Morgunblaðið - 11.12.1979, Blaðsíða 39
MORGUNBLAÐIÐ, ÞRIÐJUDAGUR 11. DESEMBER 1979
39
Ég öfunda fólk, sem hefur persónutöfra, til að bera, því að
mig vantar þá. Gefið mér góð ráð til að öðlast „persónu-
leika“.
Ég er ekki sálfræðingur, en ég get nefnt eitt og^
annað, sem ég hef veitt athygli meðal þeirra, er hafa
eitthvað mikið við sig.
Fyrst og fremst er slíkur maður eðlilegur. Hanri er
ekki bældur, heldur frjálslegur, óþvingaður. Maður
eins og þér getur verið svo sjálfhverfur, að hann
verður óeðlilegur. Verið þér sjálfur. Verið eðlilegur.
Reynið ekki að vera einhver, sem þér eruð ekki. Guð
skapaði aðeins einn mann nákvæmlega eins og yður.
'Þér skulið því vera sá maður.
í annan stað: Hleypið engu því inn í líf yðar, sem
þér þurfið að fela. Það er hryggilegt, þegar ungt fólk
þarf að hylja verk sín.
Ekkert er persónuleikanum eins mikil hindrun og
sektin. Margt æskufólk er orðið aldrað hennar vegna.
Það er ungt að árum, en gamalt að reynslu, gamalt, af
því að samvizku þess hefur verið misboðið. Varðveitið
yður ungan. Varðveitið sakleysi yðar. Varðveitið
hugsjónir yðar. Þá verðið þér brosmildur, og hjarta
yðar verður ungt.
í þriðja lagi: Ef sekt hvílir á yður, þá minnizt þess,
sem Guð hefur sagt: „Þó að syndir yðar séu sem
skarlat, skulu þær verða hvítar sem mjöir. (Jes. 1).
Kveðja:
Sigríður Erna
Ástþórsdóttir
Frábærar barna-
og unglingabækur
þú gelur bókað það
Fædd 18. september 1924.
Látin 11. nóvember 1979.
Aðeins nokkrar línur, því varla
er að búast við öðru en að mann
hreinlega setji hljóðan, þegar til
eyrna berst sorgarfregn eins og
sú, að Sirrí Ástþórsdóttir frá Sóla
í Vestmannaeyjum sé látin. Sig-
ríður Erna, eins og hún hét fullu
nafni, var dóttir þeirra heiðurs-
hjóna Sísíar og Ástþórs Matthías-
sonar lögfræðings frá Vestmanna-
eyjum. Sirrí ólst upp hjá ástkær-
um foreldrum á yndislegu heimili
í skemmtilegum systkinahóp.
Þessi barnahópur með Sirrí í
fararbroddi ásamt foreldrum setti
svo sannarlega svip á Vestmanna-
eyjabæ. Við Sirrí áttum svo ótal
mörg og skemmtileg ár saman
sem börn og ungar stúlkur í
Vestmannaeyjum.
Sirrí var svo sannarlega vinsæl
og í vinahópi svo skemmtileg að ég
held að sá maður sem ekki gat
tekið gleði sína þar sem Sirrí var
hafi verið eitthvað meira en lítið
miður sín.
Heima á Sóla hjá Sísí og
Ástþóri átti ég margar ánægju-
stundir með Sirrí og þær góðu
stundir geymast en gleymast ekki.
Öll þau fallegu jól sem þau héldu
voru stórkostleg, falleg og glöð, og
þar var trúin og kærleikurinn í
sambandi við jólahald á því heim-
ili, og var þar húsbóndinn Ástþór
Matthíasson vel á verði. Ég man
að einu sinni sem oftar langaði
okkur krakkana til að spila á spil
á aðfangadagskvöld, en þá sagði
pabbi Sirríar: „Nei, nei, þið megið
ekki spila á spil fyrr en jólanóttin
er liðin, en þið megið leika ykkur
um allt hús.“ Og það var gert. Það
var fastur vani hjá okkur Sirrí að
skiptast á gjöfum bæði á jólum og
afmælum og það var nokkuð sem
maður gleymir ekki, öll afmælin
og allir krakkarnir.
Sirrí var alltaf eftirsótt sem
barn, ung stúlka og fullorðin. Og
ekki skemmdi Ragnar það. Hún
var afar tilfinninganæm, mátti
ekki bágt sjá, þá vildi hún rétta
hjálparhönd, sem hún oft gerði,
bæði fyrr og nú. Sirrí vann lengi í
apótekinu í Vestmannaeyjum hjá
frú Aase og Jóhannesi Sigfússyni
og eins og aðrir sem þar unnu,
fékk Sirrí gott vegarnesti. Síðan
færði hún sig um set, eða í næsta
hús og starfaði sem símamær á
símstöðinni í Eyjum. Hjá Þórhalli
Gunnlaugssyni vann hún í langan
tíma, eða þar til hún giftist
eftirlifandi manni sínum Ragnari
Stefánssyni ættuðum frá Dalvík.
Mér er minnisstætt er Ragnar
kom ungur maður til Eyja. Marg-
ar vildu meyjarnar manninn fá, en
hann var ekki falur. Hann sá Sirrí
og þótti engum mikið, því að hún
var ung og glæsileg. Gaman var að
sitja brúðkaup þeirra á hinu
fallega heimili foreldra Sirríar að
Sóla.
Þar voru samankomnir vinir,
ættingjar og kunningjar. Tíminn
leið sem fyrr og allt lék í lyndi.
Þessi glæsilegu hjón eignuðust
fjögur mannvænleg börn og nú
eru þau öll farin úr foreldrahúsum
og eiga sín eigin heimili. En þó að
börnin færu að búa, þá var alltaf
athvarf hjá mömmu og pabba á
Fjólugötu 21 í Reykjavík.
