Morgunblaðið - 08.06.1985, Blaðsíða 46

46
MORGUNBLAÐIÐ, LAUGARDAGUR 8. JÚNÍ 1985
☆ ☆ ☆
n
syngur
☆ ☆ ☆
Dansleikur
með hljómsveit
Aagnúsar Rjartanssonar
Borðapantanir í síma 20221.
Morgunbladid/Þorkell
Einar Þorsteinn heldur hér við sóltjald sem hann hefur hannað til notkunar yfir búðarglugga o.fl. Á myndinni
sést ein eining, og hægt er að skeyta saman eins margar einingar og þörf krefur til að mynda samfellt tjald.
Sóltjaldið hefur það framyfir önnur að þola vel veður og vinda.
Seglagerðin Ægir kynnir íslenska höimun:
Brýnt hagsmunamál að fá
lögverndun á hugmyndir
Ástartjaldið svonefnda sem ætlað er til skjóls á vindasömum sólardögum.
— segir Einar Þorsteinn
Asgeirsson hönnuður
„ÍSLENSKIR iðnrekendur eru því
miður allt of seinir að átta sig á
mikilvægi góðrar hönnunar. Oftast
er reynt að leysa hlutina á sem ein-
faldastan hátt, stundum bara á
skrifborði forstjórans, í því augna-
miði að kosta sem minnstu til á sem
skemmstum tíma. Þetta hefur til
dæmis haft þær afleiðingar að til
skamms tíma fengu framleiðendur
fiskvinnsluvéla gripina undantekn-
ingarlaust endursenda eftir eitt ár
gjörónýta. Þá höfðu menn kannski
verið að selja í blindni „prótotýpu“
(frumeintak innsk. blaðamanns) vél-
arinnar — sem aldrei hafði verið
prófuð, hvað þá reynd við raunveru-
legar aðstæður." Þessi orð mælti
Einar Þorsteinn Ásgeirsson hönnuð-
ur, þegar hann kynnti nýjustu „af-
kvæmi“ samvinnu hans og Segla-
gerðarinnar Ægis, sóltjald fyrir búð-
arglugga og „ásUrtjaldið"
svonefnda.
Einar Þorsteinn hefur í heilan
áratug unnið fyrir Seglagerðina
Ægi og verið ráðgjafi þeirra við
lausn ýmissa vandamála í tjalda-
gerð. Fyrsta og stærsta tjaldið
sem smíðað var eftir teikningu
Einars var „þjóðhátíðartjaldið“
sem stóð á Árnarhóli sumarið
1974, en var síðar selt. „Oft koma
menn með hugmyndir að slíkum
tjöldum hingað til seglagerðarinn-
ar og halda að best sé að leysa
slíkt með 90 gráða hornum í alla
vinkla. Seglið krefst þess hinsveg-
ar einmitt að menn noti bogalínur
til þess að fá í það spennu og auka
endingu þess.“ Sóltjald það, sem
Einar hefur hannað, er til að
mynda byggt á sk. „hyperbólískri
parabólu" (eða HP-skel), þannig
að það sveigist á tvo vegu og helst
algjörlega spennt. Þetta veldur því
að það bifast ekki í vindi og getur
staðið af sér verstu vetrarveður.
Eins er um „ástartjaldið" sem ætl-
að er fyrir sólbaðsdýrkendur á
vindasömum slóðum. Það spennist
upp þegar það er reist, og á að
sögn Einars Þorsteins að hreyfast
eins lítið og mögulegt er.
„Það sem gerir hönnuðum erfið-
ast fyrir er sú litla vernd sem
hugmyndir þeirra fá samkvæmt
íslenskum lögum. Það sem er
brýnast er að lögleiða svokallaða
munsturvernd, þannig að hönnuð-
ir geti tekið einkarétt á hvaða
hugverki sem er.“ sagði Einar
Þorsteinn. „Á meðan ástandið er
eins og núna getur hver sem er
hafið framleiðslu á því sem hann-
að er og hefur komið fyrir al-
menningssjónir. Nýjasta dæmið
um það eru til dæmis hlífðar-
grindur framan á bíla sem einn
aðili átti hugmyndina að, en 6 að-
ilar framleiða í dag án þess að
borga hönnuðinum krónu. Útlend-
ingar geta líka, og hafa, komið
hingað og stolið hugmyndum —
þannig fór með súgþurrkunarað-
ferðina, hugmynd sem var upp-
runalega íslensk, en Norðmenn
tóku upp og seldu okkur aftur dýr-
um dómum.“ Einar Þorsteinn er
einn af 6 meðlimum Félags ís-
lenskra iðnhönnuða og einn af
stofnendum Félags áhugamanna
um iðnhönnun, þar sem félags-
menn eru bæði framleiðendur og
hönnuðir. „Skilningur framleið-
enda á vinnu okkar er til allrar
hamingju alltaf að aukast, þannig
hef ég núna með höndum ráðgjöf
hjá fjölda fyrirtækja. Þó að félag-
atala félags iðnhönnuða sé lág
segir það ekki alla söguna, því lík-
lega vinna yfir 50 manns í grein-
inni á íslandi."
Nú um helgina mun seglagerðin
halda sýningu á framleiðslu sinni
í og við verksmiðjuna í örfirisey.
Þar verða til sýnis um 20 tjöld og
ýmsir gagnlegir hlutir svo sem út-
búnaður fyrir silungsveiðimenn
sem kynntur er á öðrum stað í
blaðinu.
Guðspekifélagshúsið:
Bertil Ekström held-
ur fyrirlestra um
heimsmynd
HÉR á landi er nú staddur Bertil
Ekström frá Martinus Institut.
Hann mun halda nokkra fyrirlestra
um Heimsmynd Martinusar í Guó-
spekifélagshúsinu, Ingólfsstræti 22,
Reykjavík.
Sunnudaginn 9. júní fjallar
Bertil Ekström um heimsmynd
Martinusar, fimmtudaginn 13.
júní um nýja menningarstrauma,
fimmtudaginn 20. júní um við-
skiptalögmálið og sunnudaginn 23.
júní um hjónabandið.
Allir fyrirlestrarnir hefjast kl.
20.30.
(Úr fréiutilkynningu)
Martinusar
Bertil Ekström