Morgunblaðið - 11.12.1979, Blaðsíða 8
8
MORGUNBLAÐIÐ, ÞRIÐJUDAGUR 11. DESEMBER 1979
Torfi
Ólafsson:
Nýskeð komu að máli við mig
tveir félagar í Indlandsvina-
samtökunum sem hér starfa.
Þeir höfðu þá fyrir nokkru horft
á kvikmynd frá Indlandi, er lýsti
hörmungum þeim, sem umkomu-
laust fólk á við að búa þar í
landi, ekki hvað síst í Kalkútta,
þar sem Móðir Teresa hóf líkn-
arstarf sitt. Menn þessir leituðu
fundar við mig af því að þeir
vissu að ég hef síðan 1975 annast
fjársöfnun fyrir hönd kaþólsku
kirkjunnar á íslandi til starfs
Móður Teresu, tekið á móti
söfnunarfé og sent það til eins af
klaustrum reglu hennar, Kær-
leikstrúboðanna, sem er í Lond-
on. Systurnar þar senda síðan fé
til Indlands eða hvers þess
staðar sem gefendurnir óska, því
að reglan starfar nú í 70 löndum
og hús systranna eru orðin 143
að tölu.
Opnaður hefði verið gíróreikn-
ingur til þess að auðvelda fólki
að koma gjöfum sínum áleiðis til
Móður Teresu og er því söfnun
þessi þegar hafin. Númer gíró-
reikningsins er 23900-3 og inn á
hann geta menn lagt framlög sín
á bönkum og pósthúsum, hvar
sem er á landinu. Enda þótt til
þessarar söfnunar sé efnt nú,
rétt fyrir jólin, er til þess ætlast
Söfnun handa Móður Tereseu
Móðir Teresa var suður á Ítalíu í marzmánuði síðstl. Var henni þar
margvíslegur sómi sýndur, að sjálfsögðu. — Hér er hún ásamt
forseta Ítalíu, Pertini forseta.
Opnaður hefur verið gíróreikningur
að henni verði haldið áfram ár
eftir ár því þörfin er mikil. En
þar sem títt er að fólk sýni
sérstakt örlæti fyrir jólin, er
ekki úr vegi að benda því á,
hvort við í allsnægtum hér
gætum ekki hugsað okkur að
miðla hungruðum bræðrum okk-
ar og systrum af gnótt okkar, því
að í samanburði við það ólýsan-
lega hungur og eymd sem land-
lægt er austur þar, höfum við
fullar hendur fjár.
Þar sem Móðir Teresa er í
Osló þessa dagana, til þess að
taka á móti friðarverðlaunum
Nobels, skal ferill hennar rifj-
aður upp hér í stuttu máli.
Móðir Teresa fæddist í Skopje
í Júgóslavíu 27. ágúst 1910.
Foreldrar hennar voru af alb-
önskum ættum. Þegar hún var
18 ára gömul, gekk hún í reglu
Loreto-systra, sem meðal annars
reka skóla í Kalkútta. Við þann
skóla var hún kennari en henni
rann svo til rifja eymd sú og
örbirgð, sem hvarvetna blasti
við henni þar, ef hún kom út úr
húsi, að hún gat ekki varið það
fyrir samvisku sinni að búa við
öryggi og góð lífsskilyrði í
klaustrinu, meðan fólk svalt til
bana á strætum úti, veslaðist
upp úr holdsveiki, börn flæktust
um á vergangi og nýfæddum
börnum var jafnvel fleygt á
sorphauga.
Hún ákvað því að byrja nýtt
Iíf, hún sótti um lausn úr reglu
sinni. hélt út á strætin með tvær
hendur tómar og hóf björgunar-
starf sitt. Ekki leið á löngu
þangað til henni bættist liðsauki
og 1950 stofnaði hún reglu sína,
Kærleikstrúboðana. Systurnar
unnu sleitulaust, björguðu börn-
um, líknuðu sjúkum og söfnuðu
deyjandi vesalingum undir þak,
til þess að þetta fólk fengi að
minnsta kosti að deyja í skjóli
vina, sem það hafði ef til vill
farið með öllu á mis við á
þyrnibraut sinni. Og blessun
Guðs fylgdi starfi Móður Teresu
og systranna hennar, sem auðn-
aðist að færa út kvíarnar ár frá
ári, eins og fyrr var að vikið.
