Morgunblaðið - 22.03.1986, Blaðsíða 2

2
MORGUNBLAÐIÐ, LAUG ARDAGUR 22. MARZ1986
Þjónustuíbúðir
við Dalbraut:
Eg hef mætt
mikilli velvild
— sagði Margrét S.
Einarsdóttir
„ÉG ER afskaplega hamingju-
söm með að hafa fengið þessa
stöðu,“ sagði Margrét S. Einars-
dóttir, sem ráðin var forstöðu-
maður þjónustuibúða aldraðra
við Daibraut á fundi borgar-
stjórnar sl. fimmtudag.
„Eg get ekki neitað því að vissan
skugga ber þar á vegna þess hvað
mikið gekk á áður en yfir lauk.
Umræðan um starfíð frá faglegu
sjónarmiði kom mér ekkert á óvart,
hún er afar eðlileg. Ég átti hinsveg-
ar ekki von á að þessi staða gæti
orsakað allan þennan gauragang
og þau blaðaskrif sem orðið hafa,"
sagði Margrét. Sjálf sagðist hún
ekki hafa orðið vör við neina andúð
frá starfsfólki við þjónustuíbúðim-
ar. „Hér hef ég mætt mikilli velvild,
tekið var á móti mér með blómum
og hlýjum faðmlögum og hefur
engin undantekning verið þar á.
Hvað formennsku mína í stjóm
Sjúkraliðafélagsins áhrærir, þá
mun staða mín og framtíð þar skýr-
ast á stjómarfundi næstkomandi
mánudag," sagði Margrét.
Morgunblaðið/Ámi Sæborg
Eins ogskepnan deyrfrumsýnd
Hilmar Oddsson, leikstjóri brosmildur á svip, enda ekki ástæða til annars, hann kom sl.
fimmtudagskvöld til landsins með kvikmynd sína Eins og skepnan deyr í farangrinum,
eftir að hafa unnið að lokafrágangi hennar í Lundúnum. Kvikmyndin, sem er hans fyrsta
mynd í fullri lengd, verður svo frumsýnd í Stjörnubíói kl. 14.00 í dag. Með Hilmari á
myndinni er Ágúst Baldursson, kvikmyndagerðarmaður.
Vinnuslys á
Reyðarfirði
Reyðarfirði.
SEXTÁN ára gamall piltur varð
fyrir vinnuslysi hér á Reyðarfirði
um hádegisbilið í dag þegar
unnið var við að lesta Dettifoss.
Slysið varð með þeim hætti að
bretti með um hálfu öðru tonni af
loðnumjöli slóst til er verið var að
hífa það um borð í skipið. Pilturinn
varð fyrir brettinu og klemmdist á
milli þess og lúgukarms.
Hann var fluttur í sjúkrabíl til
Norðfjarðar og þaðan var flogið
með hann til Reykjavíkur. Pilturinn
var fluttur á Borgarspítalann. Talið
er að hann sé höfuðkúpubrotinn.
Vinna stöðvaðist í þrjá tíma á
meðan rannsókn slyssins fór fram.
Gréta.
Hjúrkunarfræð-
ingar samþykktu
ATKVÆÐI voru talin í gær-
kvöldi í skriflegri atkvæða-
greiðslu félaga í Hjúkrunarfé-
lagi Islands um nýgerða samn-
inga.
Á kjörskrá voru 282 og greiddu
224 atkvæði. Samingurinn var
samþykktur með 110 atkvæðum
gegn 109. Þetta var endurtekin
atkvæðagreiðsla.
Skoðanakönnun Hagvangs í byijun mars:
Alþýðubandalag og Fram-
sóknarflokkur styrkjast
SAMKVÆMT nýrri skoðanakönnun Hagvangs hafa Alþýðu-
bandalagið og Framsóknarflokkurinn styrkt stöðu sína meðal
kjósenda frá þvi í síðustu könnun fyrirtækisins í desember í
fyrra. Fylgi Alþýðuflokksins og Sjálfstæðisflokksins hefur
hins vegar minnkað á tímabilinu. Ef eingöngu er miðað við
úrslit þingkosninganna 1983 hefur fylgi Alþýðubandalags,
Alþýðuflokks, Samtaka um kvennalista og Sjálfstæðisflokks
aukist, en fylgi Bandalags jafnaðarmanna og Framsóknar-
flokksins minnkað. Fylgi kvenna við Alþýðubandalagið hefur
aukist mikið, en dregið úr fylgi þeirra við Alþýðuflokk og
Sjálfstæðisflokk.
