Lesbók Morgunblaðsins - 18.03.1951, Blaðsíða 6
162
LESBÓK MORGUNBLAÐSINS
Gísli Halldórsson verkfræðingur:
FELLIBYLIJR YFIR
Miami Beaeh, Fia.
Þridjudag 16. sept. 1947.
Vandorbilt Uotel, lierb. 711.
KLUKKAN er 11 að kvöldi. Jeg sit
hjerna uppi á sjöundu hæð og er
að bíða eftir fellibyl sem ætlar að
gera sig heimakominn. Fellibyl,
sem blöðin kalla konunglegan.
Hann er staddur um 240 kíló-
metra undan landi og stefnir beint
hingað.
Stormhraðinn í þessum heljar
hringsveip er alt að 250 kílómetrar
eða nær helmingi meiri en í byln-
um, sem fór hjer um fvrir tveim
árum.
Þrátt fyrir fjarlægðina* ýhr og
vælir stormurinn utan við glugga-
hlerana, sem eru rammlega skorð-
aðir. ,
Nú heyrist ægilegur hávaði og
elding lýsir upp herbergið. Önnur
elding og þórduna fer á eftir....
Ljósið slokknar í herberginu og jeg
verð að hætta að skrifa.... en nú
kviknar aftur.
Fyrir 16 árum, á nákvæmlega
sama degi, æddi fellibylur hjer yfir
Palm Beach, Florida, og drap 2000
manns.
í dag var búist við að hann veldi
sömu leiðina. En hann hefur farið
sjer hægt og virðist reikull í ráði.
Enginn getur reiknað út hvar hann
gerir áhlaupið, þegar hann tekur á
rás á ný.
í kvöld sagði útvarpið ffá því,
að flugvjel frá veðurstofunni í
Miami hafi hætt sjer inn í hvirfil-
inn til vísindalegra athugana. Var
ferð þessi hin fífldjaríasta. Lýstu
flugmennirnir hvijrflinum þannig,
að hann væri um 640 kílómetrar í
þvermál, en í honum miðjum auga,
48 kílómetrar í þvermál. Það er
víst ljóta augað! En loftið í því var
nær kyrstætt. Hæðin á þessum
feikna byl er um 20.000 fet.
Þegar flugvjelin nálgaðist aug-
að hjeldu flugmennirnir að hún
myndi tætast í sundur. Því að aðra
stundina hentist hún áfram sem
úr trölla höndum, en hitt veifið
var sem hún rækist í járnbentan
steinvegg og stöðvaðist gersam-
lega. Þegar flugvjelin lenti, þaut
áhöfnin út, varpaði sjer flatri og
kysti jörðina.
Það er búist við bylnum um þrjú
eða fjögur leytið í nótt. Gert ráð
fyrir að versta hrynan standi í svo
sem fjóra klukkutíma en eftir-
stöðvarnar, stormurinn, um tvo
sólarhringa.
.... Það var eiginlega ekki fyr
en klukkan sex í kvöld að úthtið
versnaði verulega. Menn höfðu
vonað að bylurinn myndi ekki ráð-
ast beint á þenna stað, en þá breytti
alvarlega um.
Ótti manna tók þá mjög að auk-
ast, sem mátti heyra á áköfum bar-
smíðum og hamarshöggum, er bár-
ust úr öllum áttum. Menn voru
sem sje að negla fyrir hurðir og
glugga. Og alls staðar var verið að
saga borð og planka. Borgin virtist
yfirfull af timburmönnum.
— Það Var engu líkara en maður
væri kominn í nýbyggingarhverfi í
Reykjavík, á fögrum, hljóðbærum
góðviðrismorgni í maí, þegar mað-
ur vaknar stundum við svipaða
symfóníu, er grípur mann ómót-
stæðilegri löngun til að fara að
þamra og jsaga, hvað sem það kost-
ar!
Seinni grein.
FLORIDA
Jafnvel núna klukkan hálftólf
heyrast hamarshöggin utan af göt-
unni....
— Þegar bylurinn skellur á er
búist við að bærinn verði rafmagns-
laus, gaslaus og drykkjarvatns-
laus, en búðir lokaðar. Getur það
ástand staðið um 3—4 daga. Þar
sem engar veitingar eru á þessu
hóteli verður því hver að birgja
sig upp sjálfur, því að mönnum er
bannað að fara út meðan bylurinn
stendur yfir. Fljúga þá allskonar
finngálkn og jafnvel heil húsflykki
um loftið með 100 til 200 kílómetra
hraða — og vei þeim sem fyrir
verður.
Jeg fór af þessum ástæðum í bæ-
inn um sex leytið í kvöld og keypti
mjer eldspýtur. kerti, niðursuðu-
vöru, ávexti o. fl., einnig kex.
Þetta kex minnir mig á það þeg-
ar við strákarnir í Vesturbænum
vorum að stríða frönsurunum í
gamla daga, með því að kalla á
eftir þeim: „Allabaddarí fransí —
biskví!“ — Jeg hjelt lengi vel að
þetta væri eitthvað ógurlega ljótt,
því að fransararnir eltu okkur alt-
af sem fætur toguðu. En svo þýddi
þetta þá bara: Að virkinu Frakkar
— kex! Þetta hefur sært hermanns
heiðurinn.
Nú er jeg sjálfur í þessari að-
stöðu — búinn kexi til varnar!
— Æ, þar fór ljósið aftur. Jeg
hætti að skrifa og legg mig þangað
til höfuðpaurinn kemur í heim-
sókn. Klukkuna vantar nú kortjer
í tólf og rúðurnar glamra svo mik-
ið að jeg held þær ætli tæpast að
staldra lengur við í glugguhum.
Það kemur sjer vel að hafa kerta-
ljósið.