Þegar hún var eitt sinn spurð,
hvort ekki væri eðlilegra að
ríkisvaldið hefði forsjá fátækra
og sjúkra með höndum, svaraði
hún því til að það væri auðvitað
gott og rétt, „en það er bara
annað sem við erum að gera“,
svaraði hún. „Við erum að sýna
kristilegan kærleika í verki".
Skilningur Móðir Teresu á
mönnunum er nefnilega hinn
sígildi, kristni skilningur, að
allir menn séu eitt með Kristi,
einn líkami; Vínviður og grein,
og þegar við líknum sjúkum,
séum við að líkna Kristi, og
þegar við gefum hungruðu barni
að borða, séum við að seðja
barnið okkar, bróður okkar eða
systur, því að við erum öll eitt.
Bræðraregla Kærleikstrúboð-
anna var síðan stofnuð 1963 og
1969 voru stofnuð „Alþjóðasam-
tök Samverkamanna Móður Ter-
esu“. í þeim samtökum er fólk af
hvaða trúarbrögðum sem er og
þess eins er krafist af því að það
kappkosti að lifa í anda Móður
Teresu. Hún minnir á að þótt
lofsvert sé að safna fé handa
fátæku og sjúku fólki, sé hitt
ekki síður nauðsynlegt, að sýna
einmana fólki, sjúklingum og
gamalmennum þann kærleika
sem það þráir svo mjög og það er
fætt til að njóta.
Það er safnað fé til starfa
Móður Teresu um víða veröld og
ef nógu margar hendur yrðu
lagðar að því starfi, væri hægt
að vinna stórvirki. íslendingar
hafa þegar sýnt hug sinn til
Móður Teresu og starfs hennar
með gjöfum og þeir halda því
eflaust áfram. Þess vegna hefur
þessi gíróreikningur verið opn-
aður, númer 23900-3, til þess að
auðvelda fólki að leggja eitthvað
af mörkum, til líknar sjúku fólki
og deyjandi.
í bæklingnum um Móður Ter-
esu, sem út kom 1975, segir
meðal annars svo: „ ... að líkna
gömlu og hrjáðu höfði, að þrýsta
stúfana, sem eitt sinn voru
hendur, að vefja að sér börnum,
sem kastað var í ruslatunnurn-
ar, af því að það er höfuðið hans,
handastúfarnir hans og börnin
hans sem sagði, að hver sem
tæki á móti einu slíku barni í
hans nafni, tæki á móti sér —
það er hvorki meira né minna en
höfuðatriði og leyndardómur
hinnar kristnu trúar".
Kirkjukór Húsavíkur:
Flutti kantötu eft
ir Olöfu
HúsaviK, 8. des.
KIRKJUKÓR Húsavíkur
minntist í gær 100. ártíðar
Jóns Sigurðssonar forseta.
Kórinn flutti eingöngu kirkju-
lega tónlist undir stjórn Sig-
ríðar Schiöth og með undirleik
Bjargar Friðriksdóttur.
Finsen
Katrínar Sigurðardóttur og
Bretanna David Roscol og
Peter Gyles, sem eru kennarar
hér við Tónlistarskólann.
Einsöngvarar voru Emilía
Friðriksdóttir, Katrín Sigurð-
ardóttir, Hólmfríður Bene-
diktsdóttir. Friðrik Jónasson
og Ingvar Þórarinsson. Minn-
ingarræðu um forsetann flutti
Sigurjón Jóhannesson skóla-
stjóri og á eftir ræðu hans
flutti kórinn kantötu eftir
Ólöfu Finsen landshöfðingja-
frú við texta eftir Matthías
Jochumsson, en kantata þessi
var frumflutt við útför forset-
ans enda samin í tilefni henn-
ar. Þessari virðulegu og eftir-
minnilegu athöfn lauk svo með
því að kirkjukórinn flutti með
aðstoð barnakórs Halelújakór-
inn úr Messíasi eftir Hándel.
Fréttaritari
Lokabindi „Sögu
frá Skagfirðingum44
ÚT ER komið á vegum IÐUNNAR
fjórða og síðasta bindi af Sögu frá
Skagfirðingum eftir Jón Espólín
og Einar Bjarnason. Það er heim-
ildarrit í árbókarformi um tíðindi,
menn og aldarhátt í Skagafirði
1685—1847, en jafnframt nær
frásögnin í og með til annarra
héraða, einkum á Norðurlandi.
