Morgunblaðið - 08.06.1985, Blaðsíða 14
14
MORGUNBLAÐIÐ, LAUGARDAGUR 8. JtJNl 1985
Landakotstún verður einn af
fegurstu gróðurreitum í borginni
Rætt við Hafliða Jónsson garðyrkjustjóra um ræktunarframkvæmdir í Reykjavík
ÞESSA dagana eru menn sem óðast
að planta út blómum og trjám. Víða í
Reykjavík má sjá fólk að störfum
við hina grænu bletti borgarinnar,
mikið af því er ungt fólk sem er í
sumarvinnu hjá Garðyrkjudeild
Reykjavíkurborgar. Umsvif þeirrar
deildar hafa aukist ár frá ári. í sam-
tali við Mbl. sagði Hafliði Jónsson
garðyrkjustjóri að aðalframkvæmd-
irnar núna væru í útplöntun blóma-
og trjáplantna. Hann kvað trjáplönt-
un hafa aukist verulega sl. tíu ár en
blómplöntun hafi hins vegar staðið
að mestu í stað þennan tíma. Þetta
sumarið verða settar niður um
hundrað og sextíu þúsund blóm-
plöntur, en ræktunarstöðin f Laug-
ardal hefur verið með í uppeldi hátt í
tvö hundruð þúsund blómplöntur.
Hjá Garðyrkjudeild Reykjavíkur-
borgar starfa um 80 manns allt árið
en hátt í þrjú hundruð hafa nú bæst
í hópinn og eru þá ekki taldir þeir
sem starfa í unglingavinnu. í skóla-
garða höfðu skráð sig milli fimm og
sex hundruð börn sl. mánudag.
f sumar á að gera tilraun með
að nýta hey af grasblettum borg-
arinnar og búa til úr því heykökur
sem hægt er að blanda saman við
Unnið við framkvæmdir á Landakotstúni.
Lagt af stað í „útplöntunarleiðangur“
% S4
alls kyns fóður annað. Að sögn
garðyrkjustjóra eru það bændur
við Holtabúið á Rangárvöllum
sem standa að þessari tilraun.
Þeir leggja til vélakost og ætla að
gera þessa tilraun.
Umfangsmesta verkefni þessa
árs er að búa til skrúðgarð á
Landakotstúni. Hafliði sagðist
vona að það svæði verði fullmótað
í sumar, hellulagt og ræktað upp
sem grasflatir, þar verður einnig
leiksvæði fyrir börn. Þar er ráð-
gert að hafa mikið af runnagróðri
meðfram Hávallagötu og Hóla-
vallagötu, en svæðið á Landa-
kotstúni verður fyrst og fremst
byggt upp af runnum og fjölærum
plöntum. Að sögn Hafliða kann
svo að fara að Landakotstún verði
einhver fegursti blettur í landar-
eign borgarinnar áður en langt um
líður. Hafliði sagði ennfremur:
„Ég hef lengi látið mig dreyma um
að koma mynd á Landakotstúnið
og ekkert væri mér kærara en að
það tækist áður en ég læt af störf-
um seinna á þessu ári. Gert er ráð
fyrir að garðurinn á Landakots-
túni verði alveg fullbúinn á 200
ára afmæli Reykjavíkurborgar á
næsta ári. Vitaskuld tekur þó
lengri tíma að gróður þar þéttist
og verði það augnayndi sem nú er
að stefnt."
Garðyrkjustjóri sagði að nú
væri verið að leggja síðustu hönd
á gerð skrúðgarðs í Efra-Breið-
holti, á Austurbergssvæðinu bak
við sundlaugina, milli Fella- og
Hólaskóla og að í sumar verði
einnig unnið að lóðinni sem er
milli Hringbrautar og Ásvalla-
götu. Þar er ráðgert að verði gerð-
ur myndarlegur skrúðgarður sem
verði opinn öllum almenningi.
Þá er verið að ganga frá
„hljóðmönum" en það eru mold-
arhryggir við Elliðavoginn, þar á
að koma upp allverulegum trjá-
beltum. Einnig er verið að græða
upp stóran moldarbing fyrir neð-
an Útvarpshúsið svo eitthvað sé
nefnt.
Hafliði kvað mikið um að Reyk-
víkingar hringdu í garðyrkjudeild-
ina til að benda á það sem gera
þyrfti og miður hefði farið í rækt-
unarmálunum. Hann kvað stefnt
að því að setja niður milli 25 og 30
þúsund garðtrjáplöntur, en þær
plöntur eru 50 cm og þar yfir.
Birki er að hans sögn vinsælasta
trjáplantan og sú langharðgerð-
asta.
Nú standa yfir tilraunir með
svonefnd „götutré". Verið er að
rækta selju og alaskaösp með það
fyrir augum að setja plönturnar
niður meðfram götum líkt og
reynt var á Miklubraut. Hafliði
benti á að þau tré sem þar standa
hefðu verið sett niður í tilrauna-
skyni en plöntur hefðu áður staðið
í beðum og alls ekki verið nægi-
lega vel undir hlutverk sitt búnar,
bað menn að gá að þvi að ísland er
við úthaf og vestanvindarnir leika
grátt tré sem vaxa skjóllaust i
borginni. Hann sagði einnig að
ailtaf væru að koma nýjar og nýj-
ar tegundir af ösp og menn væru
að þreifa sig áfram með hvaða
tegund væri heppilegust til þess-
ara nota.
Stjúpur eru langvinsælasta
sumarblómategundin hér á landi
og henta enda best, eru mjög
harðgerðar plöntur og lifa meira
að segja af góða vetur að sögn
Hafliða. Hann minntist i þessu
sambandi einnig á Akureyrarfjól-
una svokölluðu, en hún er blend-
ingur af stjúpu og íslensku fjól-
unni. Hún er rauðblá, minni en
stjúpurnar en töluvert stærri en
íslenska fjólan. Hún vex villt og
getur orðið til í hvaða garði sem er
þar sem eru til stjúpur og islensk-
ar fjólur.
í öðru sæti á vinsældalistanum
er Morgunfrúin sem er harðgerð
planta en blómstrar fremur seint.
I ræktunarstöðinni í Laugardal
eru ræktaðar tuttugu og þrjár teg-
undir af sumarblómum þetta árið.
Texti: GUÐRÚN GUÐLAUGS-
DÓTTIR
■
Götutré við MiklubrauL
Sumarblómum plantað í beð í Austurvelli.
Unnið að gerð skrúðgarðar á Austurbergssvæði.
Frá Ræktunarstöðinni í Laugardal.