Morgunblaðið - 04.02.1984, Blaðsíða 12

MORGUNBLAÐIÐ, LAUGARDAGUR 4. FEBRÚAR 1984
12
Vatnaskógur,
sumarbúöir
í 60 ár
— saga starfsins í máli og myndum
Vatnaskógur, sumarbúðir í 60 ár, heitir bók sem Skóg-
armenn KFUM hafa gefið út í samvinnu við bókaútgáf-
una Salt hf.
1 bókinni er saga sumarbúðanna rakin frá því að
fyrsti flokkurinn fór fótgangandi frá Reykjavík í
Vatnaskóg og dvaldist þar í tjöldum. Þróun starfsins
er fylgt í máli og myndum til dagsins í dag. 90—100
drengir dvelja í Vatnaskógi á sumri hverju og búa þar
við hina bestu aðstöðu úti sem inni.
Sigurður Pálsson var fenginn til að rita bókina og
naut hann aðstoðar fjölmargra er starfað hafa í
Vatnaskógi og annarra velunnara starfsins þar. Árni
Sigurjónsson, er lengi var formaður Skógarmanna,
ritar sérstakan þátt og einnig sr. Kristján Búason
dósent, en hann hefur um mörg sumur starfað þar
sem forstöðumaður. Þá eru viðtöl við Kristínu Guð-
mundsdóttur, sem hefur verið matráðskona sumar-
búðanna í 40 ár, og við Friðbjörn Agnarsson formann
Skógarmanna, frá 1972.
Bókin er 160 síður og eru þar af 50 síður með ljós-
myndum sem vandlega hefur verið haldið saman frá
upphafi og segja sína sögu. Einnig er þar að finna
myndskreytingar eftir Búa Kristjánsson. Bókin var í
upphafi aðailega seld áskrifendum og er henni um
þessar mundir dreift tii þeirra. Einnig er hún tii sölu á
skrifstofu Skógarmanna KFUM að Amtmannsstíg 2b
og hjá bókaútgáfunni Salt hf. að Freyjugötu 27.
Kvikmyndahátíð 1984 hefst í dag:
Sjö erlendir gest-
ir koma á hátíðina
— fjórir aðrir hafa afboðað komu sína
SJÖ ERLENDIR kvikmyndagerðarmenn og leikstjórar koma
hingað til lands til að vera viðstaddir Kvikmyndahátíð Lista-
hátíðar 1984 sem hefst í dag. Upphaflega áttu gestirnir að
verða ellefu en fjórir þeirra hafa nú afboðað komu sína af
ýmsum ástæðum.
Gestirnir sem koma eru Yves
Boisset frá Frakklandi, leik-
stjóri myndarinnar „Áhættu-
þóknun", sem sýnd verður á há-
tíðinni. Frá Svíþjóð kemur Tony
Forsberg, kvikmyndatökumaður
við gerð Bergman-myndarinnar
„Fanny og Alexander" og
„Hrafninn flýgur" eftir Hrafn
Gunnlaugsson. Þá kemur Bret-
inn Peter Cowie, ritstjóri Int-
ernational Film Guide, en hann
mun vera sérfræðingur í nor-
rænum kvikmyndum.
Tveir bandarískir kvikmynda-
leikstjórar koma einnig, þeir
Jack Hofsiss, leikstjóri „Darrað-
ardans" og John Waters. Einnig
kemur frá Bandaríkjunum A1
Milgren, prófessor, forstöðu-
maður kvikmyndastofnunar
Minnesota-fylkis. Hann mun
flytja fyrirlestra hér um myndir
svokallaðra „óháðra framleið-
enda".
Frá Hollandi kemur kvik-
myndaleikstjórinn Orlow Se-
unke, sem gert hefur myndina
„Vatnsbragð" er sýnd verður á
hátíðinni. Loks kemur hér einn-
ig breski blaðamaðurinn og
kvikmyndagagnrýnandinn Nick
Roddick.
Þeir, sem hafa afboðað komu
sína á kvikmyndahátíðina, eru
José Esteban Alenda frá Spáni
(dreifingaraðili), Pascal Bontiz-
er frá Frakklandi (einn aðalrit-
stjóra kvikmyndatímaritsins
Cahiers du Cinéma), Enrique
Herreros frá Spáni (einn helsti
kvikmyndaframleiðandi þar-
lenskur) og danska tónskáldið
og kvikmyndagerðarmaðurinn
Hans-Erik Phillip, sem m.a.
gerði tónlistina við „Hrafninn
flýgur“.
