Morgunblaðið - 11.03.1986, Blaðsíða 20

20
MORGUNÖLÁÐIÐ, ÞRIÐJUDAGUR ll.MARZ 1986

Fjölskyldufaðirinn heimtur úr
helju. Með konu sinni Ingunni
Björgvinsdóttur og yngsta
barninu Arndísi Oddfríði IV2
árs í stofunni á heimili þeirra
að Dalbraut 1 í Hnífsdal.
þeim til trafala og tók svolítinn
tíma að ná því af, en um leið og
hægt var að henda því útbyrðis
tókst Jóni Aðalsteini að flækja sig
nógu vel í því til að við gátum
dregið hann viðstöðulaust að skip-
inu og kippt honum innfyrir."
Stefán Þór skipstjóri sagðist full-
yrða það að ef björgunametið
hefði ekki verið við hendina þá
hefðu þeir aldrei náð manninum
inn aftur, hann var hinsvegar
ekki jafn sannfærður um ágæti
kappklæðnaðarins. Hann sagði að
vísu að fatnaðurinn væri mjög
góður skjólfatnaður, en hann
drykki í sig mjög mikinn sjó og
hefði það án efa átt þátt í hvað
„Markúsametið og klæðnaður-
inn frá Kapp björguðu lífi mínu“
— segir Jón AðalsteinnSæbjörnssonsemhrökkútbyrðisí
stormi og 8—10 stiga frosti á rækjumiðunum við Kolbeinsey
ísafirði, 8. mars.
„MARKÚSARNETIÐ og kappklæðnaðurinn björguðu örugglega
lífí mínu,“ sagði Jón Aðalsteinn Sæbjörnsson 2. vélamaður á
rækjuveiðiskipinu Guðmundi Einarssyni frá Hnífsdal, en Jón
Aðalsteinn hrökk útbyrðis þegar bilun varð í kraftblökk, sem
notuð var við töku vörpunnar á rækjumiðunum norð-vestur af
Koibeinsey um tíuleytið að kvöldi sl. föstudags.
Það var vaxandi veður, komin
7— 8 vindstig af norðaustri, og
8— 10 stiga frost, þegar skipverjar
voru að taka trollið í síðasta sinn
áður en halda átti heim. Mjög
góður afli var í trollinu, 6—7 Iest-
ir, og var búið að hífa einn poka
með um 700 kg um borð. „Ég
stóð við borðstokkinn," sagði Jón
Aðalsteinn í samtali við fréttarit-
ara Morgunblaðsins á heimili hans
í Hnífsdal, „og var að segja 1.
vélamanni til við að hífa inn belg-
inn, þegar rópur sem strengdur
var frá stýrishúsi á spilkopp við
hvalbak losnaði að aftanverðu og
dróst í sjóinn. Ég varð á milli
borðstokksins og rópsins. Þrýsti
hann svo að baki mínu að ég
missti andann, en um leið skutlað-
ist ég útfyrir. Mér skaut upp
nokkra metra frá bátnum, spark-
aði strax af mér stívélunum og
svamlaði að trollinu, sem lá út
frá bátnum. Ég reyndi að halda
mér þar, en vegna sjógangs og
veltu bátsins var ég ýmist á floti
eða í kafi. Félagar mínir köstuðu
til mín björgunarhring, en ég
komst ekki í hann, þeir reyndu
líka að henda til mín spottum en
það dugði ekki heldur. Þá var það
að þeir hentu til mín björgunar-
netinu Markúsi, sem ég gat vafíð
utan um mig og var ég dreginn
um borð.
Ég var orðinn dálítið þrekaður,
en ekki kaldur nema á fótunum
og þakka ég það kappklæðnaðin-
um frá Sjóklæðagerðinni, sem ég
var nýbúinn að kaupa mér, allt
nema sokkana.“
Stefán Þór Ingason, skipstjóri
á Guðmundi Einarssyni, sagðist
hafa séð þegar Jón Aðalsteinn
hvarf fyrir borð með fæturna upp
í loftið og höfuðið niður. En högg-
ið var svo snöggt, að Jón Aðal-
steinn fór heilan hring í loftinu
og kom niður á fætuma 2—3
metrum frá bátnum þar sem hann
hvarf í öldumar. Honum skaut
þó nánast strax upp aftur og
byijaði að svamla að bátnum.
