Morgunblaðið - 28.10.1994, Blaðsíða 6
6 FÖSTUDAGUR 28. OKTÓBER 1994
FRÉTTIR
MORGUNBLAÐIÐ
Þingi BSRB lauk í gær
Krafist umtals-
verðra kjarabóta
ÞING BSRB hvetur til stefnubreyt-
ingar í efnahagsmálum og krefst
þess að í komandi kjarasamningum
náist fram umtalsverðar kjarabætur.
Ögmundur Jónasson var endurkjör-
inn formaður til þriggja ára, Sjöfn
Ingólfsdóttir, formaður Starfs-
mannafélags Reykjavíkurborgar,
var kosinn 1. varaformaður og
Ragnhildur Guðmundsdóttir, for-
maður Félags íslenskra símamanna,
var kosinn 2. varaformaður. Skipta
varaformennirnir um hlutverk frá
síðasta kjörtímabili.
Við síit 37. þings Bandalags
starfsmanna ríkis og bæja síðdegis
í gær sagði Ögmundur Jónasson að
í umræðum á þinginu hefði verið
lögð áhersla á starfsmenntun og
menntamál almennt. Vinnuvernd og
fleiri málaflokka mætti telja sem
augijóst væri að þingið vildi að sam-
tökin leggi aukna áherslu á á kom-
andi árum. „Mál málanna voru hins
vegar kjaramálin. Þar er ljóst að
kraumar undir,“ sagði Ögmundur.
Spurt um
sérverkefni í
stjórnarráöi
KRISTÍN Ástgeirsdóttir, þingmað-
ur Kvennalistans, hefur lagt fram
fyrirspurn til forsætisráðherra um
hversu mörg sérverkefni voru unnin
fyrir sérhvert ráðuneyti stjórnar-
ráðsins frá 1989 til þessa dags.
Þá er spurt um hvaða sérverk-
efni hafi verið unnin og fyrir hvaða
ráðuneyti, hverjir hafi unnið þessi
verkefni og hver árleg útgjöld hvers
ráðuneytis hafi verið vegna þessa.
Þá er spurt hve margir þeirra sem
unnu sérverkefnin voru starfsmenn
ráðuneyta annars vegar og hins
vegar ráðnir sérstaklega til þeirra.
Vaxandi ranglæti mótmælt
í kjaramálaályktun þingsins er
mótmælt atvinnuleysi og vaxandi
ranglæti í þjóðfélaginu. BSRB mót-
mælir harðlega vaxandi launamun í
þjóðfélaginu og krefst jafnari tekju-
skiptingar. Lýst er fullri ábyrgð á
hendur stjórnvöldum og atvinnurek-
endum vegna vaxandi misréttis í
íslensku þjóðfélagi og skorað á allt
launafólk að fylkja sér bak kröfum
um kjarajöfnun og réttlátara þjóðfé-
lag. Launafólk er hvatt til að standa
saman að því „að sveiga hagstjórn-
ina af braut auðhyggju og ranglæt-
is, til þess samfélags sem íslending-
ar hafa ævinlega stært sig af, þar
sem launamunur er minni og jöfnuð-
ur meiri en gerist í öðrum löndum,“
segir í ályktuninni.
í ályktuninni er þess krafist að í
komandi kjarasamningum náist
fram umtalsverðar kjarabætur og
því beint til aðildarfélaga að gera
hnitmiðaðar kröfur og fylgja þeim
fast eftir. Þess er krafist að kaup-
máttur lágra launa verði aukinn
verulega og gripið til aðgerða til að
útrýma fátækt úr þjóðfélaginu.
„Viljum breytta stefnu“
„Nú er það okkar allra að fara út
á mörkina og fylgja stefnu þingsins
eftir,“ sagði Ögmundur í þinglok.
„Skiíaboðin frá þessu þingi BSRB
til ríkisstjórnarinnar, skilaboðin til
sveitarstjórna og atvinnurekenda
eru skýr og afdráttarlaus. í stað
þess að stefna til þeirrar fortíðar er
misskipting var mikil í þjóðfélaginu
eins og gert hefur verið á undanförn-
um árum, viljum við breytta stefnu,
breyttar áherslur. Við viljum þjóðfé-
lag sem útrýmir fátækt, þjóðfélag
sem líður ekki atvinnuleysi. Við vilj-
um þjóðfélag jafnaðar og réttlætis.
Þetta er krafa BSRB og henni verð-
ur fylgt eftir,“ sagði formaður
BSRB.
ALLT reyndist vera með felldu í íslenzku feijunum. Hér rennir Akraborgin að bryggju með opið stefni.
