Morgunblaðið - 27.07.1980, Blaðsíða 44

44
MORGUNBLAÐIÐ, SUNNUDAGUR 27. JÚLÍ 1980
MK> '£?
MORÖdk-l®
KAFFINU 11 j
flöfl&T
ræð alltaf heldur lágvaxna
þjóna. þvi þá sýnist gestunum
maturinn vera betur útilátinn!
Segðu mér kunningi: Ef konan
þin hvarf að heiman fyrir nokkr-
um dogum. þvi ertu að koma og
tilkynna það nú?
mwmm
Hvar eru miklu
skattfríðindin?
BRIDGE
Umsjón: Páll Bergsson
Það er ekki svo sjaldan, sem
sagnir hafa áhrif á val sagnhafa i
úrspili. Og hætt er við, að spilið i
dag hefði tapast, ef austur hefði
ekki verið svo óheppinn að hafa
gefið, en allir voru utan hættu.
Norður
S. KD87
H. D83
T. D62
L. Á102
Vestur
G 9
H. G742
T. G98753
L. 86
Austur
S. 54
H. K106
T. ÁK4
L. KG974
Suður
S. ÁG10963
H. Á95
T. 10
L. D53
Suður varð sagnhafi í 4 spöðum
eftir að austur hafði opnað á 1
laufi. Og út kom laufáttan.
Fyrsta slaginn tók sagnhafi í
blindum með ás, því eftir lauf-
sögnina var ekki útilokað, að áttan
væri einspil. Því næst tók hann
tvo siagi á tromp og spilaði lágu
laufi að drottningunni. Austur tók
með kóng og spilaði aftur laufi.
Ekki var suður í vafa um, að
austur ætti hjartakónginn og datt
því ekki í hug að spila lágu hjarta
á drottninguna. Hann undirbjó
því einangrun hjartalitarins með
þvi að spila tíglinum frá hendinni.
Vörnin spilaði aftur tígli, sem
suður trompaði. Síðan spilaði
hann sig inn á blindan á tromp og
trompaði aftur tígul.
Þar með átti hann eingöngu
hjörtu og tromp eftir og spilaði
lágu hjarta frá hendinni. Hann
ætlaði auðvitað að láta áttuna frá
blindum svo austur festist inni og
yrði að spila sér í óhag. Annað-
hvort hjarta frá kóngnum eða
laufi út í tvöfalda eyðu.
En þessa laglegu fyrirætlan
eyðilagði vestur þegar hann lét
gosann. Hann ætlaði sko ekki að
dæma makker sinn til að spila frá
hjartakóngnum. En sagnhafi dó
ekki ráðalaus. Austur verður bara
að eiga tíuna líka, hugsaði suður
um leið og hann lagði drottning-
una á gosann. Og honum varð að
ósk sinni. Næst varð austur að
gefa tíuna í slaginn. Unnið spil.
Og eins og sjá má var mun
sennilegra að spilið hefði tapast ef
austur hefði ekki þurft að segja
frá hver ætti háspilin, sem vant-
aði.
COSPER
— Ég er orðinn þulur hjá Sjónvarpinu.
Reykvíkingur skrifar Velvak-
anda pistil sem birtist 24. júlí.
Víkur hann þar lauslega að ýmsu
og langar mig að ræða þrjú atriði
þess ofurlítið nánar við hann.
• Skattfríðindi
Fyrst langar mig að sjá hann
tilgreina hver eru hin „miklu“ og
alþekktu skattfríðindi samvinnu-
félaga? Hvar eru þau ákvæði sem
maðurinn á við? Ég er svo fávís að
ég þekki þau ekki. Grunar mig að
svo sé um fleiri en mig.
