Morgunblaðið - 08.06.1985, Blaðsíða 22

22
MORGUNBLAÐIÐ, LAUGARDAGUR 8. JtJNl 1985
Ingólfur A. Þorkelsson skólameistari í hópi nýstúdenta.
Menntaskólinn í Kópavogi:
Tíundi stúdentaárgang-
urinn brautskráður
MENNTASKÓLANUM ( Kópavogi
v»r slitið vió hátíðlega athöfn í Kópa-
vogskirkju, föstudaginn 24. maí sl.
Brautskráðir voru 87 stúdentar, 45
stúlkur og 42 piltar.
Skólameistari, Ingólfur A. Þor-
kelsson, flutti skólaslitaræðuna, af-
henti stúdentum skirteini sfn og
verðlaun fyrir ágætan árangur f
ýmsum greinum, m.a. verðlaun frá
Kópavogskaupstað fyrir ágætisein-
kunn í íslenskum fræðum, ( tilefni
þess að þessi tíundi árgangur stú-
denta frá skólanum, útskrifast á af-
mæli kaupstaðarins.
Skólakórinn söng við athöfnina
undir stjórn Martials Nardeau. Sig-
ríður Kristinsdóttir nýstúdent,
flutti ávarp og árnaði skólanum
heilla. Einnig fluttu ávörp þeir
Vilmar Pétursson, fulltrúi 5 ára stú-
denta, og Kristján Guðmundsson
bæjarstjóri. Þrír nemendur skólans,
Jóhanna Pálsdóttir, Kristín Andrea
Einarsdóttir og Þuríður Jónsdóttir,
léku á flautu verkið Terzetto eftir
Frans Anton Hoffmeister.
Hæstu einkunn á stúdentsprófi
hlaut Jóhanna Pálsdóttir úr
náttúrufræðideild 9,4 og er það
hæsta fullnaðareinkunn, sem stúd-
ent frá skólanum hefur fengið. Það
vakti einnig athygli er skólameist-
ari greindi frá því að tveir stúdent-
anna frá M.K., þeir Ásgeir B. Ægis-
son og Vilmundur Pálmason, munu
vegna ágætrar frammistöðu í eðlis-
fræðikeppni framhaldsskólanna,
fara á Olympíumót í þeirri grein í
Júgóslavíu í sumar.
Skóiameistari skýrði frá þvf að I
athugun væri að koma á fót við
skólann fjölmiðlabraut og tölvu-
kraut. Athöfninni lauk með þvf að
allir viðstaddir sungu „Island ögr-
um skorið” eftir Eggert ólafsson og
Sigvalda Kaldalóns.
VEGNA mistaka við birtingu þess-
arar fréttar í blaðinu í gær, sem
beðist er velvirðingar á, er hún birt
hér að nýju.
Skólameistari afhendir dúxinum, Jóhönnu Pálsdóttur, verðiaun.
Ásgeir B. Ægisson og Vilmundur Pálmason, sem keppa munu á ólympíu-
móti í eðlisfræði f Júgóslavíu í sumar.
34. landsþing SÍB
34. þing SIB var nýlega
haldið í Reykjavík. Þing SIB
er haldiö annað hvert ár og
það fer með æðstu völd í
málefnum samtakanna.
Samband íslenskra banka-
manna eru heildarsamtök starfs-
manna banka og sparisjóða og
voru félagsmenn um síðustu ára-
mót um 3200 talsins. Þingið sátu
65 fulltrúar frá 17 aðildarfélögum.
Sveinn Sveinsson, er verið hefur
formaður undanfarin ár, baðst
undan endurkjöri og var Hinrik
Greipsson, Útvegsbanka íslands,
kjörinn í hans stað. Eftirtaldir
voru kosnir í stjórn SÍB til næstu
tveggja ára:
Formaður Hinrik Greipsson,
Útvegsbanka íslands, 1. vara-
form., Hrafnhildur B. Sigurðard.,
Landsbanka íslands, 2. varaform.,
Friðbert Traustason, Reiknistofu
bankanna. Aðrir I stjórn: Margrét
Brynjólfsdóttir, Landsbanka ís-
lands, Sigurður Geirsson, Út-
vegsbanka íslands, Sólveig Guð-
mundsdóttir, Búnaðarbanka ís-
lands og Yngvi örn Kristinsson,
Seðlabanka íslands.
