst á
Snorrabraut. Þeir sem
kannast við fuglinn vin-
samlega hringi í síma
551-0805.
SKAK
Umsjón Margcir
Pétursson
STAÐAN kom upp á alþjóð-
legu móti í Cseppke í Úng-
veijalandi í vor. Heimamað-
urinn Gyula Meszaros
(2.370) var með hvítt og
átti leik, en Hollendingurinn
Gert-Jan de Boer (2.375)
hafði svart.
19. Rf5! - gxf5 (Betri til-
raun var 19. - Db4, en eft-
ir t.d. 20. a3 - Da5 21. b4
- Da6 22. Hxd7 - Bxb2
23. Rh6+ - Kg7 24. Rxf7!
Vinnur hvítur einnig) 20.
Hxd7! - Dxd7 21. Dg3+
og svartur gafst upp, því
hann er óveijandi mát í
næsta leik.
Islenskur skákdagur er í
dag hjá Skáksambandinu
og taflfélögum. Það er ogið
hús hjá Skáksambandi Is-
lands og Skákskóla ísland
frá kl. 14-17 í Faxafeni 12.
Það verður einnig opið
hús hjá Taflfélagi Reykja-
víkur og Helli í
Reykjavík, hjá
Skákfélagi Akur-
eyrar, Skákfélagi
Akraness og hjá
Skákfélagi Selfoss
og nágrennis.
HVÍTUR leikur
og vinnur.
Víkveiji skrifar...
ALÞÝÐUBANDALáGIÐ hefur
marga flöruna sopið bæði í
sveitarstjómar- og þjóðmálum, eins
og aðrir stjómmálaflokkar. Það á
eigi að síður sitt „kjörlendi“. Það
hefur heldur betur fundið aðra
flokka í íjöru í Neskaupstað, þar sem
sósíalistar hafa haldið meirihluta í
hálfa öld! Þar hafa þeir ekki þurft
að fara á fjörumar við aðra flokka
til að ná saman bæjarstjómarmeiri-
hluta. Verið einfærir um það.
Fréttir herma á hinn bóginn að
svo geti farið, og það jafnvel fyrr
en síðar, að Eskifjörður, Neskaup-
staður og Reyðarfjörður sameinist
í eitt sveitarfélag. Það er enganveg-
inn sjálfgefið að sveitarstjórnar-
meirihluta beri upp á fjörur Alþýðu-
bandalagsins í þannig samsettu
sveitarfélagi. Reyndar fremur ótrú-
legt. Þá gæti „litla Moskva", eins
og gámngar komast stundum að
orði, sum sé fallið. Eftir sem áður
standa líkur til þess, hyggur Vík-
veiji, að roðinn í austri segi myndar-
lega til sín á þessum slóðum eitt-
hvað fram um aldamótin.
xxx
TÓRIÐJA eða ekki stóriðja; það
er spurningin, sem íbúar til-
tekins hrepps við Eyjafjörð svara
að viku liðinni. Hinn 6. september
nk. ganga þeir að kjörborði og taka
afstöðu til þess, hvort þeir vilji
orkufrekan iðnað í byggð sína, bjóð-
ist hann.
Orkan í vatnsföllum og jarð-
varma landsins er gjarnan kölluð
„þriðja auðlindin". Hinar tvær em
sjávarauðlindin, nytjafiskarnir, og
gróðurmoldin, sem landbúnaðurinn
byggist á. Orku vatnsfalla og jarð-
varma má breyta í störf, verðmæti
og lífskjör, ef stóriðja býðst. Sam-
hliða verður að velta því fyrir sér,
hvernig orkufrekur iðnaðar fellur
að þeim atvinnu- og búskaparhátt-
um sem fyrir em í Eyjafirði. Vilji
íbúa Arnarneshrepps liggur senn
fyrir, hver sem hann verður.
xxx
ISLENZKA lýðveldið er fimm-
tugt og þrem árum betur. A
þeim tíma, eða nánar til tekið á
síðustu 50 árum, hafa þrjár og
hálf milljón erlendra ferðamanna
sótt okkur heim, þar af um ein
milljón og sex hundruð þúsund síð-
ustu 10 árin. Ferðaþjónusta hvers
konar er orðin gildur þáttur í ís-
lenzkum þjóðarbúskap, atvinnu og
afkomu landsmanna. Vöxtur henn-
ar hefur þó dulítið hægt á sér upp
á síðkastið.
Lang algengasta athugasemd
erlendra ferðamanna, sem hingað
koma, er hátt verðlag, einkum á
mat- og drykkjarvörum. í síharðn-
andi alþjóðlegri samkeppni um
ferðafólk verðum við að gæta þess
að verðleggja okkur ekki út af
markaðinum. Máski ýtir hátt verð
á gisti- og veitingastöðum hér
einnig undir utanfarir Íslendinga,
sem streyma tugþúsundum saman
utan í orlofs- og innkaupaferðir?
Það er ef til vill tímabært að ís-
lenzkur veitingahúsarekstur fái
einhvers konar Hagkaups-Bónus
aðhald til að vinda ofan af verðlag-
inu.
XXX
AÐ HAUSTAR senn. Haustið
hefur sína töfra, sem eru eink-
ar hrífandi. Haustlitir í náttúrunni
höfða til allra sem hafa næmi fyrir
fegurð. Haustið er og uppskerutíð!
Þá kemur fé af fjöllum og réttar-
stemmning ríkir um sveitir. Þá
hirða ræktendur sinn jarðargróða
og það fylgir því góð tilfinning að
njóta ávaxta eigin ræktunar, t.d.
úr matjurtagörðum, bera úr býtum
árangur erfiðis síns.
Vorið vekur gróðurríkið til nýs
lífs. Haustið skólana, fræðslusetur
barna, unglinga og fullorðinna. Þar
er sáð og uppskorið. Mýmörg félög,
klúbbar, reglur og samtök vakna
og til nýs lífs að hausti, eftir sumar-
orlofið. Haustið og veturinn eru og
blómatíð hvers konar lista- og
menningarstarfs í samfélaginu. Og
vetraríþróttir eiga vaxandi vinsæld-
um að fagna.
Hvernig verður haustið og vetur-
inn okkur? Það ræðst m.a. af því,
hvernig við hönnum komandi mán-
uði, hvernig við vinnum úr þeim
tíma sem forsjónin gefur okkur.