24 stundir - 02.10.2008, Blaðsíða 22

22 FIMMTUDAGUR 2. OKTÓBER 2008 24stundir
Skólavörðustíg 21 - Sími - 551 4050 - Reykjavík
Gullfalleg
sængurverasett
aldrei meira úrval
Stjórnmál eru list hins mögulega, sagði
Otto von Bismarck, járnkanslarinn þýski
sem svo hefur verið nefndur. Á viðsjárverð-
um tímum í efnahagslífi þurfa þeir sem
standa í brúnni á íslensku þjóðarskútunni
að vera með sterk bein og gæddir mikilli
seiglu og þolgæði. Öðruvísi ná þeir tæpast
mögulegum markmiðum, svo vísað sé til
Bismarcks. Og nú kallar þjóðin eftir stöð-
ugleika og markvissri hagstjórn þannig að
verðbólgan valdi ekki enn meiri búsifjum en
orðið er og vextirnir séu ekki svo háir að af-
borganir af skuldbindingum séu mönnum
myllusteinn um háls. Til mikils er að vinna
og stjórnmálamenn hafa í mörg horn að líta
nú þegar þing er aftur komið saman. Al-
menningur væntir jafnan mikils af þing-
mönnum sínum en væntanlega aldrei jafn
mikils og einmitt nú. sigbogi@simnet.is
Álit: Hvert er brýnasta verkefni stjórnmálamanna á nýhöfnum þingvetri
Halda Íslandi á kortinu
Mikilvægasta verkefni
stjórnmálamanna í dag
er að koma böndum á
efnahagslífið og ná
kjarasamningum á
vinnumarkaði sem öll-
um er sómi að. Í þessu
tvennu þarf ákveðinn milliveg. Áríð-
andi er að ná stöðugleika að nýju, m.a.
svo fólk geti staðið undir lánum sínum
og skuldbindingum.
Þórunn Jóna Hauksdóttir, kennari og
bæjarfulltrúi í Árborg.
Stöðugleiki
Svo sómi sé að
Í mínum huga er allra
þýðingarmest að
stjórnmálamenn haldi
Íslandi á kortinu , svo
við séum ekki bara
taldir veiðimenn á lít-
illi eyju úti í ysta hafi.
Og víst erum við svolítil veiðimanna-
þjóð ennþá, hugsum frekar um skyndi-
gróða en langtímamarkmið. Þessa
gjöldum við oft á tíðum.
Eymundur Magnússon, lífrænn ræktunarbóndi
í Vallanesi á Héraði
Lítil eyja
Langtímamarkmið
HRINGIÐA
lfrettir@24stundir.is a
Ekki velt fyrir mér hvort ég muni
fara í frystihúsið þegar fólk vant-
ar til starfa.
Eftir Sigurð Boga Sævarsson
sigbogi@simnet.is
„Ég finn til sterkrar köllunar og hef
kosið að fylgja kirkjunni og Guði.
Strax þegar ég hóf guðfræðinám
einsetti ég mér að taka embættis-
próf og fara út á akurinn til að
boða fagnaðarerindið,“ segir Aðal-
steinn Þorvaldsson, nýr sóknar-
prestur í Grundarfirði.
Biskup Íslands vígir þrjá guð-
fræðinga við guðsþjónustu á
sunnudag; Jónu Lovísu Jónsdóttur
sem skólaprest á vegum Akureyr-
arsóknar og Jón Ómar Gunnarsson
sem verður æskulýðsprestur Kristi-
legu skólasamtakanna og KFUM
og KFUK. Sá þriðji er Aðalsteinn.
Trúin er bakhjarl
„Ég kom hingað í hádeginu og
get því lítið sagt um staðinn eða
samfélagið ennþá. Mér líst þó vel á
það litla sem ég hef séð hingað til.
Veit raunar að þetta er góður stað-
ur,“ segir Aðalsteinn sem verður
formlega settur inn í prestsemb-
ættið um aðra helgi. Mun þá hella
sér af fullum krafti út í verkefnin
sem bíða – og eru vísast óendanleg.
„Trúin er bakhjarl fólksins í
blíðu og stríðu. Fólk leitar til prest-
anna sinna með hin ýmsu mál.