Þingið samþykti ýtarlegar
áiyktanir um ýmis mál. Það taldi,
að bankamenn hefðu dregist aftur
úr ýmsum launþegahópum í laun-
um og skoraði á stjórn og samn-
inganefnd að snúa þeirri þróun
við. Störf bankamanna verði sí-
fellt verðmætari með aukinni
tæknivæðingu.
Þingið hvatti stjórn SÍB til að
leggja mesta áherslu á að ná fram
raunhæfum kjarabótum. 1 því
sambandi var bent á grunnkaups-
hækkanir, aukið flokkaskrið, auk-
in starfsaldursálög og sérsamn-
inga vegna tæknivæðingar (
bankakerfinu.
Þá skoraði þingið á stjórnina að
taka aukinn, virkan þátt í umræðu
stjórnvalda og annarra launþega-
samtaka um Iaunamál vinnu-
markaðarins.
Kjaradeila sjó-
manna í Reykjavík
eftir Guðmund
Hallvarðsson
í Morgunblaðinu 4. júní sl. birtist
grein eftir formann Útvegsmannafé-
lags Reykjavíkur, G. Jakob Sigurðs-
son dr. phil, vegna verkfallsins hér í
Reykjavík. Einkum er greinin þess
efnis að undirritaður færi sífellt með
rangt mál í deilu þessari, sem ég
síðan „troði í fjölmiðla". Dr. Jakob
hefur ekki farið troðnar slóðir í út-
gerð, þekkir líklega eitthvað til
þeirra verka og notar líklega þessa
ítarlegu lýsingu á samskiptum mín-
um við fjölmiðla af gamalli hefð, en
það er hans mál.
Um þann fjölda báta sem hafa
stöðvast hvarflar ekki að mér að
deila við dr. Jakob í rituðu máli,
en það sem hann nefnir í þvi sam-
bandi er að á nokkrum bátum þar
sem háseti var á fyrir verkfalls-
boðun, voru á ný uppteknar yfir-
mannsstöður sem fyrir löngu voru
aflagðar og njóta nú fyrrverandi
hásetar umtalsverðra kjarabóta
umfram það sem kjaradeilan
snýst um (þar á meðal 3 mán. upp-
sagnarfrest, en krafa SR er aðeins
1 mán.).
„Verkfallið er að ýmsu leyti sér-
stæðara og fáránlegra en venja er
til,“ segir dr. Jakob í grein sinni.
Þessi afstaða atvinnurekandans er
engin ný sannindi fyrir launafólk
þar sem þeim hefur ávallt fundist
launakrafa og verkföll af hinu illa.
Dr. Jakob leggur áherslu á að ég
hafi tvisvar undirritað kjara-
samning sem tvívegis hafi verið
felldir, og gerir því skóna að ég
hafi lítil ítök meðal félagsmanna.
Það vill nú því miður oft fara svo
hjá lýðræðis sinnuðum mönnum
eins og dr. Jakob að sé lýðræðið
þeim andsnúið er einræðið best.
Fjöldi þeirra sem atkvæði greiddu
um kjarasamninginn er stað-
reynd, en sýnir þó þversnið þess
hugarfars sem sjómenn bera til
kjarasamnings sem felldur var.
Dr. Jakob heldur því fram að sjó-
menn í Reykjavík séu að gera
kröfur mikilla sérréttinda um-
fram aðra sjómenn, sú fullyrðing
hans er röng þar sem kröfugerð
Sjómannafélags Reykjavíkur
byggist á þeim efnisatriðum sem
sjómenn og stéttarfélög þeirra
hafa samið á hinum ýmsu stöðum
úti á landi og er þó engan veginn
allt tínt til. Um nefndarsetu mína
vegna endurskoðunar sjómanna-
laga þar sem m.a. var fjallað um
uppsagnarfrest gerði ég ágreining
og athugasemdir út af þar sem
m.a. stjórn Sjómannafélags
Reykjavíkur hefur sent þingnefnd
er um málið fjallar, tillögu um 4
vikna uppsagnarfrest. Næst þegar
dr. Jakob fer fram á ritvöllinn er
hollt honum að kynna sér stað-
reyndir þær sem málavextir um-
fjöllunar eru byggðir á.
