Morgunblaðið - 28.10.1994, Blaðsíða 13

MORGUNBLAÐIÐ
LANDIÐ
FÖSTUDAGUR 28. OKTÓBER 1994 13
Morgunblaðið/Anna Ingólfsdóttir
ÚR sláturhúsi KHB á
Fossvöllum.
Sláturhús KHB
á Fossvöllum
Sauðfjár-
slátrun lýk-
ur í dag
Egilsstöðum - Sauðfjárslátrun
lýkur í dag í Sláturhúsi Kaupfé-
lags Héraðsbúa að Fossvöllum.
Slátrun hófst 30. ágúst sl. og
búið er að slátra um 37.000
fjár. Að sögn Jónasar Guð-
mundssonar sláturhússtjóra er
meðalþyngd dilka 16,2 kg, sem
er álíka og á síðasta ári. Tekið
var við fé frá Héraði, Borgar-
firði, Seyðisfirði, Mjóafirði,
Eskifirði og Norðfirði. Um 70
manns hafa unnið við slátrun-
ina þessa tvo mánuði sem hún
stóð yfir.
Meðalþungi
dilka
of mikill
Miðhúsum - Sláturtíð er lokið
hjá Kaupfélagi Króksfjarðar og
var slátrað 10.300 fjár á árinu.
Kaupfélagsstjóri er Sigurður
Bjarnason og hefur kaupfélagið
verið rekið með hagnaði undan-
farin ár.
Sláturtíminn hefur verið að
lengjast síðustu ár og byrjað var
að slátra í maí í vor hjá Kaupfé-
lagi Króksfjarðar. Einnig var
slátrað í júlí og ágúst og síðan
á hefðbundnum tíma í septem-
ber og október. Þessi lenging
sláturtímans er til að geta kom-
ið kjöti á markað með þeim
gæðum sem viðskiptavinurinn
óskar eftir.
Þrátt fyrir þessar aðgerðir
eru dilkar hér of þungir og var
meðalþunginn 15,9 kíló, en vor
og sumar voru ákaflega hag-
stæð fyrir kjöt og fitusöfnun.
Meðalþunginn er of mikill og sá
markaður sem sótt er inn á vill
13-14 kílóa þunga dilka. Ef
sótt er inn á veitingahúsamark-
aðinn er kjörþunginn 16 kíló.
Það kjöt er talið betra og marg-
ir telja kjöt af 16-18 kílóa dilk-
um það besta.
Útgáfutón-
leikar í
Bolungarvík
Bolungarvík - Bísinn á Trini-
dad nefnist nýr geisladiskur sem
trúbadorinn Siggi Björns gefur
út á næstunni. Af því tilefni
efnir hann til útgáfutónleika í
Víkurbæ í Bolungarvík í dag.
Siggi Björns hefur haft það
að atvinnu að spila á krám um
allt land undanfarin sex ár og
hefur verið tíður gestur á Vest-
fjörðum. Á geisladisknum eru
ellefu lög, öll eftir Sigga nema
eitt. Öll eru lögin með íslenskum
texta. Meðal hljóðfæraleikara
sem aðstoðuðu Sigga við gerð
plötunnar má nefna Tryggva
Hiibner, Þorleif Guðjónsson,
Halldór Lárusson, K.K. og
Bubba Morthens.
Héraðsbókasafn
Rangæinga tölvuvæðist
Hvolsvelli - Nú hafa verið tekin
upp tölvuvædd útlán hjá Héraðs-
bókasafni Rangæinga. I vor var
lokið við að tölvuskrá safnkostinn
og voru þá fest kaup á strika-
merkjalesara, þannig að nú eru
öll útlán safngagna jafnóðum
skráð í tölvu. Er þetta mikil hag-
ræðing frá því sem áður var, því
nú sést samstundis hvort bókin
er í útláni og hvaða lánþegi hefur
viðkomandi bók.
Miklu auðveldara er að halda
utan um allt lánþegabókhald og
útprentun á rukkunum er leikur
einn. Þá hefur verið sett upp
tölva fyrir almenningsleit og eru
lánþegar farnir að fikra sig
áfram við að leita á þennan hátt.
Bókasafnsforritið sem Héraðs-
bókasafn Rangæinga notar heitir
Metrabók og er sunnlenskrar
ættar en það er Ásmundur Eiríks-
son frá Selfossi sem hefur samið
forritið.
Mikil aukning á útlánum hefur
átt sér stað undanfarin ár eftir
nokkurra ára lægð. Útlán hafa
aukist um 30% á ári undanfarin
3 ár. Safnið leggur fyrst og
fremst áherslu á að þjóna al-
menningi en hefur nú einnig lagt
aukna áhersiu á að þjóna fram-
haldsskólanemendum í Rangár-
vallasýslu. Safnið á nú ríflega
10.000 bókatitla og er í stöðugum
vexti. Reynt er að kaupa bækur
jafnóðum og þær koma út og var
nýja bókin um Díönu prinsessu
til dæmis komin á safnið daginn
eftir að hún kom út i Englandi.
Héraðsbókasafn Rangæinga er
opið alla virka daga, 2-4 klst. í
senn. Þar vinna tveir bókaverðir,
þær Steinunn Ósk Kolbeinsdóttir
og Brynja Dadda Sverrisdóttir.
BRYNJA Dadda Sverrisdóttir bókavörður aðstoðar
ungan viðskiptavin sinn.
100 ára afmæli Reykdælahrepps
haldið hátíðlegt
Miklar framkvæmd-
ir á afmælisárinu
Á ÞESSU ári eru liðin 100 ár síðan
Helgastaðahreppi í Suður-Þingeyj-
arsýslu var skipt í tvo hreppa, Reyk-
dælahrepp og Aðaldælahrepp. Af
því tilefni hélt Reykdælahreppur
upp á afmælið með því að bjóða
öllum íbúum sveitarfélagsins til
hátíðardagskrár í Félagsheimilinu á
Breiðumýri. Vel var mætt til fagn-
aðarins og almenn ánægja með
daginn. >
Miklar framkvæmdir hafa verið
í hreppnum í ár, lokið var við bygg-
ingu þriggja íbúða, tveggja í félags-
lega íbúðakerfinu og einnar leigu-
íbúðar, en önnur er í byggingu. Þá
hafa verið settir ljósastaurar við
vegi á Laugum, á þremur kílómetr-
um alls, og bílastæði voru malbikuð
við Breiðumýri og við stjórnsýslu-
hús hreppsins á Laugum.
Ákveðið hefur verið að gera veru-
legar endurbætur á húsnæði grunn-
skólans, leikskólans og tónlistar-
skólans og eru framkvæmdir þegar
hafnar við fyrirhugaðar endurbætur
á grunnskólanum.
Ekki fækkun
íbúum í Reykdælahreppi hefur
ekki fækkað síðustu ár og voru
þeir 305 talsins 1. desember síðast-
liðinn. Núverandi oddviti hreppsins
er Benóný Arnórsson á Hömrum.
Fyrirfjórum árum veittuð þið mér
góðan stuðning í 3. sœti framboðs-
listans í Reyhjavík.

SÆTI
Eg heflagt mig allanfram um að
standa undir því mikla trausti.
Nú legg ég störf mín í ykkar dóm
og óska eftir áframhaldandi
stuðningi í 3. sœti.
BjÖKN BTARNASON
ÁFRAM