Könnunin var framkvæmd á
tímabilinu 3. mars til 11. mars sl.
og voru 1000 manns 18 ára og
eldri um land allt valdir til þátttöku
og hringt í þá. Spurt var: „Ef efnt
yrði til alþingiskosninga á næstu
dögum, hvaða stjómmálaflokki eða
samtökum myndir þú greiða at-
kvæði?" Alls svöruðu spumingunni
785, þar af tóku 472 afstöðu, eða
60% þeirra sem spurðir voru.
Ef aðeins er tekið tillit til þeirra
þátttakenda í könnuninni, sem
afstöðu tóku, er fylgi flokkanna
sem hér segir: Alþýðubandalag
18,6% (14,6% í könnun Hagvangs
í desember 1985 og 17,3% í þing-
Samið í
Eyjum
Vestmannaeyjum.
í gærkvöldi náðist samkomu-
lag í deilu Starfsmannafélags
Vestmannaeyjabæjar og Vest-
mannaeyjakaupstaðar en deil-
an snérist um notkun starfs-
mats við röðun í launaflokka.
Boðað verkfall Starfsmannafé-
lagsins frá 1. apríl nk. hefur verið
frestað fram yfír atkvæðagreiðslu
í félaginu um samkomulagið. Deilu-
aðilar undirrituðu aðalkjarasamn-
ing í gær og gerðu með sér sam-
komulag um framkvæmd á innsetn-
ingu starfsmatsins í launatöflu.
Viðgerð á Heijólfi lauk í gær-
kvöldi og mun skipið he§a áætlun-
arferðir að nýju milli Eyja og Þor-
lákshafnar á laugardag. Skipið
hefur verið frá vegna vélabilunar í
vikutíma.
—hkj.
kosningunum 1983); Alþýðuflokk-
ur 11,9% (16,2% í des. 1985 og
11,7% í kosningunum); Bandalag
jafnaðarmanna 5,3% (4,3% í des.
'1985 og 7,3% í kosningunum);
Framsóknarflokkur 15,7% (13,0%
í des. 1985 og 18,5% í kosningun-
um); Samtök um kvennalista 8,9%
(8,9% í des. 1985 og 5,5% í kosn-
ingunum); Sjálfstæðisflokkur
38,8% (42,1% í des. 1985 og 38,7%
í kosningunum); Flokkur mannsins
0,8% (1,0% í des. 1985).
Þegar litið er til skiptingar þátt-
takenda eftir kynjum kemur í ljós,
að fylgi Alþýðubandalags í könn-
uninni meðal karla er óbreytt frá
í desember í fyrra, er það var
14,9%, en fylgi þess meðal kvenna
hefur hins vegar aukist úr 14,2%
í 23,5%. Að sama skapi hefur fylgi
kvenna við Alþýðuflokkinn minnk-
að á þessu tímabili úr 16,4% í 8,9%
og fylgi Sjálfstæðisflokksins meðal
kvenna minnkað úr 41,8% í 34,3%.
Morgunblaðið/ÓI.K.M.
Samningur BHM og ríkisins
undirritaður í gær
Þorsteinn Pálsson fjármálaráðherra og Þorsteinn Jónsson formaður
launamálaráðs Bandalags háskóiamanna, sem starfa hjá ríkinu,
takast í hendur eftir að samningur BHM og ríkisins var undirritaður
síðdegis i gær. Samningurinn er hliðstæður samningi BSRB og ríkis-
ins.