Einn var sá leikur sem við
iðkuðum mikið í gamla daga og
höfðum gaman af. Við nefndum
hann að segja málshætti. Einn var
sá sem oft var sagður, eða:
„Tíminn segir flýttu þér.“ Og það
á svo sannarlega við í dag, því að
allt og allir eru að flýta sér, líka
maðurinn með ljáinn, eða það'
finnst mér að minnsta kosti, fyrst
hann þurfti endilega að koma við
á Fjólugötunni hjá Sirrí og Ragii-
ari. Sirrí starfaði síðastliðin ár við
símavörslu í Alþingishúsinu og
var í hávegum höfð.
Sirrí hafði góðan smekk, enda
átti hún ekki langt að sækja það,
móðir hennar, hún Sísí Matthías-
son, er listakona.
Mér gleymast ekki gullfallegu
myndirnar sem Sísí málaði á
silkið forðum daga, en það er nú
önnur saga. Það er aðeins tæpur
mánuður síðan við Sirrí hittumst,
og að vanda var drepið á gamla
góða daga.
Ákveðið var að hittast fljótlega,
en hér á jörðu er það of seint
núna. Enginn ræður sínum nætur-
stað.
Hafi Sirrí þökk fyrir allt og Guð
geymi hana alla tíð. Ragnari og
börnunum sendum við hugheilar
samúðarkveðjur. Sísí minni og
systkinum Sirríar og öðrum
vandamönnum sendum við einnig
okkar samúðar- og vinarkveðjur
og biðjum þeim öllum blessunar í
þeirra djúpu sorg.
Sigríður Bjarnadóttir
og fjölskylda.
Andrés Indriöason:
Lyklabarn
Verðlaunabókin í
Máls og menningar. Hér er sagt frá Dísu,
sem flyst í nýtt og hálfbyggt hverfi með
foreldrum sínum og litla bróður. Hún er
einmana í fyrstu, en smám saman
stækkar kunningjahópurinn og Dísa fer
að kunna vel við sig. En það fer margt
öðru vísi en krakkar vilja. Þessi saga
segir líka frá því.
Verð kr. 5.490. Félagsverð kr. 4.665.
Bráðskemmtileg barnasaga eftir höfund
bókanna um Húgó og Josefínu. í þessari
bók er sagt frá ungri stulku. Júlíu, sem
eignast náttpabba, sem gætir hennar á
meðan mamma er í vinnunni. Náttpabb-
inn á ugluna Smuglu, og uglur vaka á
næturnar... Þýðandi Vilborg Dag-
bjartsdóttir.
Verð kr. 4.940. Félagsverð kr. 4.210.
Gullfalleg myndabók fyrir yngri börnin.
Sagan um Lottu litlu sem getur allt —
nema renna sér í svigi á skíðum. Og
þegar öll jolatre í bænum eru uppseld
tekur hún til sinna ráða. Þýðandi Ást-
hildur Egilson.
Verð kr. 3.295. Félagsverð kr. 2.800.
Önnur bókin um hinn óforbetranlega
Emil í Kattholti. Þegar þessi bók hefst
hefur Emil tálgað 99 spýtukarla í
skammarkróknum, en þegar henni lýkur
eru þeir orðnir 125. Þýðandi Vilborg Dag-
bjartsdóttir.
Verð kr. 5.000. Félagsverð kr. 4.250.
Mál og menning
Ármann Kr. Einarsson
Mamma 1 uppsveiflu
Nýi strákurinn í 6. bekk H. B., Geiri, er
söguhetjan í þessari bók ásamt fjöl-
mörgum dugmiklum bekkjarfélögum
sínum. Krakkarnir innrétta gamalt
pakkhús og hyggjast hefja leiksýningar
til styrktar heyrnardaufri bekkjarsystur
sinni. En einmitt þegar frumsýning er í
nánd fer mamma Geira „í uppsveiflu"
og hætta er á að öll fyrirhöfnin sé til
einskis.
Verð kr. 5.310. Félagsverð kr. 4.515.
Maria Gripe:
Náttpabbi
Astrid Lindgren:
A Saltkráku
Sagan um fjölskylduna sem leigir sér
ókunnugt hús á ókunnri eyju og lendir
þar í ótal ævintýrum. Eftir þessari bók
hafa verið sýndir mjög vinsælir sjón-
varpsþættir. Þýðandi Silja Aðalsteins-
dóttir.
Verð kr. 5.490. Félagsverð kr. 4.665.
Astrid Lindgren:
Víst kann Lotta
næstum allt
Falleg og athyglisverð unglingasaga,
þriðja og síðasta bókin um vandræða-
gripinn og hæfileikamanninn Patrick
Pennington. í upphafi bókarinnar situr
hann í fangelsi fyrir að ráðast á lög-
regluþjón við skyldustörf. Þýðandi Silja
Aðalsteinsdóttir.
Verð kr. 5.915. félagsverð kr. 5.025.
Astrid Lindgren:
Ný skammarstrik
Emils í Kattholti
Afmœlis-
ogminning-
argreinar
ATHYGLI skal vakin á því, að
afmælis- og minningargreinar
verða að berast blaðinu með
góðum fyrirvara. Þannig
verður grein, sem birtast á í
miðvikudagsblaði, að berast í
síðasta lagi fyrir hádegi á
mánudag og hliðstætt með
greinar aðra daga. Greinar
mega ekki vera í sendibréfs-
formi. Þess skal einnig getið
af marggefnu tilefni að frum-
ort ljóð um hinn látna eru
ekki birt á minningarorðasið-
um Morgunblaðsins. Handrit
þurfa að vera vélrituð og með
góðu línubili.