Fyrstu viðbrögðin vom þessi
klassísku að henda út björgunar-
hring, en Jón Aðalsteinn sem er
bæði mjög þrekinn og mikið
klæddur komst alls ekki í hring-
inn. Þá var hlaupið eftir björgun-
ametinu sem geymt var undir
hvalbaknum. En skrúfað lokið á
hólknum sem geymir netið var
M.s. Guðmundur Einarsson sem keyptur var hingað fyrr á þessum
vetri er í eigu Rækjuverksmiðjunnar hf. í Hnífsdal. Skipið var
fyrst á hefðbundnum togveiðum, en var nú í fyrsta rækjuveiðitúrn-
um. Á skipinu er 6 manna áhöfn.
i
I
Ljótt mar er á baki Jóns Aðalsteins eftir kaðalinn. Átakið var
svo mikið að hann missti andann á því andartaki sem hann kastað-
ist í stórum hring út fyrir borðstokkinn.
Jón Aðalsteinn átti vont með að
athafna sig í sjónum. Hann sagði
einnig að Jón Aðalsteinn væri
óvenjulega hraustur maður og
hefði það átt sinn þátt í að svo
giftusamlega fór. Skipstjórinn
sagði að ástæðan fyrir óhappinu
væri að vökvaskiptir í kraftblökk
hefði bilað þannig að blökkin
byijaði fyrirvaralaust að slaka út
af sér. Við það dróst trollið frá
skipinu með fyrrgreindum afleið-
ingum en rétt eftir að Jón Aðal-
steinn skaust útfyrir slitnaði kað-
allinn. Eftir að Jón Aðalsteinn var
kominn um borð reyndu skipvetj-
amir að ná inn vörpunni, en
pokinn slitnaði frá og þar með
allur aflinn.
Mest allur rækjuveiðiflotinn var
þama á svæðinu og að hífa um
svipað leyti. Hélt flotinn í var
undir Grímsey, en ms. Guðmund-
ur Einarsson hélt til ísafjarðar og
kom þangað um miðjan dag í
dag, laugardag. Farið var með Jón
Aðalstein í Fjórðungssjúkrahúsið
á ísafírði til læknisskoðunar. Þar
kom í ljós að hann var með skurð
á efri vör, brotnað höfðu í honum
tvær framtennur og að hann var
marinn þvert yfír bakið eftir
kaðalinn. Að rannsókn lokinni
fékk hann að fara heim.
Stefán Þór Ingason skipstjóri
vildi koma þeim tilmælum á fram-
færi við sjómenn, að þeir staðsettu
Markúsametið á heppilegum stað
í skipinu og æfðu sig í notkun
þess, um leið og hann vildi beina
þeim tilmælum til framleiðenda
að þeir hönnuðu lok plasthólksins
sem geymir netið þannig, að ná
mætti því af með einu handtaki.
- ÍJlfar
Höfn í Hornafirði:
Prófkjör sjálfstæðis-
manna stendur yfir
PRÓFKJÖR sjálfstæðismanna á
Höfn í Homafirði vegna sveitar-
stjórnarkosninganna í vor fer
fram 10.—16. mars. Tíu gefa
kost á sér í prófkjörinu.
Þau eru eftirtalin, dregið var um
röðina á prófkjörslistanum:
1. Magnús Jónsson, garðyrkju-
maður, Smárabraut 14.
2. Einar B. Karlsson, verkstjóri,
Hlíðartúni 20.
3. Óli Bjöm Þorbjömsson, skip-
syóri, Hlíðartúni 21.
4. Högni Snjólfur Kristjánsson,
nemi, Kirkjubraut 20.
5. Eiríkur Jónsson, verkstjóri,
Hólabraut 7.
6. Aðalheiður Aðalsteinsdóttir,
húsmóðir, Hlíðartúni 11.
7. Egill M. Benediktsson, verslun-
armaður, Austurbraut 15.
8. Páll Guðmundsson, bifreiðar-
stjóri, Norðurbraut 1.
9. Gunnar Pálmi Pétursson, bif-
vélavirkjameistari, Kirkjubraut
56.
10. Sturlaugur Þorsteinsson, verk-
fræðingur, Fiskhóli 7.
Kjörstaður verður opinn í Sjálf-
stæðishúsinu efri hæð frá mánudegi
til föstudags klukkan 20.30 til 22,
og frá 14 til 19 á laugardag og
sunnudag. Atkvæðisrétt hafa allir
stuðningsmenn listans sem kosn-
ingarétt hafa á kjördegi.
Sjálfstæðisflokkurinn er með tvo
menn af 7 í hreppsnefnd, Unnstein
Guðmundsson sem ekki gefur kost
á sér að þessu sinni og Eirík Jóns-
son.