Framboðslisti sjálfstæðismanna í Hafnarfirði:
Einungis tveir af fimm bæjar-
fulltrúum í ef stu sætunum
Hef fengið áskoranir um sérframboð, segir Einar Mathiesen bæjarfulltrúi
LISTI uppstillingarnefndar sjálfstæðismanna i Hafnarfirði fyrir
bæjarstjórnarkosningarnar í vor var samþykktur með yfirgnæf-
andi meirihluta á fulltrúaráðsfundi sl. mið\ ikudagskvöld. í fyrsta
sæti er Ami Grétar Finnsson hrl., í öðru sæti Sólveig Ágústs-
dóttir húsmóðir, Hjördis Guðbjömsdóttir skólastjóri í þriðja, Jó-
hann G. Bergþórsson verkfræðingur i fjórða og Þórarinn J.
Magnússon í fimmta sæti. Núverandi borgarfulltrúar Sjálfstæðis-
flokksins era fimm, en einungis tveir þeirra, Ami Grétar og
Sóiveig, era nú á listanum. Þeir Ellert Borgar Þorvaldsson og
Haraldur Sigurðsson gáfu ekki kost á sér til endurkjörs, en það
gerði hins vegar Einar Þ. Mathiesen.
„Mér var bolað út vegna
tveggja ómerkilegra mála sem
snerta Áma Grétar og Sólveigu,"
sagði Einar Mathiesen í samtali
við Morgunblaðið. „Ég var sá eini
af bæjarfulltrúunum fímm sem
barðist fyrir prófkjöri, en hinir
vildu að kjömefnd legði til lista.
Ámi Grétar er óánægður með
mig vegna svokallaðs sjoppumáls
við Norðurbraut. Ég var formaður
byggingamefndar og lagðist gegn
því að veitt yrði leyfí til rekstrar
sjoppu á Norðurbraut, sem skjól-
stæðingur Áma Grétars hafði sótt
um. Það var ekki gert ráð fyrir
því í skipulaginu að þama yrði
sjoppa. Ámi Grétar virðist eitt-
hvað erfa þetta við mig.
Sólveig mun hins vegar vera
fokill út í mig vegna þess að ég
tók hana á beinið fyrir opinber
greinarskrif manns hennar um
sölu bæjarútgerðarinnar. Hún var
á móti sölunni og fór með trúnað-
argögn í Qölmiðla. Vegna þessara
mála hafa þau Ámi Grétar og
Sólveig unnið markvisst að því
að koma mér frá,“ sagði Einar
Þ. Mathiesen.
Einar sagði að hann hefði feng-
ið fjölmargar áskoranir um að
fara í sérframboð, en hefði ekki
tekið ákvörðun um hvort af því
yrði. „Það er nægur timi til stefnu.
Það þarf ekki að skila inn lista
fyrr en þremur vikum fyrir kosn-
ingamar, sem verða 31. maí. Ég
hafði ekki hugsað mér að fara í
sérframboð, en ég get ekki slegið
möguleikanum frá mér að svo
stöddu," sagði Einar Þ. Mathie-
sen.
Aðrir á lista sjálfstæðismanna
eru:
6) Sigurður Þorvarðarson
byggingarverkfræðingur.
7) ÁsaMaríaValdimarsdóttir
kennari.
8) Oddur H. Oddsson
húsasmíðameistari.
9) Erlingur Kristjánsson
rafeindavirki.
10) Lovísa Christiansen
innanhússarkitekt.
11) Guðjón Tómasson
framkvæmdastjóri.
12) Stefanía Víglundsdóttir
húsmóðir.
13) Þorleifur Bjömsson
skipstjóri.
14) Þorgils Óttar Mathiesen
viðskiptafræðinemi.
15) Unnur Berg Elvarsdóttir
bankaritari.
16) Ásdís Konráðsdóttir
húsmóðir.
17) Pálmar Sigurðsson
bankaritari.
18) Sigurður Ingólfsson
vörubifreiðastjóri.
19) Rannveig Sigurðardóttir
húsmóðir.
20) Jóhann Guðmundsson
verkstjóri.
21) Hjálmar Ingimundarson
húsasmíðameistari.
22) Haraldur Sigurðsson
yfirverkfræðingur.