Matarbóka-
klúbbur AB
ALMENNA bókafélagið hefur sett á laggirnar nýjan bókaklúbb, Matarbóka-
klúbb AB. Undirbúningur að stofnun Matarbókaklúbbsins. MAB, hefur staðið
yfir í hartnær tvö ár. Árið 1983 var gerður samningur við a/s Hjemmet í Ósló um
íslenskan útgáfurétt á matreiðslubókum sem Hjemmet gefur út. Er hér um aö
ræða 40 matreiðslubókatitla sem hlotið hafa íslenska samheitið Hjálparkokkur-
inn. Ritstjórar islensku útgáfunnar eru þeir Sigurður Sumarliðason og Úlfar
Eysteinsson matreiðslumeistarar á veitingastaðnum Potturinn og pannan. Utan
Noregs hafa matreiðslubækur Hjemmet verið þýddar og gefnar út í sjö löndum
til þessa.
Ráðgert er að fyrstu tvær bæk-
urnar í hinum nýja bókaflokki verði
sendar klúbbfélögum um miðjan
mars. Bækur þessar eru annars veg-
ar Fiskur og skelfiskur og hinsvegar
Gerbakstur. Bækurnar verða ekki
seldar í bókabúðum, en sendar
klúbbfélögum með sex vikna milli-
bili. Þýðendur bókanna eru þau
Sverrir Gauti Diego, Bjarni Arn-
grímsson, Sonja Jónsdóttir og Ingi
Karl Jóhannesson, sem verður aðal-
þýðandi Hjálparkokksins.
Matarbókalúbburinn er aðskilinn
frá bókaklúbbi AB, sem starfræktur
hefur verið í tíu ár. Reglur bóka-
klúbbanna tveggja eru samskonar;
inngöngugjald, félagsgjald eða ár-
gjald er ekkert, en félagar fá senda
hverja bók, ásamt gíróseðli. Heimilt
er að hafa bækurnar í 14 daga,
kynna sér efnið og ákveða hvort
bókinni verður haldið eður ei. Má
endursenda bókina til MAB á kostn-
að klúbbsins svo framarlega sem
ekki sjái á henni og um hana sé búið
í upprunalegum umbúðum.
Islenska útgáfa bókanna er prent-
uð og bundin inn í Hollandi af Royal
Smeets, en setningu annaðist
Prentstofa G. Benediktssonar.
Framkvæmdastjóri Almenna bóka-
félagsins er Kristján Jóhannsson og
framkvæmdastjóri Bókaklúbbs AB
er Anton Örn Kærnested.
Ritstjórar Hjálparkokksins, 40 matreiðslubóka sem gefnar verða út í MAB, þeir Úlfar Eysteinsson (t.v.) og Sigurður
Sumarliðason við hlið hans ásamt lærlingum. Myndin er tekin í veitingastaðnum Potturinn og pannan, þar sem þeir
Úlfar og Sigurður eru matreiðslumelstarar, en nýlega var haldin þar kynning á MAB og framreiddur matur
samkvæmt uppskriftum úr Hjálparkokksbókum. Ljósm. Mbl./KÖE.
ERTU AÐ BYGGJA - VILTU BREYTA - ÞARFTU AÐ BÆTA - ERTU AÐ BYGGJA - VILTU BREYTA -
KREDITKORT
(W\
KUBOCARO I’
Hefur þú kynnt þér
greiðsluskilmála
okkar?
Opiö til 7 á föstudögum
og til hádegis laugardag.
UTAVER AUGLÝSIR
NÚ ERUM VIÐ RÚNIR AÐ BREYTA 0G BÆTA
NÝJA 0G GLÆSILEGA MÁLNINGARVÖRUDEILD
VERIÐ ÁVALLT VELK0MIN
Málningartegundir:
• Hörpusilki
• Pólytex
• Kópal
• Vítretex
• Spred-satín
• Nordsjö
TJ
>
J0
c
>
o
00
—I
>
m
JO
—i
c
>
o
00
-<
Q
Q
c_
>
<
C
AÐ BYGGJA - VILTU BREYTA - ÞARFTU AÐ BÆTA - ERTU AÐ BYGGJA - VILTU BREYTA -
Austur-Barða-
strandarsýsla:
Síðasta meira-
prófsnámskeið-
ið eftir gömlu
reglunni
MiðhÚHum í Austur-BarðaHtrandarsýslu,
1. febrúar 1984.
SAMKVÆMT upplýsingum frá
Ebeneser Jenssyni er meiraprófs-
námskeið nú haldið hér á Reyk-
hólum. Þátttakendur eru þrjátiu
og einn, þar af níu konur. Kennar-
ar eru Kristján Þór Kristjánsson,
Reykhólum, Ingibjörg Kristjáns-
dóttir, Garpsdal, og Gunnar Jóns-
son, Reykjavík.
Það, sem athygli vekur, er að
flestir þátttakenda eru úr
Reykhólasveit og Geiradal og
lætur nærri að það sé um tíundi
hver íbúi þar á þessu námskeiði.
Þetta mun vera síðasta meira-
prófsnámskeiðið eftir gömlu
reglunni.
— Sveinn