Athugun Siglingamálastofnunar á íslensku feijunum
Öryggismál í góðu lagi
Tækni- og eftirlitsdeildir Sigl-
ingamálastofnunnar hafa lokið við
athugun á öryggi feijanna Akra-
borg, Baldri, Fagranesi og Heijólfi,
en til þeirra athuganna var stofnað
í kjölfarið á slysinu er varð í Norð-
ursjó á dögunum, er bíla- og far-
þegafeijan Estonia fórst og með
henni um 900 manns. Athugunin
var þrískipt, athugaðar voru í fyrsta
lagi festingar og lokunarbúnaður,
í öðru lagi var athugað það eftirlit
sem er með notkun á lokunarbún-
aði og í þriðja lagi með hvaða hætti
sjór sem kann að renna inn á bíla-
þilfar er losaður þaðan. Allt reynd-
ist vera með felldu að sögn Páls
Hjartarsonar deildarstjóra tækni-
deildar og Páls Guðmundssonar
deildarstjóra eftirlitsdeildar.
Um margt töldu þeir íslenskar
ferjur og feijusiglingar ólíkar feiju-
siglingum ytra, en þar hafa mörg
slys orðið hin seinni ár. í fyrsta,
lagi sögðu þeir íslenskar feijur mun
minni farkosti, aðeins væri um
dagssiglingar að ræða og þótt Heij-
ólfur og Akraborg sigldu að sönnu
um úthaf, þá væru vegalengdir
ekki hinar sömu og títt er erlendis.
Þá sögðu þeir mannlega þáttinn
hafa verið ríkan í orsökum sumra
af hörmulegri feijuslysunum.
Óhætt væri að segja að mannlegi
þátturinn væri í góðu lagi, smærri
skip og fámennari áhafnir yllu því
að gott samband er manna í millum
um borð og boðleiðir eru öruggar
bjáti eitthvað á.
Slysið, er Estonia fórst, hefur
auk þessa að sögn deildarstjóranna
ýtt af stað mikilli þróunarvinnu,
t.d. í Noregi, um hvernig betur
megi hanna feijur, einnig eru í
undirbúningi strangari reglur um
ýmis konar öryggismál og síðast
en ekki síst farþegaskráningu.
Hæstiréttur finnur að drætti á því að leiða sakborning fyrir dómara
Sjálfstæðisflokkur
Dæmdur í átján mánaða
fangelsi fyrir árás með hnífi
HÆSTIRÉTTUR mildaði í gær í 18
mánaða fangelsisdóm Héraðsdóms
yfír 35 ára gömlum manni, sem hafði
verið dæmdur í 2 ára fangelsi fyrir
að hafa aðfaranótt 21. nóvember sl,
stungið 22 ára gamlan mann með
hnífi þannig að taugar og slagæð
skárust í sundur með þeim afleiðing-
um að maðurinn, sem hafði dottið í
götuna á flótta undan árásarmannin:
um, hlaut lífshættulega blæðingu. í
dæmi Hæstaréttar er fundið að rann-
sókn RLR á málinu í ýmsum atrið-
um, þar á meðal því að maðurinn
hafi ekki verið færður fyrir dómara
fyrr en rúmlega 31 klukkustund eft-
ir handtöku.
Atburðurinn varð við Lækjargötu
þegar sá sem fyrir stungunni varð
og fjórir félagar hans settust inn í
bíl hins dæmda og báðu hann að aka
sér í Kópavog sem hann féllst á að
gera gegn 1.000 króna gjaldi. Einn
farþeganna hafði ætlað að skrifa
tékka fyrir farinu en bílstjórinn vildi
einungis taka við greiðslu í reiðufé
og kom til orðaskipta og síðan átaka
með mönnunum sem enduðu á þann
veg að farþeginn hljóp undan en bíl-
stjórinn elti með hníf á lofti. Móts
við Menntaskólann í Reykjavík féll
farþeginn í götuna og kom þá bíl-
stjórinn að og lagði hnífnum í hand-
legg mannsins.
Hnífurinn gekk í gegnum upp-
handlegginn og skar í sundur vöðva,
aðalslagæð í handleggnum og eina
af þremur megintaugum í hand-
leggnum. Það var mat lækna að slag-
æðablæðingin hefði verið lífshættu-
leg ef pilturinn hefði ekki komist
strax undir læknishendur.
í framburði sínum fyrir Héraðs-
dómi sagði ákærði að þegar hann
sá manninn detta á flótta undan sér
hafi hann ákveðið að stinga hann í
handlegginn, ekki til að drepa hann
heldur til að gera eitthvað til að
stöðva hann en árásarmaðurinn
kvaðst hafa fundið mikið til eftir
högg sem hinn hafði veitt honum
fyrr í viðskiptum þeirra. Þá sagði
ákærði að hann hefði hugsað sér að
stinga manninn til þess að lögreglan
kæmi og sæi að hann hefði barið sig.
