Morgunblaðið - 16.05.1990, Blaðsíða 23

MORGUNBLAÐIÐ MIÐVIKUDAGUR 16. MAÍ 1990
23
Framseljanlegur aflakvóti smábáta:
segir Halldór Asgrímsson sjávarútvegsráðherra
„VIÐ höfum verið að glíma við það vandamál að fiskiskipaflotinn
er alltof stór. Smábátaflotinn hefiir stækkað mikið og nú hefur ver-
ið samþykkt að setja aflakvóta á smábáta með tilteknum hætti,“
sagði Halldór Ásgrímsson sjávarútvegsráðherra þegar hann var
spurður álits á verðhækkun á smábátum eftir að þeir fengu aflak-
vóta. Fram hefur komið í Morgunblaðinu að nú fást 6-7 milljónir
króna fyrir smábát með 50 tonna kvóta en slíkur bátur var nýlega
seldur fyrir 700 þúsund krónur.
Morgunblaðið ræddi einnig við
Matthías Bjarnason alþingismann
og Kristján Ragnarsson formann
LIÚ. Fram kom hjá Matthíasi að
eignin væri ekki lögð til grundvallar
heldur hvað fengist að fiska og það
sagðist hann telja afar óheilbrigt.
Kristján sagði að helsti ljóðurinn á
kvótakerfinu hefði verið mikil fjölg-
un smábáta og þeim yrði að fækka.
Sjávarútvegsráðherra sagðist
hvetja menn til að selja ekki frá sér
lífsbjörgina, í þeirri trú að þeir
myndu fá úthlutað nýjum veiði-
heimildum. „Það er með þetta eins
og annað, það er umdeilanlegt hvað
er eðlilegt," sagði Halldór. „Ef
smábátunum fækkar þá gerist ekki
neitt hjá þeim sem stunda þessar
veiðar í dag. Það er tiltekin löggjöf
sem tryggir starfsréttindi í þessari
atvinnugrein. Vilji menn ekki
stunda hana getá þeir losað sig við
bátana og það er ljóst að verðið sem
þeir fá er nokkuð hátt. En við það
að selja bátana taka menn áhættu
og missa ákveðið öryggi.“
Fráleitt að bátar hækki
mikið við lagabreytingu
„Eg tel það fráleitt að bátar
hækki mikið í verði við lagabreyt-
ingu en legg hins vegar ekki dóm
á hvort verðið hækkar svona mik-
ið,“ sagði Matthías Bjarnason, þing-
maður Sjálfstæðisflokksins og fyrr-
verandi sjávarútvegsráðherra, í
samtali við Morgunblaðið aðspurður
um hvort eðlilegt sé að verð á smá-
bátum allt að tífaldist vegna þess
að aflakvóti þeirra verður framselj-
anlegur, eins og samþykkt var á
Alþingi í vor.
Saga Kópavogs
í þremur bindum
Út er komið á vegum Lions-
klúbbs Kópavogs ritsafnið Saga
Kópavogs „safn til sögu byggðar-
lagsins" í þremur bindum.
Fyrsta bindi ber undirtitilinn
„saga lands og lýðs á liðnum öldum“
og nær allt fram til ársins 1936 að
byggð fer að myndaSt á hálsunum
í kjölfar nýbýlalaganna svonefndu.
Ritstjóri er Árni Waage, sem jafn-
framt skrifar um fugla- og dýralíf.
Aðrir höfundar eru Magnús Þor-
kelsson er ritar um söguna, Árni
Hjartarson um jarðfræði, Erlingur
Hauksson um fjörulíf og Hörður
Kristinsson um gróður. Einnig er í
ritinu örnefnaskrá sem unnin er af
Gyðlaugi R. Guðmundssyni og Jean
Pierre Biard kortagerðarmanni.
Annað bindi ber undirtitilinn
„frumbyggð og hreppsár" og
spannar tímabilið frá 1936—1955,
að Kópavogur fær kaupstaðarrétt-
indi.
Ritstjóri er Adolf J. Petersen sem
jafnframt ritar þátt um fyrstu vega-
gerð og upphaf byggðar. Lýður
Björnsson skrifar meginmál þessa
bindis um stjórnsýslu og sögu
hreppsins, en Ándrés Kristjánsson
ritar um atvinnu og þjónustu og
Björn Þorsteinsson um upphaf
skólahalds.
Þá eru í þessu bindi viðtöl við
frumbyggja sem Valgeir Sigurðs-
son hefur tekið.
Þriðja bindið ber undirtitiiinn
„kaupstaðarsagan“ og nær frá ár-
inu 1955 þegar Kópavogur fær
kaupstaðarréttindi og fram á okkar
daga.
Ritstjóri þessa bindis er Andrés
Kristjánsson, en Björn Þorsteinsson
hefur verið honum til aðstoðar og
fulltingis. Þeir eru jafnframt aðal-
höfundar, en auk þeirra ritar Þórð-
ur Jóhann Magnússon um sjúkra-
samlag og heilbrigðismál.
