Morgunblaðið - 21.10.1987, Page 17

MORGUNBLAÐIÐ, MIÐVIKUDAGUR 21. OKTÓBER 1987
17
Dælupramminn Soffia hefur dælt sem af er ári um 40 til 50.000 m3 úr höfninni, og verður haldið áfram
um sinn.
Morgunblaðið/Jón G. Gunnarsaon
Tveir frá Hafnarhreppi. Björn Jónsson i dráttarvélinni og Valgeir
Hjartarsson við vinnu sína.
Hornafjörður:
30-40 þúsund tonn af sandi
berast í höfnina á hverju ári
Höfn, Hornafirði.
Hornafjarðarfljót ber fram
mikið magn af leir og sandi.
Telja fróðir menn að inn i höfn-
ina á Höfn berist þannig 10.000
til 15.000 ms af aur á hveiju ári
og því engin furða þótt þurfi að
dæla. Dælupramminn Soffia hef-
ur dælt sem af er ári um 40 til
50.000 m3 úr höfninni, og verður
haldið áfram um sinn.
En það er verið að huga að fleiru
í sambandi við höfnina. Rafmagn
var lagt í Miklagarðsbryggju og
ökuleiðir lagfærðar fyrir um 3 millj-
ónir króna í ár. Þá er verið að gera
við trébryggju, en starfsmenn hafn-
arinnar vinna það verk þegar gefur.
En stærsta verkefnið er svo að
koma skipulagi hafnarinnar f horf.
Að því vinna nú Ámi Kjartansson,
Sturlaugur Þorsteinsson og Fjar-
hitun hf. Smábátahöfn, þurrkví,
flotkví og vöruhöfn er meðal þess
sem þeir reyna að setja niður og
endurskipuleggja á sem hagkvæm-
astan hátt. Ljóst er að innsiglingin
í höfnina er ein sú erfiðasta á
landinu. Þá er og langt til næstu
hafnar.
En til að gera sér grein fyrir
þeim möguleikum sem fyrir hendi
eru þurfa að koma til miklar rann-
sóknir. Straumur í ósnum getur
orðið 9 sjómílur á klukkustund. í
ákveðnum vindáttum, sem vinna
með straumnum, getur sandburður
orðið fleiri þúsund rúmmetrar á
dag. Kanna þarf botnlög í innsigl-
ingunni, með dýpkunarfram-
kvæmdir í huga. Núna eru ekki
tekin skip til hafnar, sem rista
dýpra en 18 fet, en það takmarkar
auðvitað endumýjunar- og stækk-
unarmöguleika homfirskra fiski-
skipa. Sjófarendur em ekki ánægðir
með vitana í og við höfnina, og þar
þarf að koma til lagfæringa.
Hvað hafnarmannvirki önnur
varðar má nefna að viðlegukantur
við hafskipabryggju er of lítill, en
umferð er ört vaxandi. Eftir er að
þekja varanlega suðurkant. Smá-
bátaeigendur hafa enga almenni-
lega aðstöðu, en þeim hefur fjölgað
mjög síðustu tvö árin. Það er því í
mörg hom að líta í höfninni á Höfn.
Nú mun ákveðið að færa Óslands-
veg að hluta til um eina 100 metra
f vestur. Eykst þá rými f bátahöfn-
inni og mun ekki af veita. Og sem
áður sagði er unnið að skipulags-
málunum, sem em forsenda allra
framkvæmda. Formaður hafnar-
nefndar er Ari Jónsson fulltrúi.
- JGG
Strákar eru hug-
menn í vélsaumi
Selfossi.
MIKILL áhugi stráka á vélum
hefur meðal annars haft það i
för með sér að kennsla f vélsaumi
er hafin í 3ja bekk í grunnskólan-
um. Þórir Sigurðsson námstjóri
í hand- og myndmennt sagði
þetta á fundi á Selfossi á fimmtu-
dag.
Með jafnréttislögunum var farið
að kenna strákum að sauma og
stúlkum að smíða. Strákar em mikl-
ir hugmenn gagnvart vélum og vilja
strax spreyta sig á því að nota
saumavélina við saumaskapinn.
— Sig. Jóns.
Innilegt þakklœti til allra þeirra, sem glöddu
mig meÖ blómum, heillaskeytum og gjöfum á
níutíu ára afmœli mínu 9. október.
Kœrar kveÖur.
A rnbergur Stefánsson,
Borgarnesi.
L07TCJ
Höfðabakka 9
Sími 68 54 11
VERKFRÆÐINGAR,
TÆKNIFRÆÐINGAR
0G FÉLAGARí
LAGNAFÉLAGIÍSLANDS
Við minnum á fyrirlesturinn um
„STILLINGAR OG JÖFNUN HITAKERFA
í HITAVEITUM MEÐ
SJÁLFVIRKUM STJÓRNTÆKJUM “.
Fyrirlesari er Herman Boysen frá Danfoss A/S,
en hann er mjög reyndur fyrirlesari á þessu sviði.
Fyrirlesturinn fer fram í dag,
miðvikudag, kl. 16.30
á Hótel Sögu, ráðstefnusal A
á 2. hœð, austurinngangur.
= HÉÐINN =