Morgunblaðið - 04.02.1984, Blaðsíða 17

MORGUNBLAÐIÐ, LAUGARDAGUR 4. FEBRÚAR 1984
17
Ásmundur Stefánsson og Magnús
Gunnarsson um ummæli forsætis-
og iðnaðarráðherra:
Eru að átta sig á
að 4% nægja ekki
í Morgunblaðinu í fyrradag sagði Sverrir Hermanns-
son, iðnaðaráðherra, að honum sé Ijóst að forsendur
fjárlaga nægi ekki til þess að ná sáttum á vinnumarkaö-
inum og er þessi ummæli voru borin undir Steingrím
Hermannsson sagði hann að hann sæi ekki að það koll-
varpaði öllu ef launahækkanir yrðu 6% í stað 4%.
Morgunblaðið bar þessi um-
mæli undir Magnús Gunnarsson,
framkvæmdastjóra VSÍ, og Ás-
mund Stefánsson, forseta ASÍ,
og fara svör þeirra hér á eftir.
„Þetta sýnir að menn eru að
átta sig á því að forsendur fjár-
laga eru óraunhæfar ef á að nást
samkomulag og í stuttu máli
sýnist mér þetta vera spor til
réttrar áttar," sagði Ásmundur
Stefánsson.
„Staðan í samningaviðræðum
okkar verður ekki ráðin af yfir-
lýsingum ráðherra í blöðum eða
öðrum fjölmiðlum. Við munum
halda áfram viðræðum við okkar
viðsemjendur, en þetta er ótví-
rætt spor í rétta átt af hálfu
ráðherra," sagði Ásmundur enn-
fremur er hann var spurður
hvort þetta hefði áhrif á stöðuna
i samningamálunum.
"É&HELOWÞURFIR EKKIflÐHBFH NEINRR AHYG6JUR RF ÞVI RÐ UMSÓKN ÞiNNI VFRÐlHflFNPG.
BIN5 0& ÞÚ VB15T ER RRWBRRR MRRGOFT BÖINN RÐ LÝSR VFIR R9 HENNI VBRÐI HRFNRÐ"
Ekkert svigrúm
til kauphækkana
„EINS og við höfum áður sagt er
ekkert svigrúm til kauphækkana í
þjóðfélaginu, þótt ríkisstjórnin
hafi metið það svo að unnt sé að
hækka laun ura 4%. Áfallið í sam-
bandi við þorskstofninn og ástand
efnahagsmála hafa þessi áhrif,“
sagði IVIagnús Gunnarsson, fram-
kvæmdastjóri Vinnuveitendasam-
bands íslands, er blm. Mbl. bar
undir hann sömu ummæli.
„Ég held, að menn verði að
gera sér grein fyrir því,“ sagði
Magnús, „að háar prósentutölur
eru ekki það, sem máli skiptir,
heldur eru það verðmætin, sem
brenna á okkur. Því er nauðsyn-
legt að staldra við. Tveggja pró-
senta kauphækkun er meira
virði en 10%, ef verðmæti eru á
bak við tvö prósentin, en ekkert
á bak við þau tíu.“
Egilsstaðir:
Mikill áhugi á
skíðaíþróttinni
HgiLsHtödum, 16. janúar.
FULLYRÐA má að almennur áhugi
á skíðaiðkunum hvers konar hefur
stóraukist hér um slóðir hin síðari ár
—■ enda aðstaða öll til þeirra iðkana
verið bætt til muna. Fyrir réttura
tveimur árum var brekkan vestur af
Egilsstaðakirkju lagfærð með tilliti
til snjóalaga og komið þar fyrir upp-
lýstri togbraut. Hún hefur síðan ver-
ið nær gjörnýtt að kalla þegar færi
hefur gefið.
Það sem af er vetri hefur lítt
gefið til skíðaiðkana fyrr en nú á
nýbyrjuðu ári — og hefur Kirkju-
brekkan svonefnda verið iðandi af
ungum áhangendum skíðaíþrótt-
arinnar dag frá degi, t.d. var þar
líf og fjör í gær þrátt fyrir helj-
arkulda og nær 16 stiga frost.
Að sögn Hjálmars Jóelssonar,
eins skíðaráðsmanns íþróttafé-
lagsins Hattar, verður skíðaland
Egilsstaðabúa á Fagradal síðan
opnað um næstu helgi. Þar verða
tvær skíðalyftur í gangi. Sú stærri
getur flutt allt að 700 manns á
klukkustund og er um 300 m á
lengd — en hin minni er einkum
ætluð þeim sem vilja fara sér
hægar í svigi og bruni.
Skíðaráð UIA hefur nú leitað
eftir samstarfi við skóla á Austur-
landi varðandi skíðakennslu nem-
enda — og hefur ungur Norðfirð-
ingur, Sveinn Ásgeirsson, verið
ráðinn til að sinna þeirri kennslu.
— Olafur.
Vestmannaeyjar:
Myndlistarskól-
inn endurvakinn
MEÐ ÞAÐ að markmiði að endur-
vekja Myndlistarskólann í Vest-
mannaeyjum, munu fljótlega hefj-
ast kvöldnámskeið í myndlist í Fé-
lagsheimili Vestmannaeyjabæjar
við Heiðarveg.
Jafnframt verður haldið nám-
skeið annan hvern laugardag.
Starfsemi myndlistarskólans
verður byggð upp með sem mestri
fjölbreytni, og kennarar við skól-
ann verða Björgvin Björgvinsson
og Sigurfinnur Sigurfinnsson, seg-
ir m.a. í fréttatilkynningu, sem
Morgunblaðinu hefur borist.
Askriftarshninn er 83033
85 40