— En um hvað snýst þessi
deila?
1. Um starfsaldurshækkun launa,
sem fiskimenn einir íslenskra
launþega (að undanskildum vest-
flrskum sjómönnum) fá enga
umbun fyrir.
2. Lengingu uppsagnarfrests sem nú
er aðeins 7 dagar.
Þekking, reynsla og langt starf
hjá sama vinnuveitanda voru for-
sendur starfsaldurshækkunar
launa þegar slíkar kauphækkanir
voru uppteknar. í viðræðum við
dr. Jakob varðandi þessa kröfu
Sjómannafélags Reykjavíkur hef-
ur hann haldið því fram og sagt að
slíkum mönnum sem að framan
greinir eigi ekki að greiða hærri
laun, þeir séu yfirleitt orðnir lúnir
og þreyttir, en ungu strákarnir
sem eru að koma um borð í fyrstu
veiðiferðirnar séu svo sprækir og
duglegir að hlaupa um þilfarið að
þeir ættu jafnvel rétt á hærri
launum. Mannfyrirlitningin sem
fram kemur hjá dr. Jakob í máli
þessu í garð reyndra sjómanna er
með ólíkindum. Eða getur það ver-
ið að vanmat og þekkingarleysi út-
gerðarmannsins á störfum sjó-
mannsins sé slík að ofan greinir?
Slys á fískiskipum
Frá 1971 til og með 1983 verða
160 dauðaslys um borð í fiskiskipum
140 sjómenn drukkna og nærri 2.700
fiskimenn slasast á þessu tímabili.
Því miður verða flestir sjómenn
fyrir slysi á starfsævi sinni og það
alvarlega við slysamál sjómanna
þessa tímabils er að flestir hinna
ógæfusömu sjómanna voru ungir
menn. Alltof margir þeirra sem
enn þrauka í starfi undirmanns á
fiskiskipi hafa orðið fyrir líkam-
legum áföllum, en þeir hafa öðlast
mikla þekkingu og reynslu í starfi
og miðla af þekkingu sinni til
hinna yngri nýbyrjuðu sjómanna.
Hefur dr. Jakob málefnaleg rök
gegn því að sjómönnum beri ekki
starfsaldurshækkun á laun, með
tilvísun til framanritaðs?
7 daga uppsagnarfrestur er hjá
félögum Sjómannafélags Reykja-
víkur á fiskiskipum en 1 mánuður
á kaupskipum. Hjá yfirmönnum
er uppsagnarfrestur 3 mánuðir.
Uppsagnarfrestur er hugsaður
sem tími til Ieitunar og eftir-
grennslunar á atvinnu fyrir þann
launþega sem frammi fyrir upp-
sögn stendur. Hins vegar hafa all-
flestir útgerðarmenn notað upp-
sagnarfrestinn með þeim hætti að
sjómanni hefur verið sagt upp 7
dögum áður en komið er til hafnar
og því ekki komist til að leita sér
að atvinnu fyrr en uppsagnar-
fresturinn er liðinn.
Hvers vegna vísa reykvískir út-
gerðarmenn deilunni við sjómenn til
LÍÚ?
Með bréfi 19. apríl sl. til Sjó-
mannafélags Reykjavíkur er til-
kynnt að LÍÚ sé falið fyrir hönd
reykvískra útgerðarmanna að
semja við Sjómannafélag Reykja-
víkur.
Það er athyglisvert og til um-
hugsunar fyrir Reykvíkinga þegar
stjórn LlÚ sem að meirihluta er
skipuð fulltrúum utan af landi á
að gæta hagsmuna reykvískra út-
gerðarmanna. Og þar innan um
eru menn sem hafa um langan
tíma helst viljað ganga af reyk-
vískri útgerð dauðri, enda er áhugi
á samningsgerð i samræmi við
það.
Höíundur er íormaður Sjómanna-
félags Rejkjavíkur.
Frá landsþingi sambands íslenskra bankamanna.
Morgunbladið/Júlíus