Þegar ég sóttist eftir því að verða
prestur gerði ég mér fulla grein fyr-
ir því að ég kæmi til með að verða
opinber persóna. Eflaust munu
margir spyrja mig að því á næst-
unni hvort ég sé nýi presturinn,“
segir Aðalsteinn.
Ekki verkkvíðinn
Til eru þjóðsögur af prestum úti
á landi fyrr á tíð, sem víluðu ekki
fyrir sér að ganga í aðkallandi verk
með sóknarbörnum sínum. Mættu
í frystihúsið til að gera að fiski þeg-
ar landburður var og bjarga þurfti
verðmætum. „Ég hef svo sem ekki
velt fyrir mér hvort ég muni fara í
frystihúsið þegar fólk vantar til
starfa. Almennt get ég þó svarað
þessu þannig að ég hef aldrei verið
verkkvíðinn maður,“ segir Aðal-
steinn sem er 33 ára að aldri. Eig-
inkona hans er Lína Hrönn Þor-
kelsdóttir táknmálstúlkur og eiga
þau dótturina Línu Hrönn.
Sl. ár hefur Aðalsteinn verið fé-
lagsmálastjóri Bandalags íslenskra
skáta og verið í samskiptum við
skáta vítt um land – stutt við þá og
hvatt til dáða – eins og hann mun
gera sem prestur Grundfirðinga.
Úr skátastarfi
í prestskap
 Finnur til sterkrar köllunar  Verkefnin eru óendanleg
 Einsetti sér að fara á akurinn
➤ Þrír nýir prestar verða vígðirá sunnudag.
➤ Leitað er til presta um ótrú-legustu hluti.
➤ Jón Ómar einsetti sér aðverða prestur.
➤ Í frystihúsið að bjarga verð-mætum?
PRESTURINN
Nýr prestur Aðalsteinn
Þorvaldsson ætlar að
þjóna í Grundafirði.
Mynd/Heiða Lára
Sögur Finnboga
Nýtt kver í röðinni Nýjar vestfirskar þjóðsögur er
væntanlegt fyrir næstu jól. Finnbogi Her-
mannsson, fyrrverandi útvarpsmaður á Ísafirði,
hefur tekið við keflinu, en sögurnar að vestan
hafa komið út undanfarin ár og gert mikla lukku.
Í dag var formlega gengið frá stofnun
sjálfseignarstofnunar sem fyrirhugað er
að reki menningarhúsið Hof á Akureyri
samkvæmt samningi við Akureyrarbæ.
Var þetta félagsform valið sakir þess að
bæjaryfirvöld vilja skapa húsinu sjálf-
stæða ímynd og tryggja að ólík sjónarmið
geti komið fram hvað varðar reksturinn.
Áætlað er að framkvæmdum við húsið
ljúki í júní á næsta ári og að húsið verði opnað 29. ágúst sem er afmæl-
isdagur bæjarins.
Hverjir koma að málinu?
Á stofnfundi menningarfélagsins HOFS í dag undirrituðu alls 34
stofnaðilar skipulagsskrá félagsins. Á meðal þeirra eru sveitarfélög,
einstaklingar, menningarstofnanir og fyrirtæki á svæðinu.
Hver er þýðingin?
Sigrún Björk Jakobsdóttir, bæjarstjóri á Akureyri, segir að með þess-
um hætti hafi verið skapað ákveðið bakland eða góðvinahópur húss-
ins. Hún segir jafnframt ljóst að opnun Hofs feli í sér fjölmörg tæki-
færi fyrir menningarlíf, ferðaþjónustu sem og annað atvinnulíf.
Menningarhúsið öðlast bakland
Hátíð í Hofi
Hátíð í hjúkrun
Í dag heldur Háskóli Íslands upp á að 35 ár eru frá því
að kennsla í hjúkrunarfræðum hófst við skólann. Að-
setur hjúkrunardeildar er í Eirbergi við Eiríksgötu 34
sem áður var húsnæði Hjúkrunarskóla Íslands. Býr
húsið því yfir mikilli sögu hjúkrunarnáms á Íslandi.