Morgunblaðið - 27.07.1980, Blaðsíða 16

16
MORGUNBLAÐIÐ, SUNNUDAGUR 27. JÚLÍ1980
Brian Holt og Guðrún Friðriksdóttir ásamt Elisabethu, sonardóttur þeirra, fyrir framan Hafliðahús, Suðurgötu 6.
Ljósmyndir Mbl.: Emilia
HAFLIÐAHÚS —
SUÐURGATA6
Brian Holt, ræðismaður Bretlands á íslandi var í
garðinum ásamt lítilli sonardóttur sinni þegar
blaðamaður gekk í hlaðið að Suðurgötu 6, —
„Hafliðahúsi“. Það stafaði sérkennilegri birtu frá
Hafliðahúsi. Veðrið var eins og það gerist bezt í
Reykjavík þennan föstudagsmorgun. Sólin hellti
geislum sínum yfir borgarbúa og litla húsið við
Suðurgötuna endurspeglaði fegurð morgunsins.
Skjannahvítt húsið eins og brosti í morgunsólinni
og tinnusvart þakið gleypti sólargeislana í sig.
Hlýjan skein úr litlum gluggunum og vel hirtur
garðurinn undirstrikaði fegurð og „sjarma“ þessa
litla húss við Suðurgötuna. Hafliðahús er eitt af
elztu húsum Reykjavíkur. Það var byggt árið 1848
og er því liðlega 130 ára gamalt, tvílyft. Á efri
hæðinni eru 6 herbergi, mörg undir súð. Á hæðinni
eru 3 herbergi, stofa og setustofa. Inn af
skúrbyggingu á vestanverðu húsinu þar sem nú er
gengið inn er forstofa. Inn af henni er lítil forstofa
og þaðan er gengið inn í eldhús og borðstofuna.
Hafliðahús var eins og áður sagði byggt 1848 — þá
hlaðið að dönskum hætti. Um miðja þessa öld var
byggt við húsið og þá steypt. Útveggir eru því
hlaðnir og steyptir og gólf eru úr viði. Séð frá
Suðurgötunni virðist Hafliðahús lítið en viðbygg-
ingin á vestanverðu húsinu stækkaði það verulega
og því má segja að það leyni verulega á sér.
Brian og Guðrún fyrir framan innganginn.