Morgunblaðið - 16.05.1990, Blaðsíða 17
MORGUNBLAÐIÐ MIÐVIKUDAGUR 16. MAI 1990
17
NORRÆNA
STÓRSVEITIN
Norræna stórsveitin í Borgarleikhúsinu. Ljósmynd/Kristján Magnússon
__________Jass______________
Guðjón Guðmundsson
NORRÆNA stórsveitin hélt tón-
leika í Borgarleikhúsinu á sunnu-
dag og voru tónleikarnir jafn-
framt lokaviðburður fjölbreyttrar
og velheppnaðrar jassveislu sem
staðið hafði yfir í eina viku. Varð
sumum tónleikagestum í Borgar-
leikhúsinu að orði að ekki hefði
áður betri stórsveit leikið hér á
landi. Hér hafa að vísu ekki
ómerkari sveitir en stórsveit Clark
Terry og Lionel Hamptons leikið,
en í norrænu stórsveitinni er val-
inn maður í hveiju rúmi og eitt
helsta stórsveitartónskáld samt-
ímans, Jukka Linkola, skrifað fyr-
ir flestum verkanna á efnis-
skranni.
Á laugardagskvöld var húsfyllir
á Hótel Borg þegar fjórar sveitir
sem voru fulltrúar á norrænu jass-
útvarpsdögunum léku. Af öðrum
ólöstuðum bar hljómsveit Jukka
Linkola ægishjálm yfir aðrar
sveitir. Þar verður vart þverfótað
fyrir snillingum og skal þó helstan
telja Markku Johansen flugel-
hornleikara, með breiðan og dún-
mjúkan tón og mikla tækni, verð-
ur hann helst settur í flokk með
Freddie Hubbard. Þá lék Timo
Salinen á alt- og sópransaxafóna.
Sveitin flutti verk eftir meistara
sinn Jukka og má segja að eldur
hafi orðið laus við leik sveitarinn-
ar. Það var því hálfgerður and-
klímax þegar Ellen Kristjánsdóttir
og sveit mannsins hennar steig á
svið og flutti standarda sem þau
hafa flutt æði oft áður. Sveitin
hefur alla burði og hana skipa
hæfustu jasstónlistarmenn lands-
ins, en það verður að semja eða
taka ný lög á efnisskrána eða
gengur maður bara á skýjum eft-
ir alla veisluna?
Uppselt var á tónleikana í
Borgarleikhúsinu og ákaflega góð
stemning skapaðist við það ágæta
nýnæmi að bjóða gestum upp á
öl fyrir tónleika og í hléi. Fyrir
hlé lék sveitin, sem hefur æft fjór-
um sinnum saman, verk eftir Ole
Kock Hansen og Stefán S. Stef-
ánsson. Síðasta verkið fyrir hlé
var svíta í þremur þáttum eftir
Gugge Hedrenius. Gugge, sem
stjórnar eigin dansbandi í Svíþjóð,
stjórnaði sjálfur eða öllu heldur
dansaði eftir tónlist sinni. Eftir
hlé hófst þáttur Jukka Linkola og
lék sveitin fimm verk eftir meist-
arann.
Styrkur norrænu stórsveitar-
innar er ekki síst fólginn í því að
hún er skipuð gífurlega snjöllum
blásurum og skal þar fyrsta telja
trompetleikarana Markko Johans-
en og Brusse Broberg og Hakan
Werling saxafónleikara.
Ríkisútvarpið á heiður skilinn
fyrir þetta veglega framtak sem
jasshátíð er og er þeirri ósk kom-
ið á framfæri að þetta verði fram-
vegis árlegur viðburður í bæjarlíf-
inu. Ríkisútvarpið hefur burði og
hæft starfsfólk til að standa að
slíkri hátíð og, eins og kom í ljós
í síðustu viku, þá skortir ekki
áheyrendurna ef vandað er til
verka.
kominn í 1 ■
MáOUŒ 0-19-30
FösWdagakLi
Laugardagak ■ 8
Sunnudagakt ðvi&skipW.
Gjöriösvovel,reyn
yyx
/HIKUG4RDUR
GARÐABÆ