Átti ekki hendur að verja
í dómi Hæstaréttar segir að fallist
sé á það með héraðsdómara að þeg-
ar ákærði stakk manninn hafi hann
ekki verið í hættu eða átt hendur
sínar að veija eins og fram komi í
Héraðsdómi. Hins vegar sé það nægj-
anlega stutt læknisvottorði og fram-
burðum vitna að áður en til þess kom
hafði sá sem stunginn var veist að
manninum og slasað svo að honum
blæddi verulega. Leggja verði þá frá-
sögn ákærða til grundvallar að hon-
um hafi þótt sér ógnað af framkomu
ungmennanna og gæta verði þess
að hann skildi þau illa, en ákærði
er af víetnömskum uppruna og
flóttamaður hér á landi.
Samkvæmt því og að teknu tilliti
til refsilækkunarástæðna þyki refs-
ing mannsins hæfilega ákveðin fang-
elsi í 18 mánuði en til frádráttar
komi gæsluvarðhaldsvist mannsins
frá 21. nóvember 1993-18. apríl sl.
Dróst að færa fyrir dómara
Þá segir Hæstiréttur að rannsókn
lögreglunnar á máli þessu hafi í upp-
hafi farið í nokkrum atriðum úrskeið-
is. Maðurinn hafi verið handtekinn
klukkan 3.38 aðfaranótt sunnudags-
ins 21. nóvember 1993 en ekki leidd-
ur fyrir dómara fyrr en klukkan
10.50 mánudaginn 22. nóvember. „Á
þessu hefur ekki verið gefin haldbær
skýring," segir Hæstiréttur og vitnar
til ákvæða 65. greinar stjómarskrár-
innar um að hvem þann sem tekinn
sé fastur skuli án undandráttar leiða
fyrir dómara.
Fékk aðhlynningu eftir 12 tíma
Þá segir að maðurinn hafi borið
áverka þegar hann var handtekinn
en samkvæmt vottorði læknis hafi
ekki verið komið með hann á slysa-
deild til aðhlynningar fyrr en u.þ.b.
hálfum sólarhring eftir handtöku.
„Nokkru eftir handtöku ákærða voru
tekin sýni af blóði á höndum hans.
Við sama tækifæri að því er virðist
voru teknar af honum myndir þar
sem hann er blóðugur á höndum og
í andliti. Án sýnilegrar ástæðu voru
myndir þessar teknar af ákærða
klæðalitlum," segir Hæstiréttur.
Einnig segir að skorta þyki á að
nægilega hafi verið að því gætt við
upphaf rannsóknar að athuga allt
sem varpað gæti ljósi á hvað leiddi
til þeirra atburða sem séu tilefni
ákæru. Sérstaklega hafi borið að
kanna hvort bifreið ákærða væri
skemmd, en hann hafi borið að í
hana hafi verið sparkað og einnig
hafi borið að athuga strax á hvern
hátt maðurinn hafi hlotið áverka
sinn.
„Verður ekki hjá því komist að
fínna að öllum þessum atriðum,"
segir í dómi meirihluta Hæstaréttar
og í sama streng tekur Pétur Kr.
Hafstein hæstaréttardómari í sér-
atkvæði þar sem hann lýsti sig sam-
mála meirihluta dómenda um annað
en það að hann teldi hæfilega refs-
ingu 2 ára fangelsi.
Prófkjör
hefst í dag
PRÓFKJÖR sjálfstæðismanna í
Reykjavík hefst í dag. Kjörstaður er
í Valhöll og er opinn kl. 13 til 21.
Á morgun verður hins vegar kosið
í sex kjörhverfum.
Á kjörskrá eru félagsbundnir
sjálfstæðismenn í Reykjavík sem náð
hafa 16 ára aldri. Einnig þeir stuðn-
ingsmenn flokksins sem undirritað
hafa inntökubeiðni í sjálfstæðisfélag.
Fjórtán bjóða sig fram í prófkjör-
inu: Guðmundur Kristinn Oddsson
nemi, Katrín Fjeldsted læknir, Lára
Margrét Ragnarsdóttir alþingismað-
ur, Markús Órn Antonsson fyrrver-
andi borgarstjóri, Pétur H. Blöndal
tryggingastærðfræðingur, Sólveig
Pétursdóttir alþingismaður, Ari Gísli
Bragason rithöfundur og verslunar-
maður, Ari Edwald lögfræðingur,
Ásgerður Jóna Flosadóttir stjórn-
málafræðingur, Björn Bjarnason al-
þingismaður, Davíð Oddsson forsæt-
isráðherra, Friðrik Sophusson fjár-
málaráðherra, Geir H. Haarde al-
þingismaður og Guðmundur Hall-
varðsson alþingismaður.
Kjósendur eiga að merkja við 10
frambjóðendur, hvorki fleiri né færri,
með því að setja tölustaf framan við
nöfn frambjóðenda í þeirri röð sem
óskað er að þeir skipi endanlegan
framboðslista. Þannig skal talan 1
sett fyrir framan nafn þess fram-
bjóðanda sem óskað er að skipi
fyrsta sæti listans, talan 2 fyrir
framan nafn þess sem óskað er að
skipi annað sætið o.s.frv.
>
I
>
)
i
>
: