Morgunblaðið - 27.07.1980, Blaðsíða 20
20
MORGUNBLAÐIÐ, SUNNUDAGUR 27. JÚLÍ 1980
Hér sjást nokkrar te«undir af litlum garðáhöldum. Hvert áhald
kostar 2— 3.000 krónur.
Tvær tegundir mótorknúinna sláttuvéla. Sú til hægri hefur það fram
yfir hina að drifa sig áfram sjálf. Tæki þau sem maðurinn heldur á eru
svokailaðar kantsláttuvélar. Myndir Emtiia.
Sett af garðvinnsluáhöld-
um kostar 300—400 þúsund
- þar með talin
mótorknúin
sláttuvél
Með sumrinu og vexti gróðurs
fá garðeigendur nóg að gera og
áhugamenn um garðrækt kunna
sér ekki læti þegar vel viðrar.
Garðana þarf að snyrta og hirða
á alla lund og til þess þarf
ýmiskonar tæki og tól. Daglegt
líf leit inn hjá Gunnari Ásgeirs-
syni og skoðaði þar nokkur
garðvinnsluáhöld. Sögðu af-
greiðslumenn þar að mikil sala
hefði verið í áhöldunum það sem
af er þessu sumri og hún hafist
mun fyrr en venjulega.
Þrjár tegundir af sláttuvélum
eru til í versluninni, handsláttu-
vél á 56.500 krónur, sláttuvél
með bensínmótor á 209.500 og
sláttuvél með bensínmótor og
fjórgengisvél sem drífur sig
áfram sjálf á 318.000 krónur.
Tvær tegundií eru til af kant-
sláttuvélum sem geta verið
þægilegar þar sem erfitt er að
koma við stórum sláttuvélum
svo sem milli hellna eða trjáa.
Önnur tegundin kostar 59.400 en
hin 50.000 krónur. Þær eru báðar
hlaðnar með rafmagni og ganga
í um það bil 50 mínútur eftir
hverja hleðslu.
Þá eru til hekkklippur sem
nota má bæði sem kantsláttuvél-
ar og til að klippa hekk. Settið
kostar 69.000 krónur.
En það er ekki nóg að slá og
klippa grasið, það þarf líka að
raka það saman og snyrta í
kring. Gott sett af hrífum, sköf-
um og öðru slíku kostar 15—
20.000 krónur. Hvert áhald kost-
ar 2—3.000 krónur.
Grasklippur eru handhægar
til að klippa gras upp við hús-
veggi og kringum blóm. Þær
kosta allt að 17.200 krónum.
Trjáklippur eru til á 22.200 og
13.500 krónur og rósaskæri á
3.400 krónur.
Þegar þurrt er þarf að vökva
gróðurinn og hjá Gunnari Ás-
geirssyni fást þrjár tegundir af
úðurum. Sá stærsti snýst í
hringi og getur vökva 6000 m2
lands í einu. Hann kostar 14.000
krónur. Tveir minni fást einnig á
7.000 og 7.700 krónur. Við úðar-
ana þarf slöngur en metrinn af
þeim kostar 330 krónur. Til eru
einnig tengi til að festa tvær eða
fleiri slöngur saman og einnig til
að festa þær við úðara. Tengin
eru mjög mismunandi að gerð og
kosta frá 800 krónum upp í 2.000
krónur.
Þá er einnig handhægt að hafa
brúsa til að úða á blóm og minni
tré. Einfaldur brúsi, eins og þeir
sem notaði eru á hárgreiðslu-
stofum, kostar 3.300 krónur. Til
eru tvær tegundir stærri brúsa í
versluninni og kosta þeir 10.800
og 24.900. Sá dýrari er einkum
ætlaður til að sprauta eitri en sá
ódýrari er með þrýstilofti.
Að lokum skal þess getið að
ekki skaðar það að hafa hanska
á höndunum þegar farið er út í
garðinn. Til eru hanskar sér-
staklega framleiddir fyrir garð-
vinnu og kosta þeir 2.830 krónur
stykkið.
Meðalverð um
350.000 krónur
En hvað kostar þá að koma sér
upp setti af garðvinnslutækjum?
Ef farinn er meðalvegurinn hvað
verðið snertir kostar settið 359.730
krónur. Þá er keypt sláttuvél á
209.500 krónur, hekkklippa á
69.000, sett af litlum garðáhöldum
á 20.000, grasklippur á 17.200,
trjáklippur á 13.500, garðúðari á
7.000, úðunarbrúsi á 10.800, hansk-
ar á 2.830 og 30 metrar af slöngu á
9.900 krónur.
1 efstu hillunni eru nokkrar tegundir af úðurum. Til hægri eru
garðúðarar en til vinstri eru úðunarbrúsar fyrir blóm og minni tré.
Gott getur verið að hafa við hendina tengi til að festa saman siöngur.