• Iðnaðarvörur
á Akureyri
Mér finnst eðlilegt að verzlan-
ir á Akureyri selji einkum iðnað-
arvörur sem þar eru unnar. Hefur
Reykvíkingur hugmynd um hvað
það kostar að flytja vörur milli
Reykjavíkur og Ákureyrar? Veit
hann að flutningsgjald er kr. 36.55
á kg? Finnst mönnum þá furða þó
að verzlanir selji fremur þær
vörur sem þær fá þar, en aðrar
samskonar sem kaupa yrði flutn-
ing undir? Hefur Reykvíkingur
einhver vottorð sem sanna að
þvottaefnin og pylsurnar að sunn-
an séu betri?
• Vægi atkvæða
Reykvíkingur talar um fimm-
faldan atkvæðisrétt. Fyrst skal
honum bent á að ekki munar
miklu á atkvæðamagni milli
flokka bak við hvern þingmann.
Hins vegar er því hagað svo, að
frambjóðendur úr fámennum
kjördæmum fá þingsæti til jöfn-
unar milli flokka.
Hvað segir Reykvíkingur um
þau lög Bandarikjamanna að
hvert ríki eigi tvo fulltrúa í
öldungadeild sambandsþingsins?
Þar er vægi atkvæða misjafnt svo
að nærri lagi væri að tala um
þrítugfaldan mun en fimmfaldan.
Þetta þykir eðlilegt af því að litið
er á fylgi sem sérstakar einingar
Ný plata með Pálma Gunnarssyni
— Ný hljómsveit í kjölfarið
HUÓMPLÖTUÚTGÁFAN
hf. hefur nýverið sent frá
sér íyrstu sólóplötu Pálma
Gunnarssonar og ber hún
nafnið „Hvers vegna varst’
ekki kyrr?“
Margir af þekktustu hljóð-
færaleikurum landsins að-
stoðuðu Pálma við gerð plöt-
unnar. Magnús Kjartansson
lék á hljómborð, stjórnaði
upptökum og samdi nokkur
lög, Karl Sighvatsson og Pét-
ur Hjaltested léku auk þess á
hljómborð, Tryggvi Hiibner,
Björgvin Halldórsson og
Friðrik Karlsson önnuðust
gítarleik, Sigurður Karlsson
og Jeff Seopardi sáu um
trommuspil og Kristinn
Svavarsson blés í saxófón.
Pálmi leikur sjálfur á bassa í
öllum lögunum og útsetn-
ingar fyrir strengi gerði Jón
Sigurðsson.
Titillag plötunnar, Hvers
vegna varst’ ekki kyrr?,
samdi Jóhann G. Jóhanns-
son. Magnús Eiríksson samdi
eitt lag plötunnar. Magnús
Kjartansson á þrjú, þar á
meðal lagið Andartak úr
kvikmyndinni Veiðiferð. Þá
syngur Pálmi tvö lög, sem
Arnar Sigurbjörnsson samdi
við ljóð eftir Davíð Stefáns-
son og Vilhjálm frá Skál-
holti. Jeff Seopardi tromm-

Pálmi Gunnarsson og hin nýstofnaða hljómsveit hans, Friðryk.
uleikari er skrifaður fyrir
þremur lögum og Ragnhildur
Gísladóttir söngkona fyrir
einu. Eitt lagið er erlent, She
Believes In Me. íslenzkur
texti Halldórs Gunnarssonar
við það nefnist Hún hefur
trú á mér. — Halldór á alls
sex texta á plötunni. Aðrir
textahöfundar plötunnar eru
Jóhann G. Jóhannsson,
Magnús Eiríksson, Magnús
Kjartansson og Andrés Ind-
riðason.
Hugmyndina að hönnun
plötuumslagsins átti Björg-
vin Halldórsson, en ljós-
myndina tók Loftur Ás-
geirsson. Pétur Halldórsson
sá um leturgerð og Prisma
annaðist filmuvinnu, lit-
greiningu og prentun.
Pálmi Gunnarsson hefur
nú nýverið stofnað sína eigin
hljómsveit, Friðryk og Pálmi
Gunnarsson. Auk Pálma eru
meðlimir: Sigurður Karlsson,
Pétur Hjaltested, Lárus
Grímsson og Tryggvi Hiibn-
er.