í fréttatilkynningu um útgáfuna
segir m.a.: „Með útgáfu þessa verks
hefur verið leitast við að safna á
einn stað sögu þessa svæðis og
þess samfélags sem hér hefur mót-
ast á rúmri hálfri öld, frá óbyggðu
landi til fjölmennasta kaupstaðar
landsins. Auðvitað verður sagan
aldrei öll sögð, en miklu skiptir að
það sem skráð er gefi heildstæða
og sanna mynd.
Það hefur verið metnaðarmál
Lionsklúbbs Kópavogs, að sem best
yrði til þessa verks vandað, svo að
sagnfræðilegt gildi þessi yrði óum-
deilt.“
„Eftir að þessi aflakvóti var tek-
inn upp er hann kominn inn í verð-
lag skipa og brenglar eiginlega allt
verðlag," sagði Matthías Bjarnason.
„Eignin er ekki lögð til grundvall-
ar, heldur hvað fæst að fiska og
það álít ég afar óheilbrigt. Þetta
frumvarp um stjórn fiskveiða fór í
gegnum þingið með einföldum
meirihluta. í raun og veru voru
flestir stjórnarliðar handjárnaðir og
flokkar, sem áður höfðu tekið af-
stöðu alveg þveröfugt, söðluðu yfir
af því að þeir eru til sölu,“ sagði
Matthías Bjarnason.
Hafa aukið afla á
kostnað annarra
„Smábátarnir eru nú loksins
komnir undir sambærilegt kerfi og
stærri bátar, en helsti ljóðurinn á
kvótakerfinu hefur verið mikil fjölg-
un á smábátum, sem hefur virkað
þannig að þeir hafa stóraukið afla-
magn sitt á kostnað annarra skipa,“
sagði Kristján Ragnarsson, formað-
ur LIÚ. „Þetta hefur m.a. komið
fram í því að afli smábátanna hefur
aukist úr 11.300 tonnum frá upp-
hafi kvótakerfisins í 45 þúsund
tonn.
„Nú gefst tækifæri til að snúa
þessari þróun við og fækka í smá-
bátaflotanum eins og gerst hefur
með önnur skip. Mínar óskir eru
þær að veruleg fækkun verði á
smábátum og þá ekki síst út frá
öryggissjónarmiðum, en hvað þau
varðar hefur verið- veruleg afturför
varðandi smábátana. Þetta kostar
hins vegar mikið, menn þurfa að
greiða hátt verð, en hvort sem
mönnum líkar vel eða illa þá gerast
þessir hlutir ekki með öðrum hætti,“
sagði Kristján Ragnarsson.
Gary McBretney, sellóleikari, Selma Guðmundsdóttir, píanóleik-
ari, Valur Pálsson, kontrabassaleikari, Sarah Buckley, lágfiðlu-
leikar og Rut Ingólfsdóttir, fiðluleikari. Þau fara í tónleikaferð
um Austfirði í vikulokin.
Kammersveit Reykjavíkur:
Silungakvintett-
inn á Austurlandi
Að loknu 16. starfsári sínu í Reykjavík leggur Kammersveit
Reykjavíkur land undir fót á vordögum og mun fyrst heim-
sækja Austurland. Á efnisskrá í ferðinni verður Píanókvartett
eftir W.A. Mozart, Adagio fyrir kontrabassa og píanó eftir
D. Sjostakovitsj og að lokum hinn sívinsæli „Silungakvintett“
eftir F. Schubert.
Flytjendur á tónleikunum
verða Selma Guðmundsdóttir,
píanóleikari, Rut Ingólfsdóttir,
fiðluleikari, Sarah Buckley, lágf-
iðluleikari, Gary McBretney,
sellóleikari og Valur Pálsson,
kontrabassaleikari.
Tónleikaferðin hefst á Höfn í
Hornafirði og verða tónleikamir
þar föstudaginn 18. maí kl. 20.30
í Hornafjarðarkirkju. Laugar-
daginn 19. maí verða tónleikar í
Valhöll, Eskifirði og heijast þeir
kl. 17. Síðustu tónleikarnir í ferð-
inni verða í Valaskjálf, Egilsstöð-
um, sunnudaginn 20. maí kl.
20.30.
Kammersveitin hlaut styrk frá
Félagi íslenskra tónlistarmanna
til fararinnar.
(Frcttatilkynning)
RENAULT EXPRESS
flytur virðisaukann í veltuna!
Renault Express er hreinræktaður vinnuhestur og toil-
afgreiddur sem slíkur. Því fæst VSK af innkaupsverði og
rekstrarkostnaði frádreginn sem innskattur sé bíllinn
notaður í virðisaukaskattskyldri starfsemi.
Renault Express er atvinnutæki sem skilar arði.
Hann er sparneytinn og flytur heil 575 kg í 2,6
rúmmetra flutningsrými. Við ábyrgjumst
ryðvörnina í átta ár og bílinn sjálfan í
þrjú.
Framhjóladrifið. snerpuna og þæg-
indin fá allir Renault bílar i
vöggugjöf.
RENAULT
Bílaumboðið hf
KRÓKHÁLSl 1, REYKJAVlK, SÍMI 686633
Fer a kostum
Hvet menn til að selja
ekki frá sér lífsbjörgina