Jón Espólín sýslumaður er höf-
undur verksins allt fram til ársins
1835, en síðan Einar Bjarnason
fræðimaður á Mælifelli.
Fjórða og síðasta bindið tekur
yfir árin 1842—47. Aftan við
textann eru athugasemdir og
skýringar sem Kristmundur
Bjarnason hefur tekið saman, svo
og grein eftir Hannes Pétursson
þar sem leidd eru rök að því að
Einar Bjarnason hafi haldið
áfram ritun sögunnar að Espólín
látnum, en ekki Gísli Konráðsson
eins og lengi var talið.
Meðal nafnkenndra manna sem
frá er sagt í fjórða bindi er Sölvi
Helgason, og mun ekki annars
staðar að finna eldri frásögn um
hann. Af sögulegum tíðindum má
nefna fyrstu kosningar til alþingis
og útgerð fyrsta þiljuskips í
Skagafirði.
Kristmundur Bjarnason var
frumkvöðull útgáfu á Sögu frá
Skagfirðingum, en auk hans
lögðu hönd að útgáfunni Hannes
Pétursson og Ögmundur Helga-
son. Lokabindið er 192 bls.
Fasteignasalan
Norðurveri Hátúni 4 a
Símar 21870 og 20998
Við Gaukshóla
Falleg 2ja herb. íbúð á 4. haeð.
Frábært útsýni. Laus um ára-
mót.
Viö Hamraborg,
Kópavogi
Falleg 3ja herb. íbúð.
Hilmar Valdimarsson
Fasteignaviðskipti
Jón Bjarnason hrl.
Brynjar Fransson sölustjóri
Heimasímar 53803.
29277
EIGNAVAL
Mosgerði — 3ja herb.
Falleg íbúð í risi. Getur veriö
laus fljótlega. Útb. 14 millj.
Sólvallagata
Mjög góð íbúð á 2. hæð. Nýtt
tvöfalt gler. Nýtt rafmagn. Ný
teppi. Nýjar innréttingar og
tæki á baði og í eldhúsi. Laus
nú þegar. Verð 26 millj.
Grettisgata
Rúmgóð 2ja herb. íbúð. Getur
verið laus strax.
Staðgreiðsla
í boði fyrir 3ja herb. íbúö í
vesturborginni. Æskilegt aö
íbúöin sé með sér inngangi.
50 millj.
er í boðí sem útb. fyrir sér hæö
í Háaleiti, Hvassaleiti, Safamýri
eða nágr. Hæöin þarf aö hafa 4
svefnherb.
EIGNAVAL./»
Miðbæjarmarkaðurinn
Aðalstræti 9
sími: 29277 (3 línur)
QrAtar HaraldMon hrl.
Slgurjón Arl Slgurjónaaon a. 71551
Blarnl Jónaaon a. 20134.
SIMAR 21150-21370
S0LUSTJ LARUS Þ VALDIMARS
L0GM J0H Þ0RÐARS0N HDL
Til sölu og sýnis
Glæsilegt endaraðhús
á vinsælum stað í Kópavogi meö 6 herb. íbúö. Stórum
innbyggöum bílskúr og miklu rými í kjailara. Nánari uppl. á
skrifstofunni.
Lítið einbýlishús — Byggingarlóð
Lítið einbýlishús í austurborginnj hæö og ris á 45 fm.
kjallara. Verö aðeins kr. 25 millj. Útb. aðeins kr. 17 millj.
Við Bogahlíð með bflskúrsrétti
4ra herb. góö íbúö á 3. hæö um 105 fm. í kjallara fylgir
herb. meö snyrtingu.
Höffum kaupendur að:
Stóru einbýlishúsi í borginni eöa nágrenni.
Húseign með a.m.k. tveimur sér hæöum.
Húseign í gamla bænum. Skipti möugleg á úrvals íbúö í
lyftuhúsi viö Espigeröi.
Ennfremur óskast 2ja, 3ja, 4ra og 5 herb. íbúöir í borginni.
Mikil útb. fyrir rétta eign.
Góö 3ja herb. íbúö
óskast í háhýsi.
LAUGAVEG118 SÍMAR 21150-21370
ALMENNA
FASTEIGNAStLAk
I